Давлат хавфсизлик хизматининг Тошкент шаҳар бўйича бошқармаси ва Иқтисодий жиноятларга қарши курашиш департаментининг шаҳар бошқармаси ходимлари томонидан ўтказилган тезкор тадбирда ўзини трейдерлик фаолияти билан шуғулланаётганлигини маълум қилиб, молия-иқтисод соҳасида етарли билим ва тажрибага эга бўлмаган фуқароларни ишончига кирган ҳолда, уларнинг шахсий маблағларини ноқонуний ўзлаштириб келган масъулияти чекланган жамият фаолиятига чек қўйилди.

🟢Батафсил

Каналга аъзо бўлинг👇👇👇
🇺🇿 Xavfsizlik 🇺🇿

Айрим Telegram-каналлар томонидан Термиз шаҳри атрофида Ўзбекистон ҳарбийлари Афғонистон ҳудудидан ракеталар билан ўққа тутилгани тўғрисида тарқатилаётган хабарлар мутлақо ҳақиқатга тўғри келмайди.

Ўзбекистон Мудофаа вазирлиги ва Чегара қўшинлари берган маълумотга кўра, Ўзбекистон-Афғонистон чегарасида ҳеч қандай ҳарбий фаоллик кузатилмаяпти, вазият барқарор.

Провокацияларга берилмаслигингизни сўраймиз.
—
Распространяемая некоторыми Telegram-каналами информация о якобы ракетном обстреле с территории Афганистана частей Вооруженных Сил Узбекистана в районе г.Термеза абсолютно не соответствует действительности.

По данным Минобороны и Пограничных войск Узбекистана, на узбекско-афганской границе никакой военной активности не наблюдается, ситуация стабильная.

Просим не поддаваться провокациям.

Новости 24 | Осторожно: ещё одна финансовая пирамида.

Каналга аъзо бўлинг👇👇👇
🇺🇿 Xavfsizlik 🇺🇿

"Kattaqo'rg'on" poligonida artilleriya mutaxasislarining navbatdagi amaliy o'quv mashg'ulotlari — Samarqand viloyati.

Каналга аъзо бўлинг👇👇👇
🇺🇿 Xavfsizlik 🇺🇿

ДХХ: Қашқадарёда Сурияга кетмоқчи бўлган шахс ушланди
 
Давлат хавфсизлик хизматининг Қашқадарё вилояти бўйича бошқармаси ҳамда вилоят ИИБ ходимлари ҳамкорлигида ўтказилган тезкор-қидирув тадбирлари натижасида Китоб туманида яшовчи фуқаронинг Сурияга кетишининг олди олинди.
Хусусан, 1998 й.т. “Қ.Т.” 2020-2021 йиллар давомида Россия Федерациясида ишлаши даврида ижтимоий тармоқлар орқали “Жиҳодчилар” диний экстремистик оқими аъзолари таъсирига тушиб қолиб, уларни қўллаб-қувватлаган.
Жумладан, у “Tik-Tok”, “Likee”, “Instagram” ижтимоий тармоқларида шахсий профиллар очиб, унга халқаро террористик ташкилотлар ва диний экстремистик оқимларнинг ғоявий раҳнамолари бўлган “Абу-Салоҳ”, “Абдуллоҳ Зуфар”, “Абдуллоҳ Бухорий”, “Содиқ Самарқандий” ва бошқаларнинг “жиҳод”, “ҳижрат” ҳамда “шаҳид”ликка чорловчи маърузаларини жойлаштириб, тарғибот ишларини олиб борган.
Шунингдек, 2021 йилнинг декабрь ойида РФдан доимий яшаш манзилига қайтиб келганидан сўнг, ҳамқишлоқлари орасида ҳам оқим ғояларини фаол тарғиб қилган.
Бундан ташқари, “Қ.Т.” Суриядаги жангарилар билан алоқа ўрнатиб, уларнинг йўл-йўриқлари ҳамда кўрсатмалари асосида Россия ва Туркия орқали уларнинг сафига бориб қўшилишини режалаштирган.
Экспертиза хулосасига кўра, “Қ.Т.” томонидан тарқатиб келинган диний мазмундаги материаллар ақидапарастлик ғоялари билан йўғрилган бўлиб, уларни Ўзбекистон Республикаси ҳудудига олиб кириш, тарқатиш ва сақлаш тақиқланади.
Ҳозирда “Қ.Т.”га нисбатан Ўзбекистон Республикаси Жиноят Кодексининг тегишли моддалари билан қўзғатилган жиноят иши доирасида тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

AntiFake_uz_огоҳлантиради

Бугун ахборотни саралаш долзарб аҳамият касб этмоқда. Боиси, виртуал оламда сохта, ёлғон хабарлар, суратлар, видеолар тарқалмоқда. Айниқса, сурат шаклдаги фейк ахборот тезда оммалашади. Кўп ҳолларда шундай суратлар ясалиб, тарқатилаяпти.

Баъзан фойдаланувчи бехос мазкур ёлғонни тарқатувчисига айланиб қолади. Шунинг учун суратларни ўзгаларга юборишдан аввал, суратларга диққат билан қараш, уни ўрганиш мақсадга мувофиқдир.

Каналга аъзо бўлинг👇👇👇
🇺🇿 Xavfsizlik 🇺🇿

«Умра» сафарига ноқонуний юбориш билан шуғулланган МЧЖ фош этилди

ДХХ ва ИИВ ходимлари ҳамкорлигида ўтказилган тезкор-қидирув тадбирлари натижасида Тошкент шаҳрида фаолият юритувчи масъулияти чекланган жамият томонидан тегишли рухсатномага эга бўлмасдан, фуқароларни «Тошкент-Дубай-Жидда» йўналиши орқали «Умра» зиёратига юбориш ҳолати аниқланди.

Хусусан, МЧЖ ходими Х.А. Наманган вилоятида яшовчи икки фуқаронинг ишончига кирган ҳолда уларни 6200 АҚШ доллари эвазига «Умра» сафарига жўнатишни ваъда қилиб, олдиндан 3100 АҚШ доллари олган вақтида ушланди.

Сўнгра тезкор тадбир давом эттирилиб, МЧЖ офиси ва ходимларининг автомашиналари текширилганда, жами 116 нафар фуқаронинг хорижга чиқиш паспортлари борлиги аниқланиб, процессуал тартибда расмийлаштириб олинди.

Шунингдек, 66 нафар фуқарони «Умра» сафарига юбориш мақсадида улардан жами 162 минг АҚШ доллари олинганлиги ҳам маълум бўлди.

Таъкидлаш лозимки, МЧЖ ўз мижозларини Бирлашган Араб Амирликлари ва Саудия Арабистони Қироллиги ўртасидаги давлат чегарасидан ўтказишда Марказий Осиё республикаларининг сохта фуқаролик паспортларидан фойдаланиш механизмини йўлга қўйган.

Ҳозирда ҳолат юзасидан МЧЖ масъулларига нисбатан Ўзбекистон Республикаси Жиноят Кодексининг тегишли моддаси билан қўзғатилган жиноят иши доирасида тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

Асакада хокимият бош юристконсульти қўлга олинди

Ўтказилган тезкор тадбирда Асака тумани ҳокимлигининг бош юристконсульти Х.Қ. товламачилик йўли билан фуқародан 1000 АҚШ доллари олаётганда қўлга олинди.

У “А” фермер хўжалиги иш юритувчисининг ишончига кириб, ушбу хўжаликнинг ихтиёрига берилган 20,2 гектар ер майдони бўйича “Б” фермер хўжалиги ўртасидаги Андижон туманлараро маъмурий судида апелляция тартибида кўрилаётган ишни вилоят судида ишловчи танишлари ёрдамида 1500 АҚШ доллари эвазига “А” фермер хўжалигининг фойдасига ҳал қилиб беришни ваъда қилган.

Ҳолат юзасидан Департамент томонидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

Кучли таъсир қилувчи дори воситалари савдогарларига суд ҳукми ўқилди

2021 йилнинг октябрь ойида Давлат хавфсизлик хизмати ҳамда Давлат божхона қўмитаси ходимлари ҳамкорлигида ўтказилган тезкор тадбирда Тошкент шаҳрида яшовчи, 1987 й.т. “Т.У.” Наманган шаҳрида яшовчи, 1989 й.т. “М.М.”дан 7504 дона “Регапен” кучли таъсир қилувчи дори воситаларини 45 млн. сўмга сотиб олган вақтида ушланган.

Шунингдек, “Т.У.”нинг автомашинасидан 158 дона “Тропикамид”, Чилонзор туманидаги яшаш хонадонидан эса 5617 дона “Селофен Залеплон”, 1492 дона “Тропикамид” ва 778 дона “Регапен” кучли таъсир қилувчи дори воситалари ҳам процессуал тартибда расмийлаштирилиб олинган.

Аниқланишича, “Т.У.”нинг буюртмасига кўра “М.М.” ушбу дори воситаларини ўзининг жиноий алоқалари орқали Қирғизистондан Ўзбекистонга контрабанда йўли билан ўтказиб, Тошкент шаҳрига олиб келган.

Мазкур ҳолат юзасидан “Т.У.” ва “М.М.”ларга нисбатан Жиноят Кодексининг 2511-моддаси 3-қисми (Кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари олиб борилган.

Жиноят ишлари бўйича Чилонзор туман судининг ҳукмига кўра, “Т.У.” ва “М.М.”ларнинг ҳар бирига нисбатан 5 йил муддатга озодликдан маҳрум қилиш жазоси тайинланди.

Каналга аъзо бўлинг👇👇👇
🇺🇿 Xavfsizlik 🇺🇿

Андижон вилояти ИИБ Терроризм ва экстремизмга қарши курашиш бошқармаси халқаро экстремистик гуруҳлар фаолиятига қўшилиб, уларнинг ҳаракатларида иштирок этаётган, миллий ва умуминсоний хавфсизликка рахна солаётган бир гуруҳ шахсларга нисбатан қидирув эълон қилинганлиги ҳақида огоҳлантиради!

Каналга аъзо бўлинг👇👇👇
🇺🇿 Xavfsizlik 🇺🇿

Афғонистонга навбатдаги инсонпарварлик ёрдами жўнатилди

Бугун Ўзбекистоннинг афғон халқига навбатдаги инсонпарварлик ёрдами 58 та вагондан иборат эзгулик поездида Термиз шаҳридаги "Айритом" чегара ўтказиш пункти орқали қўшни мамлакатга жўнатилди.

Каналга аъзо бўлинг👇👇👇
🇺🇿 Xavfsizlik 🇺🇿

ДХХ: Поезд вагонида наркотик топилди

Тошкент вилояти Бекобод тумани “Бекобод-темир йўл” халқаро ўтказиш пунктига “Хўжанд-Арыс” йўналишида Тожикистон Республикасидан кириб келган юк поезди ҳамда унинг таркибида бўлган вагонлар белгиланган тартибда ДХХ Чегара қўшинлари ҳарбий хизматчилари ҳамда Давлат божхона қўмитаси ходимлари ҳамкорлигида хизмат итлари ёрдамида кўздан кечирилганда, қурилиш молларини ташишга мўлжалланган вагонларнинг бирининг жуфт ғилдиракларини улаб турувчи таянч асосининг ғовагида қора рангли полителен пакет борлиги аниқланди.

Пакет холислар ва мутахассислар иштирокида очиб кўрилганда, унинг ичидаги икки ўрамда 1 кг 949 гр. “опий” гиёҳвандлик воситаси борлиги аниқланди.

Ҳозирда мазкур ҳолат юзасидан Жиноят Кодексининг 246-моддаси 2-қисми билан жиноят иши қўзғатилган.

Каналга аъзо бўлинг👇👇👇
🇺🇿 Xavfsizlik 🇺🇿

“Ўзбекистон Республикаси Давлат хавфсизлик хизмати Чегара қўшинларининг Қирғизистон билан чегарадаги вазият хусусида расмий баёноти”

Ўзбекистон Республикаси Давлат хавфсизлик хизмати Чегара қўшинлари хабар беришича, 2022 йилнинг 5 май куни ўзбек-қирғиз Давлат чегарасининг Наманган вилояти Янгиқўрғон тумани Оқтом қишлоғи ҳудудидан ўтган қисмида бир гуруҳ номаълум шахслар томонидан Ўзбекистон Республикасидан Қирғизистонга ноқонуний равишда кўп миқдордаги товар-моддий бойликларини олиб ўтилаётганлиги ўзбек чегара нарядлари томонидан кузатилган ва ушбу қонунбузарликни олдини олиш бўйича чоралар кўрилган.

Чегара наряди томонидан Давлат чегараси бузғунчиларини қўлга олиш вақтида, қоидабузарларнинг бир гуруҳи ҳарбий хизматчиларга нисбатан қаршилик кўрсатиб, куч ишлатиб, тан жароҳатлари етказган ва қуролларни олиб қўйишга ҳаракат қилган.

Ушбу ҳолатда ҳарбий хизматчилар қонунчиликда белгиланган тартибда қурол қўллашга мажбур бўлганлар. Натижада, 3 нафар шахслар яраланиб, уларнинг жиноий шериклари томонидан Қирғизистон ҳудудига олиб кетилган.

Ҳодиса тафсилотларини аниқлаш мақсадида, 5 май куни зудлик билан Ўзбекистон Республикаси ва Қирғизистон Республикасининг ҳудуд бўйича чегара вакиллари ўртасида учрашув ўтказилди. Шунингдек, 6 май куни Фарғона водийси йўналиши бўйича ва Қирғизистоннинг Жалол-обод вилояти бўйича чегара вакилларининг учрашуви бўлиб ўтди.

Ҳозирда ҳар икки томон ҳолат бўйича текширувларни давом эттирмоқда, чегарада вазият барқарор.

Ҳолат юзасидан Ўзбекистон Республикасининг тегишли ҳуқуқни муҳофаза қилувчи идоралари томонидан 2022 йилнинг 6 май куни Ўзбекистон Республикаси Жиноят Кодексининг 223 моддаси (“Қонунга хилоф равишда чет элга чиқиш ёки Ўзбекистон Республикасига кириш”) билан жиноят иши қўзғатилиб, тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

ДХХ Чегара қўшинлари Ашула ва рақс ансамбли хонандаси Акбар Атамуҳамедов ва “Сарҳад” гуруҳидан янги клип премьераси: “Ватаним иси”.

Каналга аъзо бўлинг👇👇👇
🇺🇿 Xavfsizlik 🇺🇿