O'z bilimiga ishongan o'qituvchilar ko'p, afsuski ular maktabda ishlamasligi sabab attestatsiyada ishtirok etolmaydi

Biroz avval repetitorlik o'quv markaziga asos solgan, o'z sohasining haqiqiy mutaxassisi bo'lgan bir o'qituvchi aloqaga chiqib, malaka toifa olmoqchi ekanligi, toifa olgach esa maktabda dars berishni istayotgani haqida aytdi.

Men esa unga hukumat qarori bilan tasdiqlangan nizomga ko’ra pedagog kadrlar attestatsiyasida ishtirok etishi uchun albatta, taʼlim tashkilotida asosiy yoki oʻrindoshlik (soatbay) asosida faoliyat olib borayotgan boʻlishi shart ekanligini aytdim.

Juda afsuslandi. Toifaga ega bo'lmay turib maktabda ishlash niyati yo'qligi, repetitorlik ish faoliyati mobaynida oliy toifani qo'lga kiritib, yaxshi oylik uchun sharoitni hozirlab qo'yib, keyin maktabga ishga kirmoqchiligini aytdi. Bunday talabgorlar juda ko'p aslida.

Haqiqatdan ham juda g'alati norma bu. Nima uchun malaka toifa olish erkin emas? Nima maqsad qilingan o'zi?

Xo'p, maktabda ishlamaydigan o'qituvchi toifa olsa nima qilibdi? Test sinovi harajatini to'lab qo'ysa, marhamat qilib ularga ham yo'l ochib bersak bo'lmaydimi?

Baribir hammasi doimgidek shunchaki test bo'lsa, na ijodiy, na nazariy, na amaliy malaka sinovlari hujjatda bo'lgani bilan amalda mavjud bo'lmasa nimani qizg'onyapmiz ulardan hayronman.

Juda g'alati norma rostdan ham. Bizga raqobatli mehnat bozori kerakmi, kerak, malakali kadrlar kerakmi kerak, toifaga ega bo'lgan o'qituvchilar sonini ko'paytirish kerakmi, kerak. Unda nimaga sun'iy to'siq kerak?

Hozir siz Maktabgacha va maktab ta'limi vazirligi faqat o'zining tizimidagi kadrlarga javob beradi, ular istalgan fuqaroni testdan o'tkazib beradigan tashkilot emas deyotgan bo'lishingiz mumkin.

Lekin maktabda ishlamaydigan pedagoglar attestatsiyada ishtirok etib, toifa olsa va maktabda ishlash istagini bildirsa yomonmi? Bu ta'lim sifatining ortishiga oz bo'lsa ham hissa qo'shadiku..

Shuning uchun ham bizga Ta'lim inspeksiyasi kabi mustaqil, alohida tashkilot kerak edi. Uni tugatib, vazifalari vazirlik bilan takrorlanadigan mutlaqo boshqa tashkilotga asos soldik. Aslida Ta'lim inspeksiyasini saqlab qolib, malaka toifa berishni biroz erkinroq qilganimiz to'g'riroq bo'lardi.

👉https://t.me/xalqtaliminfo

⚡️O‘zbekistonda o‘quvchi va talabalarga o‘quv-uslubiy filmlar yordamida dars o‘tish tizimi joriy etiladi

Hukumat qarori bilan O‘zbekiston davlat ta’lim muassasalarida dars o‘tish uchun foydalaniladigan o‘quv-uslubiy filmlarni ishlab chiqarish tartibi to‘g‘risidagi nizom tasdiqlandi.

Nizomga ko‘ra, ta’lim muassasalarida dars o‘tish uchun foydalaniladigan o‘quv-uslubiy filmlar mavzulari Oliy ta’lim, fan va innovatsiyalar vazirligi hamda Maktabgacha va maktab ta’limi vazirligi tomonidan tasdiqlanadi.

Har yili 30-yanvargacha filmlarning tasdiqlangan mavzulari ro‘yxati Kinematografiya agentligiga taqdim etiladi. Shunga ko‘ra, agentlik tomonidan har yili 50 tagacha film ishlab chiqariladi.

Bunda filmlarning mavzulari o‘quvchi va talabalar o‘zlashtirishi murakkab bo‘lgan fanlar, ularning asoslari, mavzulari (formula, teorema, qonuniyatlari) asosida shakllantiriladi.

Filmlarni joylashtirish uchun 2024-yil 1-aprelgacha o‘quv-uslubiy filmlar portali va mobil ilovasi yaratiladi.

Manba

👉https://t.me/xalqtaliminfo

⚡️Vazir jamg‘armasi hisobidan joriy yilda ustama to‘lanadigan malakali pedagog kadrlarning umumiy kvotasi 1250 ta etib belgilandi

Maktabgacha va maktab ta’limi vazirligining 2024-yil 8-yanvardagi tegishli buyrug‘i bilan Vazir jamg‘armasi hisobidan ustama to‘lanadigan malakali pedagog kadrlarning respublika bo‘yicha cheklangan soni va 1-bosqich test sinovlari orqali saralash bo‘yicha reglament tasdiqlandi.

❗️Unga ko‘ra, Maktabgacha va maktab ta’limi vaziri jamg‘armasi hisobidan Respublika bo‘yicha 2024-yilda har oylik ustama to‘lanadigan malakali pedagog kadrlarning cheklangan soni 1 250 nafar etib belgilandi. Bunda:

➖1 150 ta kvota yoki umumiy kvotaning 92 foizi — Maktabgacha va maktab ta’limi vazirligi tizimidagi umumiy o‘rta ta’lim muassasalarida faoliyat yuritayotgan malakali pedagog kadrlarga;

➖100 ta kvota yoki umumiy kvotaning 8 foizi — Ixtisoslashtirilgan ta’lim muassasalari agentligi tizimidagi maktablar pedagog kadrlariga ajratildi.

👉@xalqtaliminfo

Afsuski vazir jamg'armasidan ustama to'lanadigan pedagoglar kvotasi o'tgan yilga nisbatan ikki barobar kam ajratilibdi

O'tgan o'quv yilida vazir jamg'armasi hisobidan ustama oladigan pedagoglar uchun yillik kvota 2000 nafar etib belgilangandi.

Bu yilgi kvota esa 1 250 nafarni tashkil qilyapti. Bu esa o'tgan yilgiga nisbatan deyarli ikki barobar kamroq pedagog vazir ustamasiga da'vogarlik qiladi degani.

Albatta, Maktabgacha va maktab ta'limi vazirligi ham 2024-yil uchun Davlat byudjetdan ajratilgan mablag'ga qarab kvotani belgilaydi. Ya'ni, kvotani ko'proq belgilab qo'yish birgina vazirlikning qo'lida emas.

Bu yil vazir jamg'armasi uchun Davlat byudjetdan 100 mlrd so'm ajratilgandi. Adashmayotgan bo'lsam, o'tgan yili bundan ko'proq summa ajratilgandi. Shu sababli bu kvotalarga ta'sir qilgan bo'lsa kerak.

👉https://t.me/xalqtaliminfo

#Eslatma

1-sinf o‘quvchilari uchun qo‘shimcha bir haftalik ta’til beriladi

Vazirlar Mahkamasining 2017-yil 15-martdagi 140-son qarori bilan tasdiqlangan "Umumiy o‘rta ta’lim to‘g‘risida"gi Nizomning 26-bandiga ko'ra 1-sinf o‘quvchilari uchun fevral oyi davomida qo‘shimcha bir haftalik ta’til berilishi belgilangan.

Ta'til fevral oyining aynan qaysi kunlariga to‘g‘ri kelishi hududiy maktabgacha va maktab ta'limi boshqarmasi va hududiy bo'linmalari tomonidan yoki har bir maktab pedagogik kengashi tomonidan mustaqil ravishda belgilanadi.

Ma'lumot uchun: Ayni vaqtda ko'plab hududiy maktabgacha va maktab ta'limi boshqarmalari tomonidan 1-sinflar uchun 5-10 fevral kunlari qo'shimcha ta'til kunlari etib belgilanmoqda.

👉https://t.me/xalqtaliminfo

Sizga qaysi o’qituvchining darslari ko’proq yoqadi?

Profi University talabalari orasida qiziqarli so‘rovnoma o‘tkazildi.

Talabalarga savol berildi, ularning javoblari esa ajoyib.

Yaxshisi talabalarning javoblarini video orqali bilib oling.

👉@xalqtaliminfo

#Sõragan_edingiz

Vazir ustamasiga da'vogar pedagoglar uchun 1-bosqich test sinovlari qay tartibda o'tkaziladi?

Maktabgacha va maktab ta’limi vazirligi tomonidan tasdiqlangan reglamentga ko'ra nomzod pedagoglardan dars beradigan fanlari bo'yicha 40 ta savoldan iborat test sinovlari o'tkaziladi.

Test sinovlari uchun (javoblar varaqasini to‘ldirish bilan birga) 100 daqiqa vaqt ajratiladi. Har bir to'g'ri javob uchun 2,5 ball beriladi.

1-bosqich test sinovi natijasiga ko'ra maksimal ballning 80 foizidan past natija ko'rsatgan nomzodlar saralashning ikkinchi bosqichiga qo'yilmaydi, maksimal ballning 80 foizi yoki undan yuqori natija ko'rsatgan nomzodlar 2-bosqichga yo'l oladi.

1-bosqich test sinovlari natijasiga ko'ra maksimal ballning 80 foizi yoki undan yuqori natija ko'rsatgan pedagoglarning natijasi 2-bosqichga chiqishiga asos sifatida foydalaniladi va ushbu natija 2-bosqich bo'yicha olgan natijasiga qo'shilmaydi.

2-bosqichda — kasbiy mahoratini baholash uchun suhbat o'tkazish tartibi va mezonlari Maktabgacha va maktab taʼlimi vazirining buyrug'i bilan tasdiqlanadi.

👉https://t.me/xalqtaliminfo

Faqatgina bir kunning o’zida Cambridge jamoasiga qo’shiling!

⚡️Cambridge’ning kuchli va professional jamoasiga qo’shilish uchun sizda yana bir imkoniyat! Kutib oling, navbatdagi Cambridge Job Fest!

⚡️Main Teacher / IELTS Intructor:
Ertalabki smena: 08:45-13:30
Kunduzgi smena: 14:00-20:00
Oylik maosh: 19.500.000-33.000.000 so’m

⚡️Support Teacher:
Ertalabki smena: 08:45-13:30
Kunduzgi smena: 14:00-20:00
Oylik maosh: 4.500.000-8.000.000 so’m

🗓 21-yanvar
⏰ Soat 10:00 da
📍 Novza filiali

👉🏻 Havola orqali royxatdan o’ting

Ushbu Job Fest’ni o’tkazib yubormang. Cambridge jamoasiga qo’shiling va biz bilan har tomonlama rivojlaning!

📞 Tel: 78 777 77 74

⚡️«Ustoz-2021» tanlovida g'olib bo'lgan o'qituvchilar Turkiyaga yo'l olmoqda

Bundan 3 yil avval O‘qituvchilar assosiatsiyasi Xalq ta’limi vazirligi bilan hamkorlikda «Yilning eng yaxshi fan o‘qituvchisi» tanlovidan tubdan farq qiluvchi, «Ustoz-2021» tanlovi o‘tkazgandi.

Tanlovning 8 nafar g‘olibiga esa 30 million so‘m pul mukofoti, sertifikat va boshqa qimmatbaho sovg‘alar hamda Dubayda bo‘lib o‘tadigan «Global Teacher Prize 2022» tanloviga yo‘llanma berilishi kerak edi.

G‘oliblarga 30 million so‘m pul mukofoti, sertifikat va sovg‘alar topshirilgan, ammo ularni Dubayga yuborish va’dasi bajarilmagandi. Bu haqida kanalda ham yozgandik. (1, 2)

Bizdagi tasdiqlangan ma'lumotlarga ko'ra ana shu g'oliblar vazir Hilola Umarovaning tegishli buyrug'i bilan 2024-yil 22-24-yanvar kunlari Turkiyaning Istanbul shahrida bo'lib o'tadigan xalqaro konferensiyada ishtirok etish maqsadida hozirgina Turkiyaga jo’nab ketishdi.

Ma'lumot uchun: «Ustoz-2021» milliy mukofoti tanlovi uchun 29 850 nafar pedagog ishtirok etgan. Tanlovning ilk bosqichida 4301 nafar nomzod ishtirok etib, ulardan 40 nafari finalga yetib kelgan.

❕Tanlovda 40 nafar finalistdan 8 nafari quyidagi nominatsiyalar bo‘yicha g‘oliblikni qo‘lga kiritgan:

➖ «Tashabbuskor ustoz» — Rozimov Zakir

➖ «Ta’lim sohasida ko‘rsatgan xizmatlari uchun» —Tulyakova Rayxan

➖ «Umid timsoli» — Norova Mexriniso

➖ «Boshlang‘ich ta’lim fidokor ustozi» — Umurzakova Dildoraxon

➖ «Matonatli ustoz» — Olimova Nilufar

➖ «Fidoyi ustoz» — Mamajonov Ulug‘bek

➖ «Mehridaryo ustoz» — Hilola Norova

➖ «Plyus 1» — Kamolov Iqboljon

👉@xalqtaliminfo

"Profi" ta'lim muassasalari tarixi haqida

Bir vaqtlar ijaraga olingan kichik xonada o'quv markazi sifatida ish boshlagan "Profi Education" loyihasi hozirgi kunga kelib bog'cha, maktab va nufuzli oliygohlar tarmog'iga aylandi.

"Profi" loyihasining bu darajada rivojlanishi ortida qanday mehnat yotganligini ko'rsatib berish maqsadida jamoamiz bilan birgalikda qisqa video tayyorladik.

👉@xalqtaliminfo

Darsliklarni tanlash imkoniyati bo'lganda qanday bo'lardi?

Yaqinda bir qiziq ma'lumotni eshitib qoldim. Ma'lumotlarga ko'ra Germaniyada maktab darsliklari nafaqat barcha federal hudud balki, maktablarda ham turlicha ekan.

Ya'ni, maktab darsliklarini turli xil nashriyotlar chop etaverar ekan. O'qituvchi va ota-onaga qaysi darslik yoqsa ana o'sha darslikdan foydalanishi mumkin ekan.

Misol uchun, sizga qaysidir nashriyot chop etgan darslik murakkabdek tuyulsa yoki unda xatolar ko'p bo'lsa, sizning oldingizda yana bir qancha tanlovlar turar ekan.

Darsliklar borasida mutaxassis bo'lmasamda, lekin bu usul O'zbekistondagi darsliklar muammosiga o'ziga xos yechim bergan bo'lardi deb o'ylayman.

Mana o'quv yili tugashiga ham 4 oy vaqt qoldi. Ammo haligacha maktablarga darsliklar to'liq yetib borgani yo'q. Biz esa darsliklarni faqat bitta nashriyot chop etishi, barcha darsliklar bir xil bo'lishi kerak degan qarashga yopishib olganmiz menimcha.

👉https://t.me/xalqtaliminfo

Siz o‘qiyotgan xususiy oliygoh o‘zi qonuniy faoliyat olib bormoqdami?

Buni qanday tekshirish mumkin? Agar siz ham xususiy oliygohda tahsil olayotgan bo‘lsangiz, oliygohning huquqiy tomondan to‘g‘ri faoliyat olib borayotganligini tekshirib qo‘yish foydadan holi bo‘lmaydi.

Bu haqida huquqshunos Bektosh Xatamovning mana bu 👉 postida 👈 batafsil o‘qib olishingiz mumkin.

O‘zinga ehtiyot bo‘l, qo‘shningni o‘g‘ri tutma! Ogoh bo‘ling, barcha xususiy oliygohlar ham huquqiy to‘g‘ri faoliyat olib bormoqda deb ayta olmayman, shuning uchun ogohlik davr talabi, har holda to‘rt yil umr, pul sizniki, hammasini tekshirib borishingiz kerak.

Post bilan albatta tanishib chiqing: 👉https://t.me/bektoshkhatamov/2205

15 yillik ish stajiga ega bo‘lgan pedagoglarni umrbod attestatsiyaga jalb qilmaslik taklifi kimdan chiqqan bo'lsa, ana o'shalar tushuntirish bersin endi

Pedagog xodimlar attestatsiyasi bo‘yicha yana tushunmovchiliklar bo‘lyapti. Ya’ni, 15 yillik ish stajiga ega bo‘lgan juda ko‘plab o‘qituvchilar biz ham attestatsiyaga jalb qilinamizmi yoki yo‘q demoqda.

Yodingizda bo‘lsa, 2021-yil 17-sentyabrda Vazirlar Mahkamasining 572-son qarori bilan pedagog kadrlarini attestatsiyadan o‘tkazish tartibi to‘g‘risida nizom tasdiqlandi.

Ana o‘shanda nizomning 6-band, 2-xatboshida ta’lim tashkilotlarida 15 yillik uzluksiz ish stajiga ega bo‘lgan oliy malaka toifali o‘qituvchilar umrbod attestatsiyaga jalb qilinmasligi aytilgandi. Bundan o‘qituvchilar juda xursand bo‘lishdi. Ammo ularning xursandchiligi uzoqqa cho‘zilmadi.

Chunki, 2022-yil 2-avgustda Vazirlar Mahkamasining 425-son qarori bilan 15 yillik uzluksiz ish stajiga ega bo‘lganlar emas, balki oliy malaka toifani 15 yil davomida saqlab kelgan va uzluksiz ish stajiga ega bo‘lgan pedagog kadrlargina navbatdagi majburiy attestatsiyaga jalb etilmasligi belgilandi.

Keyin shu yerda bir muammo kelib chiqdi va ko‘pchilik 2022-yil 2-avgustga qadar 15 yillik ish stajiga ega bo‘lgan oliy toifali o‘qituvchilar endi nima qiladi degan savollar bera boshladi.

Shundan so‘ng Xalq ta’limi vazirligi alohida xat chiqarib, normativ-huquqiy hujjatlar orqaga qaytish kuchiga ega emasligi, shu sababli 2022-yilning 2-avgustiga qadar 15 yil uzluksiz ish stajiga ega bo‘lgan hamda oliy toifaga ega (bunda oliy toifa ega bo‘lganlik davri muhim emas) bo‘lgan pedagoglarga nisbatan tatbiq etilmasligini aytdi.

Ana endi hozirga kelib, 2022-yilning 2-avgustiga qadar 15 yil uzluksiz ish stajiga ega bo'lib olgan pedagoglar ham bu yil attestatsiyaga jalb qilinishi aytilmoqda ekan.

Aslida 15 yillik ish stajiga ega bo‘lgan pedagoglarni umrbod attestatsiyaga jalb qilmaslik taklifi bilan chiqishib, yo'q joydan muammo chiqarishdi. Masalaga o'ta sayoz qarab, qaror qabul qilishgan.

O'sha taklifni kim bergan bo'lsa, mana shu mavzuda yaxshilab dars o'tib berishini xohlardim. Muammoni yaratib qo'yib, ko'pchilikni chalg'itishdi. Bu mavzuda nimadir yozgani ham qo'rqib qoldi odam.

Nimadir yozsangiz, yozilmagan "qonunlar" paydo bo'lib qoladi darrov. O'zi bizni tizimda bitta normativ hujjat chiqsa, uni ketidan bir nechta tushuntirish xati chiqarish odatga aylanib qoldi. Bizga hozir yana bitta shunaqa xat kerak bo'lyapti...

👉https://t.me/xalqtaliminfo