لقاء حضنته وبسته من فرحتي ما مصدكه ابد
ثاني يوم طلع للدوام واني اشتغل وفكري كله يم التحاليل
وادعي رب العالمين ما يكسر خاطري ابد
اجا ياسين اتغده وكال انام ساعه واكعد ونطلع
لقاء اني ماكدرت انام ابد متحمسه كلش
رحنا ودخلنا على الدكتور
ياسين هاذا تحليلي وتحليل لقاء ممكن تشخص الحاله
الدكتور باوع بلتقرير شويه وبعدين كال
ماعدكم اي مانع اثنيينكم سليمين ١٠٠/١٠٠ وإنشاء الله
يصيرون عشره مو واحد
هسه راح اسجللكم شوية فتيامينات ومقويات
وإنشاء الله يصير يخير
بس هذا العلاج تستمرون علي وماتكطعونه ابد منا لمن رب العالمين ياذن بلحمل انشاء الله
طلعنا واشتيرنا العلاج من الصيدليه
ودخلنا للمطعم تعشينا
لقاء كلش فرحانه ومآ مصدكه ابد
بس حسيت ياسين مو فرحان مثلي
يله هن النسوان عواطفهن جياشه يفرحن كلش ويحزنن كلش

رجعنا للبيت واني مامصدكه ابد واتخيل من الشهر الجاي اني حامل
لقاء اني لازمه العلاج واخذه على الساعه وحتى ياسين اني انطي العلاج بايدي لان هو مهمل ومايهمه ياخذ العلاج
ما محترك كلبه على الأطفال مثلي
احسه مايهمه الموضوع
طبعا علاج ياسين يختلف عن علاجي
الله كريم رحمة الله موجوده
يوم يجر يوم وشهر يجر شهر
واني كل شهر اكول اكيد هذا الشهر راح يصير حمل
بس بدون فايده
اجتني الدوووره وكعدت ضايجه كلش
اجا ياسين شافني ضايجه
ياسين شبيج ليش ضايجه
لقاء اجتني الدوووره يعني هذا الشهر هم ماكو حمل
ياسين عادي اصبري ويصير حمل
بعدين اني ما اريد اطفال راضي بيج هيج
لقاء بس انت عندك شغلك وملتهي بي واني ضجت
كاعده وساكته اذا يصير طفل يسليني
ويملي عليه حياتي
ياسين اهوووو انتي شكد صاير مزعجه وممله ادخل واطلع بس تسولفين بلطفل
لقاء خل نشوف غير دكتور اني تحاليلي سليمه
وانت تحاليلك سليمه
اذا الصوج بالدكتور ما يفتهم
ياسين اني اي دكتور بعد ما اروح واي تحاليل ما اسوي
افتهمتي
وبعد لاتحجين بموضوع الاطفال كدامي افتهمتي
ترا صدك مللتيني
لقاء زين خل ادور شغل والتهي بي منا لمن رب العالمين يرزقنا طفل
ياسين شنو شغل وين تشتغلين كل شغل ماكووو فهمتي تكعدين بيتج وتسكتين
لقاء رجع ياسين بدل وطلع وبدون ما يحجي اي حجايه
حيل ضجت
اني جاي اللح علي وهو ماله ذنب
الرجال مابي اي شي واني ضوجته
بس شسوي ولله من الملل الي عايشه بي
ما اجه للعشى رجع بلوحده متاخر حيل بقيت انتضرا
بس اجه حضنته وبسته وكتله اني اسفه
بعد ما احجي بهذا الموضوع ابد
سامحني إذا ضوتجتك
ما حاجاني اي كلمه دفعني من حضنه وراح بدل ونام
لقاء والعشى ما تتعشى اني منتضرتك نتعشى سوا
ياسين ما اريد اريد انام

بطلت ما احجي بهذا الموضوع ابد

سنه كامله احنا ناخذ بلعلاج وماكو اي فايده
صار سنتين زواج واني حالي لايسر حبيب ولاعدووو

لا اني الموضفه ولا اني كملت دراستي ولا رجل حنيين
واسلوبه حلو ينسيني مصيبتي
ولا ام تحن على حالي وتجيني واكعد اشكيله همي

ياربي وين اروح والمن انطي وجهي

كمت اضيع وقتي كله على الانترنيت
دخلت بكروبات كومه وانزل منشورات
اشتغلت مندوبة مبيعات على النت
اروج المنتجات ميكب ومنحفات وخلطات

الصراحه كل وقتي صار مشغول بلنت

ياسين ادخل واطلع هي على النت حتى موضوع الاطفال
نسته ومآ تحجي بي

صحيح هي قايمه بكل واجباتي والبيت نضيف وملابسي مرتبه وكلشي تمام
بس اني بديت اشك
خاف تعرف ولد على النت وهذا الي شاغله عني

انتضرتها تنام وأخذت الفون اني اعرف الرمز مالته

فتحته وماخليت برنامج ما دخلت علي كلشي ما عدها ابد
عدها هواي صديقات بس ماعدها تجاوز من اي نوع ابد
كلشي تمام
كمت كل يومين افتش تليفونه بدون ما تدري
لقاء شغلي على النت والبرامج الي ادخل عليها والمواضيع
الي انشرها ملت وقتي وكمت ما اهتم
لاي شي موجود ياسين اوطالع
اني اخلص شغلي واكعد اصفح بلنت
كملت السنه الثانيه الزواجنه واني بعالم وياسين بعالم
بس ما اريد اخرب بيتي
اهم شي اكو سكف يحميني ورجال مسول عني
وموضوع الاطفال تركته الرب العالمين
لان هو الرزاق ومحد يغلب رزق رب العالمين
صار مرتين ماتجيني الدوره
كلت يجوز من هذا العلاج الي اخذه خل اتركه لو بي فايده جان جاب نتيجه من اول استعمال
بديت احس بدوخه توقعت من السهر على الانترنيت
او يجوز لان مدنكه على الموبايل ماهتميت
بلجمعه وصلني ياسين البيت خالي
فرحو بيه وزوجت خالي كالت اعرف تجين وطبختلج
دولمه وسويته حامضه علمودج
بس اكلت شويه كمت اتقئ
ولعبان نفس قوي صار عندي
لقاء كتلهم يمكن صار عندي تسمم لان الدولمه دسمه
صمم خالي ياخذني للعياده كال نطمن عليج
واذا تحتاجين نوديج للمستشفى
لازمه راسي واصرخ منه
وصلنا للعياده
خالي خل نسوي تحليل وبعدين ندخل للعياده لان الدكتور اكيد راح يطلب تحليل حتى يكدر يشخص حالتج

وفعلا سويت تحليل دم وادرار
بقيت كاعده واحس العياده ريحتها كريهه حيل
وراسي يوجعني من الحجي
كاعده على اعصابي منا لمن صاحو باسمي
دخلنا اني وخالي
...مبروك حامل
التفتت على خالي كتله انت سمعت لو بس اني
...اي خالو مبروك حامل ا
راسا رجعت على كيف وكعدت على الكرسي
اريد استوعب الي سمعته
خالي لازم ايدي ويكول خالو بيج شي يوجعج شي
اجيبلج عصير لبن
كمت ورجعت الابو التحليل كتله اقرا التحليل زبن
كال هاي شبيج ولله حامل
طلعت ورحت دكتوره نسائيه
دخلت وكتله دكتوره الحكي عليه يكولون حامل
الدكتوره اخذت التحليل مني وكالت اي ماما مبروك
تعاي اصعدي خل اسوي سونار
صعدت واني ما مصدكه مثل الحلم وجاي احلم
فحصتني وكالت مبروك انتي مخلصه شهر الثالث
والطفل مبين والحمد لله
روحي سوي تحاليل خاف اكو فايروس حتى نبدي العلاج وياج من وكت
سويت تحاليل اثنيين طلعن وواحد كال بعد يومين يطلع
الدكتوره اكدتلي وضع الطفل سليم ومابي شي ابد
بس طلعنا من العياده كتله خالي رجعني البيتي
اريد اشوف الفرحه بعيون ياسين
واخيرا حلمنا تحقق
الحمد لله والشكر ياربي ما قصرت وياي
رجعت للبيت ومآ خابرت ياسين هو اليوم عطله يتغده برا
ويبقى ويه جماعته يفترون
رجعت البيتي وجبت وياي كيكه جاهزه
خليتهم يكتبون عليها مبروك البيبي
ووشتريت نفاخ وورد
رتبت غرفتنا
ودخلت سبحت وشسورت شعري ولبست نفنوف
بنفسجي يخبل والردن تور
خليت عطر قوي وعطرت الشقه
وبقيت انتضره يمته يجي
قبل المغرب بشويه اتصل عليه كال اجي اخذج
لقاء اني منتضرتك بلبيت خالي رجعني
ياسين زين راح اجيب عشى واجي
بقيت منتضرته اريد اشوف الفرحه بعيونه
اكيد فرحته اكبر من فرحتي
بس سمعت الباب انفتحت ودخل ركضت حضنته
وكتله محضرتلك مفاجئه ما متوقعه ابد
ياسين يالله شنو المفاجئه اكيد شي حلو على هلكشخه هاي
لقاء غمض عيونك
ياسين اله اغمض
...اي غمض
لقاء اخذته من ايده ودخلته للغرفه وكتله افتح عيونك
ياسين فتحت عيوني نفاخ وورد وكيكه وهي تشارلي شمكتوب على الكيكه
مكتوب مبروك البيبي
واني عيوني صارن بكصتي كتلها بعصبيه انتي حامل
لقاء ضحكت وكتله اي مفاجئه
ومآ احس آله الراشدي اجاني فر راسي فر وكعت ونضربت بلكنتور
ياسين ياكلبه ياحقيره كلبي جان حاس انتي تخونيني
ونزلت عليها ضرب بكل قوتي باديه ورجليه واملخ بشعرها
منيين حامل يله كولي بسرعه منيين حامل خاينه جايبه لقيط حرام وتردين تلبسينه براسي
الدكاتره كله أكدت اني عقيم ومايصيرعندي اطفال
منو ابو ابن منو احجي
وين جان ينام وياج بيتي
تستغفلني تخليني اطلع وتلعبين بكيفج
لا يابت الحرام
أصيح واضرب بكل قوتي لمن كام الدم يجري من كل مكان بجسمها
وكعت واني كمت ارفس بطنها واصيح
هذا الي ابطنج مو ابني اني ما اخلف افتهمتي
اني عقيم
وحده مثلج جاهله تضحك عليه موووو
لا هذا الحجي مو عليه حبابه
بس ولله اله اندمج على الساعه الي فكرتي بيها تخونيني
حقيره ادبسزز
اله ارجعج منيين ما اخذتج وافضحج فضيحه
واني اكول ليش هليام ساكته وماتحجي
ثاري عدها صاحب تخليني اطلع
وجيبه البيتي تتونس هي وياااا
من كد الضرب والعياط وصوت صريخ لقاء
الجوارين كسرو الباب تكسير
تعرفون الشقق قريبه وحده من الثانيه والأصوات تسمع بسرعه
ياسين الجوارين كسرو الباب علينا بسبب صوت صريخ لقاء وعياطي عليها
فتحت الباب وطلعت والجوارين دخلو عليها
لكوها عباره عن قطعت دم من راسها الرجليها
ياسين اتصلت ابخاله وكتله روح اخذ بت اختك الي ما مربايه
الخاينه تريد تلبسني طفل مو اليه
عبالها اني زوج
الجوارين قررو ياخذونه للمستشفى لان تنزف
وجسمها كله دم
بس طلعوها من العماره وصل خالها وطلعو بيها
للمستشفى
بس وصلت للمستشفى وشافو حالته عبالهم حادث سياره
الدكاتره التمو عليها
بعدين من شافو النزف اكو دكتوره موجوده
كالت عوفوها اني افحصه
لقاء من كد الضرب ما احس بكل جسمي احس عضامي كلها تكسرت
الدكتوره ماما انتي حامل
لقاء هزيت راسي لان ما اكدر احجي
....ماما عندج اسقاط لازم ادخلج للعمليات
بس دخلتني كالت انتي حيل متاذيه ومحتاجين كرداش
بس بلبدايه خل انضمد الجروح الي ماليه جسمج
تحبين تقدمين شكوووه ضد احد
لقاء أريد احجي ما اكدر ريكي يبس بس طلعت الكلمه مني بلكوه
...اي اريد اقدم بلاغ ضد زوجي واذا صار اسقاط ارجوج تحتفضين بلجنيين حتلو بكد الفصمه
اريد اسوي تحليل
حتى اثبت نسب ابني الابو لان يتهمني بشرفي

اجن الممرضات وضمدن جروحي وطلعت ايدي اليسرا مكسوره لان دفعني وطحت عليها
واكو جرح جبير براسي
خيطو اليه
نضفتني الدكتوره وبقت محتفضه بلجنيين
الي هو عباره عن فص دم داخل كيس هوا زغير
هي تنضف بيه واني انهاريت من البجي
على لحضه زغيره ضاع مني ابني
الحلم الي جنت احلم بي ضاع مني

الحقير يعرف نفسه عقيم ويضحك عليه ويخليني اخذ علاج وماكوووو
وكلما افتح ويااا الموضوع يصير عصبي ويحسسني بلذنب
بس خلصت الدكتوره حولوني للاسشعه وتأكدت من الكسر
وصبو ايدي
اهنا وصلت الشرطه واشتكيت على ياسين
اول شكوه ضربني وعنفني
وثاني شكوه ينكر نسب الطفل وصممت يسون تحليل
وياكدون هذا ابنه
ياسين طلعت من البيت واني دمي يفور والشياطين
كلها كدامي
بت الحرام تريد تضحك عليه وتعلك واحد لقيط بركبتي
كمت اتخيل شلون تواعد الزلم
وشلون يجون البيتي
اتخيله بوضعيات وياهم
ولله اله ما اسكت ابد وافضحه وارفع عليها قضية زنا
واطلعها من بيتي بلثوب الي اجت بي
بدون ماتاخذ اي شي من حقوقها مني
ياسين ماودي ارجع للشقه واني اتخيلها بكل ركن بي وهي تخوني
وشلون تستغفلني
رحت البيت اخوي الجبير وحجيتله كلشي صار وياي
اتفقنا اني ويااا الصبح نروح نقدم بلاغ عليه بلمركز
نمت بليلتها بيت اخوي
بس كعدنا الصبح اتريكنا وطلعنا للمركز نقدم بلاغ
بس وصلنا اكتشفنا هي مقدمه بيه بلاغين
مو واحد
واكدو على تحليل
واني وافقت حتى اثبت هي زانيه ومآ تاخذ اي شي من حقوقها مني
واخذو مني عينة تحليل حتى يقارنونها ويه تحليل الجنيين الي سقط
قررو يحجزوني بلمركز لان اني ضاربها حيل وماذيها
منا لمن يطلع التحليل بعد ١٥ يوم
وساعته يقررون منو الي صح ومنو الي على خطء

يتبع(((((ضحية امي))))). البارت الثامن

بقيت بلمستشفى يوم وثاني يوم طلعني خالي واخذني البيتهم

ياسين اخوي الجبير دفعلي كفاله وطلعت والحكم النهائي بهاي القضيه راح يكون على تطابق التحليل
قدمت ضدها شكوى زنا وكانت الادله الي عندي التحاليل الي اخذتهن قبل
طلبو مني تحليل جديد لان هاي التحاليل قديمه
لقاء اني خليت محامي ونطيته توكيل يمشي بقضيتي
ياسين رحت الدكتور اسعد اريده يشهد وياي بخصوص التحليل الي اخذته وهو كان مشرف علي
ياسين السلام عليكم
د اسعد عليكم السلام شلونك شلون صحتك
ياسين الحمد لله دكتور محتاج شهادتك وياي
د. اسعد خير شصاير
ياسين دكتور زوجتي طلعت حامل وتريد تلبسني هذا الطفل واني عندي تحليل يثبت اني عقيم ومآ يصير عندي اطفال
د..اسعد بس انت ليش هيج تكول يجوز الله رحم بحالكم
وحبلت رحمة الله موجوده
ياسين شلون انت كلت نسبه الإنجاب ضعيفه وشبه معدومه
....ليش انت هيج فاقد الأمل وماعندك ايمان برب العالمين
على العموم تكدر تعيد التحليل
واني اكتبلك تقرير طبي
ياسين مايصير على التحليل القديم
د. اسعد شلون ذاك تحليل قديم كلش
ياسين اي صحيح قبل سنتين هسه اسوي تحليل وارجعلك
رحت سويت التحليل ورجعت دخلت على الدكتور
بس شافه الدكتور ابتسم وكال نسبتك صاعده صحيح مو كلش بس هاي عادي يصير حمل
ياسين شتكول دكتور
د. اسعد اي ولله نسبتك هسه يصير بيها حمل بس اذا كان رحم زوجتك نشط كلش الضاهر الرحم مالته
قوي بحيث بس صعدت نسبتك صار حمل
خلي ابالك اذا كان الرحم غير نشط مايصير حمل
بس الله لطف بحالك مبروك
ياسين اي مبروك دكتور اني هجمت بيتي اني ضيعت نفسي وضيعت اخر امل اليه اصير اب
د...اسعد هاي المنشطات الي اخذتها رفعت النسبه عندك
ياسين وكعن الأوراق من ايدي ولزمت راسي بثنيين اديه
د. اسعد شبيك شصاير اذا تعاركت وياها تكدر اتصلح الموقف
ياسين دكتور ضربتها ووكعت الطفل واني هسه قايم عليها دعوه زنا
ماكان عندي امل اصير اب ابد
وكنت متوقع هي خانتني
د..اسعد روح وحاول تصلح الموقف بينك وبينها
عادي ترا تصير مواقف كلش صعبه بين الزوجين وتنحل
ياسين طلعت واني راسي يفتر
اني شكد غبي ضيعت اخر فرصه اليه
ضيعت حلمي اكون اب بسبب تهوري خربت بيتي بايدي
هذا الموقف شلون راح يتصلح
مستحيل راح توافق ترجعلي
اني ليش هيج سويت بنفسي
شكيت بيها وهاجمته رغم صارله سنتين عندي ومآ شفت منها شي موزين ابد
اريد اوصل للبيت ما اكدر تعبان كلش ومنهار فد مره
رحت البيت اخوي وحجيتله كلشي صار
وبدأ يلوم عليه ويكول انت ماعندك صبر
استعجلت وضيعت ابنك وزوجتك
لقاء بيت خالي كلهم دايرين بالهم عليه ويحاولون يخففون عني
بس اني حاسه بحزن ما ينوصف
اكثر شي حزينه على ابني
سنتين واني اعدهن يوم يوم وساعه ساعه وانتضر يتحقق حلمي ضاع كلشي على ساعه كصيره
بدون مايكون عندي ذنب
والجرح الأكبر يتهمني بشرفي
بس ما اكول غير حسبي الله ونعم والوكيل عليك ياسين
طلع التحليل وكان مطابق ١٠٠/١٠٠
واجه يوم المرافعه
ياسين كان دفاعه ضعيف لان اعتمد بالشكوى مالته على تحليل قديم صار سنتين وخفا التحليل الجديد
بس اني التحليل المطابق كان أقوى دعم القضيتي ويااا
وطالبو يسوي تحليل فوري حتى يشوفون كلامه صح لو غلط
بس ياسين رفض يسوي تحليل
وكال زوجتي اريدها اريدها ترجع اليه واني مستعد الاي تعويض

لقاء رفضت رفض قطعي مستحيل ارجعله لو يبقى اخر رجال بلدنيا
اجلو القضيه شهر عسى ولعل يصير صلح
قضايه الطلاق ياجلونها اكثر من مره بالمحاكم
حتى ينطون فرصه للطرفين يراجعون نفسم ايجوز يرجعون البعض
رجعت البيت خالي وبليل ياسين جاب اخو واجه يصالحني
بلبدايه رفضت اطلعله لان كلبي مورم منه حيل
بعدين كلت الخالي تعال وياي اريد احجي ويااا وبحضور اخووو حتى يكون على بينه
لقاء دخلت سلمت وكعدت
ايدي مصبوبه وراسي مضمد من غير الكدمات الي بجسمي
واكثر شي واجعني اني فقدت ابني
لقاء اسمع ياسين مال اني ارجعلك هذا حلم تحلم بي
اطلكني باراتك وتنطيني كل حقوقي فهمت
ولا ولله اسويه عليك سوده ومصخمه
ياسين بس انطيني مجال اني جاي اعتذر منج واوعدك هذا الموقف مراح يتكرر ابد
لقاء هههه ولله ضحكتني يااا موقف
الضرب الائهانه الغلط الشك بشرفي طفلي الي راح مني بغمضة عين بسبب تهورك ورعونيتك
ياسين عندج حق بس اني ما كدرت اسيطر على نفسي بساعته
لقاء واني اضل وياك وحياتي مهدده ولله حضرتك على اي دقيقه ممكن تعصب ومآ اسيطر على نفسك
ياسين سامحيني بس هلمره واني مستعد الكل طلباتج
لقاء ماعندي طلبات هو طلب واحد اطلكني وتنطيني كل حقوقي ومآ اريد اشوف خلقتك بكل حياتي بعد
صار سنتين عايشه وياك ومتحمله انانيتك وثكل دمك
واسلوبك البارد
واكول ميخالف هسه شويه شويه يتغير
تشوفني حالي بلويل على طفل
وانت تدري بنفسك عقيم وماكلت
ولا خيرتني اعيش وياك
لو لا
ضميت عليه واني كدامك اخذ علاج ومتمرمره
حتى ما هان عليك تخفف حزني
تملي عليه حياتي كتلك اشتغل لا
ادرس واضيع الوقت لا
شايل خشمك وتعاملني مثل الخدامه
شنو اني فصليتك
حرامات ضاع من عمري سنتين وياك
هذا اخر انذار اللك طلكني احسن الك واليه
ومآ اريد اشوف خلقتك بعد ابد
طلعت وهو اخو بقو كاعدين
يتسلون بخالي يقنعني ارجع
طلعو وخالي اجاني
خالي بنتي شوفي شنو الي يريح نفسيتج وسوي
اذا تشوفين الحياة صعبه وياااا عوفي
اهم شي تكونين انتي مرتاحه
ياسين مو اخر رجل بلعالم انت تستحقين واحد يحبج ويحافظ عليج
خلال هذا الشهر اني تعافيت ايدي فكو الجبس منها بس احسه توجعني
وياسين ما بطل يدز ناس عليه يقنعني ارجع
كلبي مات من يمه وما اتحمل اشوف وجه بعد
اجت المحاكمه وطلب محامي ياسين التاجيل
وكان السبب الي قدمه للمحكمه
زوجها يحبها ويحاول على صلح بينهم
ورجعت القضيه اتأجلت شهر ثاني
شكد حاول ياثر عليه بس اني قفلت فد نوب اكرها
اموت منه ضيع حلمي وفرحتي
قررت ارجع امتحن واريد ابدي عمل جديد
يكون مصدر رزق اليه
وادور بيت زغير يكون قريب بيت خالي حتى اسكن بي
اكيد مراح ابقى كاعده بيت خالي كل العمر
ولو خالي ابد ما مقصر وياي
ومداريني اكثر من جهاله
بس بيتهم زغير واني اربد غرفه وحدي استقل بيها
واريد مصدر معيشه
هم أقضي وقتي وهم ابني نفسي
قدمت خارجي للسادس واشتريت كتب وملازم
وخليت خبر عند الدلالين اريد بيت زغير
حتلو ١٠٠ متر ميخالف
وبديت ادخل على النت واشوف مواقع التسوق
والاسعار ومنيين ممكن احصل بضاعه
اريد افتح محل كوزمتك
وابدي حياتي من جديد واعتمد على نفسي
بليل اقرا دروسي
والنهار ادخل وتصفح مواقع التسوق
احاول انسى كل الازمات الي مريت بيهن بحياتي
وابدي من جديد بس هلمره اريد ابدي صح
كافي الي ضاع من عمري
بهاي االفتره
كم بيت شفت بس ماعجبني لو قديم لو بعيد
لو جبير وفلوسي ما يكفن
الحد مآ لكيت بيت مناسب اليه صحيح ١٠٠ متر
بس بناء حديث
بلشارع الي ورا بيت خالي اقتنعت بي كلش
واشتريته وسجلته باسمي
بس ما بقه عندي فلوس افتح مشروعي
قررت ااجله شويه منا لمن اجمع فلوس وهم التهي اقرا
بلكت احصل شهاده
شديت حيلي على القرايه
والمواد الي ما افتهم بيهن دخلت دورات وانزل دروس من اليوتيوب بلاضافه اشتغل مندوبة مبيعات
اني صح ما احصل بيهن ربح هواي
بس كنت اعتبره درس اتعلم منه شلون اكدر ابيع واشتري
واتعلم الماركات الاصليه والعاديه
وصل موعد المرافعه بيني وبين ياسين
واجاني قبل يوم وكام يصيح بلباب اله تطلعلي لقاء أريد اتفاهم وياها
طلعت وكفت بلباب وكتله شتريد احجي
ياسين هنا على الباب
لقاء اي هنا احجي وروح ترا مشغوله وماعندي وقت
ياسين اريد فرصه وحده ارجعيلي واني راح اتغير علمودج
لقاء لا بله سمعني زين تتغير علمودي
عمرك ثنيين وتلاثين سنه وانت نفس طباعك هسه تتغير علمودي
ماتغيرت من جنت يمك
كل كلام ماكو بينا افتهمت طلكني احسن اللك واليه
وروح لحك ازوج وحده نفس عقلك بلكت تكدر تعيش وياك
يجوز تحصلك طفل بدال ذاك الي كتلته
ياسين ما اطلكج اله اخليج معلكه لا انتي للسما ولا للكاع
اريد اشوف شلون تخلصين مني
لقاء الله يخلصني منك قابل انت اقوي من رب العالمين
رحنا ثاني يوم للمحكمه والمحامي مالته ما اجه

بقينا ننتضر
لقاء اني كلت للمحامي خلي القاضي يحكم واذا ما اجه
المحامي اذا حكم القاضي المحامي مالته ممكن يستانف
خلي انأجل اسبوع بلكت يحضر
رجعت دمي يفور شكد خبيث ياربي
ماشايفه واحد بحقارته وخباثته كاعد يلعب عليه
بس اني موكله أمري الرب العالمين هو يخلصني منه
قربت امتحاناتي وقررت اشد حيلي وامتحن والمواد الصعبه عليه ااجله دور ثاني
امتحنت وخلصت واجلت مواد ثنيين اريد اركز اكثر
وصل موعد المحاكمه مالتي
اجا يتبكبك كدام القاضي زوجتي واحبها واموت عليها
ومآ مقصر وياها ابد
وساكنه وحدها بلبيت
صار سؤ تفاهم بينا وضربته قابل اني اول واحد اخير واحد يضرب زوجته
ومستعد هسه كدامكم اعتذر منها وابوس ايدها
اصلا اني ما استغني عنها ابد
ومستعد الكل طلباتها كدامكم
واذا ما نفذت طلباتها حاكموني
لقاء سيادة القاضي اني مستحيل ارجعله
ضربني وعنفني وتهمني بشرفي والجوارين تشهد عليه
سنتين عايشه ويااا ويعرف بنفسه عده ضعف
ومآ حجالي مخليني اراجع واخذ ادويه
وكلما اسئله يكول مابيه شي
واذا فتحت كدامه موضوع الاطفال يزعل مني
اني بعد ما ارجعله اريد اطلك واريد حقوقي كامله منه
القاضي بنتي اتعوذي من الشيطان زوجج حاس بغلطه وجاي يعتذر منج ومستعد الكل طلباتج
ليش ماتنطينه فرصه
ان أبغض الحلال عند الله الطلاق
لقاء ابد ما ارجع خلي يطلكني
القاضي راح انطيكم فرصه اخيره بلكت ينصلح حالكم ترا اصعب من وضعكم ونحلت الأمور بينهم ورجعو البعض
رجعت اتاجلت القضيه مره ثانيه
طلع من المحكمه وهو يباوع عليه ويضحك
عود انتي ماتكدرين عليه
باوعت علي وكلت حسبي الله عليك من رجال يعل حوبتي ماتتعداك دم ابني بركبتك انت ذبحته
بعد كم يوم اجا خالي وكال اكو سلفه ٢٥ مليون بلمصرف
بس يكفلج موضف
وتقدمين أوراق مشروعج يدرسونه وتاخذين الفلوس تبدين بيهن المشروع
بس يستقطعون منهن ليكدام الفائده
خالي كال اني اكفلج وابدي مشروعج
ومن راتب ابوج سددي
جان سحبت سلفه على راتب ابوي بس حمودي ساحب سلفه
بي وجاي يستقطعون نصه تقريبا
ايجوز هسه تكولون عندج راتب ابوج واشتريتي بيت
ليش تشتغلين
صحيح اني مامحتاجه هذا الشغل ماديا
بس محتاجته معنويااا الشغل حلوو وينمي الذات
ويعزز الثقه بالنفس
الناس الي تشتغل وتفكيرها مركزته بعملها ما تصير عدها أمراض نفسيه ابد
لان وقته كله يفكر شلون يطور عمله
اغلب الدكاتره تكول الإنسان يكبر ويعجز ويتمرض
من الكعده
بس تلكين الإنسان الي يشتغل حتلو جبير كله طاقه
سوينا الأوراق وكملناها وانطوني عشرين واستقطعو خمسه
يعني اخذ عشرين واسدد خمسه وعشرين
بقه ادور مكان افتح بي بقيت ادور وانشر على الفيس
منا لمن لكيت مكان كلش مناسب
المكان حيوي وبنص بغداد
قريب علي عيادات الدكاتره
صحيح الإيجار غالي شويه بس لازم اجازف وابدي
بس ترتيب المحل والديكور والجام والرفوف اخذ مني خمس ملايين
باقي الفلوس رحت اسوكت بيهن
اني عندي خبره واعرف الأشياء الي تحبها البنات
والميكب الاصلي
وصلت بضاعتي وبديت اجهزه بيومها راح وياي خالي والجهال يرتبون وياي
بديت اسوي دعايه على الفيس
خليت اسعار مخفضه حتى اجذب الزباين اليه
وانشر شغلات ماركه وجديده
هنا طلعتلي مشكله لا على البال ولا الخاطر
اكو ولد فاتح كوزمتك بصف المحل مالتي
حسيته حيل اضايق مني
رغم هو قديم حيل وعنده زباين
بس ضاج مني وخصوصا اني كمت ابيع بأسعار
اقل من السوك اريد اسحب الزباين
بس مقصدي زباينه هو
بلبدايه كنت اروح افتح المحل وارجع ومآ ابيع
الصراحه حيل ضجت لان اني مطلوبه سلفه
لازم اشتغل حتى اسدد
كمت انزل دعايه الشغلات هواي وبديت احفز الزباين
اكو هدايه
ومفاجئات بلمحل بدت تصير زبائن على المحل
هذا الشي خله كمال ينزعج مني هو اسمه كمال
مع ان الرزق على رب العالمين
وماكو واحد ياخذ رزق الثاني
ورا اسبوع من فتحت المحل
اجيت لكيت كدام المحل ماي هواي باوعت لكيت كمال
معلك مبرده زغيره والمي يوكع بلكاع وصاير كدام المحل مالتي
اول مره مسحته بلماسحه وسكتت
ثاني يوم موبس مي وياا وصاخه
رحت علي وكتله
لقاء السلام عليكم
....باوعلي ونزل حواجبه اهلا
...بس من رخصتك المي مال المبرده جاي يضايقني باب المحل جاي يتوصخ
....وشنو يعني شسويلج
...ممكن تخلي سطل يوكع بي المي او تصلح المبرده
تخلي طوافه حتى الماي الزايد مينزل
كمال ....ما يعجبني اسوي اي شي
...ليش انت جاي اتاذيني ولنبي وصا على سابع جار
...اذا ما عاجبج تصيرين جيراني شيلي منا
....لا على بختك هيج الواحد يستقبل جيرانه
خل اوصفلكم شكله شاب طويل صاحب عضلات
عيونه عسلي شعرا ولحيته بيهن شكار
شكله كلش أنيق ومرتب
كلشي بي حلو بس اخلاقه زفت
ما ادري شلون راح تخلص وياااا
على العموم اني ما احب المشاكل ابد

ومآ اريد ابدي حياتي المهنيه بمشكله
عفته ورجعت للمحل طلعت الماسحه ونضفت كدام المحل
ثاني يوم اشتريت سطل وبس وصلت خليته جوه المبرده
لان الماي صاير كدام محلي بلضبط
اتغيبت يومين عن المحل بسبب الامتحانات مالتي
ما اريد هاي السنه هم اضيع مني ضاع من عمري هواي سنيين بدون فايده
اريد ابدي صح هلمره واكون قويه

يتبع

(((((ضحية امي)))). البارت. التاسع

رجعت ورا الامتحان اريد افرغ نفسي للعمل كليا
واطور شغلي
وصلت لكيت باب المحل تكرمون صاير مكب نفايات
تل مال زباله اكو باب المحل
وهو واكف ويباوع عليه نضرت شماته اقصد كمال
والسطل الي خليته جوه المبرده ماكووووو
والماي مفيض المكان
كلت بصوت عالي استغفر الله واتوب اليه
حسبي الله ونعم الوكيل على كل ضالم
هو حجااا بصوت عالي عود يسمعني
.....حسون اذا ما عاجبك شيل منااااا
اني ما حجيت ولا رديت فتحت بابا المحل وطلعت كيس زباله وكفوف لبستهن
جمعت الزباله وخليتها بلكيس وغلست باب المحل
وعطرته
وشعلت قران بصوت هادء
اني مو ما اكدر ارد علي بس ما احب المشاكل
واني هذا المحل خسرت على هواي
ومصصمه ابقى للاخر اريد اثبت النفسي قبل الناس اني اكدر اسوي شي
اكدر انجح واحقق احلامي كلهن
تعبت من المحاكم وياسين كلما تقرب المحاكمه يطلع حجه
وياجل يريد يمللني
حتى استسلم وارجعله بس لو ابقى كل عمري معلكه
واركض بالمحاكم ما ارجعله ابد
طلعة النتيجه والحمد لله نجحت صحيح معدلي قليل
بس المهم صارت عندي شهادة السادس
قررت السنه ما اقدم اعوفه للسنه الجايه
حتى اجمع فلوس وادخل معهد او كليه اهليه
ورا فتره من فتحت المحل
اجت مره مجدايه ملابسها تعبانه حيل مغطيه وجها بس عيونها طالعه شايله بيدها سله بيها علج وجكليت
يعني الناس تاخذ علج اوجكليته وتنطيها القاسمه الله
تدخل بميانه للمحلات
الضاهر صار فتره تكدي الناس هناك تعرفه
يصيحولها حمديه
بس دخلت يمي اني راسا طلعت الف اريد انطيه
من باب الصدقه
بس قربت عليه وباوعت زين شافتني
راسا طلعت من المحل بسرعه
اني صحت وراها يمعود تعاي ارجعي هذا الف اخذي
ما كوووو
ما اعرف شبيه ليش خافت مني وشردت
كامت هاي المجدايه تجي وما تمر بمحلي ابد
تفتر عليهم كلهم واني ما توصل يمي
خلصت شهر الحمد لله اكو ناس تدخل للمحل
وصار عندي زباين
اكيد لازم اصبر اكثر حتى الناس تعرف المحل وتكثر الزباين
نشرت على صفحة المحل
تغليف الهدايه للمناسبات مجانااا
بس كمال ما بطل يعاديني وكلما يشوف ناس تدخل للمحل
يضل يضايقني بلزايد
وبيوم صار شوط بلمبرده مال كمال صارت عباره عن قطعه مشتعله والنار بيها وماتكبر
وهو داخل المحل والنار بلباب مايكدر يطلع
اني اول وحده شفت الحادث لان محله بصف محلي
اني عندي طفاية حريق
طلعته وكمت ارش على النار
باقي أصحاب المحلات كامو يصيحون ابتعدي لاتحتركين
بس اني صممت وبقيت ارش على النار
هذا الحريق اذا كبر اني هم اتاذه
مواد التجميل كلها كحول وبسرعه تشتعل
وكمال من الداخل فصل الكهرباء مالت المحل
وباقي المحلات جابو ماي وكامو يرشون عليها
الحمد لله كدرنا انسيطر على الوضع
والخساير ماكانت حيل جبيره
بس باب المحل جام وتكسر من الحراره
طفت النار وكمال طلع هو والولد الي يشتغل ويااا
وكف كبالي يباوع عليه
لقاء تقدمت علي وكتله بيك شي اتاذيت
فدوه الخساير كلشي يتعوض بس البشر ما يتعوض ابد
أتقدم عليه وكال شكرا ما اعرف شلون اكدر اجازيج
لقاء اني ما سويت شي ابد الحمد لله على السلامه
رجعت للمحل مالتي
وهو والولد نظفو المكان وجمعو الكزاز من الكاع
ورا ساعه اجا كهربائي فصل الكهرباء
ورجع رتب اسلاك الكهرباء من جديد
وشتغل محلهم
من عزلت المحل وطلعت هو طلع من المحل وكال ما اعرف شلون اجازيج
لقاء همزين احتركت المبرده جانت معذبتني بلماي هههههه
لا ولله اشاقه وياك
الحمد لله على سلامتك
كمال الله يسلمج تردين اوصلج للبيت
لقاء لا شكرا خابرت خالي وهسه يجي ياخذني
كمال ليش تعبينه اني اوصلج بسيارتي
لقاء تسلم شكرا وصل خالي وصعدت ويااا ورحت للبيت
ثاني يوم رحت لكيتهم شايلين المبرده ومنضفين كدام محلي ومحل كمال
بس شافني كمال وصلت طلع من المحل
لقاء السلام عليكم
كمال عليكم السلام
...ليش منضفين كدام المحل اني انضف
...ولو احنا مانكدر نجازيج ابد
يوميه راح انظف كدام المحل وتدللين
صارت العلاقه كلش زينه بيني وبين كمال
واذا وحده تسئله على شغله ما موجوده عنده يدزها عليه للمحل
ويوميه ينضفولي باب المحل وياهم
واني اذا اخذ وياي اكل للمحل لان اني اطلع العصر وابقا لليل
اخذلهم حصه من الاكل
مثل ما يكولون ما محبه اله بعد عداوه
مليت من المحاكم وياسين يلعب عليه اتصلت بلمحامي
لقاء الو شلونك استاذ
...اهلا وسهلا
...ممكن اعرف شلون اكدر اطلك بسرعه لان ولله لعبت نفسي من هاي الوضعيه صار سنه واني بنفس مكاني
....تكدرين تتنازلين عن حقوقج وطالبين بطلاك فوري

تطلكين انشاء الله
زين المحاكمه الجايه اقدم تنازل اريد بس اخلص
...اني راح أبلغ محامي الخصم انو احنا راح نتنازل
عن كل حقوقج ونريد طلاك فوري
...اي فدوه واذا تقدم المحاكمه كم يوم اصير فضل
...احاول انشاء الله
قربت المحاكمه وكلي امل اخلص هلمره كلما اشوف ياسين اذكر ابني الي راح
ويوميه احسب عمره لو باقي ابني كان عمره هسه هلكد
وكلما اشوف ملابس اطفال
اضوج واتخيله موجود واشتريله
استغفر الله ربي واتوب اليه
صحيح هو مو مقسوم بس كلبي شسويله
ايجوز فقدانه خلصني من الحياة الكئيبه الي جنت عايشته ويه ياسين
صحيح خلصت من هاي الزواجه وبديت حياة جديده بس الثمن كان غالي كلش
الثمن ابني الحمد لله على كل حال
اتصل المحامي وكال اريد اذكرج باجر المحاكمه واني انطيت خبر المحامي الخصم
يتحضرون للطلاك بعد ما نتنازل
الساعه ١١ ونص بليل وبديت استعد اقفل المحل
ما احس غير اطلاقات ناريه على المحل والجام تكسر
اني نزلت جوا الميز حتى احمي نفسي
واسمع صوت ياسين يصيح بصوت عالي
تردين تطلكين موووو
تردين تخلصين مني اله اموتج خلاص
الناس طلعت كله وصار صياح صعد سيارته وراح
كل عقله اذا سوا هاي الفعاليه يخوفني وابطل من الطلاك
راسا دخل كمال للمحل وينج لقاء اتاذيتي
اني مغطيه راسي باديه اثنيينهن
واصيح اني هنا
اجا كمال وسحبني من جوه الميز
كمت وهو يباوع الوجهي واديه مابيج شي
خوما اتاذيتي
منو هذا الحقير وليش هيج يسوي
امشي نقدم بي بلاغ واني اشهد وياج علي
والكامرا جابت رقم سيارته
اباوع على اديه وعلى جسمي ما متاذايه بس الجام تكسر
الله لايوفقك ياسين
الجام غالي وتوني سويته
اتصلت بخالي وكتله تعال انروح نشتكي علي لان حاول يقتلني
كمال طلعني من المحل واخذني بمحله وكال عوفي كلشي مثل ماهو لمن توصل الشرطه
وصل خالي ورحنا اني وكمال ويااا
وبقا الولد الي يشتغل بمحل كمال داير باله على المحلين
محلي ومحل كمال
وصلنا وقدمنا بلاغ والشرطه اجت سوت كشف على المحل
واصدرو إلقاء القبض علي
طلعنا من المركز وكمال كال روحي انتي وخالج واني اقفل المحل وباجر من تجين انطيج المفتاح
وفعلا رجعنا اني وخالي للبيت
ثاني يوم رحت لكيت المحل نضيف وكمال جايب واحد يشد جام جديد للمحل
بس شافني كمال كال روحي اكعدي بلمحل مالتي منا لمن يخلص
ثبتو الجام وراحووو
لقاء شلون اخذو قياس الجام بهلسرعه
كمال اني الصبح جبتهم اخذو القياس واكدت عليهم العصر يشدونه وهسه كلشي رجع مثل ما كان واحسن
لقاء شكرا جزيلا اني جايبه وياي فلوس على اساس اتصل
بلولد الي شدلي الجام قبل واتفق وياااا
هاك الفلوس واذا بعد اكثر عادي اجيبلك
كمال انتي تحجين صدك
لقاء اكيد احجي صدك هاي الشغله يرادله فلوس هواي وانت شنو ذنبك تدفع هاي الفلوس اني عندي خير من الله
كمال اعتبريه شكر مني للموقف الي سويتي ويااي
لان لو ما انتي جان احتركت اني والمحل
لقاء ولله ازعل منك اني هذا الموقف مستعده اعيده ميت
مره اسم الله عليك لان موقف إنساني وميحتاج تفكير هواي
ماكو انسان ياخذ ثمن المواقف الانسانيه الي يقوم بيها
كمال ولو ما أخذ ابد منج اي شي
لقاء الله عليك اخذهن
كمال حلفت ولله ما أخذ اي شي منج ممكن اسئل سوال
لقاء اكيد
كمال ليش تردين تنفصلين عن زوجج ولو هذا تدخل مني
لقاء هاي قصه طويله هسه احجيها الك عندك وقت
كمال حتلو ماعندي وقت اخلقلج وقت
لقاء زين اسمع مني
وبديت احجيله كلشي صار وياي من يوم ازوجت ياسين
لليوم
كمال لا ياحقير لا يانذل
لقاء بلبدايه راح اشتكى عليه واتهمني بلزنا ومن طلع التحليل مطابق
جاي يطالبني ارجع اله شلون ماتثق بيه وتتهمني بشرفي وشلون تريد ارجعلك
بس ولله يحلم لو يبقى اخر رجل بلدنيا ما ارجعله ابد
كمال حقج ماترجعيله ما يستحق وحده مثلج
لقاء
راسا اجاني اتصال لزمو ياسين وهو هسه بلسجن
وباجر يعرضونه على المحكمه
ولازم احضر باجر
المحامي يكول
هاي القشه الي قسمت ضهر البعير
ياسين خط كتاب سجنه بايده من أطلق النار على محل لقاء
ثاني يوم كانت المحاكمه وفعلا كدرت احصل ورقة طلاكي
والقاضي أكد علي ينطيني كل حقوقي
ونحكم على ياسين بلسجن
خلو الكلبجات بايده وهو يصيح ماكان قصدي اقتله ردت بس اخوفه علمود ترجعلي
بس محد سمعه
ماتتخيلون فرحتي شكبرها
رجعت للبيت وعزمت بيت خالي كلهم واخذتهم غديتهم على حسابي
واشتريت جكليت اخذته وياي وزعته على أصحاب المحلات بس ما كلت بمناسبة طلاكي
كتلهم الله فرج عليه ونطاني مرادي

وقررت بس اشوف واحد محتاج انطي فلوس
صدقه لان خلصت من ياسين
شفت هاي المكدايه اجت من بعيد
كلت بكلبي انتي اكيد صاحبة النصيب تاخذين ذني الفلوس مني
اتقدمت عليها بسرعه بس شافتني راسا دارت وجها وغيرت اتجاها
لقاء اوكفي لاتخافين ما اريد منج شي اريد انطيج هاي الفلوس
كامت تمشي اسرع تبتعد عني واني امشي وراها
من سرعة مشيها عثرت ووكعت
اني ركضت عليها ودنكت اكومه وهي تدفع بيه ودير وجها عني
اجتمعو اهل المحلات علينا وجابوله مي تغسل
بس هي رفضت ترفع النقاب من وجها
بس وهي تدفع بيهم وبيه و تحاولت تبتعد وبحركه عفويه ووكع نقابها وحده
وهي راسا رفعت عينه عليه تتاكد شفتها لو لا
اني شفتها واني انصدمت
اتبسمرت بمكاني كمت ما اكدر احجي وكلبي كام يدك على السريع
هي كامت وعدلت نفسها وعدلت النقاب
ولمت العلج والجكليت لان اطشر بلكاع
ومشت بسرعه
بلمح البصر اختفت من كدامي
واني بس اباوع بعيوني ومآ اكدر احجي اي شي
اجا كمال وكال شبيج
لقاء اشرت عليها ودموعي نزلن
كمال ليش تبجين اتاذيتي ا اذتج دفعتج
اني بس دموعي ينزلن ومآ اكدر احجي
سحبني من ايدي ورجعني للمحل وجابلي ماي
كمال ممكن اعرف ليش تبجين
لقاء مسحت دموعي وكتله مابيه شي يمكن وكع بعيني تراب
كمال ولله شكلج مو مال وحده واكع بعينها تراب
هاي الدموع دموع حزن وصدمه
لقاء أريد ارجع للبيت اني تعبانه
كمال شبيج قبل شويه جنتي فرحانه وتوزعين جكليت
شصار شغير حالج
لقاء ممكن تقفل المحل اريد ارجع للبيت ما اكدر
كمال دقيقه اقفل المحل واوصلج للبيت
حالتج موطبيعيه
راسا قفل المحل واني بقيت واكفه وكلني ارعش ومآ اكدر اسيطر على دموعي
ولله الي شفته موهين ابد
صعدت بلسياره وشغل وطلعنا كل شويه يلتفت عليه
ويكول ليش ماتكولين شبيج
لزم ايدي وكال
اخذج للمستشفى
لقاء لا اريد اروح للبيت
وصلني وكال ممكن اتصل عليج اطمن على حالتج
هزيت راسي ونزلت من السياره ودخلت بيت خالي
بس شافتني زوجت خالي اتعجبت
...شبيج لقاء ليش رجعتي وليش تبجين
لقاء خالي موجود
...اي جاي يسبح
لقاء عفته ورحت دكيت باب الحمام خالو اطلع بسرعه اريدك ضروري
خالي لقاء ليش رجعتي صاير شي
...اطلع واني احجيلك
كعدت واني الدنيه ادور كدامي الشي الي شفته مو معقول ابد
طلع خالي وهو مرعوب شكو شصاير احجي
لقاء امي امي
...خالي شبيها امج
...شفتها اليوم تكدي بلشارع
...شنو تحجين صدك
...اي ولله تكدي وملابسها تعبانه وحالته حاله
...وين شفتيها
...صار فتره تفتر على المحلات الي يمي وتكدي بس شافتني شردت
اليوم لحكتها اريد انطيها فلوس ونهزمت مني وبس وصلت يمها وكعت
واني احاول اخليها تكوم جانت تدفع بيه وتبعد وجها عني
وبحركه عفويه انرفع النقاب
جانت خايف اشوفها وبس اتاكدت اني شفتها
انهزمت من كدامي بسرعه
خالي وصلت بيها المواصيل تكدي بعد الخير الي جانت عايشه بي الله اعلم شنو الي خلاها تكدي
لقاء وهسه شلون
خالي امشي ندور عليها ونسئل اكيد اكو واحد يعرفها ويعرف وين ساكنه
خلي نرجعها للبيت عمت عيني شلون عفتها الواحد
مثل هذا
طلعنا اني وخالي ورحنا نسئل عليها اهل المحلات
صارت الدنيا مغرب واحنا نسئل وندور عليها
كل الي نسئل يكول ما اعرف
بعدين كمنا نسئل المكاديه وأهل العرباين
ووحده دلتنا عليها
رحنا نسئل وصلنا بيت خرابه يعني خرابه بمعنى الكلمه
حايط بلوك ناصي
وباب عباره عن جينكوه مو باب
دفعنا الباب البيت غرفه وحده وناصي وقديم كلش
وبي بس كلوب واحد مشتغل
خالي دفع الباب وكام يصيح رغد رغد وينج
اني ما صبرت دخلت وخالي كال اوكفي ادخل وياج خاف مو هذا بيتها
دخلنا وهي لاكتنا باب الغرفه
بس شافتنا راسا رجعت ليوره وكامت تبجي
لقاء يمه لاتبجين اني بتج
امي حبيبتي ولله ادور عليج ليش عايشه هنا
تقدمت عليها وحضنتها وهي تبجي واني ابجي
حتى خالي كام يبجي علينا
لقاء كومي ماما ليش ساكنه هنا بيتي وبيت خالي مفتوحا اللج
الغرفه الكاعده بيها بلوك والكاع صبه ومابيها بس مندر ومخده وبطانيه
وكلوب واحد مشتعل بيها
اخذناها وطلعنا رحنا البيت خالي
اول ما وصلنا دخلته للحمام وغسلتله
وطلعت دشداشه من زوجت خالي ولبسته
كعدت امشط شعرها
كل اشويه احضنها واشم ريحتها ولامصدكه رجعتلي
خلينا العشى وتعشينا كلنا
خالي كعد وكاللها احجي ليش صاربيج هيج
ليش تكدين ليش مارجعتي النا
معقوله انتي ام العز والدلال تكدين وللج اني اشم الهوى
وانتي هذا حالج
ليش هيج سويتي بينا وبنفسج

امي من رحت منكم جنا مأجرين بيت زغير كام يستلم الراتب ومآ يرجع عليه كتلني الجوع والضيم
كلما اسئله يكول اشتغل زين جيب مسواك ميقبل
بعدين قنعني اسويله توكيل كال ابيع حصتج بلبيت نشتري بيت زغير ليش ندفع ايجار
اني من غبائي صدكته
رغم هو اخذ الذهب والفلوس ومآ رجعهن وياخذ الراتب
ومآ يتسوك ولايجيب اي شي
باع البيت واكل الفلوس وبلتوكيل يستلم الراتب
وكمت ما اشوفه ابد ولا يجيني
كتلني العوز والضيم رحت ادور علي لكيته هو وجماعته يلعب اقمار كمت احجي علي واصيح
رجعني للبيت وكتلني كتله كسرني تكسر
كتله راح الغي التوكيل
كال اذا لغيتي التوكيل يكون آخر يوم بعمرج
ابو البيت طردني لان ما ادفع ايجار
اهل الرحم كالو اكعدي هنا بهاي الخرابه واضطريت اكدي حتى اعيش
لقاء وليش ما اجيتينا
...خفت ارجع لا اطردوني لان اني وياكم ماخليت خط رجعه ابد
يتبع(((((ضحية امي )))))). البارت العاشر. والاخيررررررر

قررت اسكن بيتي اني وامي لان ثنيينه حمل جبير على خالي
بعدين ليش البيت فارغ
بلبدايه راح اشتري شغلات بسيطه مثل طباخ وكاونتر وفراش وبلازما وثلاجه

وبعدين اشتري باقي الشغلات
بس الخطوه الأهم نقيم دعوه على زوج امي ونلغي الوكاله

خالي راح وكلف المحامي يلغي الوكاله

رجع الراتب مثل ماكان قبل خير من الله يكفي ويوفي
وكدرنا نشتري الغراض الي محتاجيهن للبيت

هلمره صدك حسيت بلامان الحقيقي
عدنا بيت مستقل وامي موجوده
ارجع الكاها منضفه وطابخه
على فكره أكلها اشتريلج تليفون ما تقبل
تكول ما اريد بعد تليفون التليفون ضيعني

اشتريتلها تليفون عادي يعني ،( صرصور ) خاف احتاجها
حتى اتصل عليه
همزين امي حست بغلطها
ولو هذا الغلط ضيعني ضيع البيت والراتب
وضيع اول حب بحياتي
وكان السبب اني ازوجت ياسين أسرعت بقرار زواجي
ما ردت اصير حمل على احد
وهذا القرار كان خاطى جدا
الزواج لازم يكون بي توافق وانسجام وتفاهم وثقه
واني ذني كلهن ما كانن موجودات بزواجي من ياسين

الحمد لله هاي التجربه الصعبه عبرت
واحنا ولد اليوم

علاقتي بكمال أطورت حيل يتصل عليه ويحجيلي كلشي يخص حياته
وحتى من نتسوك انروح سوا نتسوك

ونتشارك ابسط تفاصيل يومنا سوا
الحد مآ فاجئني يوم وطلب ايدي للزواج
ولله كمت اخاف من موضوع الزواج حيل
حجيت الخالي والامي
وثنيينهم كالو انتي تعرفينه اكثر من عدنا
وانتي جبيره وتفهمين وتكدرين تقررين

كمال يله يمعوده فضيه مو شلعتي كلبي
لقاء انت متاكد من قرارك واثق من حبك مراح تجي يوم من الايام وتكول انتي منفصله

كمال بعمري ما فكرت بهاي الطريقه ابد
ترا اني شايف بنات بكد شعر راسي وانتي جاي تشوفين بعينج البنات الي تدخل علينا اشكال واللوان

صدكيني ما اقتنعت بوحده بكد ما انتي دخلتي عقلي وكلبي
وعششتي بيهن

لقاء زين اهلك موافقين

كمال اهلي شعليهم اني راح ازوج لو هم
لقاء يعني اخذت موافقتهم
كمال راح افتح الموضوع وياهم من احصل موافقتج

لقاء وين نسكن

كمال بكيفج تردين ويه اهلي
تردين اني مشتري قطعة ارض اريد ابنيها ونسكن بيها
موقعها يخبل

تردين اناجر شقه منا لمن نبني بيتنا

لقاء ممكن نسكن بيتي وقطعة الأرض اذا انت تكول مكانها حلوووو
نبنيه مجمع احسن ما انت تدفع ايجار واني ادفع ابجار

كمال خوش فكره

كمال لمن فاتح اهله بموضوع زواجنا
اهله رفضو لان هو شاب اعزب واني مطلقه

وخاصتا امه رفضت رفض قطعي

كمال يمه احبه ولله ومقتنع بيها حيل
...يمه انت شاب حلو ومثقف وعين الله عليك خريج
وشخصيه وهيبه وعندك شغله حلوه
ليش ما تاخذ بنيه شنو تاخذ وحده مطلقه

كمال ماما اني اعرف ضروف طلاكها هاي البنيه مسكينه
مرت بضروف صعبه
وزوجه ما قبل يطلكه اله غصبا علي
اني ماليه شغل بكلشي مر وفات اني ابن اليوم
هاي البنيه اخلاقها حلوه مودبه
واني اريدها
واذا ترفضين راح ابقى طول عمري بلا زواج فهمتي

....ابقى بدون زواج ولاتاخذ وحده مطلقه

كمال ماكدر يضم عليه كال امي معارضه لان انتي مطلقه
صحيح هذا الكلام حز بنفسي حيل

بس اني ما اكدر اخلي يتحمل شي فوك طاقته
كتله عادي خل انعوف بعض

كمال شنو تتخلين عني بسهوله

لقاء لاولله ما اتخلى عنك بس ما اريد اسببلك مشاكل

بقا كمال يحاول فتره ويه امه بس هي رافضه
الحد مآ اجاني بفكره

كمال اني كلت الامي اخطب بنيه مطلقه بس ما تعرف منو
اني راح اجيبها واجي واكلها اريد اخطب هاي البنيه
وذيج المطلقه بطلت ما اريدها لان هي ما تعرفج

لقاء واذا عرفت شلون
كمال من تعرف واحنا مزوجين احسن ماتعرف هسه وترفض وتسويلي مشاكل
خل تزعل يوم يومين واني اصالحه

لقاء شلون نبدي حياتنا بجذبه

كمال المهم اني وياج متفاهمين وهاي حياتنا وتخصنا وحدنا

المهم بقى كمال يقنعني اله توافقين ولا اضيعين ايام عمرنا
واحنا ننتضر هذا يقبل وذاك ما يقبل
بالنهايه هاي حياتنا احنا وبس

من كد مايلح كمال بلموضوع وافقت واني ما مقتنعه
وفعلا اجو اهله علينا خطابه
وامه بس شافتني تعجبت
يمه تخبل شني من بنيه ولمن عرفت البيت باسمي فرحت اكثر عروسه وبيت بعد شيريد كمال

كمال كال نختصر الاجرائات حيل خاف يوصل خبر الاهلي
وتخرب الشغله

كال مانسوي عرس العرس يعني تجمع يعني قيل وقال
يعني الاخبار توصل بسرعة الريح
بيوم الخطوبه عقدنا
وثاني يوم بلشنا بعقد المحكمه
بس خلص عقد المحكمه كال امشي نروح للشمال ونتمم هذا الزواج بسرعه
اشترا غرفة نوم ووصا اخووو ينقلها ويشدها بيتنا

وامي كالت اني اشتري الفرشات والبرده واكمل كلشي
اشتريت ذهب وباقي الفلوس انطيت قسم الامي
تجهز غرفتي وقسم ضميته
لمن ارجع واشتري ملابس حلوات و باقي الشغلات الي ناقصه
عرسي كان اسرع عرس بلتاريخ

سافرنا للشمال وحجزنا بلفندق قررنا نبقى اسبوع ونرجع
ثالث يوم عرسنا ام كمال اتصلت
عرفت بموضوع طلاكي وعرفت كمال كذب عليها
وتعاركت ويه كمال عركه شكبرها
مدري منو موصللها الخبر
اني حيل ضجت ما احب تصير مشاكل بسببي

كمال كال معليج بيه يمر الوكت وتنسى
الام دائما تسامح وتغفر لان ماكو مثل كلبها ابد

كملنا اسبوع ورجعنا لكيت امي مسويه غرفتي تخبل
بس وصلنا اجو بيت خالي يباركون النا

بس اهل كمال محد اجه زعلانيين على زعل امهم

لقاء خلي نروح نسلم عليهم بلكت يروح الزعل

كمال مو هسه خل السالفه شويه تبرد وبعدين نروح

رحت للسوك اني وكمال واشتريت ملابس وكل الشغلات الناقصتني


ورا اسبوعين راح كمال وحده اللهم
اهله استقبلو بس امه زعلانه
تكول كمال ضحك عليه وستغفلني
رجع كمال ضايج منهم
لقاء اني اروح وابوس ايدها وراسها بلكت تقبل

اخذني كمال ورحنا الهم ابو وخوانه استقبلوني بس امه
طلعت وطردتنا من البيت

ولله اني ما ضجت منها حقها ام
كان المفروض يصبر كمال اكثر ويقنعها

من اول شهر صار حمل ولله من عرفت كعدت بلعياده وكمت ابجي
النسوان عبالهن اني ما اريد اطفال وابجي جي طلعت حامل
وكمال يسكت بيه كدام الناس
ولله ابجي هلكد ما فرحانه الحمد لله الي جبر خاطري

كمال مابطل يروح الاهله ويستسمح امه وامه ماتقبل ترضا ابد
بدينا نبني بلمجمع مالتنه انطينا الشركة مقاولات تبني
ونسدد بلقسط
مرينا بضروف صعبه لان اني ادفع ايجار وهو يدفع ايجار
ونسدد قسط البناء
بس رب العالمين ما ناسنا ابد
كان دائما يرزقنا من فضله

وصلت للولاده وكان يوم صعب كلش عليه
بقيت اطلك من الصبح لليل وصلت للموت

كلت الكمال فدوه روح خلي امك تدعيلي خاف اموت
امك ما راضيه على هذا الزواج
راح كمال واني الوجع اخذني

ما حسيت غير كمال وامه اجو اثنيينهم
دنكت وبست ايدها وكتله فدوه سامحيني

باستني وخلت ايدها على بطني وكالت يامسهل سهل امرها
يارب سهل امرها
وكامت تقرأ آيات قرائنيه حسيت نفسيتي صارت زينه
راسا طك المي عندي
دخلوني الصالة الولاده وجبت ولد يخبل نسخه من كمال
اشكر وعيونه صفر

اجت ام كمال تبوس بيه وتكول الحمد لله على سلامتج

طلعنا وراحت ويانه البيتنا وبقت عدنا يومين إداري ابني

الحمد لله حمدا كثيرا
كدرت اسدد السلفه الي سحبته للمحل مالتي
وكمل المجمع مالتنا وفتحنا وسويناله دعايه تخبل

الحمد لله هسه لاندفع ايجار ولاندفع قسط السلفه
فلوسنا النا
ولله فاتحه علينا من أوسع الابواب
هسه اني حامل بشهر السادس هلمره بنيه
اتمنى الله يتمم عليه وعليكم بلخير

النهايه
اسف جدا اسف.

عملية الفتاق

‏تعلمت من الحياه أن التمسك الزائد بالأحباب لا يزيدهم إلا عناداً و قسوه ..!!❤️

معلومة سريعة

الرضاعة الطبيعية لازم اقل شيء 20 دقيقه
لان اول 10 تنزل فقط الماء والاملاح
وثاني 10 تنزل البروتينات والدهون اللي
تخلي الحليب يصير Thick وميسبب vomiting
يعني بكل ثدي اقل شي 20 دقيقة
مو واحد 10  وثاني 10 
كل واحد على حدى 20 دقيقة اقل شيء
.......
◼️NG tube  in Neonate / pediatric
انبوبة التغذية
لازم ميضل اكثر من 72  تتبدل لازم لسببين
📌الاول ان بعد 72 ساعه
حيصير تكاثر في البكتريا من الجلد في منطقة دخول الانبوبة  Bactrial overgrowth skin flora
ك ال malassezia وغيرها
📌الثاني ان ال NG حيصير حوله
coating of lipid material
ترسب لدهون حول الانبوبة

ف بتالي محيستفاد طفل من المواد الي تعطى في انبوبة التغدية

#دمتم_بخير

‏وأنا هكذا
حتى على حافة -الإنهيار-
أبدو وكأنني الأكثر ثباتًا
بهذا الكون

-‏ملزومين نتعايش مع المنافقين
لان هذا هو الصنف المتوفر في مجتمعنا حالياً .

حسبالي الجروح تطيب
وصدگ ننساها من نكبر
وحسبالي الغدر مكروه
واليحجي الجذب يخسر
ماادري الجرح بالروح
ويه اسنينه يخضر
أثاريه الگلب معذور
من حجايه يتغير
من شاف البشر وجهين
عرف مگفاه بيه الشر
هذا الوكت للموزين
مو للطيب المعشر
احسبها عدل وتشوف
ابد ليغرك المظهر
ميل الساعة مامرتاح
بس طول الوكت يفتر

بقلمي 💟

#10معلومة_طبية😍  👇👇

1⃣ الإستخدام الطويل #للأسبرين يسبب نقص فيتامين C و بدرجة أقل فيتامين K وفيتامين B12.

2⃣ الإستخدام الطويل #للميتفورمين يسبب نقص فيتامين B12.

3⃣ لايجوز تناول مركبات الحديد بحالة فقر الدم دون معايرة حديد المصل والفيرتين والتأكد من أن التشخيص هو فقر دم بعوز الحديد.

4⃣ أفضل وقت لتناول #فيتامين_D هو صباحاً أو بعد الغداء ويفضل بعد وجبة دسمة.

5⃣ المضاد الحيوي #ريفامبيسين يلون سوائل الجسم والبول باللون الأحمر.

6⃣ لا تعطي #مسكنات_الألم لمريض يعاني من ألم بطني مجهول السبب خوفاً من إخفاء أعراض التهاب الزائدة الدودية.

7⃣ يفضل التقليل من تناول الأغذية الحاوية على فيتامين C عند مرضى الحصى أو الرمل.

8⃣ أفضل وقت لتناول دواء #البيندازول ( ديدال ) هو قبل  تناول الفطور  او بعد وجبة دسمة.

9⃣ لا تستخدم #المدررات البولية للتنحيف و تخفيف الوزن.

🔟لا تعطي مسكنات ألم من زمرة #NSAIDs لمريض يتناول الوارفارين كمميع دم.

هذه الابراج نقناقيه نكديه يكرهوك حياتك 😒

رجل وامرأة برج الحمل
رجل برج الميزان
رجل وامرأة برج العقرب
رجل وامرأة برج القوس
رجل برج الدلو
امرأة برج الجدي
امرأة برج الحوت