ХЎРОЗБОЗНИНГ ХЎРОЗИ ХОТРАСИГА ЁЗГАНЛАРИ
На керак менга дунё на керак менга шодлик
Сенсиз умрим бемаъно сенсиз умрим бедодлик
На керак менга кўклам на керак қишу ёзинг
Эшитмасам эрта тонг жаранглаган овозинг

Татирмиди ховлимда ўн сигирнинг маьраши
Тўртта кўппак тўртта ит арслондек наьраши
Танхо колдим дунёда сенсиз ўзим мунғайиб
Турмагайсан энди сен ховлим узра гердайиб

Изларингни хар тонгда минг бор тавоф этарман
Рақибларим холимдан кулиб турса нетарман
Не киларман бағрим қон кўзларимда қатра ёш
Ким тортди сенга пичоқ ким экан у бағритош

Катакларинг сийпалаб ўтар умрим азобда
Ёду фикрим сендаю икки кўлим шаробда
На керак менга дунё на керак менга шодлик
Сенсиз умрим бемано сенсиз умрим бедодлик

Ох бевафо дунёда сенсиз бағрим ўйарман
Ховлимнинг ўртасига тош ҳайкалинг қўярман Ўша хайкал пойида бўлар битта супача
Панжанга бошим кўйиб май ичарман тонгача

Хаёлимда сурьатинг доим турар жилмайиб
Бошим узра турарсан энди доим гердайиб
Менга дунё на керак татимас қишу ёзим
Тушларимга кириб тур олтин патли хўрозим

© Хуршид Карим

=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

​​"КУЁВСАЛОМ" га жавоб. (ҳазил)

Куёв бўлмай ўл болам,
Деб ғашламай кўнгилни,
Эрга беринг эй отам,
Бу қизчалиш ўғилни

Қачон ҳавас қилибди,
Океанлар кўлмакка,
Ёки бўғиб ўлдиринг,
Доғ тушмасин эркакка.

Куёв салом эмиш ,эй
Қайдан чиққди бу удим,
Савлатингга ҳайф сени,
Удимингдан ургилдим.

Чой дамлармиш чопқилаб,
Қайнонаси тўрида,
Тик турмасми Алпомиш,
Темурбеклар гўрида.

Хотинини кутармиш,
Ҳовлисини супуриб,
Ундан кўра бу уйга,
Кетмайсанми тупириб.

Рўмол ўраб бошингга,
Сурма сурма кўзингга,
Ундан кўра пичоқ торт,
Кекирдагинг ,бўғзингга.

Куёв салом эмиша,
Эй номуси йўқ эрлар,
Сизни кутар қабрлар,
Кутади совуқ ерлар.

Эркак булсанг эркакдек,
Яшаб топда иқболинг,
Чойингни дамлаб келсин,
Уйингдаги аёлинг.

Эркак бўлгин сени деб,
Эркакка доғ тегмасин,
Мехнат эгсин белингни,
Салом салом эгмасин.

Муаллиф Хуршид Карим

@Sevgilim_baxtim
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#Хазилмас (Менимча)

Наздимда устимга осмон қулади,
Гу́ёки ер мени тортди қаьрига,
Ишқимни айтсам у қотиб кулади,
Хайронман ул санам эрмакларига.

Илк бора тўсгандим унинг йўлини
Минг ноздек туюлди кўзин сузиги,
Илк бора тутгандим унинг кўлини,
Кўлимни тилворди никоҳ узуги.

Муаллиф: Хуршид Карим
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

ПУЛ ДАРДИ

Ўтган пулсиз замонлар,
Асли қўлнинг гарди пул,
Ҳозир эса ёронлар,
Ҳамманинг ҳам дарди пул,

Чўнтакда бўлса қурғур,
Юракка бўлар далда,
Пул бўлса гар,шўрва ҳам,
Турар экан чангалда.

Кимга евро,сўм ёқар,
Кимлар доллар шайдоси,
Пулга рўъжў замонда,
Гуллар одам савдоси,

Куйманг сира аламлар,
Дилингизда тош қотса,
Бу не савдо одамлар,
Одамни одам сотса.

Ювиб дилда доғларни,
Яйратган ҳам ўша пул,
Булбул каби зоғларни,
Сайратган ҳам ўша пул,

Дўстларни душман қилиб,
Қайирган ҳам пул ўша,
Баласини отадан ,
Айирган ҳам пул ўша,

Пул деб ёнган кимсани,
Шоми фарқсиз саҳардан,
Ростми,ёлғон бу нақл,
,,Пул яралмиш жигардан,

Майли сотилсин ҳар не,
Айни бозор палласи,
Лекин сотилмас билинг,
Она меҳри,алласи.


© ХУРШИД КАРИМ.
17/10/2019
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

ЭР БЎЛМАСА КИМСАН АЙТ АЁЛ

Хаддингни бил , хаддингдан ошма .
Денгиздайин кўпирма , тошма.
Бир савол бор жавоб бер шошма .
Эр бўлмаса кимсан айт аёл ?

От минибсан муборак бўлсин .
Оғилхонанг тойларга тўлсин .
Нима бўлса бўлсина ўлсин .
Эр бýлмаса кимсан айт аёл ?

=======
Тўлиқ текст варианти кейинги постда. Аудио билан бирга кўп текст ёзиб бўлмас экан...
=======
Аудио вариантини
Мамадалиев деган дўстимиз @hayotimsan каналидан бизга тавсия қилибдилар
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

ЭР БЎЛМАСА КИМСАН АЙТ АЁЛ

Хаддингни бил , хаддингдан ошма .
Денгиздайин кўпирма , тошма.
Бир савол бор жавоб бер шошма .
Эр бўлмаса кимсан айт аёл ?

От минибсан муборак бўлсин .
Оғилхонанг тойларга тўлсин .
Нима бўлса бўлсина ўлсин .
Эр бýлмаса кимсан айт аёл ?

Келин- янга турарлар қопиб.
Отанг кўяр эшикни ёпиб .
Аканг , уканг кетар йўл топиб.
Эр бўлмаса кимсан айт аёл?

Пул топмаса ялқов қўйма ном .
Тўлар бир кун сабр отлиқ жом .
Пар тўшакда бир ўзинг оқшом .
Эр бўлмаса кимсан айт аёл?

Кимга керак сендаги роз - ноз ?
Юзингдаги минг тусли пардоз .
Хушлимисан , ё хушсиз танноз .
Эр бўлмаса кимсан айт аёл?

Бунда хар ким яшолмас тўғри .
Хар ким қадам ташолмас тўғри .
Тўғри йўлми ё қаллоб ўгри .
Эр бўлмаса кимсан айт аёл?

Бўлсанг хам-ки пулдор , минг қўйли.
Гулдан гўзал,сарвқомат бўйли.
Сени севган,сени бор ўйли.
Эр бўлмаса кимсан айт аёл?

Тўғри , сен бор олам мунаввар .
Мажнун сен деб бўлган дарбадар.
Энди сен хам ўйлаб кўр агар.
Эр бўлмаса кимсан айт аёл?

Дунё жуфтли яралган асли .
Эр ва аёл одамзот насли .
Кахратонми ё кўклам фасли .
Эр бўлмаса кимсан айт аёл?

Ғолиб чиқсанг хар қандай жангда.
Рақибларни қолдириб тангда.
Тиллолардан кўйлак кийсангда.
Эр бўлмаса кимсан айт аёл?

Тахмонингда турмас тўн - салла.
Ширин сухбат бўлмас тун палла.
Бешик қучиб айтмайссан алла .
Эр бўлмаса кимсан айт аёл?

Ёлғизликда эзиб кўяр дард.
Гул юзингни босар ажин - гард.
Суйиб сочинг силагувчи мард .
Эр бўлмаса кимсан айт аёл?

Рўзғор деган сира тўлмас ғор.
Минг қийнок , минг азоблари бор .
Шу рўзғорда сенга чин хамкор.
Эр бўлмаса кимсан айт аёл?

Қадри баланд қадрин билма хас.
Дардкаши бўл , бўлгин хамнафас.
Хооов дугонанг қилгувчи хавас.
Эр бўлмаса кимсан айт аёл?

Кунларингдан кўчар халоват.
Бўлолмайсан бахтли, саломат.
Сенга керак бахту саодат.
Эр бўлмаса кимсан айт аёл?

Кафтида юр кўзлама бошни.
Синдирмагин сабрни , дошни.
Минг бўяма қош қалам қошни.
Эр бўлмаса кимсан айт аёл?

Аёлсиз эр хор бўлар бор гап.
Хор экан деб қилаверма даф.
Кетиб қолса пушмондан не наф.
Эр бўлмаса кимсан айт аёл?

Сен Онасан пойингда Жаннат.
Опам-синглим мехри беминнат.
Лек бағри чўг,сенга серхиммат.
Эр бўлмаса кимсан айт аёл?

Байтим ўқиб ранжима аёл.
Бу хақиқат эмас миш - хаёл.
Дардинг бўлса тинглар бемалол.
Эр бўлмаса кимсан айт аёл?

Хурматни бил хурматдан ошма.
Кўклам селдек кўпирма, тошма.
Кўклам кетар куз келар шошма.
Эр бўлмаса кимсан айт аёл?

======
Авторини билмайман.

Аудио вариантини
Мамадалиев деган дўстимиз @hayotimsan каналидан бизга тавсия қилибдилар
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

МАРД БЎЛАДИ АЁЛЛАР

Гул баргида гоҳ шабнам,
Гард бўлади аёллар,
Гоҳо эркаклардан ҳам,
Мард бўлади аёллар.

Тилло эмас тош топар,
Лек тонмайди сабрдан,
Умид унар , гул унар,
Кўксидаги қабрдан.

Сув келса симиради,
Емиради тошларни,
Ютиб яшайверади,
Аччиқ,аччиқ ёшларни.

Нолимайди,асрайди,
Қалбидаги орини,
Ўлса ҳамки бир умр,
Кутиб яшар ёрини.

Фарзанди учун доим,
Меҳрин тўшайверади,
Эр яшолмас аёлсиз,
Аёл яшайверади.

Гул баргида гоҳ шабнам,
Гард бўлади аёллар,
Баъзи бир эркаклардан,
Мард бўлади аёллар.


© ХУРШИД КАРИМ.
@xushli

=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Рустам Хамроқулов айтган варианти

Уйда агар хотин бўлмаса.

Бир кунимиз ўтар дўстларим
Ўчоқда гар ўтин бўлмаса.
Аммо яшаш жуда ҳам қийин
Уйда агар хотин бўлмаса.

Ширин хаёл чулғаниб қолар,
Ороминг ҳам буткул йўқолар.
Катта ҳовлинг ҳувиллиаб қолар
Уйда агар хотин бўлмаса.

Гоҳо ортга оқиб қолар сой,
Пиёлангда совиб қолар чой.
Йўқотгандай бўласан чирой
Уйда агар хотин бўлмаса.

Ўғил-қизинг бирга бўлса ҳам,
Аёл ўрнин босолмас бир дам.
Қовоғингдан қор ёғар ошнам
Уйда агар хотин бўлмаса.

Лабингдаги ним кулгу қани,
Ичган сувинг босмас ташнани.
Кутолмайсан меҳмон-ошнани
Уйда агар хотин бўлмаса.

Тушунмайди ака-укамиз,
Дардимизни кимга тўкамиз.
Мазза қилиб кимни сўкамиз
Уйда агар хотин бўлмаса.

Эркакман деб кўкрак керамиз,
Ризқимизни эплаб терамиз.
Топган пулни кимга берамиз
Уйда агар хотин бўлмаса.

Овқатинг ҳеч бўлмайди ширин,
Билолмайсан бу ҳолнинг сирин.
Юволмайди эркак ўз кирин
Уйда агар хотин бўлмаса.

Гулзордан гул тополмайсан.
Тандирга нон ёполмайсан.
Экин экиб, ер чополмайсан
Уйда агар хотин бўлмаса.

Билолмайсан кимга нолишни,
Ҳатто унутасан соқол олишни.
Қучоқлайсан шўрлик болишни
Уйда агар хотин бўлмаса.

Жавоб йўқдир оддий саволга,
Бош чайқалар минг бир хаёлга.
Гап отасан қўшни аёлга
Уйда агар хотин бўлмаса.

Нур таратмас тунлари ой ҳам,
Ёстиқ бошга ботаркан бирам.
Келаверар ғам устига ғам
Уйда агар хотин бўлмаса.

Уйда бўлса кадрин билмайсан.
Чойхонадан бери келмайсан.
Ҳатто дилдан яйраб кулмайсан.
Уйда агар хотин бўлмаса.

Тўшагингнинг ярмиси совуқ.
Тухум қилмай қўяди товуқ.
Ғамлар ўрар мисли чирмовуқ.
Уйда агар хотин бўлмаса.

Болаларнинг бошлари эгик,
Суяб қўйсанг пайпоқ турар тик.
Қайғулидир ғазал, шеър, битик,
Уйда агар хотин бўлмаса.

Таралмайди райҳон ифори,
Бош оғриғин қолдирмас дори.
Хазон бўлар эркак баҳори,
Агар уйда аёл бўлмаса.
Ҳеч тўлмайди дастурхонингиз,
Татимайди еган нонингиз,
Эл ичида йўқдир шонингиз,
Уйда агар хотин бўлмаса.

Ҳамма сени қилар калака,
Рўзғорингдан кетар барака.
Тўй татимас, мисли маърака,
Уйда агар хотин бўлмаса.

Кундуз қуёш, тунда ой кулар,
Аёли бор эрлар бой бўлар.
Сўққабошнинг ҳоли вой бўлар,
Уйида гар хотин бўлмаса.

Кулиб боқмас осмондаги ой.
Ёниб кетар қозонингда мой.
Этагингга ёпишади лой.
Уйда агар хотин бўлмаса.

Сигир ҳайрон, товуқлар ҳайрон.
Кўйлагинг кир, ошхона вайрон.
Гап қайтарар болалар бийрон.
Уйда агар хотин бўлмаса.

Уйнинг кўрки, барака-қути,
Юракларнинг машъали ўти.
Уйинг доим нурларга тўлсин
Уйда доим аёллар бўлсин.

© Авторини билмайман.
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

АЁЛИНГНИ АВАЙЛА

Хўрлик ёши бўлади тахир,
Уруш, жанжал кимга ҳам керак,
Ўзни суюмоқ ҳудбинлик ахир,
Аёлингни авайла эркак.

Кўзларига кўз ёш тўлмасин,
Дилда меҳр боғи сўлмасин,
Ўттизида ўтин бўлмасин,
Аёлингни авайла эркак.

Шароб сарҳуш, шер қилар кимни,
Кимни тўнғиз, кимларни жинни,
Ожиз урар билгин хотинни,
Аёлингни авайла эркак.

Кимда ҳаққинг,кимда қарзинг бор,
Ўзинг билган ҳаёт тарзинг бор,
Фариштангдан нима арзинг бор?
Аёлингни авайла эркак.

У яхши дўст,у азиз сирдош,
Сирларингни қилмайди ҳеч фош,
Сенинг учун бир умр йўлдош,
Аёлингни авайла эркак.

Алвон гуллар шонасидир у,
Дуру-маржон донасидир у,
Болаларинг онасидир у,
Аёлингни авайла эркак.

Элда ёруғ юзинг учун сен,
Эрман деган сўзинг учун сен,
Билсанг фақат ўзинг учун сен,
Аёлингни авайла эркак!


© ХУРШИД КАРИМ.
@xushli
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Элёр заказига кўра, биринчи вариант:
=======

Топганинг тўйларга деб
Дуо олган эканман
Уйимда қаттиқ нон еб
Тўйга йиғар эканман

Синфдошлар одати
Элликдан йиғишади
Тўйга тарқатиб хати
Тўёна кутишади

Хар хафта иккитаси
Ўғлига тўй қиляпти
Бугун яна биттаси
Ўғлини уйлаяпти

Ойлик тугул қарзга хам
Олар жойим қолмади
Пули етмай бир ошнам
Тўйларга хам бормади

Агар яна биттасин
Тўйи бўлса - қотаман
Бериш учун чиптасин
Телигимни сотаман

Серфарзанд синфдошлар
Хаммаси тўй устида
Навбатма-навбат бошлар
Фарзандлари ўстида

Майли пулни топамиз
Қарз узилиб кетади
Чунки пуллар биламиз
Яхшиликка кетади

...

Бир кун тўйда ичволиб
Куп гапириб қўйибман
Айтар гапни айтволиб
Сўнг уялиб юрибман:

-Ушлаб бир бўғайин!- деб
Ичворибман қасамни
"Топганинг тўйларга ... "деб
Дуо қилган одамни.

© Samigo, 18/10/2019
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Иккинчи вариант:
======
Bir oyda uch to'y o'tdi
Sinfdoshlarga jabr.
Dildan mungli o'y o'tdi
Sinfdoshlarga sabr.

Do'stim aytar puldan soch
Kissani kattaroq och
Deyman: Bolam yalang'och
Sinfdoshlarga sabr.

O'zni ko'rsatib sherdek
Ellik dollardan berdik
Shunga bir yil go'sht yerdik
Sinfdoshlarga sabr.

Ko'zlarimga tor dunyo
To'ymi bu, yoki balo
Cho'ntaklar kafangado
Sinfdoshlarga sabr.

Uyda och uchta bolam
Zimiston bo'ldi olam
Ko'kka yetadi nolam
Sinfdoshlarga sabr.

Qaydan keldi bu udum
Kissadan chiqar tutun
Bormikin beli butun
Sinfdoshlarga sabr.

Xurshid akam aytgandak
Mard bo'lsin hamma erkak
Yig'-yig'ga barham kerak
Sinfdoshlarga sabr.


© Abdulaziz G'ofurov. G'irvon, 18/10/2019
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Биринчи марта учрашувга чиқмоқчи бўлганлар сухбати
===

Бўйим бир юз саксон беш
Саксон кило чиқаман
Яхши, тарози билан
Метр олиб чиқаман

© Samigo, 19/10/2019
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

КУЁВ САЛОМ

Кўпайиб кетди бугун
Қадрин билмас ,,ғариб''лар,
Куёв саломга ўхшаш,
Янги янги урфлар.

Салом берармиш куёв,
Боши ерга эгилиб,
Ғурур,номус,орият,
Нафсиятга тегилиб.

Эй ёронлар,ёронлар,
Қайдан келди бу савдо,
Уятсиз одатлардан,
Асрагин ўзинг худо.

Виқор ила туришган
Куёвжонлар илгари,
Куёв салом бердими,
Демак,замон тескари.

Яна нелар кутайлик,
Бундайин бе юзлардан,
Ажабмас совчи келса,
Йигитларга қизлардан.

,, Йигит кўрарга'' чиқса,
Қизлар қадди ғозланиб,
Уйдагилар билар деб,
Йигит турса нозланиб.

Учрашувда уялиб
Йигит ерга тутса юз
Олмасангиз опқочиб,
Кетаман деб турса қиз.

Ор,номус,ҳаёларни,
Босиб кетиб қировлар,
Тўйлар бўлса тўйларда,
Салом берса куёвлар.

Кетаверса у замон,
Ҳеч тўсиққа келмай ғов,
Қаранг энди одамлар,
Ҳамма бўлар ичкуёв.

Эр йигитни номусу,
Оридан қилма жудо,
Бетайин урфларидан,
Асрагин ўзинг худо.


© ХУРШИД КАРИМ.
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Kelin salom (hazil)

♥Yigit qizni bir qilgan
♥Kampirlarni qiz qilgan
♥Niklarni sir qilgan
♥Telegramga bir SALOM

♥CHöntagimiz shaydosi
♥Balanisimiz fidosi
♥Pulsiz yöq antinasi
♥Kampaniyalarga SALOM

♥Jaxllari juda tez
♥Ismlari Gomes,Lopez
♥Aslida xoppa semiz
♥Dömboq qizlarga SALOM

♥Rasmlarida artist
♥Muskulli bir kultirist
♥Duhi yöqdir afirist
♥Yolg'onchi yigitlarga SALOM

♥Status yozdim iltimos
♥Klass sörar, klass bos
♥Gadoylarga öxshar bas
♥Klasschilarga SALOM

♥Reklamasi dasta-dasta
♥Kirib körasang bir pasta
♥Gurux emas bardak alvasti
♥Reklamachilarga SALOM

♥Guruxlarni zör ochib
♥Yaxshi kayfiyat sochib
♥Mexnatdan ketmas qochib
♥Adminlarga SALOM

♥Hamma saytlarda bor
♥Tunlari yozar bedor
♥SHukr shular bor biz bor
♥Maderkalarga SALOM

♥Ozodlikni xaridori
♥Qora röyxat xukmdori
♥Köplarning dil isxori
♥Chornidagilarga SALOM

♥CHiroyli gapirar rosa
♥Qizday xulqi top-toza
♥Qiz profilda yurgan
♥Xezalaklarga SALOM

♥SHoirlarni shoiri
♥Birdamlardir shiori
♥Salom yozor tong chog'i @Samigouz ga SALOM

♥Internetni boy qilgan
♥Kampanyalarni boy qilgan
♥Gruppani zör qilgan
♥A'zolarga ham SALOM

♥Telefonim zaryadi
♥SHu yerda ado böldi
♥Hafa bölmang döstlarim
♥SALOMIM tamom böldi!!!!!😂

© Шухрат қайсидир тўйдан "ухлатибди" 😜
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

ТЕЛЕГРАМ.

Термулишар бораган сари,
Шайдо бўлиб қолган бари,
Бош кўтармас ёшу қари,
Бебаҳо бу телеграм,
Бедаво бу телеграм.

Севаман деб йигит ёзар,
Ой қиз эса ,,лайкни''босар,
Ҳис,туйғусиз сеги -бозор,
Беҳаё бу телеграм,
Бедаво бу телеграм.

Лайкиларни юрак дермиш,
Ёқмаса гар бирак дермиш,
Китоб нечун керак дермиш,
Зўр даҳо бу телеграм,
Бедво бу телеграм.

Бу бурчакда хотин ,,сет''да,
У бурчакда эри ,,нет''да,
Болалар ҳам интернетда
Не савдо бу телеграм,
Бедво бу телеграм.

Секрет ,,ник''да қиз,чечалар,
Ёзишмоқда тун кечалар,
Ажрашмоқда не,нечалар,
Бир бало бу телеграм,
Бедаво бу телеграм.

Қизлар қўйиб суръат,расм,
,,Лайк''йиғишга қилар жазм
Қандоқ қилиб қилай ҳазм,
Бе маъно бу телеграм,
Бедаво бу телеграм.

Асрагин эй ўзинг Ёра,
Бу дардингга борми чора,
Сингиб борар бора,бора,
Бедаво бу телеграм,
Бедаво бу телеграм.

Ўзгармоқда ҳаёт- шитоб,
Дўстлар менга қилманг хитоб,
Очилмасдан ҳомуш ,,Китоб''
Бевафо бу телеграм,
Бедаво бу телеграм.

Ўн саккизда энди ёшинг,
Ётар бунга куч бардошинг,
Телефондан кўтар бошинг.
Бир рўё бу телеграм,
Бедаво бу телеграм.


© ХУРШИД КАРИМ.
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Бир нарсага хайронман:
Ану, Хуршид Карим, Шавкат Мирзиёевга ўхшаб, ухламайдими дийман... 🤔
Агар у кишини хамма зўр ёзган шеърларини ўзимни каналимда чиқараверсам, мени шеърларимни хеч ким ўқимай қўяди-ку! 😞
шунинг учун, у кишини каналларини яна бир марта Сизларга тавсия қилмоқчиман. Менда у кишини фақат хазил шеърларини ўқияпсизлар. Ўзларини каналларида эса роса зўр, жиддий шеърлар хам кунига уч махалдан, янги-янгилари чиқаяпти! Ўқиб мазза қилаяпман! Лекин хар хил бахоналар ўйлаб топиб, меникидан ёмонроқларинигина ўз каналимга жойлаштираяпман 😜
Ишонмайсизми? 😳
Каналларига киринг, исботини кўрасиз!
https://t.me/xushli

Рома казган чукурга
Барселона йикилди
Ювентус тамогига
Риял Мадрид тикилди

Омадсиз Сивилия
Тушиб Баварияга
Мюнхенда учради
Каттик аварияга

Сити деган шахарга
Бомба тушдими яна
Бу бомбани ташлаган
Леверпулда тантана

Миср деган давлатда
Бу йил асло булмас киш
Олтин тупга даьвогар
Руйхатида узгариш

Роналдуда юпунч бор
Мессига йукдир панох
Киш кахрини синдирган
Каддини урсин Солох

Голибларда муаммо йук
Маглубларга кийинда
Узбекистон деган юрт
Туксонинчи уринда

Бу хурликлар узбекнинг
Багри дилин тилади
Футболни йигиштириб
Бокс тушгинг келади

Бир гап айтсам номимни
Ёйманг сира ёмонга
Агар Солох зур булса
Чиксин Шохижахонга

Билиб куйинг боксда
Узбек танхо туради
Хасанбойлар утириб
Мессиларни уради

Узбегимнинг кудрати
Билинг хеч хам улмайди
Рингга чикса Бектемир
Роналдуни курмайди

Спорт деган денгизда
Биз асли чукмас кема
Шахром деган йигитга
Нима бупти Бензема

То киёмат сунмагай
Халкимизнинг кудрати
Зурлар ичра зур эрур
Асли узбек миллати!

© Хуршид Карим
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

БОҒДА.
(ҳазил)
Кўриб қолдим бир қизни мен,
Ўқдек экан мужгонаси,
Севиб қолдим шу қизни мен,
Гулдек экан пешонаси.

Кўнса агар ишқм билиб,
Боғни сайр айлар эдим,
Юрагимни занжир қилиб,
Сочларига бойлар эдим.

Юзи мисли олма нақши,
Кўрсам оғзим ёпилмайди,
Ёрим бўлса қандай яхши,
Мендан бахтли топилмайди.

Уйланаман йигит сўзим,
Берармикан қиз онаси,
Совчи бўлиб борсам ўзим,
Қувиб қолди қайнонаси.

Мазаҳ бўлдим одамларга,
Маҳаллага бўлдим эрмак,
Боғда пишган бодомларга,
Топилмади бундай эртак.

Қулоғимни кесгим келди,
Тўйдим миш -миш сўроқларга,
Шамол бўлиб эсгим келди,
Кетгим келди йироқларга.

Шундан бери нодон юрак,
Чиройлидан чўчиб қолди,
Муҳаббат деб ёнган чироқ,
Жин чироқдек ўчиб қолди.

© Хуршид Карим
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#Хазилмас

ДАРДИГИЗНИ БЕРИНГ ОНА

Неча кунки қалбимда туғён,
Кўз ёшларим тизилди -маржон,
Дардингизга дармон бўлай мен,
Дардингизни беринг онажон.

Майли тотмай шодлик таъмини,
Ўчирманг ҳеч хаёт шамини,
Менинг умрим олинг ярмини,
Дардингизни беринг онажон.

Бардошингиз тоғдек биламан,
Меҳрингиз бир боғдек биламан,
Сизсиз бахтни нима қиламан,
Дардингизни беринг онажон.

Сизсиз менинг ёз, боҳорим йўқ,
Номусим йўқ, дилда орим йўқ,
Сиздан бошқа ҳокисорим йўқ,
Дардингизни беринг онажон.

Ором олсин бир зум кўнглингиз,
Болам дея яшаб сўлдингиз,
Энди сиз деб куйсин ўғлингиз,
Дардингизни беринг онажон.

Пойингизга чўкайин мен тиз,
Умрларим ўтмасин беиз,
Жаннатимсиз дунёларда сиз,
Дардингизни беринг онажон.


©ХУРШИД КАРИМ
@xushli

=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

КАЙНОНАМДАН БУЛАК ЧИКДИМ

Ушалганда тилак -чикдим,
Охир ютиб юрак чикдим,
Дугоналар суюнчи,
Кайнонамдан булак чикдим.

Орзуларим талай, талай,
Уз кунимга узим ярай,
Юлдузни бенарвон урай,
Кайнонамдан булак чикдим.
. .
Утди бир ез, битта киш,
Колибдан кучибди гишт,
Билсам экан зур ташвиш,
Кайнонамдан булак чикдим.

Булак чикиб кайнонамдан,
Бемажолу хайронаман,
Кургон эмас, вайронаман,
Кайнонамдан булак чикдим.

Кучамда хамма хужайин,
Асабга уйнар атайин,
Бир кун "портлаш"им тайин,
Кайнонамдан булак чикдим.

Кушним ... Ахлатин супирар,
Бирови носин тупирар,
Камига игво гапирар,
Кайнонамдан булак чикдим.

Едирилмас пошналари,
Кунда жуфтим ошналари,
Онам ишга туккан мани,
Кайнонамдан булак чикдим.

Хожам-Амир Олимхон,
Жахли чикса золим хон,
Улмаган жон мани жон,
Кайнонамдан булак чикдим.

Айвондан туриб бакирар,
Номимни "Эй" деб чакирар,
Камига яна дук урар,
Кайнонамдан булак чикдим.

Дейди:
- Ошни гушлирок сузгин,
Лагмонни кокилдек чузгин,
Манпарни нохотдек узгин,
Кайнонамдан булак чикдим.

Чангаллайман ман бошимни,
Ичга ютаман ешимни,
Оллох синар бардошимни,
Кайнонамдан булак чикдим.

Бор булсин-а бу зорманда,
Кунда бир лозиманда,
Дуне ташвиши манда,
Кайнонамдан булак чикдим.

Пайхон гул-у, лолаларим,
Эплаш кийин болаларим,
Асаб кетди, холаларим,
Кайнонамдан булак чикдим.

Панд бермокда соглигим хам,
Кувонч оз-у, купайди гам,
Мен шурликга бормикан дам,
Кайнонамдан булак чикдим.

Хар ташвишга узим калкон,
Хар чигалга узим имкон,
Яшаяпман булиб бежон,
Кайнонамдан булак чикдим.

Туби тулмас бу горимни,
Гор аталмиш рузгоримни,
Турмуш чалар сабр торимни,
Кайнонамдан булак чикдим.

Билмагандим кайнонамни,
Дуогуйим, хамхонамни,
Онам урнида онамни,
Кайнонамдан булак чикдим.

Уй туридан жой килай,
Ризосин дилга жо килай,
Хар куни дуосин олай,
Кайнонамдан булай чикдим.

.. Хамма билсин елиб келдим,
"Ойижон"ни олиб келдим,
Энди тукис юракман ман,
Руеби бор тилакман ман.

© Г. Д. Рахматуллаева
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher