አየሽ
ናፍቆት ምን መሰለሽ
ነገር መላ ቅጡ
ወቶ ውጥንቅጡ
ሲዘባረቅ ጊዜ
ሲወርስሽ ትካዜ
የወደዱትማ ከቶ የት ይሄዳል
መወደድ አንሶበት ይመለክ ይሆናል
የጠላሽውሳ ሰነፍ ይጎብዛል
ፈሪሽ ይጀግናል
አምልኮሽ እስኪደርስ
ናፍቆት አንጀትሽን ቀርጥፎ ይበላል።
.
.
በፍቅር አለልኝ
መታስቢያነቱ
ወበራ ወለ ኦብሲቱ

*መራራ ነዉና*

ነገሩም ታከተኝ ወሎ እና አዳሩ
ለማይገባ ነገር የኑሮ ሚስጥሩ
የሚመር ከሆነ እንዲ ህይወት ጎሞርቶ
እና ምን ጎደለዉ ሰዉ ሲያርፍ ሞቶ?

✍ልጅ ሞሌ

ትወጂኛለሽ!!!
(በላይ በቀለ ወያ)


.
.
.
እኔ እየፈራሁሽ፣ ልቤ እየደፈረሽ
እኔ እየናኩሽ ፣ ልቤ እያከበረሽ
እኔ እየጠላሁሽ ፣ ልቤ እያፈቀረሽ
ከራሴ ስጣላ...
እኖራለሁ እንጂ ፣ የልቤን ሀቅ ይዤ
አንድም ቀን አልፎልኝ....
ልቤን እንደልቤ ፣ አላውቅም አዝዤ፡፡
አንቺም ልክ እንደኔ...
ልብሽን እንደልብ ፣ ማዘዝ አትችይም
ልብሽ ይወደኛል ፣ ጠላሁህ ብትይም፡፡
ባትወጂኝም እንኳን...
የመጥላትሽ መጠን ፣ የቱን ያህል ቢያክል
አንቺን አላምንሽም ፣ ልብሽ ነው ትክክል፡፡
ት፡ወ፡ጂ፡ኛ፡ለ፡ሽ!!!

(በላይ በቀለ ወያ)

#ብዙ_ተባዙ

ሠውን በመፍጠሩ እግዜር ሚጠቀመው
ሠውም በመፈጠር ከግዜር የሚያገኘው
አንዳች ነገር ባይኖር አንዳች ድብቅ ነገር
ምድሪቱን ለመሙላት ከብት ይበቃ ነበር
✍ ኤፍሬም ስዩም

አንቺ ጋር ስጣላ
( በላይ በቀለ ወያ )

መንግስትን ተሳደብ ፣ ተሳደብ ይለኛል
ከሰደብኩት ደሞ ፣ አስሮ ይገርፈኛል
ከገረፈኝ ደሞ...
ለጊዜውም ቢሆን ፣ አንቺን ያስረሳኛል!
ከረሳሁሽ ደሞ...
እንደተጣላሁሽ ፣ አላስብም ቅንጣት
ተሳድቦ መገረፍ....
ሳይሻል አይቀርም፣ አፍቅሮ ከማጣት፡፡

ምስጢሩ

አንቺ እየከሳሽ እኔ መፋፋቴ
አንቺ አኅንብሰሽ እኔ መቃናቴ
ተርቦ አንጀትሽ ጠግቤ መብለቴ
ባዶ እግርሽን ሆነሽ እኔ መጫማቴ
አንቺ አፊሽ ደርቆ እኔ መጠጣቴ
አንቺ ሳትማሪ ተምሬ ማወቄ
ልፋትሽ ተረስቶ እኔ መደነቄ
ዕውቀትና ክብሬ ስጦታ ውበቴ
ሽልመት ማዓረጌ መልኬ ደም ግባቴ
የእኔ እኮ አይደለም የአንቺ ነው እማ እናቴ

✍ ልጅ ሙቤ

*በላይ በቀለ ወያ *

ሰው ሀገር ሆናችሁ
ሞቴን ባገሬ አርገው ፣
ምናምን ብላችሁ ፣ አታውሩልኝ ወሬ
ሬሳ ሰብሳቢ..
ጥንባንሳ አይደለችም ፣ ኢትዮጵያ ሀገሬ፡፡

ህይወታቹ እንጂ
እውቀታችሁ እንጂ ፣ የሚበጀው ላገር
ሞትማ ያው ሞት ነው!
የትም ቀባሪ አለ ፣ የትም አለ አፈር፡፡

ሀሳብ እና ደቦ
(በድሉ ዋቅጅራ)

አባቶች ፣
በደቦ እያረሱ - ክፉን ቀን ተሻግረው
በ ደቦ እያጠሩ - ቅጽር አስረክበው
ነፃነት ፈጠሩ
በ ነፃነት ኖሩ።

ልጆች፣
በ ደቦ እያሰቡ ፣
በ ደቦ አፍቅረው ፣ በ ደቦ እየጠሉ
ከ ነፃነት ማማ ይሽቀነጠራሉ

ያሳዝናል!!!

#የብር_አለም_ብሶት
፡
ማለዳ በነቁ
የንስር አይኖችሽ እኛ እያንቀላፋን
በከሰአት ጀንበር
በጠራራ ጠሀይ መሄጃው ቢጠፋን
ከገንዘብሽ ገፆች
መልካችን ታትሞ ገንዘቡን አተናል
ኑሮ በኛ ሲስቅ
በኑሮ እየሳቅን ግራ ተጋብተናል፡፡
፡
እንሳቅ እንጂ ቅሉ
በደሀ ፍቶአችን ያ'ፍታም ኪስ ከሞላን
መቼም አንከፋም
ለሌላው ደስታ ነን
እጣ ፈንታ ሆኖ እኛን ቀን ባይደላን፡፡

((ልብ አልባው ገጣሚ))

@yefekergetem
* ሱሰኛ ነኝ *
፡
አዎ ሱሰኛ ነኝ ሱሴ እልፍ የበዛ፣
አንድ ሁለት ካላልኩ ፊቴ የማይወዛ፣
ቀኔ የማይበራ ሚጨልም ደንጋዛ፣
አይኔ ማይከፈት እንዲሁ በዋዛ፣
፡
አጨሳለሁ ገና መቼ ተጨሰና፣
የፊደል ጭራሮ መች ተለኮሰና፣
የቃላት ቅርንጫፍ መች ተማገደና፣
፡
በጭሱ ናውዤ በዜማው ሰክሬ፣
አልችልም ልላቀቅ ክፉኛ ታስሬ፣
አዎ ሱሰኛ ነኝ ውስጡ ተነክሬ፣
ድንገት ያጣው ጊዜ አልችልም ዳክሬ፣
ምርኩዝ አያነሳኝ ምቀር ተሰብሬ፣
አዎ ሱሴ በዝቷል ጠልቆ ከደም ስሬ፣
፡
ቃል ከቃል ሲጋጠም በሚፈጥረው ግለት፣
ስቃጠል ኖራለሁ ካጣው ስለምሞት፣
፡
የፊደል ስደራ የወግ አቀማመጥ፣
የቃሎቹ ጉልበት ሲጮሁ ብለው ፀጥ፣
ወኔ ቢስ ሲሰማው የሚያረገው ሸነጥ፣
የሀረግ ሹል ስለት የብዕር ረመጥ፣
ያቅበዘብዘኛል ብሎኝ አላስቀምጥ፣
፡
አዎ ሱሰኛ ነኝ የቃላት ግጥምጥም፣
የቤት መቺዎቹ እኛ ያሉት ፍርጥም፣
ጊዜ ማይሽራቸው ስንቱን ቢሽሩትም፣
አዎ ሱሰኛ ነኝ እኔማ የግጥም፣
👇👇👇👇

@yefekergetem 👈👈👈
@yefekergetem

#ከፍቅር_በላይ
:
:
አፍቅሮኛል እያልሽ ያወጋሽው ወሬ
ስንት ጆሮ አልፎ ከኔም ደርሷል ዛሬ።
በኔ መውደድ ታስሮ መላወስ ከብዶታል
ያልሺውም ንግግር ከጆሮዬ ገብቷል።
ከራሴው ሳትሰሚ ሳታውቂው እርግጡን
የብብትሽን ጣልሽ ስታልሚ ቆጡን።
ሁሉን ሰምቻለው ማን ምንስ እንዳለኝ
አንቺ አፍ እንዳለሽ እኔም ጆሮ አለኝ።
:
:
ምንም ይሁን ምንም
ስሜን ስላጠፋሽ አላዘንኩብሽም
እውነቱ ግን ይህ ነው እኔ አላፈቅርሽም
እኔስ አልወድሽም።
:
:
እርግጥ ነው አልክድም...
ከቤትሽ ፊት ለፊት ከዋርካው ጥላ ስር ሁሌ እቀመጣለው
ዕድል ያልቀናኝ ለት ያላየውሽ እንደው ጭንቄን አምጣለው
ያየውሽም ከሆን እንደ ረጋ ወተት በደስታ እናጣለው።
:
:
እርግጥ ነው አልክድም...
ያ የሰፈራችን ጠብደሉ ጎረምሳ በጨዋታ መሀል ሲሰድብሽ ስሰማ
በጣም ተናድጄ ፈንክቼው ሮጬያለው ጠብቄ ጨለማ።
ደግሞም የሆነ ጊዜ በመንገድ እያለፍሽ አንዱ ጓደኛችን የለከፈሽ ለታ
ደም ፋላቴ መቶ አዝንቤበታለው የቡጢ ጋጋታ።
:
:
እርግጥ ነው አልክድም...
ሳገኝሽ ስቄያለው ሳጣሽም ከፍቶኛል
አንቺን ብቻ እያየው በመንገድ ሳቀናም ስልክ እንጨት ገጭቶኛል
ትረፍ ሲለኝ ከላይ መኪናም ስቶኛል።
:
:
እርግጥ ነው አልክድም...
ጎኔና ፍራሼ የገጠሙ ጊዜም በህልሜ አይሻለው
ስምሽን ሲጠሩት የጠሩኝም መስሎኝ ስንቴ አቤት ብያለው
አዝነሽ ያየው ቀንም ደም እንባ አልቅሻለው።
:
:
ይህንም አልክድም...
ምንም ቢሆን ምንም
እኔ አንቺን አልወድም።
:
:
አፍቅሮኛል ብለሽ ስሜን ስላጠፋሽ አላዘንኩብሽም
እውነት እውነት ስሚኝ አላፈቀርኩሽም።
:
:
ይህ ፍቅር አይደለም
ይህ መውደድ አይደለም
ለጓደኞችሽም ዳግም ስታወጊ
ከዚህ የተሻለ ሌላ ቃል ፈልጊ።
አፍቅሮኛል ብለሽ ፍቅሬን አትግደዪ
ከፍቅር በላይ ነው ያፈቀረኝ በዪ
ከመውደድ በላይ ነው የወደደኝ በዪ


✍♡♡♡jem

ከንፈርሽ ነው የግሌ
❤️❤️ ❤️❤️ ❤️❤️

፡ ❤️❤️ ❤️❤️
አንቺ ስታለቅሺ ከአይኖችሽ መሀል
እንባ ስታቀሪ እኔን ሆድ ከባሰኝ፤

የእንባሽ ዘለላ ጉንጭሽን ሲነካው
አንቺንም አልፎ እኔንም ካስለቀሰኝ፤

ከንፈርሽ ጋር ሲደርስ እብደት ይሰማኛል፤

ፍቅሬ እሱን ከኔ ውጪ ሲነኩት ያመኛል።
❤️❤️ ❤️❤️
✍muba
❤️❤❤️❤
❤

አስተምሪኝ

ፍቅር ምን እንደሆነ አንችው የነገርሽኝ
በፍቅር መኖርን ሁሉን ያስተማረሽኝ

ካንቺ ሌላ መልመድ እንደማልችል አውቀሽ
ታዲያ ለምን ራቅሽ ከኔ ተደብቀሽ

አረ እንዴት አስቻለሽ ውዴ እስቲ ንገሪኝ
ፍቅር እንዳስተማርሽኝ መራቅ አስተምሪኝ

እኔስ አአልቻልኩኝም መላ ቅጡ ጠፋኝ
ጥለሽኝ ስቴጂ እጅግ በጣም ከፋኝ

መቅረብ ያስተማረሽኝ በዛ ፈገግታሽ
መራቅ አስተምሪኝ አኔም እንደራስሽ

@yegna_getm
@yegna_getm

Group ____ @yegnagetmgroup

ናፍቆት


በርሬ አልመጣም እሩቅ ነሽ ከቶ
ዝም ብዬ ተቀመጥኩ ናፍቆቴ በርትቶ

አላፅናናሽ ነገር ሲከፋሽ ደርሼ
የአመታት ቁጭት ምን ይሆን ምላሼ

ምንም ብትናፍቂኝ ምን አረገዋለው
ባለሽበት ይቅናሽ በጣም ወድሻለው


Join us👇
@yegna_getm

Group _ @yegnagetmgroup

ዛሬም ወድሻለው



እኔን የሚገርመኝ ውል ጊዜ ሳስበው
ያንቺ መሄድ ሳይሆን የኔ መከተል ነው

ሂድልኝ ብለሽኝ አስቀይመሽኝም
ካንቺ ውጪ ልቤ ፍፁም አይመኝም
ሌላ ሴት እንዳለም እኔን ትዝ አይለኝም

አንቺ ምን ብትይኝ መንስ እልሻለው
ልቤ ሁን እንዳለኝ ዛሬም ወድሻለው
ነገም ወድሻለው

join us👇
@yegna_getm

Group _ @yegnagetmgroup

ለካ


ያቺ የምወዳት ልጅ እሶ የማትወደኝ
ፍቅር ሞኝነትን በእሷ ያስለመደኝ

አልፈልግም ብላ ከየደች በኃላ
መጣውኝ አለችኝ ለኔ ሁሉን ጥላ

ሌላውን አየወኝ ሁሉን ዞሬ ዞሬ
ግን ከሁሉ በልጦ አሸነፈኝ ፍቅሬ

ብላኝ አስደምማኝ ሰርጋችን ደረሰ

ነጭ ቬሎ ለብሳ
ወበትን ተላብሳ

እኔም ሱፍ አረጌ እነደእሷ አምሮብኝ
ቁንጅናዋ ውበቷ ለኔም ተጋብቶብኝ

በፍቅር ደምቀን ነግሰን ስንጋባ
ደስ ብሏቸው አየው እማማና አባባ

ሁሉም እየሳቁ እየጨፈሩ ነው
ድንገት ስነቃ ግነ ለካ በህልሜ ነው 😔

join us👇 @yegna_getm

Grouo ____ @yegnagetmgroup

፡
የማይመቱት ልጅ ሲቆጡት ያለቅሳል፣
አወይይ…ያንቺ ፀባይ ከሁሉ ይብሳል።
በሆነው ባልሆነው ማኩረፍ ሆኖ ልምድሽ፣
ላቅሽ እኮ አልቻልኩም ፤ አንቺዬ ልለምድሽ።

. . . ብለሽ ተሳልሽ አሉ
~~~~~~~~~~~~
፡
በግርጥ አስገድጄ ውደጂኝ አልልም
ደግሞ በመጥላትሽ ቅርስ አልሰኝም
ብቻ ግን ያልገባኝ የጥላቻሽ ግቡ
ስለወደድኩሽ ነው ምንድነው ሰበቡ ?
፡
ይድፋው ይገልብጠው ይጉደል ያ አካሉ
አቦ ጤና ይንሳው ብለሽ ተሳልሽ አሉ
ያውም ብዙ ስለት
ጧፍና ዣንጥላ የተካተተበት
ዞረሻል ይሉኛል አርባራቱን ታቦት
፡
ደግሞ እስቲ ምን ይሁን ብለው ሲጠይቁሽ
እንደው ደግ ደጉን ተመኚለት ሲሉሽ
ሰዉ እንዲሰማ ለመንደሩ ሁሉ
ደስታዬ ይሄ ነው ብለሽ ሟረትሽ አሉ
፡
የኔ ሚለው ይክዳው ሂወቱ ይደባለቅ
ብቻ ሀዘን ወሮት ያሳየኝ ሲሳቀቅ
ሰላምን ሳያገኝ ደስታ ካይኑ ርቆ
የሚያምናቸው ጠፍተው ያሳየኝ ተሳቆ
ባለም ላይ እንዳለ ዋጋ እንዳጣ ነገር
በየሜዳው ወድቆ ሲንፏቀቀው ይደር
የሚያፈቅረው አ’ቶም ያድርገው ከርታታ
ቆሻሻ ላይ ይሁን የሚያድርበተ ቦታ
ወዳጅ ዘመዶቹም ከስሩ ይራቁ
ከንፈር ይምጠጡለት እየተሳለቁ
ሰውነቱም ይሽተት ክርፋቱ አያስጠጋ
አንድም የሰው ፍጡር እንዳይኖር ከርሱጋ


ብለሽም አልሽ አሉ

የመጨረሻሽን ተናገሪ ሲሉ
፡

ውዳቂ መናኛ ተራ የሆነ’ለት

ያካሉ መቆሽሽ የልብሱ መከርፋት

ያርቀዋል እንጂ ሰዉን አያስጠጋም

የሚመኘው ቀርቶ የሚያየው አይኖርም
እናም

ይህ ነው የኔ ደስታ . . .



እሰው መሀል ሆኖ በሰወች ሸሽጌ
ሳፈቅረው ለመኖር የግሌ አድርጌ
❤️❤️❤️❤️❤️❤️❤️❤️❤️



ታዲያ እንዲህ የምትል ሴት አፍቃሪ እኛ ባለንበት አለም የለችም በምናቤ ያለች ሴት ነች


@yegna_getm

ልዩነት🙊🙊

"አባት ለኩራት ነዉ ወንድም ለመከታ
እናት መድሐኒት ናት የታመሙ ለታ"
ሚል ተረት ሰምቼ
አባቴን ጠራሁት ልኮራበት ብዬ
ቀድማ የደረሰችው ምስኪኗ እናንዬ
ወንድሜን ጠራሁት እንደው ለመከታ
ወዲያው ከተፍ አለች ናልኝ ስለው ሰምታ፡፡
እናቴን ስጠራት ታምሜ ተኝቼ
ይበልጡን ገረመኝ መምጣቷን አይቼ፡፡
አያችሁ ልዩነት አያችሁ መራራቅ
ሳይደርቅ ትመጣለች የተፋሁት ምራቅ....::
🙈🙈🙈🙊🙊🙊🙊🙊