🍂🍂🍂

АКАМ ДЕБ ҚЎЙДИМ

Барча нарса ўткинчи,
Вақт эрур олий ҳаъкам
Дунё номи таниқли,
Дейишар уни бир кам.

Эх, барига қўл силтай,
Сиз бор- дунёим кўркам,
Сиз-ку осмон тиргагим,
Ўзиз менинг, Жек акам.

Сиз-ку менга Аллоҳнинг
Берган буюк совғаси.
Нима қилсин синглингиз,
Тугамаса ғовғаси.

Хамма айб ўзида ,
Бошига тили бало.
Шунга кўпинча умри,
Бўлар дашти Карбало.

Аммо олманг хавотир,
Синглиз эмас анойи,
Сиздек акаси борку,
Енголарми хаввойи.

Душманларни бирма- бир ,
Ўққа тутиб турибман.
Ора - чорада бир бир ,
Ҳазил қилиб юрибман.

Кунда уч бор хазил шеър,
Канализда қадамим,
Бошқа пайтда сизларни
Кузатмоқда "одамим"

Жон, акажон, юрагим,
Асти хун қилаверманг.
Гули қайтса қани деб,
Бағримни тилаверманг.

Биласиз- а, жон ака.
Бегимнинг феъли чатоқ,
Рашкининг забти узун,
Гард бўлармиш хатто тоғ.

Нима қилай чидайман,
Палахмоннинг тошиман.
Лекин акам соғинчи -
Ютолмаган ошиман.

Жон акажон ,сиқилманг,
Сиз куйсангиз халакман.
Ака деб ном ўйилган,
Уриб турган юракман.

Мен тақдирдан минг рози,
Ахир сиздек акам бор
Бу бири кам дунёда ,
Менга яна не кам бор?!

Сира олманг хавотир,
Гул- шеърият овози,
Канал ва группангиз,
Мен- "заочний аъзоси"

Ярим ой бирда ярим,
Қачон ярми тўлмаган?
Каналларда шу довур-
"Заочнийси" бўлмаган.!

Кўрдингми синглингиз ,
Қандоқ ишларга қодир?
Шу сабаб бегимни хам,
Отелло қилди тақдир.

Ҳуллас, барча аъзолар,
Сизга хам кўп саломлар.
Мени сўроқлаб бориб,
Қилмангиз-а тамомлар!!!

Шилқимларнинг дастидан,
Кишандаман, бандиман.
Лек Самиго акамнинг,
Жони- жигарбандиман.

Акам берар таъзирин,
Кимдир менга гап отса,
Бу ерда бўлганимни ,
Яна бировга сотса.

Шеърим битдим чин дилдан,
Иқрорларим кўнгилдан,
Гули Мамажонова,
Имзо- мунис сингилдан.

Гули Мамажонова.
( Акажон, бу шеъримдаги фамилиямни ўзгартирманг, шундо турсин. Қолганларини ўзиз биласиз. Хохласез, ўзиз шеър ёзиб , мани тахаллусимниям қўйвуринг, бу хуқуқни бу дунёда фақат сизга берганман - акамга !!!)

ЎЗИМИЗНИ МАҚТАЙЛИК.

Кун ўтмас экан бундоқ,
Баъзан қора, баъзан оқ,
Юравермасдан шундоқ,
Ўзимизни мақтайлик.

Билмас бизда не ахвол,
Бизни қийнар не савол,
Ким эшитар? Бемалол-
Ўзимизни мақтайлик.

Пулимиз бўлмаса хам,
Кўнглимиз тўлмаса ҳам,
Ох -воҳ қилмай, чекмай ғам,
Ўзимизни мақтайлик.

Кўкга кўтариб ўзни,
Ёшга тўлатиб кўзни,
Роса ишлатиб сўзни,
Ўзимизни мақтайлик.

Бўлса, бўлмаса байрам,
Туйғуларга бериб дам,
Камтармиз, -дейлик,- бирам,
Ўзимизни мақтайлик.

Қадримиз билмасалар,
Парво хам қилмасалар,
Бир тийинга олмасалар,
Ўзимизни мақтайлик.

Ишимиз билиб қилиб,
Қадримизни бир билиб,
Бетимизни бир шилиб,
Ўзимизни мақтайлик.

Сулаймон тахтимизга,
Содиқмиз ахдимизга,
Ўзимиз бахтимизга ,
Ўзимизни мақтайлик.

Келинг бирга жам бўлиб,
Э, бир камимиз кам бўлиб,
Ўпкаларимиз тўлиб,
Ўзимизни мақтайлик.

Бировда не ишимиз,
Гулмиз , лек йўқ нишимиз,
Баҳор тўла қишимиз,
Ўзимизни мақтайлик.

Шеърим ёздим нақд ўзим,
Ўқиган сизга тўзим,
Дард кўрмасин қўл, кўзим,
Ўзимизни мақтайлик

😂😂😂😂😂


© Гули & Бахор 🍁🍁🍁
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

МЕГАБАЙТ ТУГАБ ҚОЛСА 😔
( Эркак тилидан...)

Бўлса ҳамки бахор, қиш,
Эмиш бирам яхши иш,
Кимга мазза, ё ташвиш,
Мегабайт тугаб қолса.

Уй кўрармиш супурги,
Иш қилармиш " Куйдирги",
Бўларкан-у улгуриб,
Мегабайт тугаб қолса.

Ювилар экан кийим,
Дазмолланар ғижим шим,
Бўларкансан-а ҳалим,
Мегабайт тугаб қолса

Таъмни билар экан тил,
Таомим тайёр, хил-хил,
Ассортимент хилма хил,
Мегабайт тугаб қолса.

Қўлимга сув қуйилган,
Ширин сўзлар уйилган,
Мушуккача суюлган,
Мегабайт тугаб қолса.

Кечиб бўлмас жондошдан,
Хабар ол қариндошдан,
Жигар- у, қориндошдан,
Мегабайт тугаб қолса

Турмуш бўлар чиройлик,
Бекор сарфланмас ойлик,
Мустаҳкамланар соғлиқ,
Мегабайт тугаб қолса

Қаранг, қанча яхши иш,
Бўларкан- ку, дам олса,
Ўша савил телфонда,
Мегабайт тугаб қолса...


© Гули & Бахор 🍁🍁🍁
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ИСМИН АЙТИБ ЧОРЛАР ХОТИНИ@

Қадим мўмин,ўзбек аёли.
Айтмас эди эрнинг отини.
Бугун юздан тўқсонта эрни.
Исмин айтиб чорлар хотини.

Чиқмас эди кўчага бежиз.
Эрдан изн бўлмагунча то.
Бугун қаранг эрдан сўрамай.
Дубайгача бормоқда хатто.

Эр тутарди рўзғор жиловин.
Хотин хушли, хулқли,хаёли.
Бугун эрлар тилсиз,амалсиз.
Рўзғор боши пулдор аёли.

Аёл сочи узун,айб қилса.
Эр урарди қўлига ўраб.
Бугун аёл соч кесар,бўяр.
Ўтирмайди эридан сўраб.

Қадим эрлар олтмиш, етмишда.
Юрар эди кўзлари қичиб.
Бугун ўттиз,қирқ ёшли йигит.
Йигит бўлар хапдори ичиб.

Ориятли,бурдли эди эр.
Ўнтадан кам туғмасди аёл.
Бугун бир жуфт туғса катта гап.
Уч,тўрт,беши эрга хам малол.

Чойхонада ош ерди эрлар.
Қимор ўйнаб,ошиғин отиб.
Бугун аёл чойхона,гапда.
Эр уй қўрир ховлида ётиб.

Ўзгарди эр-аёл ё замон.
Қани аёл лозим,рўмоли.
Бу кетишда ўн йилдан кейин.
Нима бўлар мўминлар холи.

Азал мўмин,ўзбек аёли.
Айтмас эди эрнинг отини.
Бугун юздан тўқсонта эрни.
Исмин айтиб чорлар хотини.


© Ғуломжон Нормат, 22/07/2018-й
@GulomjonNormat

====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@@@@@ХОТИН@@@@@

Ўткир тилинг тийдирсанг.
Кунда мехринг ийдирсанг.
Қиммат кўйлак кийдирсанг.
Кулиб боққувчи Хотин.

Тик боқмасдан кўзига.
Кирсанг хар бир сўзига.
Пардоз бериб ўзига.
Ёт кўз ёққувчи Хотин.

Пайдо бўлиб қошингда.
Аврар-алдар ёшингда.
Секин-секин бошингда.
Ёнғоқ чаққувчи Хотин.

Имкон берсанг бир нафас.
Сенга қилмас хеч хавас.
Ишлаб топиб келсанг бас.
Чўнтак қоққувчи Хотин.

Байтим тингла эр банда.
Сир айтма қилса ханда.
Сўнгда сен кийиб жанда.
Тилла таққувчи Хотин.

Хисоб сўраб дўстингдан.
Хид олиб дил кўстингдан.
Чаёндайин кўксингдан.
Кўзлаб чаққувчи Хотин.

Уйиб қобоқ,кўз,қоши.
Бўлсам дер рўзғор боши.
Кўнмасанг шум кўз ёши.
Селдек оққувчи Хотин.

Эрлик тилинг тийдирсанг.
Мехринг бироз ийдирсанг.
Қиммат либос кийдирсанг.
Кулиб боққувчи Хотин.



© Ғуломжон Нормат.27/07/2018-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@САРКОРНИНГ ДЎКОНИДА@

Одат бўлиб қолганлар.
Қўли ишдан толганлар.
Нафақасин олганлар.
Саркорнинг дўконида.

Турли кабоб,жигар,жаз.
Хотин эрдан қилар арз.
Савдосининг ярми қарз.
Саркорнинг дўконида.

Яхши-ёмон сухбатлар.
Шодлик,кулгу,кулфатлар.
Катта-кичик улфатлар.
Саркорнинг дўконида.

Шаробнинг турфа хили.
Яйрайди Шайтон дили.
Кимларни тун манзили.
Саркорнинг дўконида.

Пойин узмас қариб хам.
Кўзлардан нур ариб хам.
Бойвочча хам,ғариб хам.
Саркорнинг дўконида.

Хар замон тала-тўплар.
Маст сўзлар,хушёр хўплар.
Шухратдан қарзи кўплар.
Саркорнинг дўконида.

Тўртта хона,тўрт чодир.
Нол бирдан йўқ хавотир.
Бобо,Сопор,Баходир.
Саркорнинг дўконида.

Гавжум айни шом махал.
Пайдо бўлар галма-гал.
Жингалак соч,калла кал.
Саркорнинг дўконида.

Байтни мишдан ўрмадим.
Хечдан мақтов сўрмадим.
Эххе кимни кўрмадим.
Саркорнинг дўконида.

Кимнинг кўнгли тўлмайди.
Хом еб бўри ўлмайди.
Бас бормасам бўлмайди.
Саркорнинг дўконига.

Удум бўлиб қолганлар.
Боши камдан толганлар.
Ғишт қуйиб пул олганлар.
Саркорнинг дўконида.



© Ғуломжон Нормат.16/08/2018-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ХОТИН КЕЛДИ,ХОТИРА КЕТДИ@

Айтсам кўкни куйдирар нолам.
Кечагина кенг эди олам.
Эслолмайман боямни болам.
Хотин келди,хотира кетди.

Камин сўзлар отмасдан нахор.
Толдим демас забони бир бор.
Қайнотамнинг қисмати такрор.
Хотин келди,хотира кетди.

Бир бошимда қўшнинг ташвиши.
Ўтиб борар кўклам,куз, қиши.
Дунёдаги энг сергап киши.
Хотин келди,хотирам кетди.

Ёдимда йўқ исмим ким эди.
Кеча қўшним нималар деди.
У деб,бу деб бошимни еди.
Хотин келди,хотира кетди.

Тил тишлади ор отли мардим.
Ювсам кетмас дилдаги гардим.
Айтсам талай,тугамас дардим.
Хотин келди,хотира кетди.

Кириб йигит ўттиз ёшига.
Чиқмай қўйдим нахор ошига.
Пардоз бериб кўз хам қошига.
Хотин келди,хотирам кетди.

Бозор борсам қўлимда рўйхат.
Хар чўнтакда ёдда йўқ тўйхат.
Хамма ишим жойида фақат.
Хотин келди,хотирам кетди.

Дер ит вафо,хотинлар жафо.
Жафокашда бўлса не вафо.
Ўйлагани саёхат,сафо.
Хотин келди,хотира кетди.

Зор қўмсайман болалик дамни.
Билмас эдим жанжални, камни.
Тинч кунимга бошлаб минг ғамни.
Хотин келди,хотира кетди.

Пушмон ўти қийнар сўнмаган.
Жой қолмади ажин қўнмаган.
Олишимга Отам кўнмаган.
Хотин келди,хотира кетди.

Алам усти қаламни олдим.
Олиб қоғоз бағрига солдим.
Рост байтимни танимай қолдим.
Хотин келди,хотира кетди.

Кулманг байтим оддий бир хазил.
Хар хазилнинг тамалидир зил.
Илхом келса нелар демас дил.
Хотин келди,хотира кетди.

Айтиб юбор не эди нолам.
Нахот шунча тор бўлса олам.
Эсолмайман боямни болам.
Хотин келди,хотира кетди.


© Ғуломжон Нормат.
30/05/2018-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ЭРДА ХОТИН БЎЛМАСА@

Юрмай қолар юрган иш.
Кўклам келмас кетмас қиш.
Тўрт тарафда турфа миш.
Эрда хотин бўлмаса.

Дилни алам тарк этмас.
Дард деганга дош етмас.
Енг,ёқадан кир кетмас.
Эрда хотин бўлмаса.

Ховли хашак,хас,хазон.
Юрар бир хол,бағриқон.
Малол келар танга жон.
Эрда хотин бўлмаса.

Кўнгил ғамдан қутулмас.
Биров кутмас,кутилмас.
Қўллар қўлга тутилмас.
Эрда хотин бўлмаса.

Кўз ёш тўкиб кун отар.
Кўкси куйиб тун ботар.
Кўрпа қучиб хор ётар.
Эрда хотин бўлмаса.

Хечга ёқмас сухбати.
Бошдан кетмас кулфати.
Йўқ дардкаш,дўст, улфати.
Эрда хотин бўлмаса.

Турмуш,тинчда тайин йўқ.
Суйиб сўзлар майин йўқ.
Қайнона йўқ,қайин йўқ.
Эрда хотин бўлмаса.

Йиғлар тинглаб танбур, най.
Турар телба бўлгандай.
Кунлар ўтар ичиб май.
Эрда хотин бўлмаса.

Юрагида турмас жиз.
Ажин юзга солар из.
Ўғил қайда,қайда қиз.
Эрда хотин бўлмаса.

Хушламас уруғ,аймоқ.
Кўйлаг-и,шими ямоқ.
Дунё қулфи йўқ қамоқ.
Эрда хотин бўлмаса.

Кўнгли ярим хеч тўлмас.
Бисотида бахт бўлмас.
На яшолмас,на ўлмас.
Эрда хотин бўлмаса.

Ғулом байти хақиқат.
Аёл гул,нозик хилқат.
Хаёт тугар оқибат.
Бунда хотин бўлмаса.

© Ғуломжон Нормат. 7/11/2018-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ЙЎЙМОҚ ҚОЛДИ "ЭР"ЛАРДА@

Тортиқ бўлди кўйлак, шим.
Қўл силтадик,бўлдик жим.
Хотин бизга дўст,ёв ким.
Ўйлов қолди "эр"ларда.

Арслонлар энди шоқол.
Чақа бўлди кўп мақол.
Ота мерос тўрт сақол.
Мўйлов қолди "эр"ларда.

Хато қилса билиб эрк.
Уйга келса эшик берк.
Сўнг хотинга боладек.
Бўйлов қолди "эр"ларда.

Даюслик сулхин тузиб.
Ғурурла битмин бузиб.
Рашк ўрнига кўз сузиб.
Сўйлов қолди "эр"ларда.

Ўт тушсин бу замонга.
Хақ инсоф бер ёмонга.
Борса хотин тамонга.
Тўйлов қолди "эр"ларда.

Жон сўзи ўтмай хонга.
Ўхшамай мусулмонга.
Ғулом байтин ёлғонга.
Йўймоқ қолди "эр"ларда.

© Ғуломжон Нормат.19/01/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#пародия

@МАЙХЎРЛАР МАДХИЯСИ@

Майнинг бир томчиси бол чойимдан азиз.
Қирқ беш минглик беш литр мойимдан азиз.
Нада чой,нада мой сойимдан азиз.
Май тўла хум мен учун хар недан афзал.

Ким минг грамм отган бўлса мендирман ўша.
Ким балчиққа ботган бўлса мендирман ўша.
Ким йўл чети қотган бўлса мендирман ўша.
Ким бош оғриб ётган бўлса мендирман ўша.
Мендирман ўшаааааа.

Дўкончидан қарз бўлмоқ одатдир менга.
Қайси улфат ойлик олса омаддир менга.
Майдан йироқ юрганлар номарддир менга.
Газак қуртми ёки турп менга фарқи йўқ.

Ким Саркордан қарздор бўлса мендирман ўша.
Ким Шухратдан арздор бўлса мендирман ўша.
Ким Хамидда харидор бўлса мендирман ўша.
Ким кайфларга сардор бўлса мендирман ўша.
Мендирман ўшааааааа.

Кун келади май нархи текин бўлгайдир.
Майни ёмон кўрганлар шашти сўлгайдир.
Қадахларга май,вино, пиво тўлгайдир.
Улфатларим бахтимга омон бўлса бас.

Ким қўлингга қадах тутса мендирман ўша.
Ким улфатин илхақ кутса мендирман ўша.
Ким май юқин кўзга суртса мендирман ўша.
Ким дўконга юр деб туртса мендирман ўша.
Мендирман ўшаааааа,

Майнинг хар томчиси бол чойимдан қиммат.
Хотин айтган беш литр мойимдан қиммат.
Нада чой,нада мой боримдан қиммат.
Май ярим хум мен учун хар недан афзал.

Ким юз грамм отган бўлса мендирман ўша.
Ким қиш лойга ботган бўлса мендирман ўша.
Ким айвонда қотган бўлса мендирман ўша.
Ким бош оғриқ ётган бўлса мендирман ўша.
Мендирман ўшаааааа.


© Ғуломжон Нормат. 25/01/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ИНТЕРНЕТДА ЎТИРИБ@

Хаёлни хуш йўйибман.
Оч қолиб на тўйибман.
Қирқни уриб қўйибман.
Интернетда ўтириб.

Дуч келганга отиб миш.
Ўтди кўклам,кетди қиш.
Битмай қолди қанча иш.
Интернетда ўтириб.

Ёдимда йўқ йил ойи.
Хамма бунда энг бойи.
Бўлиб қолдим савдойи.
Интернетда ўтириб.

Айбдор ким мен ўзим.
Кимга қизиқ бу сўзим.
Кўрмай қолди чап кўзим.
Интернетда ўтириб.

Телефонга чўкиб тиз.
Юзга доғлар солди из.
Эрсиз энди қанча қиз.
Интернетда ўтириб.

Кўз кўзларга сузилди.
Шум режалар тузилди.
Талай турмуш бузилди.
Интернетда ўтириб.

Шоир талай,талай шеър.
Ишқ,мухаббат хамма ер.
Хотин туғмас дасти эр.
Интернетда ўтириб.

Ортмас айшу-сафодан.
Қўрқмас Қоюм жафодан.
Дарс берар ахд-вафодан.
Интернетда ўтириб.

Ким кимга ёр сайланар.
Сўнг висолга шайланар.
Кампир қизга айланар.
Интернетда ўтириб.

Уйқулар чала бўлди.
Уйқусиз гала бўлди.
Болалар бала бўлди.
Интернетда ўтириб.

Дангасаман иш қилмас.
Жойидан қарич жилмас.
Шоир бўлдим эл билмас.
Интернетда ўтириб.

Бунда турфа хар дарди.
Ким номарди,ким марди.
Ким дунёни қутқарди.
Интернетда ўтириб.

Хаёлни хуш йўйибман.
Нахорман на тўйибман.
Кўп иш қилиб қўйибман.
Интернетда ўтириб.

© Ғуломжон Нормат.26/01/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@УН КЕЛСА МАХАЛЛАГА@

Бошланади югур,чоп.
Пул,пластик изла топ.
Саккиз юзга саксон қоп.
Ун келса махаллага.

Элла тўла кенг майдон.
Бир-бирига бермас ён.
Жанжал,ғурбат,тўпалон.
Ун келса махаллага.

Таомда гўшт,чойда қанд.
Хақ,иймонга бериб панд.
Хар дер мен эхтиёжманд.
Ун келса махаллага.

Хотин-халаж,бола,эр.
Хар оғизда бир сўз "бер".
Қўш тулпорли очман дер.
Ун келса махаллага.

Рўйхат тузар алла ким.
Рўйхат бузар алла ким.
Виждон бир чет турар жим.
Ун келса махаллага.

Ким сурилган,ким сурган.
Ким аразлаб юз бурган.
Қуруқ қолар жим турган.
Ун келса махаллага.

Бу муаммо бўлмас хал.
Эл билмас не навбат,гал.
Қимирлаб қолар портал.
Ун келса махаллага.

Уят бу хол бўлса фош.
Дея Раис қашлар бош.
Ордан кечар кекса,ёш.
Ун келса махаллага.

Хайрон туман вакили.
Танглайда қотган тили.
Йўқ битганим хазили.
Ун келса махаллага.

Кўриб кўнглим қон ютар.
Қўлларим қалам тутар.
Эл шукурни унутар.
Ун келса махаллага.

Обод юртим,хур замон.
Юртбош бошлар нур тамон.
Ва лек ахвол шу хамон.
Ун келса махаллага.

© Ғуломжон Нормат.1/02/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@КИМГА КУЛГУ,КИМГА КУЗГУ@
(албатта хазил бу байтим)

Жон Онажон каранг хотин,
хеч айтганим килмаябди.
Анча бýлди бурни осмон
кадрим килча билмаябди.

Бир ой бýлди ювмайди кир,
кýнгли тугун ечиб бýлмас.
Хотинданку кечмок чýтмас,
уч боламдан кечиб бýлмас.

Кеча хатто жанжал авжи,
исмим айтиб сенладиёв.
Гапдан ичиб келган эдим,
дайди итга тенгладиёв.

Ишга кетсам кузатмайди,
келсам кутиб олмас биров.
Каранг мана киркка кирмай,
сочларимнинг накши киров.

Сочин кесди аввал,кейин,
рýмолдан хам кечди бадар.
Сýнгра буёк бýлди пайдо,
калта сочдан тирнок кадар.

Олдин бундай эмас эди,
балки ростдир,эшитдим миш.
Унга буни эрдан кайтган,
дугонаси айтган эмиш.

Лозим киймай кýйди каранг,
базм бýлса бормай кýймас.
Бунча пардоз десам дейди,
бу реклама менга тýймас.

Икки жойда ишлаябман,
еб ичимдан ортмаябди.
Хотин бýлиб рýзгор юкин,
кýшилишиб тортмаябди.

Том оркада янток базми,
ховли бетин босган хазон.
Нахот шуни чопмокка хам,
супурмокка йýкми имкон.

Тандирку бор ёнмас олов,
нон ёпмайди куярмиш кýл.
Тандир ёкса тутун дасти,
оху кýзлар бýлармиш хул.

Хафта бýлди ё сал кýпрок,
бир шапалок урган эдим.
Айтиб берди,тýрт акаси
муштларидан калтак едим.

Кариндоши бирам кýпей,
кунда битта мехмони бор.
Тýйиб кетдим бу не додлик,
хотин эрга берса озор.

Кýшниларла йýк алока,
дýстларга чой беролмайман.
Давраларда пойда ýрним,
тýрда кýкрак керолмайман.

Кýйлагим кир,йиртик ёка,
шимнинг бутун чýнтаги йýк.
Бир сýзимга юз сýз айтиб,
йýл кýрсатиб уради дýк.

Бугун сабрим тошди тамом,
кýзларга тор келди дунё.
Айтинг Онам хотинга мен,
эрманми ё,ерманми ё.

Байтим ýки эй укажон,
бу бир хазил каламимдан.
Кимга кулгу,кимга кýзгу,
ёзмадим дард,аламимдан.

Сýз сýнгида бир хакикат,
кам бýлмайсан пандим есанг.
Тингла,жуфтга сиринг айтма,
Гуломжондай яшай десанг.

Жон Онажон каранг хотин,
хеч айтганим килмаябди...


© Ғуломжон Нормат.28/07/2016-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ЙИҒИЛИШДАМАН@

Халоватсиз тун.
Йил кетди бутун.
Худо берган кун.
Йиғилишдаман.

Бахорлаб,қишлаб.
Кеч қадар ишлаб.
Шом тилни тишлаб.
Йиғилишдаман.

Шам ўчмас хона.
Ғамгин,гирёна.
Кутманг жон Она.
Йиғилишдаман.

Хотин қоқиб сим.
Дер кундошим ким.
Дейман бўлди жим.
Йиғилишдаман.

Пахта важ кузда.
Шудгор деб музда.
Манглайим тузда.
Йиғилишдаман.

Фарзандим бетоб.
Тортар изтироб.
Мен падар бу тоб.
Йиғилишдаман.

Бўларми шунча.
Гул бўлди ғунча.
Чўзилди бунча.
Йиғилишдаман.

Оч қолдим ёмон.
Додлар ошқозон.
Шом ботди хамон.
Йиғилишдаман.

Хар ой хар сана.
Такрор ва яна.
Бугун хам мана.
Йиғилишдаман.

Уйга қайтиб тун.
Йил кетди бутун.
Тангри берган кун.
Йиғилишдаман.


© Ғуломжон Нормат.23/04/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ХАММА БИЛСА ХАМ ХОТИН БИЛМАСИН@

Байтим беаёв
бағринг тилмасин.
Кўринса аксинг
алам қилмасин.
Тан ол деринг рост
адашсанг Хаққа.
Хамма билса хам
хотин билмасин.

Ёт ёрни суйиб,
қучсанг эркалаб.
Уйга қайтгунча
бўлса эрталаб.
Йўл бўйи тилда
такрор битта гап.
Хамма билса хам
хотин билмасин.

Жиловин тутар
эр,эркак, чолни.
Десам кўрмадим
бу сўздан лолни.
Хамкасб,турмушдан
қайтган аёлни.
Хамма билса хам
хотин билмасин.

Дўстлар,гап,сўнгда
ўйналса қимор.
Сен хам қўшилсанг
билиб бир хумор.
Ютқазсанг тайин
айтилар сўз бор.
Хамма билса хам
хотин билмасин.

Кеча тўй туни
ичиб қўйиб кўп.
Раққоса қизни
ўпдинг,дединг ўп.
Деса дейсан жим
нима десанг хўп.
Хамма билса хам
хотин билмасин.

Байтимга исбот
жимиб қолганинг.
Байтимни тинглаб
ўйга толганинг.
Маошни майли,
рағбат олганинг.
Хамма билса хам
хотин билмасин.

Ёдласанг ёшлик
мактаб чоғини.
Жингалак соч қиз
илк ишқ доғини.
Хамон юракда
дард, фироғини.
Хамма билса хам
хотин билмасин.

Байтим тиғ мисол
бағринг тилмасин.
Сиринг этса фош
алам қилмасин.
Тан бер деринг рост
адашсанг Хаққа.
Хамма билса хам
хотин билмасин.


© Ғуломжон Нормат.5/05/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@РАДАРГА ТУШДИМ ЖЎРА@

Тулпор минмай ўлай ман.
Ундан пешком бўлай ман.
Ох айт қандай тўлай ман.
Радарга тушдим жўра.

Кўнглимда ғам,бошда ўй.
Кетди хўкиз,тўртта қўй.
Қолдирилди бешик тўй.
Радарга тушдим жўра.

Қисмат экан қайтайин.
Дардим кимга айтайин.
Тун тинчимда йўқ тайин.
Радарга тушдим жўра.

Қарзим талай хамён бўш.
Нима қилай энди хўш.
Парот қилиб радаркўш.
Радарга тушдим жўра.

Ғурбатдаман,ғамим зўр.
Борми мендек манглай шўр.
Қўнғироқ қил холим сўр.
Радарга тушдим жўра.

Кўз илдирсам тушда хам.
Кўзим очсам хушда хам.
Миллиондан эмас кам.
Радарга тушдим жўра.

Хотин билиб соч юлди.
Бир йиғлади,бир кулди.
Эх ёмон алам қилди.
Радарга тушдим жўра.

Киракашман бечора.
Тушмасликка йўқ чора.
Сони ортар тобора.
Радарга тушдим жўра.

Байтим тинглаб йиғлар ким.
Дер ўқима бўлди жим.
Хақдан харга тилагим.
Радарга тушма жўра.

Мошин минмай ўлай ман.
Бундан яёв бўлай ман.
Энди қандай тўлай ман.
Радарга тушдим жўра.


© Ғуломжон Нормат.29/05/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ТУРКИЯ КИНОЛАРИ@

Юзин ювмай нон еган.
Хотин эрни сен деган.
Нахот бизга мос экан.
Туркия кинолари.

Ярми нахор,ярми тўқ.
Тўқ нахорга урар дўқ.
Адолат,суд,қонун йўқ.
Туркия кинолари.

Хотин талаш,эр талаш.
Зино қалаш,фахш қалаш.
Хиёнат,хирс аралаш.
Туркия кинолари.

Ўзбек ким,иймони бут.
Исломни ардоқлар юрт.
Эътиқодга тушган қурт.
Туркия кинолари.

Хар қисмида тўполон.
Пинак бузмай тўкар қон.
Чақага арзимас жон.
Туркия кинолари.

Зайнаб,Кудрат сўнг Ширин.
Айбин айтай қай бирин.
Бузар ёшлар тақдирин.
Туркия кинолари.

Ёшлар,М Ю,Зўрда хам.
Хамма кўрар кўзда нам.
Бу инқироз,дард,алам.
Туркия кинолари.

Ойга етар қилсам саф.
Гул эмас бари алф.
Хўш кимга келтирар наф.
Туркия кинолари.

Тарих "Мухташам юз йил".
"Эртугрул"дан яйрар дил.
Қолгани шахвоний хил.
Туркия кинолари.

Дема бўлди тилни тий.
Замонга урф тўнни кий.
На мусулмон,на осий.
Туркия кинолари.

Июн ой учинчи тонг.
Ғулом Нормат урди бонг.
Ох бунча таратди донг.
Туркия кинолари.

Битганим ўнг,туш эмас.
Кимгадир дўқ,мушт эмас.
Шахсан менга хуш эмас.
Туркия кинолари.


© Ғуломжон Нормат. 3/06/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@КЎЧАГА ЧИҚМАЙМАН ДЕ@

Калта иштон кийган эр.
Хар ерда хар нарса дер.
Хотин менга ваъда бер.
Кўчага чиқмайман де.

Келди абгор,шум замон.
Хотинлар хулқи ёмон.
Яшай десанг тинч,омон.
Кўчага чиқмайман де.

Ошкор оппоқ сийналар.
Йўқ бу холдан қийналар.
Муслимам бўлсанг агар.
Кўчага чиқмайман де.

Кўприк ост,орти бино.
Авж олди висол,зино.
Тобутга мингунча то.
Кўчага чиқмайман де.

Тўрт тарафда ёлғон,миш.
Аллох суймас ишкал иш.
Кузми-кўклам,ёзми-қиш.
Кўчага чиқмайман де.

Ўндан тўққиз рўмолсиз.
Лозимсиз,шарм холсиз.
Хеч қандай эхтимолсиз.
Кўчага чиқмайман де.

Оналик шон аёлга.
Аллали хуш хаёлга.
Хар харфин солиб болга.
Кўчага чиқмайман де.

Эр қилмаса рашк,зарда.
Хотинда қайдан парда.
Қолмай десанг хатарда.
Кўчага чиқмайман де.

Кўрганимдан ақлим лол.
Қизни қучсам дейди чол.
Бизга эмас бундай хол.
Кўчага чиқмайман де.

Қовундан қовунда ранг.
Дасти иймон холи танг.
Асабим тортмай таранг.
Кўчага чиқмайман де.

Эр кўнглимни топгани.
Омад тойим чопгани.
Дўзох йўлин ёпгани.
Кўчага чиқмайман де.

Шайтон ғолиб бўлди боқ.
Рахмон жангда ўлди боқ.
Ичи қора,сирти оқ.
Кўчага чиқмайман де.

Бир Ғуломман шони кам.
Хақ сўзлаб топгани ғам.
Байтим битай хотиржам.
Кўчага чиқмайман де.

Тўн ёпинмай қўйди эр.
Хар санамга хар не дер.
Хотин кулма,ваъда бер.
Кўчага чиқмайман де.


© Ғуломжон Нормат.
28/06/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@ХОТИН БЎЛДИ ШАЛПАЙМА@

Хотин бунча шалпайма.
Қўшнимнинг келинидай.
Ўн туғиб сутдан қолган.
Сигирнинг елинидай.

Ховлинг турар ивирсиб.
Товуқнинг катагидек.
Томорқани ўт босган.
Сочларинг патагидек.

Чойингда тутун хиди.
Ошни таг олдирасан.
Бугун қилар ишингни.
Эртангга қолдирасан.

Кўйлагимда кир ёқа.
Дазмоли йўқ шимимни.
Сени ўзим топганман.
Энди қарғай кимимни.

Дастурхонда қотган нон.
Тандирда қолган ости.
Сени бу қилмишларинг.
Жонимга тегди рости.

Ёшлигингда қошингга.
Ўсмалар қўяр эдинг.
Тунда борсам нозланиб.
Кўксимни ўяр эдинг.

Қора туфлим ранги оқ.
Ювиб қўй, бўлмайдими.
Ишонганинг бой отанг.
Айт отанг ўлмайдими.

Бир сўзимга юзта сўз.
Қайтарасан тап тортмай.
Сени тўй тамошангдан.
Қолдику ойлик ортмай.

Токи менга теккунча.
Қўймадинг қистаб, шошиб.
Нозик эдинг бугунчи.
Саксондан кетдинг ошиб.

Сал ишласанг толдим деб.
Қўлларинг уқалайсан.
Дастурхоннинг қошида.
Бурнингни чўқалайсан.

Дуч келганга гап сотиб.
Ялтирлатмай тишингни.
Ундан кўра битирсанг.
Бўлмасми уй ишингни.

Ошхонада хол хароб.
Суваракка тўлдирдинг.
Мендек мағрур йигитни.
Бечора эр бўлдирдинг.

Қандай хафа бўлмайин.
Мендан оғиз сўрамай.
Йўл юрасан лозимсиз.
Бошга рўмол ўрамай.

Айбинг айтай қай бирин.
Қай сўзим тухмат қани.
Жондан ўтди онангни.
Хар ойда туғулгани.

Аканг уйим тўрида.
Кунда ётар ёнбошлаб.
Опанг,уканг ва синглинг.
Кетмайди қувсам тошлаб.

Қош қорайиб қайтасан.
Тонгда кетсанг бозорга.
Нахот куним шу бўлса.
Киргунимча мозорга.

Билмам Худо урганми.
Мен шўрликни дидини.
Кеча сездим сендаги.
Саримсоқни хидини.

Елка,бел,бўкса бирдек.
Бир қоп гўштдек турасан.
Бу хам камдек лапанглаб.
Ғозга ўхшаб юрасан.

Кечай десам энди кеч.
Туққансан беш боламни.
Алам усти дард билан.
Байтга солдим ноламни.

Ғулом Нормат байтида.
Битгани хазил эди.
Қай бир дўсти аразлаб.
Сирларим сотди деди.

Хотин бўлди шалпайма.
Пистоннинг келинидай.
Ўн туғиб қисир қолган.
Сигирнинг елинидай.


© Ғуломжон Нормат.30/06/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

@АРМОНЛАРДА ҚОЛИШИМ@

Росса тегди жонимга.
Амал бўлмас сўровлар.
Ташна қилди қонимга.
Турфа аввал тўловлар.

Кеча бориб билмасдан.
Нос отгандим шахарда.
Милиса қамаб қўйиб.
Уйга қайтдим сахарда.

Хотин айтар той олинг.
Қўй деб қўлим қоқаман.
Қандай қилиб мен сени.
Хам ДАН чини боқаман.

Шод бўлсин деб той олиб.
Радарга хўп тутилдим.
Сўнгда жарима билан.
Тойни бериб қутилдим.

Бошимда ташвиш талай.
Кимга ошкор қай бири.
Мингта минг сўраб турар.
Кулбамнинг кадастри.

Байт битаман эрта-кеч.
Мен,бўлак ўқимайди.
Чала пишган таомдек.
Биров бир чўқимайди.

Дам олишга бормадим.
Қирқ тўртга кирди ёшим.
Рўзғордан ортмас нетай.
Терлаб топган маошим.

Кимдир айтди Русга бор.
Кўксинг камлар ўймасин.
Дедим дўстим мен ўзбек.
Ўзбегимдан қўймасин.

Умр синов,қози Хақ.
Бундан кўзим ёпмайман.
Ахир ўзга юртларда.
Бундай бахтни топмайман.

Бари хазил шунчаки.
Байтимдаги нолишим.
Айтиб олай йўқса нақд.
Армонларда қолишим.

© Ғуломжон Нормат.30/06/2019-й
@GulomjonNormat
====
Ёқдими? 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher