#Bilasizmi

O‘qituvchi tomonidan olingan sertifikat soxta ekanligi aniqlansa, qonunchilikda qanday javobgarlik bor?

Ma’lumki, o‘qituvchilarni qo‘shimcha rag‘batlantirish maqsadida umumta’lim fanlari bo'yicha tegishli darajadagi sertifikatga ega bo‘lgan pedagog kadrlarga har oylik qo‘shimcha ustama to‘lash tizimi joriy qilingan.

Ayrim hollarda "uddaburon" shaxslar tomonidan mazkur sertifikatlarni soxtalashtirib, o‘qituvchilarga ma’lum bir mablag‘ evaziga pullash holatlari ham kuzatilishi mumkin. Ammo, bunday harakat uchun qonunchilikda javobgarlik belgilangan.

❕Shuni unutmaslik lozimki, o‘qituvchilar tomonidan taqdim etilgan sertifikatlarning haqqoniyligiga sertifikat egasi shaxsan mas’ul hisoblanadi.

Agar qalbaki sertifikatlar aniqlanadigan bo‘lsa, Maktabgacha va maktab ta’limi vazirligi O‘zbekiston Respublikasi Jinoyat kodeksining 228-moddasiga asosan sudga murojaat qilishi va aybi isbotlangan holatda eng kamida ushbu xodimlar bilan tuzilgan mehnat shartnomasi bekor qilishi mumkin.

❗️Muhim eslatma: Jinoyat kodeksining 228-moddasiga ko‘ra, hujjatlar, shtamplar, muhrlar, blankalar tayyorlash, ularni qalbakilashtirish, sotish — 17 mln so'mdan 34 mln so‘mgacha jarima yoki uch yuz oltmish soatgacha majburiy jamoat ishlari yoxud uch yilgacha axloq tuzatish ishlari bilan jazolanadi.

❕Hujjatning qalbaki ekanligini bila turib, undan foydalanish — 8 mln 500 ming so‘mdan 17 mln so‘mgacha jarima yoki uch yuz soatgacha majburiy jamoat ishlari yoki ikki yilgacha axloq tuzatish ishlari yoxud ikki yilgacha ozodlikni cheklash yoki ikki yilgacha ozodlikdan mahrum qilish bilan jazolanadi.

👉https://t.me/xalqtaliminfo

Profi University o'z talabalariga katta imkoniyatlar paketini tayyorlamoqda

Profi University talabasi bo'lganlarga juda ko'p imtiyozlar berib kelinadi. Bepul yotoqxona, bog‘cha uchun maxsus chegirmalar, xorijda o‘qish va amaliyot o’tash imkoniyati, davlat grantlari va stipendiyalar shular jumlasidan.

Ayni vaqtda Profi University talabalari Turkiyada malaka oshirishlari uchun Turkiyaning bir nechta oliygohlari bilan hamkorlik aloqalarini o‘rnatmoqda. (1, 2, 3)

Ha aytgancha, Profi University talaba va bitiruvchilarini nafaqat ish bilan ta'minlash balki, ularning shaxsiy rivojlanishi uchun ham qayg'uradi. Shu sabali, universitetda "Karyera xizmati" faoliyati ham yo‘lga qo‘yilgan.

Yuqorida sanab o‘tilgan imtiyozlar barcha talabalar uchun tegishli bo‘lib, sirtqi, kechki yoki kunduzgi taʼlim yo‘nalishida o‘qishining ahamiyati yo‘q, eng muhimi siz Profi University talabasi bo‘lsangiz yetarli.

↪️Batafsil ma'lumotlar

👉@xalqtaliminfo

Ayrim toifadagi o'quvchi va tarbiyalanuvchilarga smart soat, darts magnit taxtasi, planshet, 17 turdagi shirinliklar hamda 2 nomdagi kanselyariya mahsulotlari “Prezident sovg‘asi” sifatida yuborildi

Maktabgacha va maktab ta'limi vazirligining xabar berishicha, Yangi yil bayrami munosabati bilan Mehribonlik uylari tarbiyalanuvchilari, ota-ona qarovisiz qolgan bolalar, ota-onalari Vatan sarhadlarini himoya qilish yo‘lida qurbon bo‘lgan bolalar, ijtimoiy himoyaga muhtoj oilalar farzandlari uchun hududlarga “Prezident sovg‘asi” yuborildi.

Umumiy hisobda 11 000 dona tayyorlangan “Prezident sovg‘asi” tarkibiga O‘zbekiston Respublikasi Prezidentining bolalarga yo‘llangan Yangi yil bayrami tabrigi, 17 turdagi shirinliklar, 2 nomdagi kanselyariya mahsulotlari, smart soat, darts magnit taxtasi va boshqa sovg‘alar kiritilgan.

Shuningdek, 12 yoshdan katta 1600 nafar tarbiyalanuvchilar sovg‘alari tarkibiga planshetlar ham kiritilgan.

❗️“Prezident sovg‘asi” hududiy hokimliklar ishtirokida joriy yilning 29-30-dekabr kunlari tantanali tarzda topshiriladi.

👉@xalqtaliminfo

❗️Menejerlik sertifikatini ololmagan maktab direktorlari lavozimidan ozod qilinadi

Menejerlik o‘quv kurslarida to‘liq ishtirok etgan hamda kursning o‘quv dasturini to‘la o‘zlashtirgan tinglovchilar o‘quv kursini muvaffaqiyatli tugatgan hisoblanadi va ular yakuniy attestatsiya sinovlariga qo‘yiladi.

Yakuniy sinov natijalari e'lon qilingan kundan boshlab bir hafta mobaynida Institut rektorining buyrug'i asosida nomzodlarga namunadagi menejerlik sertifikati beriladi.

Yakuniy attestatsiya sinovlaridan o‘ta olmagan nomzodlar bir yil ichida yana bir bor yakuniy sinovda ishtirok etishiga yo'l qo'yiladi. Agar shunda ham nomzod yetarli ball to'play olmasa, yana qayta menejerlik o'quv kursida o'qishi kerak bo'ladi.

❗️Yakuniy sinovda ishtirok etayotgan tinglovchi agar maktab direktori bo'lsa va yakuniy sinovda yetarli ball yig'a olmasa ular belgilangan tartibda lavozimidan ozod qilinadi.

👉@xalqtaliminfo

Menejerlik o‘quv kurslarida o‘qish pullik bo'ladi, lekin...

Maktab direktorligiga nomzodlar uchun Abdulla Avloniy nomidagi milliy-tadqiqot institutida joriy qilinayotgan menejerlik o‘quv kurslari pullik bo'lib, o'quv kurslarida bir nafar nozod uchun belgilangan to'lov miqdori tegishli vazirliklar tomonidan har yili 1-dekabrgacha belgilanadi.

Tasdiqlangan o'qitish harajatlari uchun to'lov menejerlik o‘quv kurslarida o'qish istagida bo'lgan nomzodlardan undiriladi.

❗️O'quv kursi barchaga birdek pullik bo'ladimi?

Yo'q, aslo unday emas. Ya'ni, vazirlik tomonidan reja-taqsimotga kiritilgan maktab direktorlarini o'qitish Davlat byudjeti mablag'lari hisobidan qoplab beriladi.

Direktorlar birinchi marotaba menejerlik sertifikatini olgandan keyin, navbatdagi menejerlik kurslarida o'qish va sertifikatni olishda nomzod sifatida ishtirok etadi.

Bunda 2024-yil 1-yanvarga qadar direktor lavozimida ishlab kelayotganlarni o'qitish Davlat byudjeti mablag'lari hisobidan moliyalashtiriladi.

❗️Ushbu holatni yanada soddaroq qilib tushuntiramiz

Masalan, 1-sonli maktabda faoliyat yuritib kelayotgan Sobir aka 2021-yildan buyon (bu yerda 2021-yil shartli ravishda qo'llanildi) shu maktabda direktor lavozimida ishlab kelmoqda. Endi yangi tartibga ko'ra Sobir aka ham boshqa direktorlar qatori menejerlik kurslariga jalb qilindi deylik.

Lekin xuddi shu 1-sonli maktabda faoliyat yuritib kelayotgan Jobir aka esa 5-6 yillik ish stajiga ega bo'lgan pedagog va u maktab direktorligiga nomzod bo'lish uchun menejerlik o'quv kurslarida o'qib, sertifikat olmoqchi.

Mana shu vaziyatda Sobir akadan menejerlik o'quv kursida o'qiganligi uchun to'lov undirilmaydi. Jobir aka esa menejerlik kursida o'qishi uchun to'lov qilishi kerak bo'ladi.

Xulosa shuki, 2024-yil 1-yanvarga qadar direktor lavozimida ishlab kelayotganlar uchun ushbu kurslar bepul bo'ladi. Ammo, yangi nomzodlar uchun menejerlik kurslarida o'qish pullik bo'ladi.

👉https://t.me/xalqtaliminfo

⚡️Mukofot jamg‘armasi o’qituvchilar uchun 27 mln, o’quvchilar uchun 13,5 mln so'mni tashkil qilgan xalqaro olimpiada tashkil qilinmoqda

Bir qancha nufuzli xalqaro olimpiadalarda g'olib bo'lgan sobiq olimpiadachilar tomonidan Xalqaro matematika olimpiadasi tashkil qilinmoqda.

❕Olimpiada ikki bosqichda o'tkaziladi:

Olimpiadaning birinchi bosqichi joriy yilning 6-yanvar kuni Qoraqalpog'iston Respublikasi, Toshkent shahri va viloyatlarda tashkil qilinadi. Olimpiada o'tkaziladigan joylar manzili haqida ro'yxatdan o'tish jarayoni yakunlangach xabar beriladi.

Bunda, 25 ta mantiqiy va fikrlashga yo‘naltirilgan test topshiriqlari beriladi. Birinchi bosqich natijalariga ko'ra yuqori ballarni qo'lga kiritgan ishtirokchilarning 10 foizi ikkinchi bosqichda ishtirok etish imkoniyatini qo‘lga kiritadi.

Yakuniy bosqich mart oyida Toshkent shahrida o'tkazilishi rejalashtirilgan. G'oliblar oltin, kumush, bronza medallari hamda pul mukofotlari bilan taqdirlanadi!

✅O’tkazilish vaqti: 2024-yil 6-yanvar
✅Ishtirokchilar: 3-8-sinflar

☎️Murojaat uchun:
+99894-324-10-50

👤@Uzmathcommunity1

↪️Batafsil ma’lumot

👉@xalqtaliminfo

Pedagoglar ham buni bilishi kerak

"Yil bestsellerlari 2023" reytingini e’lon qilindi. Undan yil davomida Asaxiy orqali O‘zbekiston bo‘ylab eng ko‘p sotilgan kitoblar o‘rin olgan. Siz o'zingizga kitob tanlashda yoki o'quvchilaringizga tavsiya qilishda ikkilanayotgan bo'lsangiz, unda mana shu bestsellerlar to'plamiga qarab eng sara kitoblar haqida bilib olishingiz mumkin.

❕"Yil bestsellerlari 2023":

1.Jeyms Klir: Atom odatlar — 300 bet

2.Devid Bax, Jon Devid Mann: Latte omili. Moliyaviy mustaqillik va erkin hayot sari — 236 bet

3. Jorj Oruell: Molxona — 100 bet

4.Malkolm Gladuell: Zukkolar va landavurlar — 240 bet

5.Kel Nyuport: Diqqat: Chalg‘ituvchi dunyoda muvaffaqiyat sirlari — 230 bet

6.Piter Hopkirk: Katta o‘yin. Ikki imperiya to‘qnashuvi — 744 bet

7.Charlz Uilan: Yalang‘och iqtisodiyot. Murakkab sohaning sodda qiyofasi — 540 bet

8.Daron Ajemo‘g‘li, Jeyms A. Robinson: Mamlakatlar tanazzuli sabablari: qudrat, farovonlik va kambag‘allik manbalari — 676 bet

9.Jorj Oruyell: 1984 — 338 bet

10.Jon G. Miller: SOS! Savol ortidagi savol — 104 bet

11.Uolter Ayzekson: Stiv Jobs — 624 bet

12.Mark Menson: Beparvolikning nozik san’ati — 192 bet

13.Devid Nikolls: Bir kun. Bir muhabbat tarixi — 496 bet

14.Javlon Jovliyev: Qo‘rqma — 368 bet

15.Barbara Oukli: Raqamlar uchun yaralgan idrok. Matematika va tabiiy fanlarni qanday qoyillatsa bo‘ladi — 352 bet

16.Hans Rosling: Factfulness- 344 bet

17.Klaus Shvab: To‘rtinchi sanoat inqilobi — 248 bet

18.Ato Hamdam, Leonid Chigrin: Yapon zobiti. Yutaro Todaning asirlikda boshdan kechirganlari — 432 bet

19.Teodor Drayzer: Sarmoyador — 700 bet

20.Rey Bredberi: Farengeyt bo‘yicha 451º — 224 bet

Ushbu bestsellerlarni faqat 31-dekabrgacha Asaxiy orqali yagona to‘plamda 1 059 000 so‘m o‘rniga chegirma narxda 699 000 so‘mdan xarid qilsa bo‘ladi. Asaxiy buyurtmani butun O‘zbekiston bo‘ylab bepul yetkazadi:

↪️Xarid qilish: asaxiy.uz/u/bestseller2023

#Eslatma

Pedagog xodimlar yangi yil bayrami arafasida ketma-ket 4 kun, o‘quvchilar esa 14 kun dam oladi

❕Prezidentning tegishli farmoniga ko‘ra, 2023 va 2024 yillarda qo‘shimcha dam olish kunlari belgilangan. Unga ko‘ra:

➖30-dekabr — shanba;

➖31-dekabr — yakshanba;

➖1-yanvar — dushanba (Yangi yil);

➖2-yanvar — seshanba dam olish kunlaridir.

2024-yil 3-yanvardan boshlab barcha pedagog xodimlar uchun yangi yilning birinchi ish kuni hisoblanadi.

❕Maktab o‘quvchilari uchun esa qishki ta’til 28 dekabrdan boshlanadi

O‘quvchilar uchun joriy o‘quv yilining II chorak so‘nggi kuni 2023-yil 27-dekabr, qishki ta’tilning ilk kuni 28-dekabr sanaladi.

Ta’til 2024-yil 10-yanvargacha (14 kalendar kun) davom etadi. III chorak darslari 2024-yil 11-yanvardan boshlanadi.

👉https://t.me/xalqtaliminfo

⚡️"OpenBudget"da 1.5 mingdan ortiq ovoz to'plagan, lekin g'olib bo'lolmagan ta'lim muassasalariga qo‘shimcha mablag‘ ajratildi

"O‘zbekiston Respublikasining Davlat byudjeti to‘g‘risida"gi Qonuniga ko'ra "Tashabbusli byudjet"da 1.5 mingdan ortiq ovoz to'plagan, lekin g'olib deb topilmagan jihozlash bilan bog'liq loyihalarni moliyalashtirish uchun ta'lim muassasalariga qo'shimcha mablag' ajratildi.

Ya'ni, "OpenBudget"da ishtirok etgan ta'lim muassasalari 1.5 mingdan ortiq ovoz to'plab, lekin g'olib deb topilmagan bo'lsa, ushbu ta'lim muassasalari mazkur mablag'lar hisobidan moliyalashtirib beriladi.

❕E'tibor bering, Davlat byudjeti to‘g‘risidagi Qonunda faqatgina ta'lim muassasalarini jihozlash bilan bog'liq loyihalarni moliyalashtirish nazarda tutilgan.

Ya'ni, "OpenBudget"da ta'lim muassasasi qandaydir bino qurish yoki boshqa bir loyihalar bo'yicha ishtirok etgan bo'lsa, buning uchun mablag' berilmaydi. Takroran aytamiz, ushbu mablag'lar faqatgina jihozlash bilan bog'liq bo'lgan loyihalarni moliyalashtirish uchun yo'naltiriladi.

👉https://t.me/xalqtaliminfo

#Sõragan_edingiz

Rostdan ham "OpenBudget"da 1.5 mingdan ortiq ovoz to'plagan maktablar g'olib deb topiladimi?

"OpenBudget"da 1.5 mingdan ortiq ovoz to'plagan, lekin g'olib bo'lolmagan ta'lim muassasalariga qo‘shimcha mablag‘ ajratilganligi to'g'risidagi xabardan so'ng ko'pchilik bu yolg'on xabar emasmi deb yozmoqda.

Birinchidan, @xalqtaliminfo kanalida yolg'on, asoslanmagan ma'lumotlar e'lon qilinmaydi. Ikkinchidan, bu ma'lumotlar aynan Prezident Shavkat Mirziyoyev tomonidan ikki kun avval imzolangan (O‘RQ–886, 25.12.2023 y.) "O‘zbekiston Respublikasining Davlat byudjeti to‘g‘risida"gi Qonundan olindi.

Shu sababli, "OpenBudget"da 1.5 mingdan ortiq ovoz to'plagan, lekin g'olib bo'lolmagan ta'lim muassasalariga qo‘shimcha mablag‘ ajratilganligi to'g'risidagi xabar asosli ekanligini ma'lum qilamiz.

❗️Yana bir bor eslatib o'tmoqchimiz: "OpenBudget"da ta'lim muassasasi qandaydir bino qurish yoki boshqa loyihalar bo'yicha ishtirok etgan bo'lsa, buning uchun mablag' berilmaydi. Ya'ni, ushbu mablag'lar faqatgina jihozlash bilan bog'liq bo'lgan loyihalarni moliyalashtirish uchun yo'naltiriladi.

Agar ushbu ma'lumotlar to'g'ri ekanligiga hali ham shubha qilayotgan bo'lsangiz, unda "O‘zbekiston Respublikasining Davlat byudjeti to‘g‘risida"gi Qonunning 24-25 sahifalari bilan tanishib chiqishingiz mumkin. (Qonun matni ilova qilindi)

👉https://t.me/xalqtaliminfo

#Bilasizmi

2024-yilda maktabgacha va maktab ta'limi uchun byudjetdan qancha mablag' ajratildi?

Xabaringiz bor joriy yil 25-dekabr kuni Prezident 2024-yil uchun "O‘zbekiston Respublikasining Davlat byudjeti to‘g‘risida"gi Qonunni imzoladi.

Qonunga ko'ra Maktabgacha va maktab ta'limi vazirligiga 47 trln so'mga yaqin pul ajratildi. Maktabgacha va maktab ta'limi vazirligi Davlat byudjetidan mablag' ajratilishi bo'yicha boshqa vazirlik va idoralar orasida ikkinchi o'rinda turibdi. (birinchi o'rinda Iqitisodiyot va moliya vazirligi — 92 trln)

❕Mablag'lar quyidagi yo'nalishlarga taqsimlangan:

➖Rivojlantirish dasturlari uchun — 5 trln 449 mlrd 152 mln;

➖Maktab darsliklarini yangilash uchun 1 trln 511 mlrd;

➖Ta'lim sohasidagi islohotlarga ko'maklashish jamg'armasiga — 250 mlrd;

➖Vazir jamg'armasiga — 100 mlrd;

➖Xorazm viloyati boshlang'ich sinf o'quvchilarini planshetlar bilan ta'minlash uchun — 63 mlrd 636 mln;

➖Vazirlik tizimidagi muassasalarni sport jihozlari bilan ta'minlash uchun — 62 mlrd 79 mln;

➖Maktablarni milliy cholg'u asboblari bilan ta'minlash uchun — 60 mlrd;

➖Maktablardagi ma'nan eskirgan kompyuter sinflarini yangilash uchun — 200 mlrd;

➖Davlat-xususiy sherikchilik asosida tashkil etilgan bog'chalar uchun subsidiyalarga — 3 trln 38 mlrd 200 mln;

➖"OpenBudget"da 1.5 mingdan ortiq ovoz to'plagan, lekin g'olib deb topilmagan jixozlash bilan bog'liq loyihalarni moliyalashtirish uchun — 164 mlrd 237 mln;

➖Obyektlarni loyihalashtirish, qurish (rekonstruksiya qilish) va jihozlash uchun kapital qo'yilmalarga — 754 mlrd 108 mln so'm.

👉https://t.me/xalqtaliminfo

Yangi yil bayramini ko'tarinki ruhda nishonlash uchun maktab jamoangiz bilan 1,000,000 so'mlik pul mukofotni qo'lga kiritishni istaysizmi?

Maktab va sinf xonangizni Yangi yil bayramiga bezatgan bo'lsangiz, unda bu suratlarni shunchaki @pedagog_jamoa_bot'ga yuboring va "Eng yaxshi bezatilgan ta'lim muassasasi" onlayn tanlovida qatnashib maktabingiz uchun 1,000,000 so'mlik pul mukofotini qo'lga kiriting.

Buning uchun sizdan hech narsa talab qilinmaydi. Ya'ni, maktabingiz har bir xodimi @pedagog_jamoa_bot'dan ro'yxatdan o'tib, ta'lim muassasasi hovlisi, binosi, yo'laklar yoki sinf xonalari suratini yuborib, surat ostida bayram tabrigi yozib qoldirishining o'zi kifoya.

Tavakkal qilib, tanlovda qatnashib ko'ring. Balki, sizning jamoangiz g'olib deb topilar. 1,000,000 so'mlik pul mukofotini jamoangiz bilan bayram dasturxoni uchun sarf qilsangiz ham bo'ladi :)

❗️Unutmang, tanlovda ta'lim muassasasining barcha xodimlari ishtirok etishi g'olib bo'lish imkoniyatini yanada oshiradi. Chunki 1-o'rin uchun nomzodlar random dasturi orqali tasodifiy tanlanadi.

❕Eslatib o‘tamiz: Tanlov 31-dekabr, soat 22:00 ga qadar davom etadi. Tanlov g'oliblari Yangi yil bayrami kuni soat 23:59 da e'lon qilinadi.

👉Tanlov haqida batafsil

👨🏻‍💻 Tanlovda qatnashish:
👉@pedagog_jamoa_bot
👉@pedagog_jamoa_bot

❗️O‘qituvchilarning diagnostika test natijalari e'lon qilindimi?

Xabaringiz bor Maktabgacha va maktab ta'limi vazirining tegishli buyrug'i bilan joriy yilning 4–15-dekabr kunlari maktablarda faoliyat ko‘rsatayotgan fan o‘qituvchilarning bilim va ko‘nikmalari diagnostika testidan o‘tkazilgandi.

Vazirlik diagnostika test natijalari hech qayerda e’lon qilinmasligini alohida ta'kidlagan. Diagnostikadan asosiy maqsad esa malaka oshirish kurslarining tabaqalashtirilgan o‘quv reja va dasturlarini ishlab chiqish edi.

Kuni-kecha ijtimoiy tarmoqlarda o'qituvchilarning diagnostika test natijalarida yiqqan ballari shkalalar bo'yicha taqsimlanib, pedagoglarning kelgusidagi malaka oshirish shakllari belgilanganligi haqidagi xabarlar tarqaldi.

Ammo ushbu xabarlarda ko'rsatilgan ball shkalalari biroz noto'g'ri talqin qilinganligini aytib o'tmoqchimiz. Shuni ham alohida aytib o'tishimiz lozimki, ayni vaqtda diagnostika natijalaridan kelib chiqqan holda tabaqalashgan ta’lim dasturlarining davomiyligi va ta’lim olish shakllari tasdiqlangan.

❕Bunda 4 ta tabaqalashtirilgan o'quv dasturi ishlab chiqilgan bo'lib, unga ko'ra:

Birinchi tabaqaga mansub o'quv dasturida o'qituvchi 3 yil ishdan ajralmagan holda (onlayn) tarzda;

Ikkinchi tabaqaga mansub o'quv dasturida o'qituvchi 1-yili ishdan ajralmagan holda (onlayn), 2-yili ishdan ajralgan holda (offlayn), 3-yili esa ishdan ajralmagan holda (onlayn) tarzda;

Uchinchi tabaqaga mansub o'quv dasturida o'qituvchi 1-yili ishdan ajralgan holda (offlayn), 2-yili ishdan ajralmagan holda (onlayn), 3-yili ishdan ajralgan holda (offlayn) tarzda;

To'rtinchi tabaqaga mansub o'quv dasturida o'qituvchi 3 yil ishdan ajralgan holda (offlayn) tarzda malaka oshiradi.

❕Ishdan ajralgan va ajralmagan holda malaka oshirishning bir-biridan qanday farqi bor?

Ishdan ajralgan holda ta’lim olish (kunduzgi) — xodimlarning o‘z ish joylaridan to‘la ajralgan tarzda hududiy malaka oshirish markazlariga borib o‘qishini nazarda tutadi.

Bunda xodimning asosiy ish joyi bo‘yicha lavozimi va o‘rtacha ish haqi saqlanib qoladi, ularning o‘quv yuklamalari esa boshqa pedagog xodimlar o‘rtasida taqsimlanadi.

Ishdan ajralmagan holda ta’lim olish xodimlarning o‘z mehnat faoliyatidan bo‘sh vaqtida (o‘quvchilarning ta’tili yoki boshqa hollarda) hududiy malaka oshirish markazlariga, shuningdek, xodimlarning bevosita ish joyida amalga oshiriladi. Bu ko'proq masofaviy (onlayn) shaklda amalga oshiriladi.

👉https://t.me/xalqtaliminfo