"Сиз уни танимайсиз"мас. 😜
=====
Роддом деразасидан
Қайта-қайта тинмасдан
Эшмат тинмай бақирар:
— Ҳалима! - деб чақирар

— Намунча бақирасиз?⠀
— Туғдингми? Бир жуфт? Эгиз?
— Кўрсат! Кимга ўхшайди?⠀
— Бир-бирига ўхшайди!

© Samigo, 08/07/2023
===========
Агар ёққан бўлса 👍 ни босинг ва бошқаларга ҳам улашинг.
Бошқаларни ҳам каналга таклиф қилинг.

- Мен эримдан хафаман!
- Нима бўлди? Урдими?
Айтма, ўзим топаман:
Яна чапга юрдими?!

- Гўзаллик салонига
Уч юз минг сўрагандим:
Узоқ қараб юзимга ...
"кал" берди. Кутмагандим!

© Samigo, 08/07/2023
===========
Агар ёққан бўлса 👍 ни босинг ва бошқаларга ҳам улашинг.
Бошқаларни ҳам каналга таклиф қилинг.

Милёнер Сўтақўзи
Зоодўконга кирибди
Ғалати ўйнаб кўзи
Сотувчи қиз келибди

- Мени Тошкент ситида
Олти хона уйим бор
Хотин йўқ. Зерикдим-да
Зотдор мушук олгум бор

Асли Гулчапчапга ҳам
Керак эди бир куёв
Мулоимгина бўлиб у ҳам
Деярмиш: "Миёв-миёв"

© Samigo, 09/07/2023
===========
Агар ёққан бўлса 👍 ни босинг ва бошқаларга ҳам улашинг.
Бошқаларни ҳам каналга таклиф қилинг.

КЎҲНА ҲИКОЯТ

Донни ташийди сичқон,
Сичқонни овлар мушук.
Мушукни айлаб сарсон,
Кун бермас унга кучук.

Ит ҳам қолади бесас,
Учратса гар бўрини.
Аммо бўрининг йўлбарс –
Қуритади шўрини.

Йўлбарсни енгади шер,
Арслонни эса аждар.
Аждарни қулатар эр –
Қўлидаги тиғ, ханжар.

Мард шилиб ёв пўстларин,
Тошга ўяр отини.
Лек эркакни, дўстларим,
Уйда ейди хотини...

© БОБУР БОБОМУРОД
===========
Агар ёққан бўлса 👍 ни босинг ва бошқаларга ҳам улашинг.
Бошқаларни ҳам каналга таклиф қилинг.

БУ ЧОЛЛАР – ЁМОН ЧОЛЛАР...
(ҳазил шеър)
Чойхона–палов сабаб,
Яқинда бир гурунгда.
Аниқлашга киришдик
Ким устиворлигин уйда.

Суҳбат роса қизиди,
Уч-тўрт соат вақт ўтди.
Гапирмаган қолмади,
Ҳамма мақтана кетди.

Биров деди: дўғлайман,
Қовоқ уйиб юраман.
Хохласам каравотин
Бошқа қилиб қўяман.

Бошқаси хотинини
Сўкиб-пўкиб турармиш.
Эй, биттаси, ҳаттоки
Кампирини урармиш.

Сен ҳам дейишди, бундоқ
Кампирингни тергаб тур.
Қўлингдан келса сўкиб,
Бир-икки шаппат ҳам ур.

Ҳеч кўзим етмаса ҳам
Бир баҳона топишга.
Сўз бердим жўраларга
Кампиримни сўкишга.

Миямга келиб қолди
Биттасин гапи шу топ:
Ҳеч айб тополмасанг,
Бир қитмирлик ўйлаб топ.

Нима қилсам экан? – деб,
Бошгинамни қашладим.
Топ-тоза яктагимга
Чойни тўкиб ташладим.

Буни сен қилдингми? – деб,
Можарони бошладим.
Бўлмағур гаплар билан
Зовжам кўзин ёшладим.
Қўлимдан келмаса ҳам
Бўралатиб бир сўкдим.
Нотўғри қилдим, билдим,
Ўзим обрўйим тўкдим.

Фаришта кампиргинам
Бирдан ўзгарди-қолди.
Ҳатто кўрпа-тўшагин
Бошқа бир уйга солди.

Қаттиқ жаҳли чиққандан
Пешонаси тиришди.
Сўкканим учун мендан
Ўч олишга киришди.

На овқат бор, на бир чой,
Йўқ ҳузур-ҳаловатим.
Кундан кунга қийналиб,
Тугаяпти тоқатим.

У дейманам кўнмайди,
Бу дейманам кўнмайди.
Бир оғиз гап гапирмай
Мени роса қийнайди.

Эй, жўралар, айбларим
Кўрсатдида ўз кучин.
Минг пушаймонлар едим
Ноҳақ сўкканим учун.

Эрта саҳар уйғондим,
Ўзи шундай одатим.
Битта гап топиб келди
Набирам – адвокатим.

Яраш-яраш қилишчун,
Уч юз “кўк” берармишман.
Ва яна бундан кейин
Жимгина юрармишман.

“Икки юз” сал босармиш
Бувижонининг ўчин.
“Юз”и лақмалигим-у,
Гапга кирганим учун.

Болам, об чиқ сервантдан,
Уч юз доллар “соққа”ни.
Бувижонинг кечириб,
Бир жилмайса бўлгани...

Яна чойхона – палов,
Бу чоллар жам бўлишди.
Дардимни эшитишиб,
Устимдан хўп кулишди.

Энди билсам, жўралар
Ҳазил қилишган экан.
Мен лаққа тушибман-а,
Эй, ўл-ей, эсин еган.

Шундай қилиб тугади
Кампиримнинг “уруши”.
Уч юз долларга тушди
“Дока рўмол қуриши”.

Ғофур ҚАРШИЕВ.

#архивдан

Хотин дегани асли
Икки хилда бўлади:
Биринчиси одобли
Эрга қулоқ солади;

Эрга парвоналигин
Кўрган қойил қолади;
Нима демоқчилигин
Кўздан англаб олади;

Ҳамма ишин муҳаббат
Мехр билан бажарар;
Эри жаҳли чиққан пайт
Хотиржамлик кўрсатар;

Эри ичиб келса ҳам
Доим кулиб туради;
Эри футбол кўрган дам
Ошхонада юради;

Қисқаси биринчидан
Бирон айб тополмайсиз!
Айтсам иккинчи турдан
Эшитиб чидолмайсиз!

Иккинчи турни кўрган
Ақллилар сездингиз:
Ҳаммангиз чидаб юрган
Уйдаги хотинингиз!

© Samigo 13/11/2022 9:45
===============
Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин.

​​#Кун_ҳазили

Камера

Бугун замона илғор,
Тараққиёт авжида.
Янгиликлар шиддати,
Олдинлаб кетди жуда.

Шаҳарларни-ку қўйинг,
У ерда қайнар ҳаёт.
Ҳатто қишлоқларга ҳам,
Кириб келди кашфиёт.

Интернету, камера,
Айтинг қайга бормади?
Бугун Ўзбекистонда,
«Қишлоқилар» қолмади.

Энди шаҳарликларга,
Етар бемалол ҳаддим.
Қаранг, уйим олдига,
Камера ҳам ўрнатдим!

Дарвозамнинг шифтига,
Ярашиб турар бирам,
Свет ўчиб қолса ҳам,
Ишлайверар камерам.

Ўлмасбек Самарқандий.

Бунақанги ғазалнинг замонавий кўринишини эшитса ғазал мулкининг султони - Алишер Навоий шокка тушиб, “но коммент!“ деган бўлар эдилар.

Бир талаба ҳар куни
Автобусда юраркан
Бир кампир сийлаб уни
Ер ёнғоқлар бераркан

- Бувижон Сиз ҳар куни
Мехрибонлик қиласиз
Бозорданми, Сиз буни
Айтинг, қайдан оласиз?

- Тишларим йўқ бўлса ҳам
Сникерслар оламан
Школадин сўрган дам
Ёнғоғини оламан...

© Samigo, 05/08/2023 23:55
===============
Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин.

@ПАХТАНИ ҚЎЙ ПАХТАНИ@

Ўлмагани, ўлгани.
Тўлмагани, тўлгани.
Нафи тегса бўлгани.
Пахтани қўй пахтани.

Хаёт азал катта жанг.
Жангчилари турфа ранг.
Ғолибликни хохласанг.
Пахтани қўй пахтани.

Бойлар боқар бойига.
Сойлар оқар сойига.
Хамма билган жойига.
Пахтани қўй пахтани.

Тилингга мақтов қалаб.
Тап тортмай пойин ялаб.
Керак бўлса тонналаб.
Пахтани қўй пахтани.

Амалдорлар аломат.
Келса қилса маломат.
Қолмоқ учун саломат.
Пахтани қўй пахтани.

Кўксингга муштинг уриб.
Буйруққа тайёр туриб.
Орингни четга суриб.
Пахтани қўй пахтани.

Икки эшик ораси.
Хамма ўтиб бораси.
Ўсмоқнинг зўр чораси.
Пахтани қўй пахтани.

Ўлмагани, ўлгани.
Тўлмагани, тўлгани.
Фойда берса бўлгани.
Пахтани қўй пахтани.

Ғуломжон Нормат. 28/08/2023-й

https://t.me/GulomjonNormat

ЮРАКНИНГ ЎПКА-ГИНАСИ

Юрак ўпкалади мияга бир кун,
Арз қилиб қулоқ ва кўзнинг устидан-
Деди: "қачонгача ва нима учун,
Азият чекаман булар дастидан?

Сув қуйиб ёлғоннинг тегирмонига,
Мени инфаркт қилди бу кўр билан кар.
Сени ҳам қилади ташна қонингга,
Озгина ақлингдан бермасанг агар"

Исомиддин Жўраев
Иштихон тумани.

Ўзбекистон гўзал гўшадир,
Газ ва свети ўша-ўшадир...

Ҳақиқат шеър қилиб айтилганда...

Ҳамма ерда бор бу шеър бизда йўқ экан.
Доимий актуал шеърни яна бир марта эшитинг.

Касблар
(пародия)

Касблар бир куни жам бўлди,
Тракторчидан прокурорга қадар.
Энг биринчи қоровул келди,
Энг сўнггида шифокор дарбадар.

Ўқитувчини таклиф қилмадилар ҳам,
Уни касб деб билмадилар ҳам.
Мақтандилар роса ўзаро,
Келиб чиқди охир можаро.

Ҳоким вилоятнинг бошиман, дерди,
Прокурор зўрдек кўксини керди.
Милиция сирлиман, деди,
Божхона ундан қолишмас эди.

Молия, солиқ, банкир бари куч,
Мақтандилар не сўз бўлса дуч.
Хуллас калом, энг кичик бўлиб,
Қоровулдан ҳам тенг кичик бўлиб,

Ҳаммол шарманда шармисор бўлди,
Барча касблар устидан кулди.
Шу пайт ногоҳ ўқитувчи келиб қолди,
Ҳаммол уни ёнига олди.

Шу йўл билан олимга айланди,
Ва аёвсиз жангга шайланди.
Ҳамма ўқитувчини ёнига тортди,
Унинг қадри, қиммати ортди.

Шундай қилиб, ўқитувчи талаш бўлди,
Барча касбга асос бош бўлди.
Шояд манзур сизга бу қисса,
Ушбу эрур қиссадан ҳисса:

Камситманг ҳеч бир касбни ҳам,
Тошу кесак, баланд, пастни ҳам.
Етти емас, минг ўйлаб сўнг денг,
Ўқитувчи бўлмаса, ҳамма нолга тенг.

© Девонайи Ҳақгўй

P.S.: Таассуфки, бугун ўқитувчининг қадри пастлиги сабаб идораларда кўплаб "нол"лар ишлаяпти!

P.S.S.: Бугундан яна бошланди. 😜

@КИМГА КУЛГУ, КИМГА КУЗГУ@
(албатта хазил бу байтим)

Жон Онажон қаранг хотин, 
хеч айтганим қилмаябди.
Анча бýлди бурни осмон 
Қадрим қилча билмаябди.

Бир ой бýлди ювмайди кир, 
кýнгли тугун ечиб бýлмас.
Хотинданку кечмок чýтмас, 
уч боламдан кечиб бýлмас.

Кеча хатто жанжал авжи,
исмим айтиб сенладиёв.
Гапдан ичиб келган эдим,
дайди итга тенгладиёв.

Ишга кетсам кузатмайди,
келсам кутиб олмас биров.
Қаранг мана қирққа кирмай, 
сочларимнинг накши қиров.

Сочин кесди аввал,кейин,
рýмолдан хам кечди бадар.
Сýнгра буёқ бýлди пайдо,
калта сочдан тирноқ қадар.

Олдин бундай эмас эди,
балки ростдир,эшитдим миш.
Унга буни эрдан қайтган,
дугонаси айтган эмиш. 

Лозим киймай қýйди қаранг,
базм бýлса бормай қýймас.
Бунча пардоз десам дейди,
бу реклама менга тýймас.

Икки жойда ишлаябман,
еб ичимдан ортмаябди.
Хотин бýлиб рýзғор юкин,
Қўшилишиб тортмаябди.

Том оркада янтоқ базми,
ховли бетин босган хазон.
Нахот шуни чопмоққа хам,
супурмоққа йýқми имкон.

Тандирку бор ёнмас олов,
нон ёпмайди куярмиш қўл.
Тандир ёқса тутун дасти,
оху кýзлар бýлармиш хўл.

Хафта бýлди ё сал кýпрок,
бир шапалоқ урган эдим.
Айтиб берди,тýрт акаси
муштларидан калтак едим.

Қариндоши бирам кýпей,
кунда битта мехмони бор.
Тýйиб кетдим бу не додлик,
хотин эрга берса озор.

Қýшниларла йýк алоқа,
дýстларга чой беролмайман.
Давраларда пойда ýрним,
тýрда кýкрак керолмайман.

Кýйлагим кир,йиртиқ ёқа,
шимнинг бутун чýнтаги йýқ.
Бир сýзимга юз сýз айтиб,
йýл кýрсатиб уради дýқ.

Бугун сабрим тошди тамом,
кýзларга тор келди дунё.
Айтинг Онам хотинга мен,
эрманми ё,ерманми ё.

Байтим ýқи эй укажон,
бу бир хазил қаламимдан.
Кимга кулгу,кимга кýзгу,
ёзмадим дард,аламимдан.

Сýз сýнгида бир хақиқат,
кам бýлмайсан пандим есанг.
Тингла,жуфтга сиринг айтма,
Ғуломжондай яшай десанг.

Жон Онажон қаранг хотин,
хеч айтганим қилмаябди...

Ғуломжон Нормат.28*07*2016-й

https://t.me/GulomjonNormat

#Ҳазил

Эрини ухлашини,
Хотин роса кутибди.
Пинакка кетган замон,
Телефонин титибди.

Роса уриниб охир,
Паролини очибди.
Контактларини кўриб,
Юзидан қон қочибди.

-"Меҳрибоним", ким экан?,
Бир телефон қилайчи.
"Мунисам", " Соҳибжамол",
Кимлигини билайчи.

Дарровгина сим қоқди,
Опа, қайнаси экан.
Ўзи бўб чиқди, қаранг,
"Соҳибжамолим" деган.

- Эҳ, мен ахмоқ, эримга,
Зулм қилиб қўйибман.
Шундай ювош Бегимни,
Хотинбозга йўйибман.

Ойлигин берди хотин,
Ҳаммалари келишди.
"Меҳрибон" жигарига,
Ҳадяларни беришди.

Эр кўчага йўл олди,
Соғинганин кўргани.
"Электрик Соли" га,
Совғаларни бергани.


✍ Ҳилола Мамажонова 😁

Дўмбоқ аёлларга аталган тренддаги қўшиқнинг ўзгача талқини.

Ким олдин бир марта эшитган бўлса, яна бир эшитса арзийдиган пародия. 😜

МУАЛЛИМ


💐 Барча Устоз ва мураббийларга байрам муборак бўлсин.

🙏🏻 Бахтимизга соғ бўлинг, азиз Устозлар!

Биринчи муҳаббатим (га пародия)

Кеча оқшом фалакда ой бўзариб ботганда,
Хотин мендан аразлаб бошқа уйда ётганда,
Ёлгизликдан қийналиб бошим роса қотганда,
Мен сени эсга олдим биринчи муҳаббатим,
Эслаб хаёлга толдим биринчи муҳаббатим.

Хотин деган муғомбир, англаб бўлмас сир экан,
Хотин танлашда кўзим кўр экан, басир экан,
Хотини йуқ эркаклар бир умр жасур экан,
Нечун билмовдим аввал биринчи муҳаббатим,
Парво қилмовдим аввал биринчи муҳаббатим.

Холбуки уй-жойим бор, хотинсиз қолганим йўқ,
Аразлаб кетганида бошқасин олганим йўқ,
Ҳалигача бошига ғам-ташвиш солганим йўқ,
Хотин буни билмайди биринчи муҳаббатим,
Назарга ҳам илмайди биринчи муҳаббатим.

Нидо бергин қайдасан шарпангга қулоқ тутдим,
Аразлаганда хотинни тонгача роса кутдим,
Ухлаб қолиб, сени ҳам, хотинни ҳам унутдим,
Бир бирингдан зўрсан биринчи муҳаббатим,
Икковинг ҳам бир гўрсан биринчи муҳаббатим.

© Ким бу шеърни "расвосини чиқарган" билмайман. 😜