تعَرُف غلاتك لو بعَد
مَحتاچ أبينهَا أكثر ؟
يَالبيك لهاني
العُمر
ما رَكزِت بي مِن مَرّ
يمكن اذا گتلي
شگثر تهواني ؟
راح أتحَيّر الليله أعِد مَحبتك
بس باچر تزيّد أكثر .

انه بلا وعِي مِن انطيتك الروحَ
وعقِل ما چان عندِي
وهسة فزيت
ما چذب وگلك باچر
أنساك
عِفتني وذكرّيات هواي خليَت
إذا كُل حايط البي
إسمك يطيحَ على هالحالة لازِم
نهدِم البيت .

على كُلاً عِشت
ما خذِت بس انطَيت
وي ليل المجازة
لما شفت ضية ،
وينه وينه لألگاه
بيه جاي يبيع ؟
وين الآنه منطِي
من هوىْ الرية .

لـ إيهَاب المالكِي

الله أنطاك عُمرّي وعِشت وياي
وي غيري شتظن هم الله ينطيك

جِنطة سَفِر دمعِي ومَاخَذه وياي
خِلص بأول محَطهِ گبَال طارِيك
عليك مخلِي بَالي وخَاف فَد يومَ
تبَرد بَيَه حَاسبَ بيِش أغطِيك
أنَا مُوصي الجُروحَ يَلبِسن ثَياب
مو لجِل السترَ بَس خاف أمر بيك
أكو حضنة ملاگه وحضنة وداعَ
ياهِي تريِد منهِن مِن ألاگِيك؟

لـ عليّ رِشمَ

ما تسّون واحد يتعبلكُم
ولا چن بالشدّايد واگفلكُم
طِحت عفتوني وحدِي
وكُلكم صرتوا ضدِي
وانه بأصعَب ظرف
ما فارگتكُم .

كون تشوف رُوحي
شخَله بيها الخوف
مطلوبة نذر وتخاف
ماتوصل حَضرتك
"من بعيد تطوف"

لـ جبَارّ رشيَد .

سولِف گول إلك وأهِس تضّل ويَاي
وإذَا مَا إلك وأهِس گول لَا تخجَل
مَا أقبَل أحبَك وأنتَ مَا مرتَاح
ومَا أرتَاح أحبَك وأنتَ مَا تقبَل

لـ جبَارّ رشيَد