⚡️ Toshkentda pora olgan kadastr bosh inspektori, Andijonda yer maydonini noqonuniy sotgan fuqaro ushlandi

1️⃣ DXX “Call-markazi”ga kelib tushgan murojaat asosida Xizmatning Toshkent shahar bo‘yicha boshqarmasi va Iqtisodiy jinoyatlarga qarshi kurashish departamenti hamkorligida o‘tkazilgan tezkor tadbirda Kadastr agentligining Yashnobod tuman bo‘limi bosh inspektori uchinchi shaxs orqali 2 ming AQSH dollari olgan vaqtida uning noqonuniy harakatiga chek qo‘yildi.

Bosh inspektor o‘z xizmat mavqeidan foydalangan holda, mahalliy fuqaro tomonidan noqonuniy o‘rnatilgan yengil konstruksiyali qurilmalarni buzib tashlamaslik va unga nisbatan jarima qo‘llamaslik evaziga ushbu pul mablag‘ini talab qilgan.

2️⃣ Andijon shahrida yashovchi, 1984 y.t. fuqaro xaridorga Andijon tumani Xakan sanoat hududida joylashgan va davlat zaxirasida bo‘lgan 40 sotix yer maydonini go‘yoki "E-auksion" orqali yutib olganligini aytib, kelgusida kadastr tizimidagi tanishlari orqali uning nomiga rasmiylashtirib berish evaziga 160 ming AQSH dollari talab qilgan.

DXX, IIB va IJQKD xodimlari hamkorligida o‘tkazilgan tezkor tadbirda u oldindan 80 ming AQSH dollari olgan vaqtida ushlandi.

⚖️ Hozirda har ikki holat bo‘yicha jinoyat ishlari qo‘zg‘atilib, tergov harakatlari olib borilmoqda.

✈️ Telegram | 📘 Facebook | 📸 Instagram | 📹 YouTube

❗️ Farg‘onada qalbaki xorijiy pasport tayyorlash bilan shug‘ullangan jinoiy guruh fosh etildi

🛑 Davlat xavfsizlik xizmati xodimlari tomonidan Iqtisodiy jinoyatlarga qarshi kurashish departamenti hamda Ichki ishlar organlari bilan hamkorlikda Farg‘ona shahrida qalbaki xorijiy davlat fuqaroligi pasportlarini tayyorlash va sotish bilan shug‘ullangan jinoiy guruh faoliyatiga chek qo‘yildi.

Xususan, tezkor tadbir davomida Marg‘ilon shahrida yashovchi 1995 y.t. shaxs Farg‘ona shahrida istiqomat qiluvchi 1990, 1997, 1999 va 2003 yillarda tug‘ilgan 4 nafar tanishi bilan til biriktirib, qalbaki Turkiya Respublikasi fuqaroligi pasporti va haydovchilik guvohnomasini mijozga 4 mln so‘mga sotgan vaqtida ushlandi.

Ulardan jami 11 dona mobil telefonlar va 2 dona noutbuk ashyoviy dalil sifatida olindi.

🔹 Hozirda qonunbuzarlarga nisbatan jinoyat ishi qo‘zg‘atilib, tergov harakatlari olib borilmoqda.

✈️ Telegram | 📘 Facebook | 📸 Instagram | 📹 YouTube

🔥 Surxondaryoda 2,5 kg opiy moddasi, Toshkentda 3 kg ko‘knori boshoqlari musodara qilindi

1️⃣ Giyohvandlik vositalarining noqonuniy aylanmasiga qarshi kurashish yo‘nalishida Davlat xavfsizlik xizmatining Surxondaryo viloyati bo‘yicha boshqarmasi xodimlari hamda Chegara qo‘shinlari harbiy xizmatchilari hamkorligida o‘tkazilgan tezkor tadbirda “o‘zbek-afg‘on” davlat chegarasining Termiz tumani hududidan o‘tuvchi qismida noma’lum shaxslar tomonidan qoldirib ketilgan umumiy og‘irligi 2 kg 562 gr bo‘lgan “opiy” giyohvandlik vositasi olindi.

Holat yuzasidan jinoyat ishi qo‘zg‘atilib, uning egalarini aniqlash bo‘yicha zarur chora-tadbirlar ko‘rilmoqda.

2️⃣ “Xavfsiz va sog‘lom yurt” tezkor-profilaktik tadbirlarining ikkinchi bosqichi doirasida DXXning Toshkent shahar bo‘yicha boshqarmasi hamda poytaxt IIBB xodimlari hamkorligida o‘tkazilgan tezkor tadbirda Chilonzor tumanida istiqomat qiluvchi 1974 y.t shaxsning yashash xonadonida 2 kg 930 gr ko‘knori boshoqlari borligi aniqlanib, protsessual tartibda olib qo‘yildi.

Xozirda holat yuzasidan dastlabki surishtiruv ishlari olib borilmoqda.

🔥 Hurmatli fuqarolar, kundalik hayotda shu kabi qonunbuzilish holatlariga duch kelsangiz DXXning 1520 qisqa raqamiga qo‘ng‘iroq qilib, xabar bering. Shaxsingizning sir saqlanishi kafolatlanadi.

✈️ Telegram | 📘 Facebook | 📸 Instagram | 📹 YouTube

💊 Respublika bo‘ylab giyohvandlik vositalari
savdosiga qarshi tezkor tadbirlar o‘tkazildi

🚨 “Xavfsiz va sog‘lom yurt” tezkor-profilaktik tadbirlari doirasida DXX va IIV xodimlari hamkorligida respublika bo‘ylab giyohvandlik vositalarining noqonuniy aylanmasiga qarshi tezkor tadbirlar o‘tkazildi.

1️⃣ Namangan viloyati Norin tumanida istiqomat qiluvchi 1961 y.t. fuqaroning yashash xonadoni ko‘zdan kechirilganda, u 1 kg 595 gr “marixuana” giyohvandlik vositasini kelgusida sotish maqsadida saqlab kelayotganligi aniqlanib, protsessual tartibda rasmiylashtirib olindi.

2️⃣ Chortoq tumanida o‘tkazilgan tezkor tadbirda esa 1973 y.t. shaxs kelgusida sotish maqsadida o‘ziga tegishli qo‘shimcha tomorqada 839 tup kannabis o‘simligini ekib, parvarishlab kelayotganligi ma’lum bo‘ldi.

3️⃣ Samarqand viloyatining Urgut tumanida istiqomat qiluvchi 1995 y.t. shaxs Toyloq tumani hududida avtomashinada harakatlanayotgan vaqtida to‘xtatilib tekshirilganda, undan 20 gr “geroin” moddasi ashyoviy dalil sifatida olindi.

4️⃣ Xorazm viloyatida qayd etilgan holatda, Qo‘shko‘pir tumanida yashovchi 1962 y.t., muqaddam giyohvandlik vositalari savdosi bilan bog‘liq jinoyati uchun sudlangan shaxs ham 36 tup kannabis o‘simligini yetishtirayotganligi aniqlandi.

5️⃣ Toshkent viloyatining Yangiyo‘l shahrida istiqomat qiluvchi 1973 y.t. muqaddam giyohvandlik vositalari savdosi bilan bog‘liq jinoyati uchun sudlangan fuqaro o‘z hovlisida issiqxona tashkil etib, unda 22 tup kannabis o‘simligini parvarishlayotganligi ma’lum bo‘ldi.

6️⃣ Bu kabi holat Andijon viloyatida ham kuzatilib, xususan, Qo‘rg‘ontepa tumanida yashovchi 1965 y.t. shaxs o‘z tomorqasida 10 tup kannabis o‘simligini parvarishlab kelgan.

Hozirda barcha holatlar yuzasidan tergovga qadar tekshiruv harakatlari olib borilmoqda.

⏰ Hurmatli fuqarolar, kundalik hayotda shu kabi qonunbuzilish holatlariga duch kelsangiz DXXning 1520 qisqa raqamiga qo‘ng‘iroq qilib, xabar bering. 🛡 Shaxsingizning sir saqlanishi kafolatlanadi.

🔗 Bizni ijtimoiy tarmoqlarda kuzating 👇

✈️ Telegram | 📘 Facebook | 📸 Instagram | 📹 YouTube

🔥 Toshkentda ikki fuqaro marhum yaqinlaridan qolgan qurollarni ixtiyoriy ravishda topshirdi

🇺🇿 Joriy yilning 1-iyulidan respublika miqyosida o‘tkazilayotgan “Xavfsiz va sog‘lom yurt” keng qamrovli tezkor-profilaktik tadbirlarning II bosqichi doirasida Davlat xavfsizlik xizmati tomonidan o‘qotar qurollarning noqonuniy muomalasining oldini olishga qaratilgan tezkor-qidiruv tadbiri o‘tkazildi.

1️⃣ Toshkent shahrining Yakkasaroy tumanida yashovchi 1981 y.t. fuqaro marhum otasi alohida istiqomat qilgan xonadonda aniqlangan 1 dona vintovka, 19 dona o‘qotar ov qurollari, 13 dona stvol va kolodkalar, 117 dona o‘q-dorilar hamda boshqa ikkilamchi ehtiyot qismlarni o‘z ixtiyori bilan huquqni muhofaza qiluvchi organlarga topshirdi.

2️⃣ DXX va IIVning poytaxt boshqarmalari hamkorligida tashkil etilgan boshqa tadbirda esa Mirobod tumanida yashovchi 1960 y.t. ayol ham marhum turmush o‘rtog‘iga tegishli bo‘lgan 2 dona o‘qotar ov quroli va 181 dona o‘q-dorilarni ixtiyoriy ravishda topshirdi.

❗️ Hurmatli fuqarolar amaldagi qonunchilikka muvofiq, o‘qotar qurol va o‘q-dorilar hamda portlovchi moddalarni o‘z ixtiyori bilan huquqni muhofaza qiluvchi organlarga topshirgan shaxs javobgarlikdan ozod qilinadi.

✈️ Telegram | 📘 Facebook | 📸 Instagram | 📹 YouTube