🌼🌼🌼
🌼አዲስ ቀን🌼


የዘመን ድልድይ ያዲስ ቀን ጅማሮ
ትናንትን በዛሬ ከነገ አጣምሮ

የማንቂያ ደውሏን ጳጉሜን ስንቀበል

ጥሩ ሰራን መጥፎ ቆመን እሳናስተውል

አመት ሲንከባለል ሲዞር ተሽከርክሮ

አዲስ ቀን ሲመጣ ሲደለቅ ከበሮ

ከመጫወት አልፎ ከመደሰት ተርፎ

ራስን ያለመሆን ጭንብሉ ተገፎ

ከተሸኘው አመት ከተሰናበትነው

ብለን እንጠይቅ ምንስ ያተረፍነው

መልካምም ከሰራን እሱን ለማስቀጠል ከራስ ለመታረቅ

መጥፎ ምግባሮችን ከኛ ዘንድ ለማራቅ

ትግል እንጀምር መልካሙን ለማምጣት

አዲስ ሰው ለመሆን ካሁኑ ነው መትጋት

ዘመን በዘመን እንዳዲስ ሲተካ

በራሳችን ሚዛን ራሳችንን እንለካ

አዲስ ቁጥር ብቻ ከመቀበል አልፎ

በንፁ አስተሳሰብ ችግራችን ይሂድ ከላያችን ረግፎ


@yetbeb_mendar
@yetbeb_mendar

ትንሽ ቦታ
-----------
በዚህ ዓመት፣
ብንጣላ መታረቂያ
ብንታረቅ ለመጣያ
ትንሽ ቦታ መጠለያ
ትንሽ ብቻ መሠደጃ።
ምናለበት፣
ለምን አልባት ብንተውለት?
ፍፁም መሆን ስለማንችል
ትንሽ ባዶ እንዋዋል፣በልባችን ደግ በኩል።
ለአንጎላችን መላወሻ
ትንሽ ቦታ እንተውለት
''ምናልባት'' የምንልበት !!
ልክ እንደ አምና - በዚህ ዓመት ።
ብንጣላ መታረቂያ
ብንታረቅ ለመጣያ
ብንታሰር ይቅር ማያ
ይቅር ብለን መታሰሪያ
ትንሽ እንተው ባዶ ቦታ
ጥግ ድረስ የለም ስራ፣ጥግ ድረስ የለም ፋታ።
በልባችን ደግ በኩል፣እንፈልግ ባዶ ቦታ፣
የጳጉሜ አይነት ትንሽ ቦታ
ለዘመን መለወጫ።

ነብይ መኮንን

ቅዱስ ዕፅ መስቀል

እደረድራለሁ የመዝሙር በገና
ለቅዱስ መስቀሉ ለመስጠት ምስጋና
ክቡር ዕፀ መስቀል ብርሐነ አለም
የኪሩብ ጓደኛ የድንግል ወንድም
እስከ መጨረሻም ስርህ አይደርቅም
ስለ ለመለምክ አምላካዊ ደም
አንተ ስትተከል በእየሩሳሌም
ተመሰረተልን እርቅ ና ሰላም
በበለስ ምክኒያት አዳም ቢበደል
አስታራቂ ሆነህ ብትሸመግል
ከመካከላችን ጠፋ ቂም በቀል
አዳም እና ሔዋን በገነት እስካሉ
ከእፀ በለስ በቀር ሁሉን እየበሉ
ሰባት አመት ሙሉ ብርሀን ለብሰው ኖሩ
አዳም ና ሔዋን ከአምላክ ትዛዝ ወጥተው
የተከለከለውን ዕፀ በለስ በልተው
ሲጠሩ ነበረ በሲኦል ተመተው
ተፈወሱ ካንተ መድሐኒት አግኝተው
ቅዱስ ዕፀ መስቀል የእንጨት ሁሉ አውራ
ለስው ልጅ መድሐኒት ለሰይጣን መከራ
ሙታንን ቢያስነሳ ከፈጣሪው ጋራ
ጎባጣን ቢያቀና እውርን ቢያበራ
ስላሳፈራቸው ተአምር እየሰራ
ጥርጊያውን ጣሉበት አይሁድ በየተራ
የደፉበት ጉድጓድ እስኪሆን ተራራ
እንደሙሴ ሆነ የመስቀል እረፍቱ
ቀብረውታልና ሳይሞት በሕይወቱ
እንደተፈፀመ ሶስት መቶ አመት
ልትፈልግ ወጣች ዕሌኒ ንግስት
የከተማውን ሰው ሰብስባ በአዋጅ
የሚያሳያት አጣች የመስቀሉን ደጅ
የቀበሩት አልቀው ያሉት የልጅ ልጅ
ሽማግሌዎችን ብትጠይቃቸው
አናውቅም አሏት ዲያቢሎስ መክሯቸው
ዕሌኒ ንግስትም እንደ ክፉታቸው
ከእህል አለያይታአሳሰረቻቸው
የሶስት ቀን ረሀብ ቢመሸልቃቸው
እናሳይ እያሉ ጮሁ በቃላቸው
ጥቂት ፍርፋሪ እንድታቀምሳቸው
በተፈቱ ጊዜ አሏት ዕሌኒን
መስቀሉን ሲቀብሩት አባቶቻችን
በጆሮአችን እንጂ አላየን በአይናችን
በጎለጎታ ላይ አመድ መልበሱን
ቃልበቃል ሲነገር ሰምቷል ጆሮአችን
እሷም ሰማችና የነገሯትን
እንዲገለጥላት መስቀል ብርሃነ
እሳት ላይ ጨመረች ደውላ ዕጣን
ያጤስችው ዕጣን ወጥቶ ወደ ሰማይ
አንገቱን ሰበረ ቦታውን ሊያሳይ
እራሱ ተተከለ ከመቃብሩ ላይ
ክቡር ዕፀ መስቀል የምእመናን ሲሳይ
የተከመረበት አመድ ና ድንጋይ
ተጠርጎ ሲነሳ አበራ እንደ ፀሐይ
መስቀል ሲያበራ ወጥቶ ከመቃብር
በፀና የታመሙ ዲዳና አንካሳ እውር
አልበቃ ብሎአቸው የቆሙበት ምድር
ስለፈወሳቸው የመለኮት ሚስጥር
ለአይሁድ
ሆነባቸው በጣም የሚያሳፍር
መስቀል ለቀቀና መኖሪያ ቤቱን
በንግስት ዕሌኒ የታነፀውን
ተማርኮ ወረደ ፋሪስ ባቢሎን
እንደተማረከ አልቀረም መስቀል
አመጣው መልሶ ተዋግቶ ሕርቃል
መስቀል ጋሻ ጦር ለቆስጠንጥዮስ
የጠላቶቹን ሁሉ ምሽግ የሚያፈርስ
የመስቀሉ ታሪክ አያልቅም ተነግሮ በጎለጎታ ላይ ተቀብሮ ተነስቶ
ኢትዮጵያን ባረካት ወደ ግሸን መጥቶ
በእርሱና በቅድስት ድንግል ማርያም
ስለተሻረልን የኦሪት መርገም
እናመሰግናለን እስከ ዘለዓለም
ለእግዚአብሔር ምስጋና ይግባው
እኛን ስለፈጠረን እንድናመልከው
ስብዓት ለማርያም ለእመ አምላክ
መድሐኒት ናት ለቀውስጦስ አምላክ
ለመስቀሉ ክርስቶስ ይገባል ስብሐት
መጠጊያችን እርሱ ዕፀ መድሐኒት

( ከሜሮን አዳራሽ)

አንዲት ቆንጆ ልጃገረድ ኮረዳ፤
ውሃ ልትቀዳ ወደ ወንዙ ድንገት ማለዳ፤
ዝቅ ስትል ወደ ውሃው ወርዳ፤
========
ዘውዱም ከብት ሊያጠጣ ድንገት በማለዳ፤
ግጥምጥም እንዴው ግጥምጥም ፤
አቤት ሲያገጣጥም እሱም ይዟት እልም።

አንድ ልጅ ወድጄ ስሄድ ሰፈራቸው፤
ድግስ ተደግሶ እየተዘፈነ..
ጭፈራ ላይ ናቸው።...🤭😂😂

በዚች ትንሽ እውቀት~ በኮልታፋ አንደበት
ተገቢ እንዳልሆነ~ ሌሎችን መተቸት
የሀሳብ ጦርነት~ ውስጤን ሲሞግተው
ዝምታን መርጣለው~ ሁሉንም ለመተው
ጭር እንዳለው ቦታ ~ልቤን እንደሚስበው
ገዥ ይመኛሉ ገንዘብ~ ተስፋ አድርገው

ቀናሁ
====


ለመንኩት አምላክን፤
አበባ እንዲያደርግህ፤
ንብ ሆኜ መጥቸ
አየዞርኩ ልቀምስህ ።
ማለዳ ማለዳ
በበራፋቹ ሳልፍ፤
ብመለከት ጊዜ
ፀሀይ ስትሞቅ፤
ፈጣሪን ለመንኩት
ፀሀይ አርገኝ ብየ፤
ውብ ሰወነትህ ላይ
እንዳርፍ ዘና ብየ።
ያንገትህን ማተብ
ያለምንም ከልካይ፤
ገብቶ ሲንከላወስ
በደረትህ ክፋይ፤
ብመለከት ጊዜ
ቀናሁ በማተብህ፤
ቀናሁ በመስቀሉ
ደረትህን ተንተርሶ፤
በመዋል ማደሩ።
ያ ሀር መሳይ ፀጉርህ፤
ራስህ ላይ ያለው
ነፋስ ሲያላውሰው፤
ብመለከት ጊዜ
አምልልሀለው፤
ቀናው በነፋሱ
ፀጉርህ ውስጥ ገብቶ
በመንከላወሱ።

ሁለት የጣፈንታ ገፅታ፤
አንዱን ስታገኝ አንዱን ስታመነታ።
1ም በማግኜት ከሄድን.......
ታድለሀል በቃ ካገኘህ ዋስትናህን፤
የዘላለም እረፍት እፎይታ ደስታህን።
ይህም.....
ሚስትህ ላንተ አጋርህ፤
ልጆችህ ላንተ ክፍዮችህ፤
ሀብትህ ጥለህው የምትሄድ በቃ ሲልህ ጌታህ፤
ጥሎህ ግን የማይሄድ የያዝከው ግዙፉ ሀብትህ፤
ቤተሰብ ያንተ መገኛ ምንጭህ፤
እናት አባት ወንድም እህትህ፤
እነሱ አየሞቱ ላንተ ያዘነጡህ፤
ለዚ ያበቁለህ እናትና አባትህ።
እዚ እንድትደርስ ማለትም ማግኜትን፤
እድታገኝ ለረዱህ ሁሉንም አመስግን።
1ም በማጣት ከሄድን..........
ተበድለሀል በቃ አላገኘህም ዋስትናህን፤
ትለፋለህ አሉ ላያልፍልህ ሌተቀን።
አቤት¿ማግኜትን ለማግኜት፤
አንደኛውን የጣ ፋንታ ኮተት።
ብዙ ይቀርሀል እዛም ለመድረስ፤
ገና ብዙ ብዙ ብዙ ጥያቄና መልስ።
ግን ተመስገን በል ቢያንስ ዛሬን አለህ፤
ገና ብዙ ትኖራለህ ሺ ውሳኔን ትወስናለህ።
እዛም እንድትደርስ ማለትም ማግኜት ላይ፤
ማጣትን ለማጣት ፈጣሪህን አመስግን ወደላይ።
ይህ ነው ሁለት እጣ ፋንታ፤
አንዱም ሲያገኝ አንዱም ሲያመነታ።

እንዴት ነው ነገሩ እንዴት እየሄደ ነው
""""""""""""""""""""""// """"""""""""""""""
ትላንትና ማታ ልቤን ምን ነክቶት ነው
....... ቀልቤን ወዴት ጥየ.....🤔
....... ስምክን የፃፍኩት እኔው........
........ስሜን ልፅፍ ብየ.... ሆ!🤭😁

አስተዛዝኝ አሉኝ ሀገር ስትታመም
እንደታመምኩ ንቀው እንዳልተውኩሽ የኔ አለም
ንቄ አልፈዋለው ሚመጣውን ሁሉ
አውቃለው, አያለው ገነት ነው መሀሉ 💪......

ሥሚኝማ አለሜ!

እኔ ባንቺ ሰማይ፤እኔ ባንቺ ምድር
መጠለያ አጥቼ፤ከሸለቆ ባድር
በረሃብ አለንጋ፤አንጀቴ ቢገረፍ
ባልችል ማንቀላፋት፤ባልችል እንኳን ማረፍ
አካሌ ቢቀጥን፤ፊቴ ቢገረጣ
ለገላዬ ልብስን፤ለእግሬ ጫማ ባጣ
ሳቄን ተቀምቼ፤ለቅሶ ቢሆን ቀኔ
ላንቺ አይሁን እንጂ...
ይሄ ሁሉ ስቃይ፤ምንም አይደል ለኔ!!

ደግነት ሞኝነት አይደለም!

ድግነት ደካማነት አይደለም፡፡ደግነት የራስን ጥቅም ለሰዎች አሳልፎ መስጠት ነው፡፡እኔ 'ተጎድቼ' እነሱ ይጠቀሙ ማለት ነው፡፡ደግነት ሰዎች በእኛ ምክንያት ሲደሰቱ እየተመለከቱ መንፈስን ማርካት ነው፡፡ደግ የሆኑለትን ሰዎች አንደ ሞኝ የሚቆጥር ሞኝ እርሱ ራሱ ነው፡፡በቀን ውስጥ ለ24 ሰዓት ብቻ ደጎች ሁኑ፡፡ደግነታችሁን እንደ ሞኝነት ለሚቆጥሩ ሰዎችም ቢሆን ደግ ከመሆን አትቆጠቡ፡፡ምክንያቱም የበዛ ደግነት የሚያስፈልጋቸው ልበ ደንዳናዎች ናቸው።

ደግደጉን የምንሰማበት ጊዜያቶች ይሁንልን

አለሁ

አለሁልሽ እቱ
ሆኜ እንደበፊቱ
ትላንትን እየኖርኩ
ነገን እየናፈኩ
በዛሬ ቀኔ ላይ ቁማር እየቆመርኩ
አለሁኝ በደና
ስሜ ባይፃፍም በህይወት ጎዳና
አለሁኝ በጤና
ድምፅሽን ስናፍቅ ድምፅ ቢያሳጠላኝም
አንቺን ባለማየት ማየት ቢደክመኝም
አንቺ የሌለሽበት ህይወት ቢደብርም
አለሁኝ
አለሁኝ

መኖር ይሉት ግዳጅ
ጊዜ ይሉት ፈራጅ

በቅፌ ታቅፌ ሰርክ አስብሻለሁ
አንቺን ብናፍቅም አትመጪም አውቃለሁ

ቆጥቤ ቤት ሰራሁ ፣ ወሰዱት እነሱ
ሥራ ልቀጠር ብል ፣ ተይዟል በነሱ
በቀን ባደባባይ
ምነው በጠረባ ፣ በጣለኝ ፖሊሱ🙄😂

ህገ ሰካራም!
.
‹‹ነገሩ ነው እንጂ ፤ አረቄ አያሰክርም
አሳሪ ከሌለ ፣ ገመድ ሰው አያስርም
ወዳጅ ዘመድ እንጂ….
አፈር ሰው አይቀብርም ፡፡››
ይላል የሰከረ !
አረቄ ቤት ሆኖ ፣
መተዳደሪያውን ፤ ህግ እያዋቀረ፡፡
እንደሰካራም ህግ፤ እንደስካር ወሬ
አረቄ ቤት ሆኜ...
አረቄ እየጠጣሁ፤ በነገር ሰክሬ
ስለ ሰካራም ህግ ፤ ላውራሽማ ፍቅሬ፡፡
።።።፣።፣፣፣፣፣፣።።።።።።።።፣፣፣፣፣፣፣፣፣፣፣፣፣፣፣፣፣፣
እዚህ አረቄ ቤት...
ከተሰበሰበው ፤ የሰካራም አባል
ስሙን የማላውቀው፤ ‹‹ሰካራም›› የሚባል
አንድ የሰከረ ሰው፤ እንደተናገረው
ሀገርሽ ሀገሬ….
‹‹መልሱን ጠጣንበት›› ፣
በሚለው ህግ ነው ፣ የሚተዳደረው፡፡
‹‹ለመብራት›› እያሉን ፤ ገንዘብ እያዋጣን፤
‹‹ለመንገድ›› እያሉን ፤ ገንዘብ እያዋጣን፤
‹‹ለውሀ›› እያሉን ፤ገንዘብ እያዋጣን
ለምን መብራት ጠፋ?
ለምን ውሃ የለም?
እንዴት መንገድ አጣን? ፣ ብሎ ከመጠየቅ፤
ሳይሻል አይቀርም….
መልሱን ጠጣንበት፤ የሚል ህግ ማፅደቅ፡፡
..........................................................
ወንጀለኛው ሁላ….
ዳኛውን ጠብቆ ገንዘብ ካቀበለ
በ ሺህ ምስክር ፊት…
የመሰረትነው ክስ፤ ‹‹ውድቅ›› ከተባለ
ለምን እዴት? የሚል…
የከሳሽ ጥያቄ ፤መልስ ካልተሰጠው፤
በሰካራም አንቀፅ…
መልሱን ጠጣንበት!
የሚለው ህግ ነው ፤የሚረጋገጠው፡፡
እንደ ህገ መንግስት…
ተፈፃሚነቱ፤ ቢሰራም ባይሰራም
መልሱን ጠጣንበት!
ብሎ ያፀደቀው፤ ህግ አለው ሰካራም፡፡
እንደሰካራም ህግ፤ እንደስካር ወሬ
አረቄ ቤት ሆኜ...
አረቄ እየጠጣሁ፤ በነገር ሰክሬ
እኔን አረቄ ቤት፤ምን እንደወሰደኝ
አረቄ መጠጣት ፤ማን እንዳስለመደኝ፤
አትጠይቂኝ ፍቅሬ፡፡
.
.
.
.
.
.
.
.
.
.
.
.
.
.
.
.
.
መልሱን ጠጣሁበት!!