@НЕГА УЙДА ҚОЛМАЯПСИЗ?@

Дунё хавфдан урмоқда бонг.
Нечун қулоқ солмаяпсиз?
Халқим халқни асраш учун.
Нега уйда қолмаяпсиз?

Ё ичингиз зулмат, гардми?
Ё бу сизга тегмас дардми?
Ё Хиндлардек уриш шартми?
Нега уйда қолмаяпсиз?

Ахир давлат ғамингиз еб.
Қонунларга бермоқда зеб.
Холни англаб,ташаккур деб.
Нега уйда қолмаяпсиз?

Кулфат кезар борлиқ бўйлаб.
Дуч келганни жонсиз кўйлаб.
Болангизнинг бахтин ўйлаб.
Нега уйда қолмаяпсиз?

Сизни асрар энг аввал сиз.
Бизни сақлар энг аввал биз.
Бизга душман бўлмасангиз.
Нега уйда қолмаяпсиз?

Узр байтим тиғдек ботса.
Сизга қараб тошлар отса.
Ва дилингиз пушмон тотса.
Нега уйда қолмаяпсиз?

Бало мағлуб бўлар бир кун.
Деманг қачон ўшал сир кун.
Балони даф қилмоқ учун.
Нега уйда қолмаяпсиз?

Юртим боши урмоқда бонг.
Сизчи қулоқ солмаяпсиз.
Юртдош юртим асрай дея.
Нега уйда қолмаяпсиз?


© Ғуломжон Нормат, 5/04/2020
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

❄️❄️КЕЧИККАН ҚОР

Биз сени кутгандик айни қиш фасли,
Оппоқ булутларга термулиб зор, зор,
Кутгандик декабрь, январда асли,
Бунчалар кечикиб ёғдинг оппоқ қор.

Қишнинг зийнатисан,қишнинг тиллоси,
Фақат қиш фаслида -гўзал,мафтункор,
Бугун майсаларнинг ғамгин нидоси,
Бунчалар кечикиб ёғдинг оппоқ қор.

© Хуршид Карим 8/04/2020.
@Xurshid_Karim
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#Актуал #чалленге
#Хазилмас #муаммо

Карона хақида ёзиш мода бўлаётган бўлса, майли, мен хам озгина хисса қўшай...
=====

Карона оддий бир вирус бўлсада
Яратгучиси хам одам бўлсада
Хамма қарғаяпти вирусни шу он
Карона ёмонмас, ўзимиз ёмон

Карона оёқсиз, юра олмиди
Ватанга бостириб кела олмиди
Уни ташиётган халқимиз томон
Карона ёмонмас, ўзимиз ёмон

Ишлагин деганда, ишга бормимиз
Санқима деганда, уйда қолмимиз
Ўзимиз фойдамиз билмаймиз хамон
Карона ёмонмас, ўзимиз ёмон

Нимаики бўлса - яхшиликка бил
Карантин дедими - унга амал қил
Озгина бормай тур, чойхона томон
Карона ёмонмас, ўзимиз ёмон

© Samigo, 08/04/2020
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#Хазилмас
шу шеърни анчадан (сал кам бир ойдан) бери каналга ташлай олмай юргандим...
Кўпчилик учун жуда ғамгин шеър. Лекин ...
-----===-----

@ОНАМНИ ЎЛДИ ДЕМАНГ@

Ярим тунда қўнғироқ.
Узр дер сўзда титроқ.
Не десангиз хўп бироқ.
Онамни ўлди деманг.

Қуриб кетсин обрў,пул.
Ўз нафсимга ўзим қул.
Мен нодонни туққан ул.
Онамни ўлди деманг.

Борсам кулиб кутганим.
Ош қилиб чой тутганим.
Мансаб деб унутганим.
Онамни ўлди деманг.

Оқ сочлари дасти ғам.
Мехрибон,зот мухтарам.
Майли ёлғон бўлса хам.
Онамни ўлди деманг.

Ажин босган чиройим.
Бағрида яйрар тойим.
Кулба бўлар саройим.
Онамни ўлди деманг.

Сўргани мехрим халос.
Гинадан,кекдан холос.
Кимсиз,битта илтимос.
Онамни ўлди деманг.

Хадик,шубхага лимман.
Гапиринг мана жимман.
Қарзим узмасам кимман.
Онамни ўлди деманг.

Пар ёстиқда ухлар ёр.
Тўрт бандимни бахти бор.
Мехрлим мехримга зор.
Онамни ўлди деманг.

Танимда у берган жон.
Хар холимда турар ён.
Бугун,эрта хеч қачон.
Онамни ўлди деманг.

Эй Ғулом сен ақли йўқ.
Устинг бутун,қорнинг тўқ.
Эшит дея қилиб дўқ.
Онамни ўлди деманг.

Ярим тунда қўнғироқ.
Ха дейман танда титроқ.
Хар нима денг хўп,бироқ.
Онамни ўлди деманг.

© Ғуломжон Нормат.12/03/2020-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#актуал

Болалар сизники, экан устозлар!

( Фарзандларининг шўҳлигига чидаб ўтирган оналар номидан )

Қуёш кўкка чиқди, болалар турмас,
Минг бор ҳай-ҳайлама уйғотиб бўлмас,
Гапимиз ўтмайди, кўнгли ҳеч тўлмас,
Болалар сизники, экан устозлар!

Бир юмуш буюриб, маза топмаймиз,
Кўнглига яримта, сўз тополмаймиз,
Эркалаб юзидан бир ўполмаймиз,
Болалар сизники, экан устозлар!

Теледарсларига бермаса қулоқ,
Тортигимиз келяпти, битта шапалоқ,
Ўғлим эмасдику, мактабда қолоқ,
Болалар сизники, экан устозлар!

Боламиз феълини, тушунмай бизлар,
Қалбингиз оғритдик, кечирингизлар,
Тарбияни доим, сиз берингизлар,
Болалар сизники, экан устозлар!

Омад билан бирга, ҳамроҳ бўлингиз,
Болаларга қонун, айтган сўзингиз,
Уларни синфга, тезроқ йиғингиз,
Болалар сизники, экан устозлар!

© юборишди
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#актуал

ЭЛ БОШИГА ИШ ТУШСА...

Эл бошига иш тушганида,
Ким кимлигин кўргин биродар,
Ким текинга тарқатар молин,
Кимлар сотар икки баробар.

Эл бошига иш тушса, ҳайҳот,
Нокас, очкўз нафси гул бўлар,
Тўнингни сот, пўстинингни сот,
Кафанингни сотсанг пул бўлар.

Эл бошига иш тушган пайтда,
Кимлар тиним билмай- мардона,
Ким тулкидек пусиб, бир четда,
,, Соққа'' қилиш билан оввора.

Бу кунлар ҳам ўтару, кетар,
Пастлигинг, очкўзлигинг қолар,
Эй, ҳалқига мададкор инсон,
Сенинг ёруғ юзлигинг қолар.


© Хуршид Карим
9/04/2020.
@Xurshid_Karim
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#актуал
Каронага минг рахмат

Хамма хазардан қочган
Одамлар кўзин очган
Хатто мехр хам сочган
Каронага минг рахмат

"Кайфу сафо" камайди
Бекорчилар юрмайди
Тўп-тўп ахмоқ турмайди
Каронага минг рахмат

Кўчаларда ит хам йўқ
"Қайда эдинг?" дейиш йўқ
Хамма уйда, кўнгил тўқ
Каронага минг рахмат

Тозаланиш бошланди
Хом каллалар қашланди
Бундан кўзлар ёшланди
Каронага минг рахмат

Военнийлар каскада
Бугун хамма маскада
Ўз-ўзингни асра-да
Каронага минг рахмат

Мия планга тўлди
Ўйлагани вақт бўлди
Нопок ниятлар ўлди
Каронага минг рахмат

Хамма озода юрар
Хар соат қўлин ювар
Бўлса хамки у "тварь"
Каронага минг рахмат

Хамма намоз бошлади
Билмаган бош қашлади
Ислом ривож бошлади
Каронага минг рахмат

Духтирлар даври бўлди
Қулоқ солмаган ўлди
Қўл ювиш вақти бўлди
Каронага минг рахмат

Мелиса ёмон дердик
Тушундик, рахмат, кўрдик
Мана энди тан бердик
Каронага минг рахмат

Бу кунлар ўтар кетар
Бу бало куни битар
Тарбиянг бизга етар
Карона сенга рахмат

© Samigo, 09/04/2020
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#любоп

@КЕЛИНГ, БЎЛИНГ ТАСАЛЛИ@

Сиз сўзлари асалли.
Бўлдим ишқ дер касалли.
Десам келинг қилмай ноз.
Бўлинг малхам, тасалли.

Азобим мўл, дардим мўл.
Бир висол бир ўлмоқ йўл.
Дасти тўккан ёшимдан.
Пайдо бўлди Айдар кўл.

Қошингиз қаро, ёйдек.
Хуснингиз тўлин ойдек.
Қучоғингиз мен учун.
Жаннат аталмиш жойдек.

Холим кўриб холсиз лол.
Соғинганман сўранг хол.
Хижрон миниб елкамга.
Алиф қаддим этди дол.

Кун ўйим тарк этмайсиз.
Тун тушимдан кетмайсиз.
Гўзаллар кўп ичра бир.
Сиз қадримга етмайсиз.

Кўзим тиниб, йўл боқиб.
Ашъор битдим шам ёқиб.
Келмасангиз хеч қурса.
Айтиб қўйинг сим қоқиб.

Ғуломман ишқ касалли.
Дардим достон,масалли.
Дедим келинг этмай ноз.
Келинг бўлинг тасалли.


© Ғуломжон Нормат, 9/04/2020
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Янги ёзишга эриниб, ўтган йилгисини ташлайвердим...
=========
Бугун Кобра Захаровнани туғилган куни эди! Ухлаб қолишини пойлаб, энди бир боплаб мақтаб қўяй:
============
Бугун "Хоким қизи"ни
Туғилган куни бўлди
Хабардор қилай Сизни
Қириқ еттига тўлди!

Шу ёшни қоқ ярмини
Биргаликда яшадик
Рўзғор бору камини
Қўш хўкиздек кавшадик

Мен чарчаб қолганда хам
Бу хоним чарчамади
Эри синиб қолганда
Қирқ жонин асрамади

Хар кун тинмай ишлаб хам
Чарчаб кеттим демайди
Уй ичи ишларин хам
Қизларига бермайди

Хар қандай муаммони
Мехнати билан енгган
Тўғриси бу момони
Оллохни ўзи берган

Оилани тахтига
Майли, бугун бир минсин
Мендек эрни бахтига
Шу хотин юзга кирсин!

© Samigo, 10/04/2019
https://t.me/xazil_sher

#табрик

Хурматли Кобра Захаровна! Дилором Турғунбоевна!
Сизни туғилган кунингиз билан табриклайман!

Қолган гапларни шеър билан айтаман...
Аниқ биламан, бизни КЗ бу каналга кирмайди. Мабодо кирсаям, бу ёғини ўқимайди. Шунинг учун, мавзудан чиқмаган холда давом эттираман.
======


Бугун бизни Кобрани
Яна туғилган куни
Нася қилдим совғани
Хамма билади буни...

Чунки карантиндамиз
Зўр бахона топилди
Кўчага чиқмаяпмиз
Кўча, йўллар ёпилди

Қуруқ бўлса хам сени
Табриклайман, хотинжон
Қуруқ бўсам хам мени
Хеч урмайсан, деб "нимжон"

Уйда ўтириб, мана
Хамма ишинг қиляпман
Овқат шўр бўпти яна
Сўкмаяпсан, биляпман

Бунақа яхши хотин
Фақатгина менда бор
Кеча тердирдинг ўтин
Ёғса хамки совуқ қор

Кечаги шўр нонимни
Пешонамга сургандим
Сўрмагин деб қонимни
Озон бўлмай тургандим

Бугун сенга аталган
Торт пишириб берайин
Қўшним қўйи йўталган
Шуни сўйиб берайин

Бугун роса зиёфат
Хурсандчилик қиламиз
Кетса анави офат
Сўнг ўзимиз биламиз

Кўряпсанми хотинжон
Ароқ ичмай қўйганман
Тўғри гапинг, хотинжон
Олдин роса тўйганман

Мана омадинг келиб
Сен айтгандек эр бўлдим
Жиловни сенга бериб
Туппа тузик ер бўлдим...

Хазиллашдим, онаси
Хамма билар кимлигинг
Қиммат буни донаси
Қўрқитяпти жимлигинг...

Хурустални сингани
Яхшиликка дейишар
Бош ёриғим кўргани
Скорийда келишар...

Нима бўлганида хам
Сен хаммадан яхшисан
Ёлғонмас бу, ростданам
Хаётимни нақшисан!

Менинг бахтимга доим
Тепамда сайраб тургин
Иш буюр, сал мулойим
Қилмасам, майли, ургин.

Каналдаги бу шеърни
Хотиним ўқимайди
Йўқса камина шеърни
Бунақа тўқимайди

Мабодо ўқиб қолсанг
Биласан, ёлғончиман
Яхшимас, чақиб олсанг
Бу ерда "Полончи!"ман

Мендан хафа бўмагин
Бошингдаги ғовғангман
"Совға йўқ-ку?!"- демагин
Ўзим энг зўр совғангман!

© Samigo, 10/04/2020
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#зўри
@БИЗ ХАЛИ ДУНЁГА КЕЛАМИЗ РАЙХОН@

Биз хали элликка кирамиз Райхон.
Ўғлимиз уйлаймиз,қиз узатамиз.
Кýриб набиралар шириндан шакар.
Уларга бешик сýнг той тузатамиз.

Битмаган бу уйлар битади хали.
Ховлимиз бола лим бозор бýлади.
Бахт қолар,тахт қолар, қолар халоват.
Кетгани ғам-андух,озор бýлади.

Биз хали олтмишдан ошамиз Райхон.
Аллох умримизни бериб турса бас.
Сени кампир дейман чол ата майли.
Орзуга айб йýқ,айб эмас хавас.

Каттамиз авлли, кенжамиз доно.
Қизларинг ýзингдек хушли, мехрибон.
Сухбатлар қурамиз ёшлигин ёдлаб.
Боқиб бизга таниш юлдузлар томон.

Биз хали етмишга етамиз Райхон.
Сочга оқ қýнади юзимизга доғ.
Кýзимиз кулдириб, кўнглимиз шодлаб.
Тотли мева берар боғбони биз боғ.

Невара уйламок бýлар ýйимиз.
Сен келин излайсан келининг ёнда.
Насиб нафавадан пул йиғиб бирга.
Донгли тýй қиламиз хоов Гулистонда.

Биз хали саксондан сакраймиз Райхон.
Қýлимиз ушлайди учинчи пойни.
Ховлида сýрида ичамиз насиб.
Невара келиннинг қýлидан чойни.

Мен соқол қýяман кýкрагимгача.
Набирам тортқилаб ýйнамок учун.
Сен ýсма қýясан улар қошига.
Уларсиз бизларга яшамок нечун.

Биз хали тýқсонда турамиз Райхон.
Набира исмини эслолмай хайрон.
Олтмишдан ошган тýрт бандимиз билан.
Сухбатлар қурамиз кулишиб шодон.

Беш махал тоатни килмаймиз канда.
Аллохга шукрлар айтамиз такрор.
Бизлар энг бахтлидан бахтли бýламиз.
Бахтсизлик бизларга беролмас озор.

Биз хали юзга хам юзлаймиз Райхон.
Дуолар қиламиз тинчликни тилаб.
Энди абиралар ýйнар биз билан.
Эртаклар айтамиз сочларин силаб.

Биласан боқийлик бир Аллохга хос.
Ва ундан сýраймиз бир вақт ýлгани.
Бир вактда ýлиб сýнг насиб қачондир.
Дунёга бир вақтда мехмон бýлгани.

Биз хали дунёга келамиз Райхон...


© Ғуломжон Нормат. 09/06/2017
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Hoy dadasi, karantin
Kayfiyatim past ancha.
Meni quvonturuvchi
Gaplar ayting bir qancha.

-Faraz qilgin xotinjon
Dengiz bo'yi ajoiyb.
Sohilda men yotibman
Fantastika g'aroyib.

Okean to'lqinlari
Uriladi yuzimga.
Stolda turli meva
Ko'rinadi ko'zimga.

Mevalarni yonida
Shampan vinosi ham bor.
Go'zallar atrofimda
O'tirar turnaqator.

-Voy, dadasi, men sizni
Yoningizda edimmi?
Er uni bitta soldi.
-Ha, er. U-bu dedimmi?

Kaltafahm, hoy xotin
Qaydan unda bo'lasan.
U yerda bir o'zimman
Sen-ch... Uyda qolasan!

© Abdulaziz G'irvoniy
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazi

Sud bo'lyapti bir joyda
Narkotik haqida ish.
Ayblanuvchi Toshpo'lat
Tajang qamalgan emish.

Qo'shnisi Apsamatdan
Advokat so'rar savol.
-Toshpo'lat sizga nasha
Berdimi? Ayting darhol.

Apsamat hech o'ylamay
Yo'q bermagan hech dedi.
Shunda qirriq advokat
Boshqa savolin berdi:

-Xotini-chi, xotini
Bermaganmidi u ham.
-Gap narkotik haqida
Ketyaptimi haliyam?

© Abdulaziz G'irvoniy, 11/04/2020
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazi

Коронавирусга бағишланган хазил шеър. (М.Юсуфдан илҳомланиб) ёзишибди.

Вирус, вирусжоним, коронавирус.

Сендан нима қолар: бўм-бўш кўчалар,
Икки қоп картошка, бир уюм маска.
Одамлар ортингдан "китайский" дер,
Асли бу сўкиш ҳам кам сендек наҳсга.
Тур, жўқал, ўзбекдан умидингни уз,
Вирус, вирусжоним, коронавирус.

Касал бўлсам, мендан йироқ тур, хотин.
Ўзи етар сенга бола ташвиши.
Бу касал аслида гриппдек, лекин
Тез юқиб кетаркан, хавотир киши.
Тур, хотин, очқолдим, бориб овқат суз...
Вирус, вирусжоним, коронавирус.

Уйда ётибман-у, сезиб турибман,
Мегабайт кетяпти қулоқни ушлаб,
Пайнет қилишгаям қўрқиб турибман,
Тургандирсан кўчада асбобинг учлаб.
Карикатура чизмай, ёзаяпман сўз,
Вирус, вирусжоним, коронавирус.

Ишхонамни яна кўрарманми-а,
Бошлиғам одамдек хайрлашмади.
Свой счётдан тезроқ чиқиб кетай-да,
Чўнтакка қўл солсам, пул илашмади.
Муллажиринг тугаса, нима қиламиз...
Вирус, вирусжоним, коронавирус.

Бироқ, кўнглим сезар, сен кетгандан сўнг
Бу кўчалар тўла одам бўлади.
Ҳали ахлат йиғиб, чарчайсиз, хола,
Ҳали бу йўлларга мусор тўлади.
Ҳозирча кўринмас ахлат, бычок, нос...
Вирус, вирусжоним, коронавирус.

Хотин, бияққа кел, қара, не савдо,
Бу ажиб ишларни камерага ёз:
Толпа қайнаб бижғир люббой бозорда,
Гўё бахтга - картошка етмайди холос.
Ур-теп, тала, юлиб ол, кес-уз...
Вирус, вирусжоним, коронавирус.

Бетим қичиб борар, бош қичимоқда,
Айтгин қайнағамга - сартарош топсин!
Улпатлар у ёқда ёлғиз қолмоқда,
Карантинда қайдан чойхона топсин!?
Улпат, менсиз қандай тотаяпсан туз?...
Вирус, вирусжоним, коронавирус.

Буни карантин дер, унутма асло,
Эрталаб турасан, кечга ётасан.
Олдин якшанбани кутардим, аммо
Ҳар кунинг якшанба бўлса, нима қиласан?
Ер чоп, уни тузат, манавини буз...
Вирус, вирусжоним, коронавирус.

Бетда масканг билан дўкон, бозор кеч,
Нархларни кўрганда ҳушинг учмасин.
Худодан сўрадим: бундан кейин ҳеч
Картишкапурушга ишинг тушмасин.
Уларнинг қўлида бугун «козырь туз».
Вирус, вирусжоним, коронавирус.

Зориқсанг, «Марказий Студияга» ёз.
Ҳозирча ҳамманинг ишонгани шу.
Эконом қил, пулингни сарфлагин оз-оз,
Ахир карантин ҳам бўлмайди мангу.
Яна бир куплет ёзаман, топа олсам сўз.
Вирус, вирусжоним, коронавирус.

Қўлни совунлаб юв, тез-тез, ҳар куни,
Тўғри келган билан сўрашаверма.
Колани йиғиштир, ич қайноқ сувни,
Одамга икки метрдан яқинроқ турма.
Гапга кир, вирусни режасини буз!
Вирус, вирусжоним, коронавирус.

© Ҳабикатура
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#актуал

ДЎСТЛАРИМГА ДАЛДА.

Бирлашиш шарт бу пайтда,
Биз хар доим биргамиз.
Вирусни биз албатта
Биргаликда енгамиз.

Дучор бўлманг балога,
Қўлларни тез-тез ювинг,
Борманг одам кўп жойга.
Маскани тақиб юринг.

Шунга қилинг риоя
Бу бир оддий қоида.
Хар вақт бўлинг озода
Бу сизга кони фойда.

Шундай қилсак агарда
Биз вирусни енгамиз.
Бўлсак ҳамки хар ерда
Қалбан доим биргамиз.

© Қурбонова Севинч.

Тошкент шахар
Юнусобод тумани
96-сонли мактаб
6 - б синф ўқувчиси.
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#актуал

Карантинда шоир бўлди қишлоқлик бир ўқитувчи

Масофавий таълимга
Мослашув қийин бўлди.
3-4 кун ошхонада,
Aжойиб ишлар бўлди.

Телефон бўлиб доска
Савол-жавобга тўлди.
Термулавериб унга
Кўзларим нури сўнди.

Қўлимда туриб капгир,
Обдон уни қидирдим.
Гуруҳларига кириб,
Ош пиёзин куйдирдим.

Газга чойнак қўйгандим
Телеграмда хаёлим,
Чойнак қуриб қолибди-
Ойликдан янги олдим.

Экранда бўлиб кўзим,
Сут тошганин билмабман.
Гўшт келтирганди бегим
Шакар билан тузлабман.

"Телеграм" и йўқ онадан
Қўнғироқ бўлиб қолди.
Газим баланд экан, вой,
Ошим тагига олди.

Бир қўл сепараторда
Телефонда биттаси.
Сут идишга тушмабди
Пастга оқиб пичаси.

Яхши суҳбат маҳали
СМС келиб қолди.
Жаҳли чиқиб дадаси
Қовоғин уйиб олди.

Савол тузиб жўнатдим
Ўқувчиларга етди.
Жавобларни олгунча
Хамирим ошиб кетди.

Жонли дарслар ўтяпман
Фақат битта боламга.
Қисса ўқиб беряпман
90 ёшли онамга...

Оҳ, соғиндим, мактабим,
Табиийликка не етсин?!
Дуо қилайлик, вирус
Буткул йўқ бўлиб кетсин.

Майли, бу кунлар ўтар,
Ҳозир кимга ҳам осон?
Aллоҳ насиб айласин,
Кўришмоқни соғ-омон!

© қишлоқлик бир ўқитувчи (кимлигини айтмайман 😜)
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Ишларим бирма бир қилиб хал
Карантин тугаса гал ма гал..
Учибла мисоли бир каптар..
Онамни кўргани бораман...

Кейинч,и, сотволиб нон,қаймоқ..
Қанд қурсу ширинлик қарсилдоқ..
Йўлларчи, бўлсаям сал узоқ.
Холамни кўргани бораман.

Жигарим қондошим яқиним.
Дардкашим, кўзлари чақиним..
Э бўлмайдими минг чақирим.
Опаларим кўргани бооаман.

Дилбандим, жигарим ягонам.
Енгилу оғиримда бўлган парвонам
Отамдан қолганим бор отам.
Укамни кўргани...бораман..

Кўзлари кулганим..соғиндим..
Индамай билдирмай бориб жим..
Тўлдириб оламан бор йўғим.
Синглимни кўргани бораман..

Қадрига етдим хўп ўтириб..
Баъзида қўйганман куттириб.
Йўл очса учоққа ўтириб..
Хаммани кўргани бораман...

© Abduqodir юборган
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

🧔 МЎЙЛОВ.

Жонга тегиб зерикиш
Роса қилиб ўйловни.
Тополмасдан бошқа иш
Эрим қўйди мўйловни.

Қоп-қора эмас лекин
Сариқ-қора, мошгуруч.
Эрмак топилди текин
Демадим, "бу не туриш?".

Кучук, мушук домда хам
Боқиб бўлмас, илож йўқ.
Қимирлаб юрган одам
Бекор турмас, кўнгли тўқ.

Мехр билан қараган
Кунда бир ювиб тараш.
Ойда бир қарамаган
Энди ойна хам талаш.

Шоир ахли кенг бағир
Майда чуйда қилмайди.
Битта хол учун ахир
Шахарни аямайди.

Хар куни бир вақтда
Унга беради оро.
Шу мўйловга баҳшида
Самарқанду Бухоро.

Қани эди тўхтамай
Соқолни хам қўйсайди.
Демай "начили, давай"
Бисмиллони суйсайди.

Карантинга кирган тоб
Бир қурувчи, ғўр эди.
Карантиндан мулло бўб
Чиқса қандай зўр эди.

Хар бир ишни дўстларим
Яхшиликка йўяман.
Муйловсиз суйган эдим
Муйловдаям суяман!


© ШАҲНОЗА РЎЗИЕВА.
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#атвет

Юқоридаги ШАҲНОЗА РЎЗИЕВА ни "Мўйлов" шеърига атвет қилишимни сўрашган эди. Атказ қила олмадим. Ўрисчалаб айтганда "за последствии не отвечаю!"🙈
Бу оддий хазил. Тўғри тушунманглар!
😜
=====
Карантин бўлган билан
Зериктириш керакмас
Соқол ва мойлов билан
Эрмак бўлиш менгамас

Хотин деган эркакни
Нега зериктиради?
Путаттириб теракни
Кўчатлар эктиради

Ер чоптиринг акамга
Агат олсин ховлида
Ёрдам бер денг укамга
Хурсанд бўлсин. Майлида

Эркак киши ойнага
Умуман қарамасин
Она десин қайнага
Хеч тикка қарамасин

Эртадан то кечгача
Тиндирмасдан ишлатинг
Овқат берманг тушгача
Озгина нон тишлатинг

Эрлик вазифасини
Бажарсин кеча кундуз
Олдирманг нафасини
Хеч йўқ, санасин юлдуз

Қурувчи эдиларми?
Қурсин яна битта уй
Қўчқорман дедиларми?
Олиб беринг беш юз қўй!

Қўй жунин олавериб
Жундан кўнгли қолади
Қўй билан юравериб
Қўйдек бўлиб қолади

Соқол мўйлов ўсса хам
Ойнага қарамайди
Қизлар кўзин сузса хам
Бир ишга ярамайди

Бунақанги тилло эр
Хеч қайерда бўлмаган
Шахнозахон бунда дер:
"Ишдан одам ўлмаган!"


© Samigo, 17/04/2020
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#атвет

Шунақа бўлишини билардим. 🙈
=====
САМИЖОН АКАГА ЖАВОБ.

Соқол мўйлов қўйишни
Бекорчилик дейишди.
Аллакимлар бу ишни
Менга эмас дейишди.

Омон бўлсин йигитлар
Соқол мўйлов қўйса хам.
Ақли бори пул топар
Уйида ўтирса хам.

Билагида кучи бор
Асли бекор турмайди.
Эр йигит боқар қўчқор
Қўйдек бўлиб юрмайди.

Хазилни билган одам
Хеч кўнглига олмайди.
Сартарош соч олса хам
Сочдан кўнгли қолмайди.

Қани хамма эркаклар
Сиздек фикр қилсайди.
Доимий "уй беги" лар
Бир ойнага боқсайди.

Улфат қилиб шишани
Минг шердек ўкирса хам.
Эр демайман уларни
Соқол қўйиб юрса ҳам.

Гар шоир бўлмасам ҳам
Айтай дедим сўзимни.
Қарайман ойнага ҳам
Унитмай деб ўзимни.

Хар йигитни касби бор,
Ўқитувчи ё қурувчи.
Бўлмасам хамки айбдор
Бўлиб қолдим бекорчи.

Юрибман ўз вазифам
Бажариб хар куйда ман.
Оилам деб ишладим
Оилам деб уйдаман.

© САНЖАР АМИРОВ. ( лекин ким ёрдам берганини сезиб турибман. 😜)

P.S.: Шу шеърга йигирмата 👍 босилса шунга яраша, лекин 100% хазил билан жавоб қиламан! 😊

=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher