Vazir ustamasiga Ixtisoslashtirilgan ta'lim muassasalari agentligi tizimidagi maktab o'qituvchilari ham da'vogarlik qilishi mumkin bo'ladi

Avvalroq xabar berganimizdek, vazir ustamasiga da'vogarlik qiladigan pedagoglarga yanvar oyida 1-bosqich test sinovlari o‘tkazilishi reja qilinyapti.

Vazirlar Mahkamasining 2022-yil 2-avgustdagi 425-son qarori bilan tasdiqlangan "Xalq ta’limi vazirining jamg‘armasi to‘g‘risida"gi Nizomga ko'ra vazir ustamasiga faqat vazirlik tizimidagi umumiy o‘rta ta’lim muassasalarida faoliyat yuritayotgan malakali pedagog kadrlar da'vogarlik qilishi mumkin edi.

Ushbu qaror imzolangan vaqtda Ixtisoslashtirilgan ta’lim muassasalari agentligi – Prezident ta’lim muassasalari agentligi deb atalar va bu agentlik Xalq ta'limi vazirligi tuzilmasiga kirmasdi.

2023-yil boshida esa vazirlik tuzilmasida o'zgarishlar bo'lib, Ixtisoslashtirilgan ta’lim muassasalari agentligi tashkiliy bo‘ysunuvi Maktabgacha va maktab ta’limi vazirligiga o‘tkazildi.

Shu sababli endi Ixtisoslashtirilgan ta’lim muassasalari agentligi tizimidagi Prezident, ijod va ixtisoslashtirilgan maktab o'qituvchilari ham vazir ustamasini olishi mumkin bo'lyapti.

❕Muhim ma'lumot: Ixtisoslashtirilgan ta'lim muassasalari agentligi tizimidagi maktab o'qituvchilarining vazir ustamasiga da'vogarlik qilishi umumiy o‘rta ta’lim muassasalarida faoliyat yuritayotgan o'qituvchilar imkoniyatini cheklamaydi.

Ya'ni, vazir ustamasini belgilashda Ixtisoslashtirilgan ta'lim muassasalari agentligi tizimidagi maktab o'qituvchilari uchun alohida kvota ajratilmoqda.

Bu esa umumiy o‘rta ta’lim muassasalarida faoliyat yuritayotgan o'qituvchilar kvotasiga umuman ta'sir qilmaydi.

👉https://t.me/xalqtaliminfo

#Sõragan_edingiz

Kimlar vazir jamgʻarmasi hisobidan beriladigan ustama yoki mukofot puliga da'vogarlik qilishi mumkin?

Vazir jamgʻarmasidan beriladigan ustama yoki mukofot pullariga umumiy oʻrta taʼlim muassasalarida faoliyat yuritayotgan malakali pedagog kadrlar hamda maktabgacha va maktab taʼlimi tizimida faoliyat yuritayotgan ilgʻor xodimlar daʼvogarlik qilishi mumkin.

❕Quyidagilar malakali pedagog kadrlar hisoblanadi:

➖oʻquvchilari oliy taʼlim muassasalariga yoki Prezident, ijod va ixtisoslashtirilgan maktablarga kirish imtihonlarida eng yuqori natija koʻrsatgan pedagog kadrlar;

➖oʻquvchilari xalqaro yoki respublika miqyosidagi musobaqa va tanlovlarda sovrinli oʻrinlarni qoʻlga kiritgan pedagog kadrlar.

❕Quyidagilar maktab taʼlimi tizimida faoliyat yuritayotgan ilgʻor xodimlar hisoblanadi:

➖taʼlim sifatini oshirishga oʻz hissasini qoʻshgan rahbar kadrlar, psixolog va kutubxonachilar;

➖oʻz faoliyatida yuqori natijalarga erishgan yoki oʻz mahorat maktabini tashkil qilgan metodistlar;

➖respublika boʻyicha tashabbus koʻrsatgan, ishlari respublika va xalqaro miqyosda ommalashgan yoki maktab taʼlimi tizimida samarali faoliyat yuritayotgan pedagog kadrlar.

Demak xulosa shuki, vazir jamgʻarmasi hisobidan beriladigan ustama yoki mukofot puliga malakali pedagog kadrlar hamda ilgʻor xodimlar toifasiga kiruvchilar daʼvogarlik qilishi mumkin.

Eslatib o'tamiz, bu yil Ixtisoslashtirilgan ta'lim muassasalari agentligi tizimidagi maktab o'qituvchilari uchun ham alohida kvota ajratilmoqda.

👉https://t.me/xalqtaliminfo

Talabalar uchun haq to‘lanadigan amaliyot o‘tash tartibi belgilandi

Hukumat qarori (11-son, 08.01.2024 y.) bilan Oliy ta’lim tashkilotlari talabalarining iqtisodiyot tarmoqlari korxonalarida haq to‘lanadigan ishlab chiqarish amaliyotini tashkil etish tartibi to‘g‘risidagi nizom tasdiqlandi.

Nizomga ko‘ra, haq to‘lanadigan ishlab chiqarish amaliyotini tashkil etish maqsadida Oliy ta’lim, fan va innovatsiyalar vazirligi tomonidan talabalar o‘rtasida har yili kamida bir marotaba tanlov o‘tkaziladi.

Bunda amaliyot o‘tash uchun 500 ta (Toshkent shahri uchun – 45 ta, Qoraqalpog‘iston Respublikasi va viloyatlar uchun – 35 tadan) o‘rin ajratiladi.

Tanlovda ishtirok etish uchun talaba arizani shaxsan o‘zi, pochta orqali yoki elektron shaklda o‘zi o‘qiyotgan oliy ta’lim tashkilotiga topshiradi.

👤Tanlovda qatnashish uchun talaba:

➖bitiruvchi bosqichda tahsil olayotgan bo‘lishi;

➖ta’lim yo‘nalishi (mutaxassisligi) tarmoq korxonasidagi faoliyat yo‘nalishiga mos bo‘lishi;

➖O‘zbekiston rezidenti bo‘lishi lozim.

Oliy ta’lim tashkiloti ariza bergan talabalar to‘g‘risidagi ma’lumotlarni yo‘llanma xati bilan Maxsus komissiyaga 5 ish kunida taqdim etadi.

Maxsus komissiya ushbu hujjatlarni kelib tushgan kundan boshlab 5 ish kuni davomida ko‘rib chiqib, talabani tanlovda ishtirok etishi yoki uni rad etish to‘g‘risida qaror qabul qiladi.

Maxsus komissiya tomonidan talaba amaliyotini tashkil etish ish rejasi himoyasi (taqdimot ko‘rinishida) o‘tkazilib, 20 kun ichida yakuniy qaror qabul qilinadi.

Yakuniy qaror qabul qilingandan 10 ish kuni davomida tanlov natijalari bo‘yicha ma’lumot Vazirlikning rasmiy veb-saytiga joylashtiriladi.

Amaliyot 1 oydan 3 ochgacha bo‘lgan davr mobaynida o‘quv rejasida belgilangan muddatlarda amalga oshiriladi.

Talabaning amaliyot o‘tashi uchun sinov muddati belgilanmaydi.

Gʻolib talabalarning amaliyoti bo‘yicha xarajatlar Maxsus komissiya tomonidan yakuniy qaror qabul qilingandan so‘ng 15 kun davomida qoplanadi.

Bunda talabaga BHMning 2 baravari miqdorida ish haqi va unga hisoblangan ijtimoiy soliq tegishli hisobraqamiga o‘tkaziladi.

Manba

👉https://t.me/xalqtaliminfo

Profi Universityda "Career Service" loyihasi yo‘lga qo‘yildi

Ayni vaqtda o'zim faoliyat yuritib kelayotgan Profi Universityda ko'pchilikka manfaatli bo'lgan "Career Service" loyihasini boshladik. Bu ta'lim sohasi uchun ham juda kerakli loyihalardan biriga aylanadi.

Loyihaning asosiy maqsadi bitiruvchilarning murakkab mehnat bozorida munosib ish o‘rniga ega bo‘lishlari hamda ularning shaxsiy rivojlanishini qo‘llab-quvvatlashdan iborat.

👤 Bunda talabalar ikki xil yo‘nalishda mehnat bozoriga tayyorlab boriladi:

Birinchi yo‘nalishda talabalarning bo‘lajak xodim sifatidagi shaxsiy ko‘nikmalari rivojlantiriladi. Bunda bitiruvchi talabaning o‘zi kompaniya tomon harakatlanadi.

Ikkinchi yo‘nalishda esa talabalarning shaxsiy portfoliosi shakllantiriladi hamda “Career Service” xizmatidan qanday qilib samarali foydalanish o‘rgatiladi. Bu orqali ularning shaxsiy brendini tanitishga erishiladi.

Bitiruvchi talabalarni kompaniya va tashkilotlarga potensial xodim sifatida tanitish uchun turli xil loyihalar amalga oshiriladi. Bunda bitiruvchi talabalar kompaniya tomon emas, aksincha, kompaniya bitiruvchilar tomon harakatlanadi.

Profi University talabalarini doim qo'llab-quvvatlashga tayyor.

↪️Batafsil ma'lumotlar

👉@xalqtaliminfo

O'qituvchilarning diagnostika test natijalarida yiqqan ballariga ko'ra qanday shaklda malaka oshirishi ma'lum bo'ldi

4–15-dekabr kunlari maktablarda faoliyat ko‘rsatayotgan fan o‘qituvchilarning bilim va ko‘nikmalari diagnostika testidan o‘tkazilgandi.

Maktabgacha va maktab ta'limi vazirining 2023-yil 28-dekabrdagi 577-sonli buyrug'i bilan rahbar va pedagog xodimlarning 2024-yil uchun malaka oshirish kurslarida o'qitish rejasi tasdiqlandi.

❕Shuningdek, o'qituvchilarning diagnostika testida yiqqan ballariga ko'ra malaka oshirish shakli quyidagicha belgilandi:

➖ 76-100 ball natija ko'rsatgan pedagoglar birinchi tabaqaga mansub o'quv dasturi asosida 3 yil ishdan ajralmagan holda (onlayn);

➖ 56-75 ball natija ko'rsatgan pedagoglar ikkinchi tabaqaga mansub o'quv dastur asosida 1-yili ishdan ajralmagan holda (onlayn), 2-yili ishdan ajralgan holda (offlayn), 3-yili esa ishdan ajralmagan holda (onlayn);

➖ 31-55 ball natija ko'rsatgan pedagoglar uchinchi tabaqaga mansub o'quv dasturi asosida 1-yili ishdan ajralgan holda (offlayn), 2-yili ishdan ajralmagan holda (onlayn), 3-yili ishdan ajralgan holda (offlayn);

➖ 0-30 ball natija ko'rsatgan pedagoglar to'rtinchi tabaqaga mansub o'quv dasturi asosida 3 yil ishdan ajralgan holda (offlayn) malaka oshiradi.

👉https://t.me/xalqtaliminfo

Direktor o'rinbosarlarining barchasi 100 foiz offlayn shaklda malaka oshiradi

Maktabgacha va maktab ta'limi vazirining 2023-yil 28-dekabrdagi 577-sonli buyrug'i bilan rahbar va pedagog xodimlarning 2024-yil uchun malaka oshirish kurslarida o'qitish rejasi tasdiqlangan.

Unga ko'ra direktorning ma'naviy-ma'rifiy hamda o'quv ishlari bo'yicha o'rinbosarlarining barchasi hududiy malaka oshirish markazlarida, ishdan ajralgan holda (offlayn) malaka oshirishi belgilandi.

Malaka oshirish kurslariga jalb qilinadigan maktab direktorlarining 60 foizi offlayn shaklda, 40 foizi esa onlayn shaklda malaka oshirishi belgilandi.

❕Ma'lumot uchun:

Maktab amaliyotchi psixologlarining 51 foizi (offlayn) hududiy malaka oshirish markazlarida, 19 foizi "Uzluksiz kasbiy ta'lim platformasida" (onlayn), 30 foizi pedagogika yo'nalishidagi oliygohda yoki nodavlat ta'lim tashkilotida malaka oshiradi.

Kutubxona xodimlarining barchasi ishdan ajralgan holda (offlayn) malaka oshiradi.

CHQBT rahbarlarining malaka oshirish shakli haqida keyinroq batafsil ma'lumot beramiz. (o'zgarishlar bor)

👉https://t.me/xalqtaliminfo

Xalq ta'limi Info loyihasini qo'llab-quvvatlang

O'zbekiston Marketing Uyushmasi o'tgan 2023-yil bo'yicha eng sifatli kontent mualliflarini aniqlash uchun "Influencer Awards 2023" mukofotini e'lon qilgan.

Bizning loyihani ham qo'llab-quvvatlaydiganlar topilib qolar deya tavakkal ushbu tanlovga ariza topshirib qo'ygandik.

Agar sizga @xalqtaliminfo loyihasi ma'qul kelayotgan bo'lsa, unda bizni qo'llab-quvvatlab, ovoz berishingizni so'raymiz.

Buning uchun @makon_brand_bot'ga kirib "Mukofot nominatsiyalari"ni tanlab ➖ Nominatsiyalar orasidan (eng oxiridagi) "Ta'lim boshqa"ni tanlab➖Ulug'bek Po'latov nomzodiga ovoz berishingiz mumkin.

Ovozingiz qabul qilinishi uchun 3 ta savolga javob berishingizni o'zi kifoya. Boshqa talablar mavjud emas.

👉 Ovoz berish bo'yicha yo'riqnoma

➡️ OVOZ BERISH

O‘qituvchilar attestatsiya test sinovi haqida

Attestatsiya test sinovlaridan o‘tolmaslikning eng birinchi sababi bu - fan yo‘nalishi bo‘yicha bilimlarning yetishmasligidir. Agar o‘zingizga ishonsangiz har qanday sinovlardan bemalol o‘ta olasiz.

❕O‘qituvchi attestatsiya test sinovidan o‘ta olmasa, demak ularni quyidagi 3 ta asosiy muammo kutib turadi:

Birinchi muammo, o‘qituvchi attestatsiyadan o‘ta olmagan taqdirda xodimning malakasi yetarli bo‘lmaganligi sababli u bilan tuzilgan mehnat shartnomasi bekor qilinishi mumkin.

Ikkinchi muammo, agar o‘qituvchi attestatsiyadan o‘tmasa, uning nafaqat jamiyatdagi balki, maktab jamoasi oldida ham obro‘si tushib boradi. Bu esa juda yomon.

Uchinchi muammo, attestatsiyadan o‘ta olmaslik pedagog xodimning oylik maoshiga ham juda katta ta’sir o‘tkazadi. Chunki o‘qituvchilarga dars taqsimot qilishda ham ularning malaka toifalari muhim rol o‘ynaydi.

O‘qituvchi yuqorida sanab o‘tilgan muammolarga duch kelmasligi uchun katta tajribaga ega bo‘lgan mutaxassislarda tayyorgarlik ko‘rishi kerak bo‘ladi.

Bugun sizlarga 7,5 yillik tajribaga ega bo‘lgan, buxorolik mutaxassis tomonidan repetitorlar tajribasi asosida malaka test sinovidan o‘tib olish uchun tizimli tarzda ishlab chiqilgan kurslarni taklif etamiz.

E’tiborli jihati shundaki, ushbu kursda tayyorlangan 1181 nafar o‘qituvchidan 1142 nafari attestatsiya imtihonidan muvaffaqiyatli o‘tgan. Bu degani o‘rta hisobda kursda tayyorlangan 96,7 foiz o‘qituvchi attestatsiya imtihonidan o‘tgan.

❕Darslar onlayn ravishda har bir kishi bilan alohida individual tartibda olib boriladi. Ushbu kurslarda:

📚Matematika

📚Kimyo

📚Geografiya

📚Tarix

📚Boshlang‘ich ta’lim

📚Biologiya

📚Ingliz tili

📚Rus tili

📚Ona tili fanlariga 100 % kafolat asosida tayyorlashadi.

Beriladigan kafolat shundan iboratki, agar siz ushbu kursda har kunlik darslarga qatnashib, imtihondan o‘tolmasangiz, hech qanday gap so‘zsiz 100% pulingiz qaytarib beriladi.

❗️Kursga yozilish uchun hozirda 128 ta joy mavjud. Boshqa o‘qituvchi olishning imkoni yo‘q. Chunki nazorat qilish imkoniyati cheklangan.

📝RO‘YXATDAN O‘TING

@bukharaedu_reg_bot
@bukharaedu_reg_bot
@bukharaedu_reg_bot

Reklama