РАМАЗОНИМ.

Хар бандага бир синов, бир имтихонсан,
Гуноҳлардан покланишга бир имконсан,
Ўз вақтида йўқлайдиган қадрдонсан,
Ҳуш келибсан, қутлуғ келгин Рамазоним.

Юртга тинчлик тилаб шому саҳарларда,
Қаноат берар оллоҳ сўрсанг агарда,
Дийдоринг кутади хар бир мумин банда,
Хуш келибсан, қутлуғ келгин Рамазоним.

Фараҳли ой, шарафли ой, мубораксан,
Пайғамбарлардан мероссан табораксан,
Танни, дилни поклаш учун сен кераксан,
Хуш келибсан, қутлуғ келгин Рамазоним.

Жаннатларда ёруғ юзли дийдор учун,
Тавба учун, узр учун, иқрор учун,
Ислом асли бебаҳодир сен бор учун
Ҳуш келибсан, қутлуғ келгин Рамазоним.

© Шаҳноза Рўзиева.
@kamina_Shahnoza
=====
Агар ёққан бўлса 👍 ни босинг ва бошқаларга хам улашинг.
https://t.me/xazil_sher

https://t.me/xazil_sher/862
Ни автори:
Фотима Рахматиллахўжаева экан

✍🏻KORONAVIRUS HAQIDA SHE'R

Юқоридаги пародияни аудио вариантини хам юборишибди.

🎤 Зайниддин.
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

# дебют
=======

Дунёни босганда мудхиш бир бало.
Инсони йиқитса кўринмас вабо.
Бандалар қолганда иложсиз танхо.
Оллох! Бу балодан ўзинг халос эт!

Муқаддас масжидлар бугун бекилган.
Кўчаларда фақат дарахтлар танхо.
Тушкунлик. Инсонлар уйида колган.
Оллох! Бу балодан ўзинг халос эт!

Инсонлар айбини тушиниб етди.
Қилган гунохларин азобин чекди.
Қанча инсонларни жони хам кетди.
Оллох! Бу балодан ўзинг халос эт!

Ниятим хаётим изига кайтса.
Масжидда намозлар ўқилса яна.
Қўл сиқиб Дустларим бағримга боссам.
Оллох! Бу балодан ўзинг халос эт!

© Рахимов Элёр
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Қўшни хотинлар сухбатидан.
=====
- Картошкага юборсам
Эримни боягина
Машина урворибди
- Бечора эссизгина...

Энди нима қиласиз?
Кўчаям жа ёмон-да!
- Нимасини айтасиз...
Тухум пишираман-да!

© Samigo, 25/04/2020
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Рамазон айтиб келдик телефонингизга.
Илохим даромад берсин чўнтагингизга.
Оқ сўм - кўк сўм пайнет қилинг 10 ООО сўм.
Шу телифон орқасида ой кўринар.
Абонентни эгалари бой кўринар.
Пул тушмаса ахволимиз вой кўринар.
Оқ сўм - кўк сўм пайнет қилинг 10000 сўм.
Кам ташласангиз бўлмайди.
Кейин мегабайт бермайди.
Алоқаларимиз бўлмайди.
Оқ сўм - кўк сўм пайнет қилинг 10000 сум.

Кириб келган РАМАЗОН ОЙИ МУБОРАК.

Бугун дунёда энг камтар одамни туғилган куни! 😊
Личкамга табрик юборганларга яна бир марта миннатдорчилик билдираман!

Лекин, мингта "Сиз-Биз"дан битта "жиз-биз" яхши - деган гап бор. 😜

#880# орқали юборилган "совға" ларни ола олмаяпман.
телефон номеримга юборманглар.

Шунинг учун
UZCARD:
8600 0329 3387 3135
HUMO:
9860 0101 2390 6231

ни каналларимга жойлаб қўяқолай. Зора миллионер бўлиб кетсам 😜

Табриклар, гуллар, пуллар учун личкам @samigouz

Карантин. Уйимга совға кўтаб келсангиз хам киритмайман! 😜

Уйда қолинг ва падаркани электрон усулда юборинг! 😊

#табрик
ТАБРИКНОМА !!!

САМИГО акамга

Дунё иши ажиб синоат ,
Баъзан кенг-у , гоҳи бўлур тор
Менга писанд эмас аламлар,
Суянчиғим, дилбар акам бор

Душман кўпда қилса маломат,
Излаб қолсам кунда ҳаловат,
Бор бўлса бор бўлсин саломат,
Суянчиғим , дилбар акам бор.

Куйлай десам, ногоҳ синса тор,
Номардларга куним қолса зор,
Йўқлагувчим ҳар лаҳза такрор,
Суянчиғим, дилбар акам бор.

Буғдойзорни кесиб ўтиб ҳам ,
Меҳринг кафтда тўлиб тутиб ҳам,
Менга ўхшаб "камтар-ей" бирам,
Суянчиғим, дилбар акам бор ...

=====
Ака, туғилган кунингиз муборак бўлсин. Бунақа ёшларнинг кўпини кўриб юринг . Оилангиз бахтига, бизнинг бахтимизга доимо соғ ва саломат бўлинг
Сингилдан...

© Гули & Бахор 🍁🍁🍁
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#архивдан

Янги ўзбек бир куни
Тралейбус кўрибди
Ёққанига у шуни
Уйи томон бурибди

Пулни кўрган шафер хам
Маршрутни бузибди
Сим йўллар бўлмаса хам
Акумлатир топибди

Манзилда у қараса
Йўллар роса бузилган
Бир ерда чуқур бўлса
Бошқи бир ер уйилган
 
Шаферни тили қичиб
Ўргатишни бошлабди
Бойга шунча пул топиб
Исрофлашин пешлабди

- Бунақанги юрмасдан
Кўчангизни тўғриланг!
Пулни бундай чачмасдан
Мана бу ишга сарфланг!

- Халиги пулни сенга
Жим, юргин!-деб берганман.
Кеча тунда мен уйга
Метро билан кеганман!

© Samigo, 30/03/2012
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#актуал #муаммо

@СИРДАРЁНИНГ САРДОБАСИ@

Аллох солган синов бошда.
Юзлар мунгда,кўзлар ёшда.
Синалмоқда бу дам дошда.
Сирдарёнинг Сардобаси.

Бас йиғлама кўз ёшинг арт.
Сен бу ғамни енгмоғинг шарт.
Бўл сабрли,сертоқат, мард.
Сирдарёнинг Сардобаси.

Оқиб турса манглайдан тер.
Хар не ташвиш хал бўлар дер.
Қани қўлга қўлингни бер.
Сирдарёнинг Сардобаси.

Кўпдан қуён қочганми хеч.
Уйқу бермас ўйлардан кеч.
Тушкунликнинг тўнини еч.
Сирдарёнинг Сардобаси.

Юртнинг боши доно, шахдли.
Хақсўз,халқин суйган ахдли.
Бахтли бўлган,бўлар бахтли.
Сирдарёнинг Сардобаси.

Ғамли кунлар кетди унут.
Бошинг эгма қаддингни тут.
Хашар бошла дўстларни кут.
Сирдарёнинг Сардобаси.

Аллох қилган синов бошда.
Бирдек ташвиш кекса ёшда.
Кўпга ўрнак дерлар дошда.
Сирдарёнинг Сардобаси.


© Ғуломжон Нормат, 3/05/2020
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Ҳокимдан руҳсат олиб,
Дўкон қурди Тeшавой,
Ундан-бундан қарз олиб,
Чунон қурди Тeшавой.

Ногоҳ ишдан бўшади,
Руҳсатни бeрган ҳоким,
Ўрнини совутмасдан,
Янгиси кeлди лeкин.

Эски ҳоким қарори,
Янгисига ёқмади,
Тeшавойнинг дўконин,
Буздиришни хоҳлади.

Бу қарорни эшитиб,
Адо бўлди Тeшавой,
Банкдан фалон қарзи бор,
Гадо бўлди Тeшавой.

Катталар кeлар кeтар,
Бало урмас бойларга,
Лeкин ҳоким алмашса,
Қийин Тeшавойларга.

© Баҳодир Искандаров
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ЮРТИМ БОШИ ТЕРГАБ ҚЎЙИНГ ЮЛДУЗХОННИ@

Чиқармоқда диндан юзлаб мусулмонни.
Хор этмоқда Аллох ато қилган шонни.
Бугун битта ўтинчим бор айтсам сизга.
Юртим боши тергаб қўйинг Юлдузхонни.

Чивин чаққан тана каби тўрт ён чопиб.
Завқ олмоқда дуч келганни итдек қопиб.
Ишингиз кўп биламан лек бииир вақт топиб.
Юртим боши тергаб қўйинг Юлдузхонни.

Халқ тупуги уммон,чўкиб кетмайдими?
Халқим деган халқни қадр этмайдими?
Бугун бошда шунча офат, етмайдими?
Юртим боши тергаб қўйинг Юлдузхонни.

Ички ишлар ходимларин ёвдек билиб.
Лаънат айтиб Оталарин бағрин тилиб.
Қаранг қанча иғволарни қўйди қилиб.
Юртим боши тергаб қўйинг Юлдузхонни.

ДАН сиз кўча кўйда тартиб бўларми,йўқ.
ДАН чилар бор яшаймиз тинч,кўнглимиз тўқ.
Ширин сўзда айтасизми ё қилиб дўқ.
Юртим боши тергаб қўйинг Юлдузхонни.

Сўзин тинглаб ўзбек орим қилди исён.
Тан титради,жон қақшади,қайнади қон.
Ахир бизда зўрлик эмас хурлик замон.
Юртим боши тергаб қўйинг Юлдузхонни.

Чиқармоқда диндан минглаб мусулмонни.
Бир пул қилиб Аллох ато этган шонни.
Йўлин тутиб ўзингиздек хақ Хоқонни.
Юртим боши тергаб қўйинг Юлдузхонни.

© Ғуломжон Нормат. 05/05/20
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Кутубхоначининг орзуси.

Ишга келдим бир куни
Хеч кутмагандим буни
Жойига қўйдим секин
Тойчоғим Малубини

Одамлар туриб навбат
Мени кутармиш фақат
Қачон келар экан деб
Бўлармишлар бетоқат.

Йўлимни пойлашармиш,
Кўнглимни овлашармиш
Рахмат деб чўнтагимга
Соққа хам жойлашармиш.

Китоб бер деб баъзилар
Ётиб хам олган эмиш
Бир ойлигим бир ойдан
Ортиб хам қолган эмиш.

Қувиб қайғу армонни
Сурармишман давронни
Ош ейман деб абедга
Атказ қипман лағмонни.

Соат олти. Кеч бўлди
Сўнг эслаб қопман бирдан
Хоким бува уй берган
Мактабга яқин ердан.

Ўз кунингдан ўзинг шод
Яшаб юрсанг хуш экан
Кўзларим катта катта
Очиб курсам, туш экан.


© ШАҲНОЗА РЎЗИЕВА. 05/04/2019
@kamina_Shahnoza
=====
Агар ёққан бўлса 👍 ни босинг ва бошқаларга хам улашинг.
https://t.me/xazil_sher

ОВОЗ БЕРИНГ.

Уйда хам тиним билмай
Ишлаяпман бўш вақт йўқ.
Топшириқ келар тинмай
Гох илтимос, гохо дўқ.

Дейишар фалончиева
Дарров шу ишни қилинг.
Шу каналга киринг ва
Шу жойга овоз беринг.

Бегонамас хеч бири
Жигар, таниш, устозим.
Рост овоз беравериб
Чиқмай қолди овозим.

Хомтама бўлмасинлар
Зўрман деб ўйлаганлар.
Кўп овоз тўплайдилар
Таниши кўп бўлганлар.

Уларга овоз берсам
Нима фойда кўраман?
Овоз керак менга ҳам
Қарзга овоз бераман!

Овоз беринг ёшларга
Ижодий парвоз беринг.
Бир илтимос, Сизларга:
-Шеъримга овоз беринг!


© ШАҲНОЗА РЎЗИЕВА.
@kamina_Shahnoza
=====
Агар ёққан бўлса 👍 ни босинг ва бошқаларга хам улашинг.
https://t.me/xazil_sher

Аёллар ҳақида...

Бир мамлакат эрлари,
Кўп айтаркан бир мақол:
"Аёлнинг - сочи узун,
Ақли қисқа!"
Бу не ҳол ?!

Аёллар чидашибди,
Юзлаб, минглаб, кўп бора.
Сабр косаси тўлиб,
Тошганмиш ...
Охир чора-

Йиғилдилар, келишиб
Узун сочлар кесилди !
Ўзларин айбдор билиб,
Эрлар роса эзилди...

Энди аҳвол ўзгарди,
Калталанди кўйлак, енг,
Аёллар шим кийишар,
Эрлар билан бўлиб тенг.

Вазият ҳам ўзгарди,
Айланди чаппасига,
Аёллар келиб олди,
Ҳокимият тепасига...

Энди " бегим" дейиш йўқ,
Йўқдир сирли хаёллар
Эркакларга тенгмиз дер,
"Ақлли"-да аёллар...

Замонани зўр зайли,
Аёлларни об кетди,
"Шўрлик" эркаклар улар
Соясида қоб кетди.

"Ер-юмалоқ"!
Эркаклар,
Энди қилишар аттанг:
-Қайтармикан изига,
Аёллар қилмай таранг

Ҳар кимда шу савол бор,
Хеч кимсада йўқ ечим
Юрак ютиб уларга,
Айта олмасмиш ҳеч ким.

Бир билимдон эр топмиш,
Муаммо жавобини,
Гар ечилса тугунлар
Олсин-а савобини.

Йиғилишиб эркаклар,
Қўл дуода!
Роз айтар...
Тавба қилдик,
Ё АЛЛОҲ!
УЗУН СОЧЛАРНИ ҚАЙТАР !!!

© Хазонрезги
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

ЭРКАК

Чойҳонада гурунг қизирди,
Сўзни сўзга уларди навбат.
Ҳар кимса ўз фикрини айтар,
Кимдир ғийбат , ким эса ибрат...

Ногоҳон бир эркак сўз олди,
Гапин айтар нохос керилиб
Аёлини бирам камситиб :
- Пойафзалим ! -деди берилиб

Жўрабоши бўлган эркакнинг,
Бу сўзлардан кўнгли ўқ еди:
-Аёлингиз пойафзал бўлса ,
Сиз - оёқсиз, нетамиз?!- деди.

Менинг эса жуфти ҳалолим,
Аёл эмас - Малика ! Айтсам...
Оддий ишчи - кўчада, аммо,
Подишоҳман!!!
Уйимга қайтсам...


© Хазонрезги
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

ЖУФТ

Шер ва буқа бўлиб биродар,
Улфатлашмоқ истабди кўнгил.
Тузалибди қуюқ дастурхон,
Суҳбат аро ёзилибди дил.

Хабар келмиш буқа ёридан.
Зиёфатнинг қуюқ жойида
Жавобига буқа ногоҳон,
Ўкирармиш шернинг пойида.

Қалаштириб ёмон сўзларни,
Жавоб йўллар сигирхонига.
Камин бориб айтаман дермиш,
Борганида ҳали ёнига...

Ҳайрат ичра боққан шерга ҳам,
Зумда шерхон йўллабди салом
- Бораяпман, азизам,- дея,
Шер айтармиш лутфли калом.

Буқа ҳайрон ушбу ҳолатдан.
-Лол бўляпман, бу нима аҳвол?
Шер айтармиш:
-Мени кутар ШЕР !
Сени уйда кутганида... мол!

Хулоса :
Бу шеъри-ла шоир нени дер?
- Шернинг жуфти бўлар фақат шер!



© Хазонрезги
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Кеча мени буюк синглим туғилган куни эди.
Чала ёзган шеъримни каналга жойламабман.
Хечдан кўра кеч...
======

Май ойида билсангиз
Хар кун байрам йиғилган
Бугунга қизиқсангиз
Буюк бир қиз туғилган!

Нимаси буюклигин
Тўғриси, мен билмайман
Айтишди суюклигин
Мен хам спор қилмайман

Буюклиги менимча
Менинг синглимлигидур
Қўғайликлар фикрича
Яхши келинлигидур

Балки мактаб завучи
Буюк бўлиш керакдур
Балки бардоши, кучи
Бошқаларга ўрнакдур

Нима бўлганида хам
Ёмон дея кўрманглар
Йўқса оласизлар дам
Кейин хафа бўлманглар

Акаси каби доно
Жуда камтар, одобли
Ишлаяпти мардона
Кеч кетар, келар вахли

Ўрис мактаб бўлса хам
Ўзбекча дарс ўтади
Асли завуч бўлса хам
Дарслари хам етади

Фарзандлари талантли
Бири рассом таниқли
Бири карис шекилли
Келин "Ким", "Ан" ёки "Ли"

Майли нима бўлсаям
Буюклиги қолмасин
Айтмай, айби бўлсаям
Қовоғини солмасин

Отини айтмай туриб
Роса отибманми лой
Майли айтай улгуриб
Уни исми Гулчирой

Туғилган кунинг билан
Табриклайман, Гулчирой
Аканг ёзган шеър билан
Мақтаниб юргин бир ой

Падарка йўқ демагин
Совға нима - биласан
Йўллар ёпиқ. Кемагин
Кейин ўзинг биласан

Опаларинггаям айт
Акам мендан буюк де
Йўл очилар кечки пайт
Торт бераман, ўзинг ке

© Samigo, 6/05/2020
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
@xazil_sher

" АДОЛАТ "

Бир ҳикоят айтаман,
Сўзлар кўнгил тўридан.
Етказгумдир мен уни ,
Устоз Фозил қоридан.

Қадимми, шу замонда,
Билмам қайси томонда.
Бўлган экан бир эркак,
Ҳикоям эмас эртак.

Кунлар ичи бир куни,
Бир давра тушиб иши.
Эшитибди бир даъват,
Соҳиби - мулла киши.

Мулла бобо айтармиш:
Эркак мумкин уйланса.
Бир эмас, нақд тўрт аёл,
Беги бўлиб сайланса.

Фақатгина бир шарт бор,
Кимга билмадим қийин.
Тўртта аёлнинг эри,
Адолат қилсин тайин !

Вой- бў, шунга шунчами,
Яраси экан енгил.
Пули бор ҳар эркакга,
Дастак бўлармиш кўнгил

Пулдор ҳалиги киши,
Шарт ушлабди шу гапни,
Пул-ла рози қилибди,
Хатто хотин тарафни.

Аёли ҳам кўнибди,
Пул қурғурнинг зўридан,
( Кўнмай қайга ҳам борсин?,
Ажраб қолар эридан)

Ҳуллас калом уч эмас,
Битта аёл сайланди.
Шакаргуфтор ул эркак,
Иккинчи бор уйланди.

Адолат талабида,
Эркак роса уринди.
Бўлиб жони юз бўлак ,
Қулоқдан ой кўринди...

Ҳар иккала кундошга,
Бир хил уй, бир хил йўлак,
Таомлари ҳам бир хил,
Бир хилда тақдим кўйлак.

Ҳар иккала аёлни,
Эри бир хил суяркан,
Биттаси бетоб бўлса,
Соғигаям куяркан.

Во ажаб, аёлларга,
Тақдир тенгдан кулганмиш,
Икковлари бир вақтда,
Фарзандларни кўрганмиш.

Тақдир измини қаранг,
"Сўраганга" берибди,
Ё , алхазар, иккиси ,
Битта вақтда ўлибди.

Эр айтар, тиригида ,
Кўрсатдим ҳурматларин,
Энди охирги сафар,
Қилайин иззатларин.

Хуллас калом, ёнма -ён,
Тайёрланибди қабр.
Хар иш пухта бўлибди,
Битта ишдамиш-жабр.

Ул эркакнинг кўча
Эшиги экан битта,
Чиқиб кета олмасмиш,
Икки тобут бир вақтда.

Эркак узоқ ўйланмас,
Деворни бузибди шарт,
Яна битта шундай,
Эшик хам ростлабди қад.

Хуллас , икки кундош ,
Бир вақтда кетибдилар,
Ҳамма расм- русм-ла ,
Чин уйга етибдилар.

Бир чарчабди эркак ҳам,
Уйга келиб мизғибди.
Тушига кирган ҳолдан ,
Хаёллари тўзғибди.

Тушига кирмиш уни,
Катта аёл- Сораси.
Дермиш:
- Адолатни-чи ,
Қилолмадиз, дадаси!

Айтинг , айбим не эди,
Чиққан каби тешикдан,
Суюкли- да , кенжангиз,
Кетди - янги эшикдан...

Ушбу дарак тушидан,
Эркак лоҳас турганмиш,
Қилмаган- чун адолат,
Ҳануз йиғлаб юрганмиш....

Ўқиганларга рахмат,
Тугади- я, ҳикоят.
Кимлар учун бир сабоқ ,
Бўлса эди-я шояд.

Кечирингиз , эркаклар,
Сўзим олмангиз малол,
Ўрнатсангиз адолат ,
Уйланинглар, бемалол.

Гарчи бизнинг замонда ,
Биз аёл - сиздан кўпмиз.
Аммо гапнинг омади,
- Адолат қилиб бўбсиз!!!


© Хазонрезги
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#любоп

СЕВСАНГ АГАР

Севсанг агар ёниб сев,
Ўзингдан ҳам тониб сев.
Севги зилол сув каби
Чанқоғига қониб сев.

Кенг дунёга сиғмайсан,
Кўз ёш тўкмай йиғлайсан.
Ёр азоб чекмасин деб
Ўз бағрингни тиғлайсан.

Дил висолин тусайди,
Бир кўрмоққа қистайди.
Севган инсон ёрининг
Фақат бахтин истайди.

Соғиниб хар сўзини,
Қумсаб қора кўзини.
Чин севган маҳбубига
Тенг деб билмас ўзини.

Севсанг бағри тошни хам
Тош хам бир кун эврилар.
Телбадек севган одам
Телбаларча севилар.

Бахтга етар ошиқлар,
Машойихлар айтади.
Ишқ акс садога ўхшар,
Албат жавоб қайтади.

© ШАҲНОЗА РЎЗИЕВА.
@kamina_Shahnoza
=====
Агар ёққан бўлса 👍 ни босинг ва бошқаларга хам улашинг.
https://t.me/xazil_sher