Vazir ustamasi yillik kvotasining 92 foizi umumiy o'rta ta'lim maktabi o'qituvchilari uchun ajratiladigan bo'ldi

Maktabgacha va maktab ta'limi vazirligining 2023-yil 27-dekabr 576-sonli buyrug'i bilan vazir jamg'armasi hisobidan 2024-2025-o'quv yilida pedagoglarni qo'shimcha rag'batlantirish to'g'risida ko'rsatma berildi.

Buyruqqa ko'ra vazir jamg'armasi hisobidan har oylik ustama to'lanadigan malakali pedagog kadrlarning respublika boʻyicha cheklangan soni ya'ni — yillik kvota belgilanadi.

Bunda yillik kvotaning 92 foizi Maktabgacha va maktab taʼlimi vazirligi tizimida faoliyat yuritayotgan malakali pedagog kadrlarga va 8 foizi Ixtisoslashtirilgan taʼlim muassasalari agentligi tasarrufidagi maktablari pedagog kadrlariga ajratilishi belgilandi.

Masalan, bu yil ham vazir jamg'armasi hisobidan ustama oladigan pedagoglar uchun yillik kvota 2000 ta belgilansa, shuni 160 tasi Ixtisoslashtirilgan taʼlim muassasalari agentligi tasarrufidagi maktab o'qituvchilariga, 1840 tasi esa vazirlik tizimidagi umumiy o'rta ta'lim maktabi o'qituvchilariga beriladi.

Eslatib o'tamiz, o'tgan yili kvotalar 2000 nafar etib belgilangan bo'lib, shundan 1697 nafar nomzod vazir ustamasiga tavsiya etilgan.

👉https://t.me/xalqtaliminfo

#Sõragan_edingiz

Vazir ustamasiga da'vogar bo'lgan pedagoglar ro'yxatini kim vazirlikka taqdim etadi?

Xalq ta’limi vaziri jamg‘armasi to‘g‘risidagi nizomga ko'ra har oylik ustama to‘lanadigan malakali pedagog kadrlarning respublika bo‘yicha cheklangan soni Maktabgacha va maktab ta'limi vazirligi tomonidan belgilanadi.

Bilim va malakalarni baholash agentligi va Ixtisoslashtirilgan taʼlim muassasalari agentligi tomonidan taqdim etiladigan kirish imtihonlaridagi natijalardan kelib chiqib, kvota hududlar va tuman (shahar)lar bo‘yicha taqsimlab bo'lingach, xalq ta’limi tizimini isloh qilish bo‘yicha Qoraqalpog‘iston Respublikasi, viloyatlar va Toshkent shahar kengashlariga taqdim etiladi.

Xalq ta’limi tizimini isloh qilish bo‘yicha hududiy kengash esa har bitta yo‘nalish bo‘yicha tegishli tuman (shahar) uchun belgilangan kvotaga nisbatan uch baravar ko‘p nomzodlarni saralash uchun vazirlik (Ishchi guruh)ga taqdim etadi.

❕Xalq ta’limi tizimini isloh qilish bo‘yicha hududiy kengash vakillari kimlar?

➖ Kengash raisi — hokimlar;

➖ Kengash raisi o‘rinbosari — hududiy maktabgacha va maktab ta'limi boshqarmalari boshliqlari.

Asosan shu ikki mas'ullar vazir ustamasiga da'vogar bo'lgan nomzodlar masalasini kengash yig'ilishida ko'rib chiqib hal qiladi. Kengash tarkibida yuqoridagi ikki mas'uldan tashqari yana 21 nafar mas'ul shaxslar mavjud.

Hududiy kengashlar nomzodlar ro'yxatini shakllantirib, vazirlikka taqdim qilgandan so'ng, ular orasidan har oylik ustama to‘lanadigan malakali pedagog kadrlar 2 bosqichda saralanadi.

Saralash bosqichlaridan muvoffaqiyatli o'tgan pedagog kadrlarga vazir jamg'armasi hisobidan ustama tayinlash bo'yicha vazirlik buyrug'i chiqariladi.

👉https://t.me/xalqtaliminfo

#Sõragan_edingiz

O'rta maxsus ma'lumotli boshlang'ich ta'lim o'qituvchisi ish faoliyati mobaynida ma'lumotini oliy qilib olsa bo'ladimi?

O'qituvchi maktabda ham ishlab, ham oliygohning kunduzgi, kechki yoki sirtqi ta'lim shaklida tahsil olishi mumkin. Bunga cheklov yo'q.

Ma'lumotini oliy qilib olish maqsadida bo'lgan pedagog xodimlarga Profi Universityning Boshlang'ich ta'lim fakultetida tahsil olishlarini tavsiya qilamiz. Faqat buning uchun qabul jarayoni boshlanishini kutish lozim.

Universitet talabasi bo'lganlarga esa ko'plab qo'shimcha imkoniyatlar taqdim qilinadi. Shuningdek, universitetning Navoiy filialida tahsil oladigan talabalarining farzandlari, ularning yaqin qarindoshlarining farzandlariga Navoiydagi @newerakids xususiy bolalar bog‘chasida tahsil olishi uchun 50 foizlik chegirma ham taqdim qilinadi.

Ta’lim to‘g‘risidagi qonunning 31-moddasiga ko‘ra Profi University o‘z faoliyatini litsenziya asosida amalga oshiradi. Universitet bitiruvchilarga esa davlat tomonidan tasdiqlangan namunadagi ta’lim to‘g‘risidagi hujjat taqdim etiladi.

Profi Universityda tahsil olish istagida bo'lgan talabgorlar qabul jarayonlari boshlangan vaqtda mana bu manzil orqali murojaat qilishlari mumkin.

Batafsil ma'lumotlar

👉https://t.me/xalqtaliminfo

#Sõragan_edingiz

“Kamalak” yulduzlari” Respublika bolalar ijodiyoti festivalini o'tkazish uchun mablag' yetishmayapti(mi?)

Ma'lumki, Prezident tomonidan ilgari surilgan beshta muhim tashabbus ijrosini ta'minlash maqsadida har yili “Kamalak” yulduzlari” Respublika bolalar ijodiyoti festivali o'tkazib kelinadi.

Tanlov nizomiga ko'ra festival uch bosqichda — tuman (shahar), viloyat hamda respublika bosqichida o'tkazilishi belgilangan. Ammo so'ngi 2-3 yildan buyon tanlovning respublika bosqichi o'tkazilmayapti.

Biz buning sababini o'rganish maqsadida O‘zbekiston yoshlar ittifoqi Markaziy Kengashi mas'ul xodimlari bilan bilan bog'lanib, masalani o'rgnishga harakat qildik.

O‘zbekiston yoshlar ittifoqi Markaziy Kengashi mas'ul xodimining aytishicha, mazkur tanlovni o'tkazish asosan O‘zbekiston yoshlar ittifoqi, Maktabgacha va maktab ta'limi vazirligi, Yoshlar ishlari agentligi hamda Madaniyat vazirligi zimmasiga yuklatilgan.

Ayni vaqtda tanlovning hududiy bosqichlarni o'tkazish va uni moliyalashtirish ishlari Yoshlar ishlari agentligi tomonidan ta'minlab kelinmoqda. Tanlovning respublika bosqichini o'tkazish esa katta xarajat talab qiladi.

Buning uchun esa Madaniyat vazirligi ham tashabbus ko'rsatishi kerak bo'ladi. Hozirgi kunda “Kamalak” yulduzlari” Respublika bolalar ijodiyoti festivalining respublika bosqichini o'tkazish uchun tegishli vazirliklar tashabbus bildirmayotgani va buning uchun mablag' ajratilmayotganligi uchun festival viloyat bosqichiga yetganda yakunlanmoqda.

Demak bundan ko'rinib turibdiki, Prezidentining 2022-yil 2-fevraldagi PQ-112-son, 2022-yil 19-yanvardagi PQ-92-son qarorlari ijrosi yetarlicha ta'minlamayapti.

👉https://t.me/xalqtaliminfo

#Sõragan_edingiz

O'qituvchilar ish tajribasini ommalashtirish jarayoni qachondan boshlanadi?

Avvalroq ommalashtirish.uz platformasi ancha vaqtdan buyon ishlamayotgani haqida xabar bergandik.

Bugun Maktabgacha va maktab ta'limi vazirligi axborot xizmati ommalashtirish.uz platformasi nega ishlamayotgani va u qachondan boshlab ishga tushishi mumkinligi haqida ma'lumot berdi.

Unda aytilishicha, ayni vaqtda pedagog xodimlar ish tajribalarini ommalashtirishning tezkor va aniq yo'nalishlarini joriy qilish maqsadida ishlar olib borilmoqda.

Ya'ni, ommalashtirish tartibiga biroz o'zgartirishlar kiritilmoqda. Ushbu jarayonlar yakuniga yetgandan so'ng ommalashtirish.uz platformasi yana qayta ishga tushiriladi.

👉https://t.me/xalqtaliminfo

Maktablarda nechta erkak o'qituvchi ishlaydi?

Maktablarda jami 600 minga yaqin o'qituvchilar faoliyat yuritib kelayotgan bo'lsa, shundan 160 minga yaqinini erkak o'qituvchilar tashkil qiladi. Balki bu son hozir yanayam ortgan yoki kamaygandir. Nima bo‘lgan taqdirda ham maktablarga erkak o‘qituvchilar juda zarur.

O'tgan 2023-yilgi ma'lumotlarga ko'ra maktablardagi erkak pedagoglar salmog'i 159,9 ming nafarni yoki jami o'qituvchilarga nisbatan 30,7 % ini tashkil etgan.

2022/2023-o‘quv yilida 2018/2019-o‘quv yiliga nisbatan erkak pedagoglar soni 27,8 ming nafarga yoki 21,0 % ga ko‘paygan.

Maktabda erkak o'qituvchilarning ko'payishi ta'lim sifatiga ham o'ziga xos ta'sir ko'rsatadi. Bu haqida navbatdagi postlarimizda ma'lumot berishga harakat qilamiz.

Bugun ta'lim muassasalarida faoliyat yuritib kelayotgan barcha erkak o'qituvchilarni 14 yanvar - Vatan himoyachilari kuni munosabati bilan tabriklaymiz.

Erkak muallimlarimizga Yaponiyadagidek yuqori ustamalar, Finlyadiyadek komfort sharoit hamda Lyuksemburg, Germaniya va Niderlandiyadek eng yuqori maosh berilishiga tilakdoshmiz.

👉https://t.me/xalqtaliminfo

Bizga erkak boshlang'ich sinf o'qituvchilari ham kerak

“Profi” xususiy ta’lim muassasalari tarmog‘i asoschisi Bektosh Xatamov bergan ma'lumotlarga ko'ra Turkiyada boshlang‘ich sinf o‘quvchilariga deyarli 100 foiz holatda erkaklar dars berar ekan. O‘zbekistonda esa erkak boshlang‘ich sinf o‘qituvchisini uchratish qiyin.

Boshlang‘ich sinfda tahsil olayotgan bolalar o‘z yoshlarida otaning mehriga unchalik ham to‘yimas ekan. Ya'ni, ularga ota mehri yetishmas ekan, chunki bu yoshdagi bolalarning otalari ko‘proq vaqtini ishda, oila boqishga, karyera qurishga sarflashar ekan. Erkak o‘qituvchi esa aynan shu mehrni to‘ldirib boradi va bu yaxshi natija berar ekan.

Shu sababli ham hozirgi kunda Profi University oliygohining “Boshlang‘ich ta’lim” yo'nalishiga o'qishga topshirgan o‘g‘il bolalarga kontrakt summasining 30 foizi chegirma qilib berilgan. (Qo'shimcha ma'lumotlar bu yerda)

Bundan asosiy ko'zlangan maqsad ham erkak boshlang'ich sinf o'qituvchilar safini kengaytirish. Ha, bizga erkak boshlang'ich sinf o'qituvchilari ham kerak.

👉https://t.me/xalqtaliminfo

#Sõragan_edingiz

O‘qituvchidan qog‘oz ko‘rinishdagi yillik taqvim-mavzu reja talab qilinishi to‘g‘rimi?

#Savol
Direktorimiz taqvim-mavzu ish rejani qog‘oz variantini talab qilyapti. Vaholanki, taqvim-mavzu ish rejani eMaktab.uz platformasiga yuklab qo‘yganman. Shu holatda direktorning talabi o‘rinlimi? Javob uchun oldindan rahmat e’tiborsiz qoldirmang iltimos.

#Javob
"Umumiy o‘rta ta’lim muassasalarining pedagogik mutaxassisliklari bo‘yicha namunaviy yillik ish rejasini shakllantirish tartibi to‘g‘risida"gi yo‘riqnomaning 15-bandiga ko‘ra umumiy o‘rta ta’lim maktabi o‘qituvchilarining dars va to‘garak mashg‘ulotlarini tashkil etish hamda sinf jurnalini yuritishdan tashqari boshqa pedagogik yuklamalar bo‘yicha hisobotlar va qo‘shimcha ma’lumotlarni talab qilish qat’iyan taqiqlanadi.

15-bandning 2-xatboshiga ko‘ra umumiy o‘rta ta’lim muassasalari pedagog xodimlari tomonidan faqatgina sinf jurnali (bosma yoki elektron) yuritiladi.

O‘qituvchi tomonidan yillik taqvim-mavzu reja eMaktab.uz platformasiga yuklangan bo‘lsa, unda ushbu rejani qog‘oz ko‘rinishdagi shaklini yuritishga ehtiyoj yo‘q deb hisoblaymiz. Demak, o‘qituvchidan qog‘oz ko‘rinishdagi yillik taqvim-mavzu reja talab qilish noqonuniy xatti-harakat hisoblanadi.

👉https://t.me/xalqtaliminfo

Bugundan attestatsiya uchun ro’yxatdan o’tish jarayonlari boshlandi

Bugundan maktabgacha, umumiy o‘rta va maktabdan tashqari ta’lim tashkilotlari pedagog kadrlarining joriy yilgi attestatsiya uchun ro’yxatdan o’tish jarayonlari boshlandi.

Attestatsiyada ishtirok etuvchi pedagoglar bugundan boshlab pedkadr.uzedu.uz platformasi orqali ro‘yxatdan o‘tishlari va murojaat yuborishlari mumkin.

👉https://t.me/xalqtaliminfo

Attestatsiyada ishtirok etuvchi pedagoglar uchun qulaylik!

Xabar berganimizdek, yanvar-iyun oylari attestatsiyasida ishtirok etish uchun ro‘yxatdan o‘tish bugun, 15-yanvardan boshlanadi .

❗️Bu muhim! pedkadr.uzedu.uz platformasidan foydalanish bo‘yicha Maktabgacha va maktab ta’limi vazirligi tomonidan ishlab chiqilgan quyidagi videoyo‘riqnoma ko‘rsatmalari bilan tanishib chiqishingiz tavsiya etiladi.

Eslatma!
Murojaatlarni Maktabgacha va maktab ta’limi vazirligining 👉 https://pedkadr.uzedu.uz/ - platformasidan tashqari

📍Yagona interaktiv davlat xizmatlari portali 👉 my.gov.uz/uz

📍Davlat xizmatlari markazlari orqali ham yuborish mumkin.

Vazirlikning rasmiy sahifalariga ulanish:
Telegram | Youtube | Facebook | Instagram

#Eslatma

Qashqadaryoning olis hududiga borib ishlayotgan ayrim pedagoglarga bir martalik boshlang‘ich yordam puli va uy-joylarni ijaraga olganlik uchun har oylik kompensatsiya pullari to'lab berilmadi.

Ularga yordam qo’lini cho’zadiganlar hali ham topilmadi. O’qituvchilar u yerga borgani uchun afsusda va hali ham sarson.

Menimcha, olis hududga borib ishlaydigan o’qituvchilar 1000 dollar oylik olishi mumkinligi haqidagi tasavvurlarimiz shunchaki ertakka aylanmoqda. Chunki, bu kabi qo'shimcha pullarini to'lab bermaslikning yo'li allaqachon topilgan.

👉@xalqtaliminfo

❗️Xabar tahrirlandi

Maktab direktorligiga nomzodlar manager.uzedu.uz platformasidan ro'yxatdan o'tishlari lozim. Platforma hozir ishlamoqda.

👉@xalqtaliminfo

O'z bilimiga ishongan o'qituvchilar ko'p, afsuski ular maktabda ishlamasligi sabab attestatsiyada ishtirok etolmaydi

Biroz avval repetitorlik o'quv markaziga asos solgan, o'z sohasining haqiqiy mutaxassisi bo'lgan bir o'qituvchi aloqaga chiqib, malaka toifa olmoqchi ekanligi, toifa olgach esa maktabda dars berishni istayotgani haqida aytdi.

Men esa unga hukumat qarori bilan tasdiqlangan nizomga ko’ra pedagog kadrlar attestatsiyasida ishtirok etishi uchun albatta, taʼlim tashkilotida asosiy yoki oʻrindoshlik (soatbay) asosida faoliyat olib borayotgan boʻlishi shart ekanligini aytdim.

Juda afsuslandi. Toifaga ega bo'lmay turib maktabda ishlash niyati yo'qligi, repetitorlik ish faoliyati mobaynida oliy toifani qo'lga kiritib, yaxshi oylik uchun sharoitni hozirlab qo'yib, keyin maktabga ishga kirmoqchiligini aytdi. Bunday talabgorlar juda ko'p aslida.

Haqiqatdan ham juda g'alati norma bu. Nima uchun malaka toifa olish erkin emas? Nima maqsad qilingan o'zi?

Xo'p, maktabda ishlamaydigan o'qituvchi toifa olsa nima qilibdi? Test sinovi harajatini to'lab qo'ysa, marhamat qilib ularga ham yo'l ochib bersak bo'lmaydimi?

Baribir hammasi doimgidek shunchaki test bo'lsa, na ijodiy, na nazariy, na amaliy malaka sinovlari hujjatda bo'lgani bilan amalda mavjud bo'lmasa nimani qizg'onyapmiz ulardan hayronman.

Juda g'alati norma rostdan ham. Bizga raqobatli mehnat bozori kerakmi, kerak, malakali kadrlar kerakmi kerak, toifaga ega bo'lgan o'qituvchilar sonini ko'paytirish kerakmi, kerak. Unda nimaga sun'iy to'siq kerak?

Hozir siz Maktabgacha va maktab ta'limi vazirligi faqat o'zining tizimidagi kadrlarga javob beradi, ular istalgan fuqaroni testdan o'tkazib beradigan tashkilot emas deyotgan bo'lishingiz mumkin.

Lekin maktabda ishlamaydigan pedagoglar attestatsiyada ishtirok etib, toifa olsa va maktabda ishlash istagini bildirsa yomonmi? Bu ta'lim sifatining ortishiga oz bo'lsa ham hissa qo'shadiku..

Shuning uchun ham bizga Ta'lim inspeksiyasi kabi mustaqil, alohida tashkilot kerak edi. Uni tugatib, vazifalari vazirlik bilan takrorlanadigan mutlaqo boshqa tashkilotga asos soldik. Aslida Ta'lim inspeksiyasini saqlab qolib, malaka toifa berishni biroz erkinroq qilganimiz to'g'riroq bo'lardi.

👉https://t.me/xalqtaliminfo

⚡️O‘zbekistonda o‘quvchi va talabalarga o‘quv-uslubiy filmlar yordamida dars o‘tish tizimi joriy etiladi

Hukumat qarori bilan O‘zbekiston davlat ta’lim muassasalarida dars o‘tish uchun foydalaniladigan o‘quv-uslubiy filmlarni ishlab chiqarish tartibi to‘g‘risidagi nizom tasdiqlandi.

Nizomga ko‘ra, ta’lim muassasalarida dars o‘tish uchun foydalaniladigan o‘quv-uslubiy filmlar mavzulari Oliy ta’lim, fan va innovatsiyalar vazirligi hamda Maktabgacha va maktab ta’limi vazirligi tomonidan tasdiqlanadi.

Har yili 30-yanvargacha filmlarning tasdiqlangan mavzulari ro‘yxati Kinematografiya agentligiga taqdim etiladi. Shunga ko‘ra, agentlik tomonidan har yili 50 tagacha film ishlab chiqariladi.

Bunda filmlarning mavzulari o‘quvchi va talabalar o‘zlashtirishi murakkab bo‘lgan fanlar, ularning asoslari, mavzulari (formula, teorema, qonuniyatlari) asosida shakllantiriladi.

Filmlarni joylashtirish uchun 2024-yil 1-aprelgacha o‘quv-uslubiy filmlar portali va mobil ilovasi yaratiladi.

Manba

👉https://t.me/xalqtaliminfo

⚡️Vazir jamg‘armasi hisobidan joriy yilda ustama to‘lanadigan malakali pedagog kadrlarning umumiy kvotasi 1250 ta etib belgilandi

Maktabgacha va maktab ta’limi vazirligining 2024-yil 8-yanvardagi tegishli buyrug‘i bilan Vazir jamg‘armasi hisobidan ustama to‘lanadigan malakali pedagog kadrlarning respublika bo‘yicha cheklangan soni va 1-bosqich test sinovlari orqali saralash bo‘yicha reglament tasdiqlandi.

❗️Unga ko‘ra, Maktabgacha va maktab ta’limi vaziri jamg‘armasi hisobidan Respublika bo‘yicha 2024-yilda har oylik ustama to‘lanadigan malakali pedagog kadrlarning cheklangan soni 1 250 nafar etib belgilandi. Bunda:

➖1 150 ta kvota yoki umumiy kvotaning 92 foizi — Maktabgacha va maktab ta’limi vazirligi tizimidagi umumiy o‘rta ta’lim muassasalarida faoliyat yuritayotgan malakali pedagog kadrlarga;

➖100 ta kvota yoki umumiy kvotaning 8 foizi — Ixtisoslashtirilgan ta’lim muassasalari agentligi tizimidagi maktablar pedagog kadrlariga ajratildi.

👉@xalqtaliminfo