Шаҳноза Рўзиевани табриклаб.

Шиғирлар битмоқни сиздан ўргандим,
Созлаб шеъримдаги барча кам-кўстим.
Сизга раҳмат демоқ инсоний бурчим,
Таваллуд муборак ижодкор дўстим!

Ўттиз саккиз баҳор кўрибсиз энди,
Ижод нарвонида турибсиз энди,
Бугун дилдан сизни қутлагим келди,
Таваллуд муборак ижодкор дўстим!

Уйингизга тўлсин барака, омад,
Доим шундай юринг гўзал, сарвқомат,
Асло тарк этмасин шеърга муҳаббат,
Таваллуд муборак ижодкор дўстим!

Китоблар чиқаринг, танисин дунё,
Чарчаманг улашиб қалбларга зиё,
Шиғирлар ёзишга бўлинг мубтало,
Таваллуд муборак ижодкор дўстим!

Сизни паноҳида асрасин Эгам,
Бахтиёр бўлингиз, яшангиз бе кам,
Бошида кўтариб юрсинлар поччам,
Таваллуд муборак ижодкор дўстим!

Элда шараф топинг, элда топинг шон,
Ғирвоний бахтига юрингиз омон,
Сизни қутлар бугун, аҳли Намангон,
Таваллуд муборак ижодкор дўстим!

Камчилигига узр. Ҳазил шеърлар канали учун махсус.
Юксак эҳтиром ила старший лейтенант БИГБОСС Ғирвоний.
05/04/2021

Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин:
https://t.me/xazil_sher

Дугонам Шаҳноза Рўзиевага

Гоҳи сўзлари кескин,
Гоҳи ҳазилларга бой.
Бир жисмда иккита,
Руҳ яшайди ҳойнаҳой.

Бир қарасанг кулгуси,
Юзларида рақс этар,
Баъзида жиддий фикри,
Ўйлашга мажбур этар.

Ундаги самимийлик,
Кўпчиликка андоза.
Ҳам ҳаёт, ҳам ижодда,
Сирдошимдир Шаҳноза.

Бугун таваллуд куни,
Қутлайман чин юракдан.
Жами яхшилик тилай,
Қувват олсин тилакдан.

Омон бўлинг, дугона,
Умрингиз бўлсин узоқ.
Фарзандлар бахтин кўриб,
Доим юринг вақти чоғ.

Орзулар ҳеч ўлмасин,
Яратгандан сўрайман.
Ҳозиргидек хушчақчақ,
Юрганингиз кўрай ман.

Доимо асраб юрсин,
Ўзи Аллоҳ таборак.
Қабул қилинг табригим,
Таваллуд кун муборак!

Дилобар Уролова. 5.04.2021

Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин:
https://t.me/xazil_sher

Ижодкорларга

Бир кунда мингта юмуш,
Ҳар ён чопгум зувиллаб.
Ҳазил шеърларга кирсам,
Қолибди-я ҳувиллаб.

Хориган жисму-жоним,
Баттар толиқиб кетди.
Ҳазил шеърлар ёзгучи,
Дўстларим қайга кетди?

Дунё ўзи ажойиб,
Дунё ўзи бир ғавғо.
Шу гурухда кайфият,
Кўтариларди аммо.

Турмушнинг муштларидан,
Бироз оғринганингда.
Дилингга дилдошларни,
Гоҳи соғинганингда.

Мўраласанг шу ерга,
Кайфият юз бўларди.
Беғубор ҳазиллардан,
Дилга қувонч тўларди.

Ижодкорлаааар қанисиииз,
Евро бўлдингиз гўё.
Жиддий ёзиб ҳақиқат,
Кашф этмоқчимисиз ё?

Битта илтимосим бор,
Ким қанақа фикр дер?
Ҳар замонда бўлса ҳам,
Ёзиб туринг ҳазил шеър!

Мурожаатчи: Дилобар Уролова 😁

Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин:
https://t.me/xazil_sher

Бугун актив шоирамиз Шаҳноза Рўзиева таваллуд кунлари экан.
Ошданам, мушданам қуруқ қолмайлик деб, икки давлатнинг буюк шоирлари ўртада оддийгина қилиб хазил ёздик:
-----

Бу кунни байрам қилган
Ўша, ҳаммамиз билган
"Ўн саккиз" ёшга тўлган
Шаҳнозахон, бор бўлинг.

Кутубхоначиман деб
ТиВиСетдан уйга кеб
Қайнонани "онам" деб
Шаҳнозахон, бор бўлинг.

Группамиз БОСисиз
Зерикар БИГБОСС Сизсиз
Шеър ёзинг! Нега жимсиз
Шаҳнозахон, бор бўлинг.

Сизни танир Канада
Чунки "Кимдир" ўшанда
Учрашамиз Ватанда!
Шаҳнозахон, бор бўлинг.

Жуда керилиб кетмай
Виртуалда жой етмай...
Майли, уришиб кетмай
Шаҳнозахон, бор бўлинг.

Табриклаймиз хаммамиз
"Шеър ёз!" деди акамиз
Ёшлар учун Аммамиз
Шаҳнозахон, бор бўлинг.

ТиВиСетдан йиғламанг
"Баъзилар"ни қийнаманг
Яна "нето" ўйламанг
Шаҳнозахон, бор бўлинг.

Бу шеър икки кишидан
Хафа бўлманг "киши"дан
Почча севар ичидан
Шаҳнозахон, бор бўлинг.

Бахтли қизсиз-биламиз
Ғийбат қилиб юрамиз
Билинг-ҳазил қиламиз
Шаҳнозахон, бор бўлинг.

Юз ёшга кириб юринг
Фарзандлар бахтин кўринг
Бизга хам ёзиб туринг
Шаҳнозахон, бор бўлинг.

Хурмат билан:
Толибжон (Канада)
Самижон (Ўзбекистон)
Гулихон (Тошкент )
05/04/2021
——-
Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин:
https://t.me/xazil_sher

Бахор қачон келаркин😁

ҲАЗИЛОНА ШEЪР👇

Қиш ҳам роса чўзилди,
Бўлди илик узилди.
Март тугаб апрел келди,
Қишми бу ёки бахор.

Аёз кезар кўчада,
Ҳатто куну кечада.
Ҳамон олов печкада,
Қишми бу ёки бахор.

Аросатда дов дарахт,
Ҳайвонот хануз карахт.
Беш ойга ўтди қиш нақт,
Қишми бу ёки бахор.

Эгнимда қалин пўстин,
Рўзғорни кўп кам кўстин.
Толдикку териб ўтин,
Қишми бу ёки бахор.

Ерда кетмон чопилмас,
Хотин оғзи ёпилмас.
Иш ҳам пул ҳам топилмас,
Қишми бу ёки бахор.

Бир томон карантин қиш,
Совуқдан оғрийди тиш.
Барчада битта ташвиш,
Қишми бу ёки бахор.

Свет ҳам ёнмайди ҳеч,
Кундуз десанг ҳатто кеч.
Қачонгача ёнар печ,
Қишми бу ёки бахор.

Апрелда ҳам қор ёғса,
Томдан сумалак оқса.
Барча ҳайрон лол қолса,
Қишми бу ёки бахор.

Бошда телпакдур хануз,
Ечсанг тамом бўлдинг муз.
Барча юзи қизил юз,
Қишми бу ёки бахор.

Шамолини ҳам қаранг,
Йўлда юрасан аранг.
Асаблар бўлган таранг,
Қишми бу ёки бахор.

Бахор асли бошқача,
Шодон кекса ёшгача.
Яйрар оёқ бошгача,
Қишми бу ёки бахор.

Шу ҳам бахорми кўра,
Менга ёрилди жўра.
Гапирсангчи эй Тўра,
Қишми бу ёки бахор.

Ёзилди: 2021.04.01

✍️ Муаллиф: ( Алихон_Тора )

Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин:
https://t.me/xazil_sher

Газета қулай нарса:
Шапка, пашша ўлдиргич
Дастурхон у қўлласа,
Печкага ўт олдиргич

Зонтик қуёшли кунда
Ёмғирга ярамайди
Ёнса ёритар тунда
Шамча нур трамайди

Идиш товоққа қулай
Упаковка қигани
Доллар кўпайса - қўллай
Пулларни ўрагани

Бахорда ёш болалар
Варрак учун қўллармиш
Айтишарди оталар:
Ўқиса хам бўлармиш...

© Samigo, 09/04/2021
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Бугун Кобра Захаровнани туғилган куни экан. Янги ёзгани эриндим. Шунинг учун эскиларини қайта ташламоқчиман...
========
#архивдан
Табриклайман мен сени
Туғилган кунинг билан
Сўкмасингчун сен мени
Ёзмадим, тилпон билан

Кеча оган тилпоним
Сенга падарка эди
Энг зўр совға: - Оллохим
Сенга мендек эр берди.

Болаларинг одобли
Сени бақиртирмайди
Ёмон хулқи сабабли
Мактабга чақирмайди

Мактабда обруинг бор
Болаларни сўқсанг хам
Завуч сўкмабди бир бор
Расм хона очсанг хам

Шунинг учун совғани
Ёқмади деб юрмагин
Сендан илтимос мени
Хеч йўқ бугун, урмагин...

(c) Samigo 10/04/2015
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#архивдан
============
Бугун "Хоким қизи"ни
Туғилган куни бўлди
Хабардор қилай Сизни
Қириқ еттига тўлди!

Шу ёшни қоқ ярмини
Биргаликда яшадик
Рўзғор бору камини
Қўш хўкиздек кавшадик

Мен чарчаб қолганда хам
Бу хоним чарчамади
Эри синиб қолганда
Қирқ жонин асрамади

Хар кун тинмай ишлаб хам
Чарчаб кеттим демайди
Уй ичи ишларин хам
Қизларига бермайди

Хар қандай муаммони
Мехнати билан енгган
Тўғриси бу момони
Оллохни ўзи берган

Оилани тахтига
Майли, бугун бир минсин
Мендек эрни бахтига
Шу хотин юзга кирсин!

© Samigo, 10/04/2019
https://t.me/xazil_sher

#архивдан
#табрик

Хурматли Кобра Захаровна! Дилором Турғунбоевна!
Сизни туғилган кунингиз билан табриклайман!

Қолган гапларни шеър билан айтаман...
Аниқ биламан, бизни КЗ бу каналга кирмайди. Мабодо кирсаям, бу ёғини ўқимайди. Шунинг учун, мавзудан чиқмаган холда давом эттираман.
======


Бугун бизни Кобрани
Яна туғилган куни
Нася қилдим совғани
Хамма билади буни...

Чунки карантиндамиз
Зўр бахона топилди
Кўчага чиқмаяпмиз
Кўча, йўллар ёпилди

Қуруқ бўлса хам сени
Табриклайман, хотинжон
Қуруқ бўсам хам мени
Хеч урмайсан, деб "нимжон"

Уйда ўтириб, мана
Хамма ишинг қиляпман
Овқат шўр бўпти яна
Сўкмаяпсан, биляпман

Бунақа яхши хотин
Фақатгина менда бор
Кеча тердирдинг ўтин
Ёғса хамки совуқ қор

Кечаги шўр нонимни
Пешонамга сургандим
Сўрмагин деб қонимни
Озон бўлмай тургандим

Бугун сенга аталган
Торт пишириб берайин
Қўшним қўйи йўталган
Шуни сўйиб берайин

Бугун роса зиёфат
Хурсандчилик қиламиз
Кетса анави офат
Сўнг ўзимиз биламиз

Кўряпсанми хотинжон
Ароқ ичмай қўйганман
Тўғри гапинг, хотинжон
Олдин роса тўйганман

Мана омадинг келиб
Сен айтгандек эр бўлдим
Жиловни сенга бериб
Туппа тузик ер бўлдим...

Хазиллашдим, онаси
Хамма билар кимлигинг
Қиммат буни донаси
Қўрқитяпти жимлигинг...

Хурустални сингани
Яхшиликка дейишар
Бош ёриғим кўргани
Скорийда келишар...

Нима бўлганида хам
Сен хаммадан яхшисан
Ёлғонмас бу, ростданам
Хаётимни нақшисан!

Менинг бахтимга доим
Тепамда сайраб тургин
Иш буюр, сал мулойим
Қилмасам, майли, ургин.

Каналдаги бу шеърни
Хотиним ўқимайди
Йўқса камина шеърни
Бунақа тўқимайди

Мабодо ўқиб қолсанг
Биласан, ёлғончиман
Яхшимас, чақиб олсанг
Бу ерда "Полончи!"ман

Мендан хафа бўмагин
Бошингдаги ғовғангман
"Совға йўқ-ку?!"- демагин
Ўзим энг зўр совғангман!

© Samigo, 10/04/2020
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

#табрик

Икки кун олдин ҳазил шеърлар канали архивини ўқиб туриб кўриб қолдим.
=====================

Баъзи ғалвадан ҳоли
Устозим боши бугун.
Устозни устоз қилган
Янгажон туғилган кун.

Билмадим бу қанчалик
Эрур тўғри ахборот.
Нотўғри кўргандирман
Ёки ўқиганим рост.

Не бўлсада янгамни
Байрам билан қутлайман.
Шу Устозга чидаган
Янгам зўр деб ўйлайман.

Оиласин бахтига
Янга доим соғ бўлсин.
Буни кўриб устозим
Кайфияти чоғ бўлсин.

Бахтли турмушингизга
Кўз тегмасин илоҳим.
Юз йил давр сурингиз
Янга билан, устозим!

Дилдан қайғу қушларин
Ҳайдаворинг, учиринг!
Шеър ёзган бебош шогирд
Ғирвонийни кечиринг.

П/С: Устоз. Синчковлигим учун узр. Ҳеч нарса эътиборимдан четда қолмайди. Янгамни табриклаб қўйинг. Эҳтиром ила камтар ва буюк устозининг шогирди БИГБОСС. 10/04/2021

#табрик

Бугун бизни хўжайин
Бир кам элликка кирди!
Падаркам доим тайин
На илож. Нима дерди...

Агар гул олиб берсам
Бекорга пул кетади
Кўчадан ўзим терсам
Ким ҳам рухсат этади?

Шунинг учун байрамга
Гул кўчатлар опкелдим!
Экиб қўйсанг ховлимга
Чиройли бўлар девдим

Хар кўрганда гулларни
Байрам кунинг эслайсан
Келибоқ эк буларни
Ўсиб кетар, эплайсан!

Тезроқ қайт мактабингдан
Бозорлик ҳам қилвогин
Ош еяйлик қўлингдан
Гўшт тугаган олвогин

Мехмонлар келишади
Бугун мазза қиламиз
Салатинг севишади
Зўр қиласан, биламиз

Тортни хам ўзинг пишир
Кўчадагилар қиммат
Хамирни хам сал ишир
Кулчанг кутади уммат

Хуллас ишинг роса кўп
КЗхон, тезроқ келинг!
Чарчамагин бугун, хўп?
Ахир туғилган кунинг!

© Samigo, 10/04/2021
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

Ярми ҳазил, ярми чин😉

Кунда ўчар светдан,
Қотиб қолар тирнетдан.
Гапни уқмас безбетдан,
Аллоҳ ўзи асрасин.

Лаб иширар балодан,
Ошиқча эт, килодан.
Сохта чиқар тиллодан,
Аллоҳ ўзи асрасин.

Аёлсифат эркакдан,
Қийшиқ ўсган теракдан.
Туфли олсанг бракдан,
Аллоҳ ўзи асрасин.

Жонли айтмас ҳофиздан,
Гапдан қайтар лафзсиздан.
Сўконғич бетамиздан,
Аллоҳ ўзи асрасин.

Аёлни урар эрдан,
Хосил унмас зах ердан.
Хатоси ғиж-ғиж шеърдан,
Аллоҳ ўзи асрасин.

Еб тўймас порахўрдан,
"Танка" лари бор зўрдан.
Кўзлари очиқ кўрдан,
Аллоҳ ўзи асрасин.

Ишда қоғозбозликдан,
Моянаси озликдан.
Фойдасиз "ёз-ёз" ликдан,
Аллоҳ ўзи асрасин.

Ўғри-ю қиморбоздан,
Тийиқсиз хотинбоздан.
Уқуви йўқ дорбоздан,
Аллоҳ ўзи асрасин.

Ноҳақ савол-сўроқдан,
Сирни сотар ўртоқдан.
Шайтон суви ароқдан,
Аллоҳ ўзи асрасин.

Шарм-у ҳаёсиз қиздан,
Охири хато издан.
Яхши пишмаган жиздан,
Аллоҳ ўзи асрасин.

(Давоми бор...)

✍ Дилобар Уролова
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

26 апрел БУЮК ва КАМТАР УСТОЗИМнинг туғилган кунлари!

Устозни табриклайман. Узоқ-умр, соғлик, тинчлик, оиласига барака тилайман.

Буюклик сизга хосдир,
Сизга қиламан таъзим.
Шогирдингиз БИГБОССдир,
Узоқ яшанг УСТОЗим!

Таваллуд кун муборак,
Бўлсин муҳтарам УСТОЗ!
Дилдан айтаман тилак,
Ижодингизга парвоз!

Эҳтиром ила:

БИГБОСС Ғирвоний

АЗИЗЛАРИМ

Бир келса қўшалоқ келади деганларидек бугун икки ижодкор дўстларим Дилобар ва Самижон ака таваллуд топган кунлари экан арзимас совға.

Бирингиз дўст, бирингиз чин дугонасиз,
Фурсат топиб айтай сизга дил сўзларим.
Яқинимсиз, гарчи жисман бегонасиз,
Шеъриятдан топганларим, азизларим.

Дарддошимсиз, дилдошимсиз, ҳасратдошим.
Қалб сирларим ўқий олган тенгсизларим.
Сиз борсизку қаддим баланд, мағрур бошим,
Шеъриятдан топганларим, азизларим.

Сиз акамсиз, сиз оғамсиз, опам-синглим,
Жигарларим каби меҳри чексизларим,
Сиз борсизку тўлиб турар ярим кўнглим,
Шеъриятдан топганларим азизларим.

ШАҲНОЗА РЎЗИЕВА.

https://t.me/xazil_sher

Xazil ichra xaqiqat😏🤦‍♂

Narx navo oshdi qarang,
Yashayotgada arang.
Asablar bo'ldi tarang,
Naxrlarni oshirmanglar.

U Kam desa oyoq ham,
Yuray demas yo'liga.
Insof bilan narx qo'ying,
Qarab o'ngu so'liga.

Yog'ning narxi osmonda,
Tushay demaydi pastga.
Yog'li ovqat yemayin,
O'xshab boryabmiz mastga.

Holat tobora chigal,
Bundoq bizga boqinglar.
Bo'lib ko'rib bizdayin,
So'ng nog'ora qoqinglar.

Ishlamsak bir joyda,
Pul qaydan ham kelsina.
Go'sht yeymiz,yo'qbir oyda,
Kambag'allik qursina.

Bozorlarda narsa ko'p,
Tilloday yaltiraydi.
Narxin surab batamom,
Yuraklar qaltiraydi.

Bu ketishda har kuni,
Suvdan sho'rva solamiz.
Mashinayu uylarni,
Hayollarda olamiz.

Bozor holta yarimdur,
Toldirolmay halakman.
Pul tugagan cho'ntakda,
Quyoshi yo'q falakman.

Uyga kelsam bollarim,
Qo'llarimga qarashar.
Ne olib keldiz deya,
Lablarini yalashar.

Qachongacha aldaymiz,
Ishdan kelyabman bolam.
Yolg'on so'zdan kundan kun,
Qotib ketdi vijdon ham.

Dollar oshsa tomomdur,
Muammolar boshlanar.
Kim aybdor qilolmay,
Ko'pning ko'zi yoshlanar.

O'zbek qorni to'ysa bas,
O'sha kun bayram demang.
Ana narxlar tushdi deb,
Bizlarni aldayvermang.

Unutdik mol go'shtini,
Oshimizda kartoshka.
Oliy navli unlar ham,
Faqat kirmoqda tushga.

Ro'zg'or kami hech to'lmas,
Qonimiz toshirmanglar.
Holimiz bilar bilmas,
Narxlarni oshirmanglar.

Bizneschilar bor bo'ling,
Savdolarga barokat.
Lekin bir o'ylab ko'rib,
Keyin qiling harakat.

Sifat,holat deganda,
Bunisiga gap so'z yo'q.
Faqat narxlar sal tushsa,
Biz ham yasharmidik to'q.

Yozildi: 2021.04.27.

✍️ Muallif: ( Alixon To'ra )

Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин:
https://t.me/xazil_sher

Svetni o'chirmanglar.

Qish keldi desa bo'ldi,
Barcha umidlar so'ndi.
Sabr kosamiz to'ldi,
Svetni o'chirmanglar.

Kunlar sovuq izg'irin,
Muzlatar birin birin.
Orom olmaymiz shirin,
Svetni o'chirmanglar.

Zulmatlarda yondikku,
Asab bo'lib qoldikku.
Aytaverib toldikku,
Svetni o'chirmanglar.

Bolam qo'rqar uyquda,
Asabga tegdi juda,
So'zim etmang behuda,
Svetni o'chirmanglar.

Yorug'likka ne yetar,
Tashvish-u g'amlar ketar.
Yurakni xushnud etar,
Svetni o'chirmanglar

Qarzimiz yo'qdir axir,
Qilyabdi desak qahr.
Bo'lmangizlar toshbag'ir,
Svetni o'chirmanglar.

Siz ham bizdek bir yashang,
Zulmatga kalla tashlang.
So'ng g'urrali bosh qashlang,
Svetni o'chirmanglar.

Bor pul ketar shamlarga,
Ishlatish yo'q kamlarga.
Keling shunday damlarda,
Svetni o'chirmanglar.

Topolmaymiz yo'limiz,
Ojizlardek ko'zimiz.
Sizga aytar so'zimiz,
Svetni o'chirmanglar.

Ba’zan shunday kuyar jon,
So'kib deymiz, yo'q vijdon.
Bunday ko'rinib yomon,
Svetni o'chirmanglar.

Eng alamli joyi bor,
Bir emas har kun takror.
Bo'lganda ovqat tayyor,
Svetni o'chirmanglar.

Qon bosimni oshirmay,
Daryo qilib toshirmay.
Duo qilay, yashirmay
Svetni o'chirmanglar.

Mayli o'chirmang emas,
O'chiring kam,ko'p emas.
Lek shunday bo'lar bo'lmas,
Svetni o'chirmanglar.

Televizor ko'rmaymiz,
Ko'rgandayin bo'lmaymiz.
Ne qilishni bimaymiz,
Svetni o'chirmanglar.

Siz ham, biz ham mustaqil,
Yashaylik-da tinch ahil.
Ishim deb bo'lmang baxil,
Svetni o'chirmanglar.

Malol olmang so'zimni,
O‘ylamadim o‘zimni,
Xalqqa bersin to‘zimni
Svetni o'chirmanglar.

Yozildi: 2021.04.30.

✍️ Muallif: ( Alixon_Tora )

Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин:
https://t.me/xazil_sher

Икки студент хикояси 😜

Бир йигит-у, битта қиз
Гостиница топибди
Жой йўқ экан иложсиз
Бир хонада қолибди

Хонага кириб кўрса
Карават битта экан
Йигит ўйланиб турса
Қиз унга шундай деган:

- Келинг, майли, ўйланманг
Бир иложин қиламиз
Ўртамизга қийналманг
Ёстиқ тўсиб қўямиз

Эртаси кун кинога
Билет етмай қолибди
Таламаш билан зўрга
Битта билет олибди

- Сиз кириб кетаверинг
Йигитман-ку, нетаман
Ичида кутаверинг
Мен девордан ўтаман

Мақсадга етолмаган
Шундай жавоб берди қиз:
-Ёстиқдан ўтолмаган
Девордан ўтолмийсиз...


© Samigo, 02/05/2021
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher

​​Россияга кетамиз...
(шу кунларнинг гапи)

Мана, кўклам ҳам келди,
Кўчалар исиб қолди.
Ҳордиқ плани тўлди —
Россияга кетамиз!

Ёзда уй солиш керак,
Молу қўй олиш керак,
Кузга тўй қилиш керак,
Россияга кетамиз!

Чўнтаклар қуриб битди,
Қошиқлар оғиз йиртди...
Нархларам ошиб кетди –
Россияга кетамиз!

Онам дер: “Борма, болам!
Қуриб кетсин шу пулам”...
Кўзда кулги, дилда ғам –
Россияга кетамиз...

Қизим унсиз мунғаяр,
Юзин кўзёши чаяр...
Кенжам менсиз улғаяр,
Россияга кетамиз.

“Оқ йўл” тилашиб дўстлар,
Дер “Тўлар каму кўстлар”,
“Айнитмасин “кўк кўзлар” —
Россияга кетамиз.

Учай, десам, кам “соққа”
Пулим етмас учоққа...
Аста ўтиб қозоққа,
Россияга кетамиз!

Шеърим ўқиб, кулсангиз,
Бу қувонч - дард, билсангиз...
Юринг, бекор бўлсангиз,
Россияга кетамиз!

© Муслим Мирзажонов

Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин:
https://t.me/xazil_sher

Меҳмондорчиликда.

Меҳмон деди мезбонга:
"-Сахий инсон бўлибсиз.
Қарангки пиёламни
Тўлдириб чой қуйибсиз".

Мезбон бир кулиб деди:
"-Не деяпсиз, биродар.
Бу ишим сахийликмас,
Сололманг дедим шакар".

Абдулазиз Ғирвоний. 08/05/2021

Агар ёққан бўлса 👍 ни босинг ва бошқаларга ҳам улашинг. Улар ҳам каналга киришсин:
https://t.me/xazil_sher

- Шеър ёзишни билмасдан
Нега баҳо берасиз?
- Чунки, овқат қилмасдан
Унинг таъмин биласиз!

© Samigo, 11/05/2021
=====
Агар ёққан бўлса 👍 ни босинг ва бошқаларга хам улашинг. Улар хам каналга киришсин:
https://t.me/xazil_sher