#Sõragan_edingiz

O‘quvchining onasi pedagog xodimni ishdan bo‘shatishni talab qilishi to‘g‘rimi?

#Savol
Men pedagog sifatida 7 yildan buyon o‘z faoliyatimni olib boraman. Hozirgi kunda bir o‘quvchining onasi Prezident portaliga meni ustimdan ariza yozgan. Arizada yozilishicha, men o‘quvchilarga ayricha munosabatda bo‘lar ekanman. Lekin buni isbotlab berolmadi. U ayol har kuni kelib meni 5 soatlab vaqtimni oladi. O‘quvchi esa maktabning ichki ro‘yxatida turadi. Hozirgi kunda ushbu ona meni ishdan bo‘shashimni talab qilyapti. Qachonki men ishdan bo‘shasamgina u portal bo‘yicha ishni yopar ekan. Bu vaziyatda nima qilsa bo‘ladi?

#Javob
Bu vaziyatda fuqaro daʼvo qilayotgan holat o‘z isbotini topmagan bo‘lsa va sizning bu borada hech qanday aybingiz bo‘lmasa unda bu fuqaroning o‘zi qonunni buzayotgan bo‘lishi mumkin.

Shuning uchun bunday vaziyatlarda o‘quvchining onasi sizning kasbiy faoliyatingizga va taʼlim oluvchilarning bilimini to‘g‘ri, xolis baholashingizga taʼsir ko‘rsatayotganligi uchun sudga murojaat qilishni maslahat beramiz.

Maʼmuriy javobgarlik to‘g‘risidagi kodeksning 197-5-moddasiga ko‘ra taʼlim tashkiloti pedagog xodimining kasbiy faoliyatiga taʼlim oluvchilarning bilimini to‘g‘ri va xolis baholashiga taʼsir ko‘rsatish bilan ifodalangan tarzda qonunga xilof ravishda aralashish yoki taʼlim tashkiloti pedagog xodimining xizmat vazifalarini bajarishiga to‘sqinlik qilish, — fuqarolarga bazaviy hisoblash miqdorining yetti baravaridan o‘n baravarigacha, mansabdor shaxslarga esa — o‘n baravaridan o‘n besh baravarigacha miqdorda jarima solishga sabab bo‘ladi.

Xuddi shunday huquqbuzarliklar maʼmuriy jazo chorasi qo‘llanilganidan keyin bir yil davomida takror sodir etilgan bo‘lsa, — fuqarolarga bazaviy hisoblash miqdorining o‘n baravaridan o‘n besh baravarigacha, mansabdor shaxslarga esa — o‘n besh baravaridan yigirma baravarigacha miqdorda jarima solishga yoki o‘n besh sutkagacha maʼmuriy qamoqqa olishga sabab bo‘ladi.

Telegram | Instagram | YouTube

2024-yilda umumiy o‘rta maktablarni qurish va ta’mirlash uchun 4,1 trln so‘m ajratiladi. Buning hisobiga 170 mingga yaqin o‘quvchi o‘rni yaratiladi — Bosh vazir o‘rinbosari, iqtisodiyot va moliya vaziri Jamshid Qo‘chqorov

Telegram | Instagram | YouTube

Davlat yoki xususiy oliygoh?

O'quvchi va abituriyentlarning davlat yoki xususiy oliygoh tanlovi borasidagi qarshlarini yaxshi tushunolmayapman. Shu jumladan ota-onalarning ham.

Misol uchun davlat oliygohlari odatda talabaga mijoz sifatida emas, balki shunchaki oddiy talabadek munosabatda bo'ladi. Ularning xohish-istaklari bilan ham deyarli qiziqishmaydigandek tuyuladi. (albatta bu o'ta shaxsiy fikrim)

Davlat oliygohi marketing bilan shug'ullanmaydi. (chunki biror marta ham davlat OTM reklamasiga ko'zim tushmagan. Chorlovlar yo'q. Yanaym bu marketingni bir bo'lagi xolos) Shu sababli ham ularning talabalar oldidagi mas'uliyati kamroq deb o'ylayman.

Ammo xususiy oliygohlar tinmay o'z ustida ishlaydi. Qanday qilib bo'lsa ham talabalari uchun yangidan-yangi imkoniyatlar yaratishga harakat qiladi. Eng asosiysi, salohiyatli professor-o'qituvchilar ham hozir o'zini xususiy OTMga "urmoqda". Ya'ni, "ko'chish davri" boshlanganiga ancha bo'lgan.

Avvallari xususiy oliygoh haqida unchalik tasavvurga ega emasdim. Lekin Profi Universityda ish boshlaganimdan keyin, xususiy oliygoh talabalarga qo'shimcha imkoniyat yaratish uchun qancha harajat qilishini aniq bilib oldim.

Qilinayotgan harajatlar miqdori o'ta hayratlanarli darajada. Masalan, Profi University o'quv dasturidan tashqari o'z cho'ntagidan malakali mutaxassislarni chaqirib master-klasslar tashkillaydi. Hatto Turkiyadan mutaxassis jalb qilinyapti.

Undan tashqari yaqinda talabalarning shaxsiy brendini rivojlantirish uchun “Career Service” loyihasini ham boshladik. Nufuzli xorijiy mamlakat universitetlari bilan talabalar almashinuvi dasturlari ham imzolangan.

Qiziqarli tadbirlar va sovg'alar, talabalarga kayfiyat ulashuvchi Student's Party'lar haqida gapirmasa ham bo'ladi. Tekin yotoqxona, universitetning Navoiy filiali talabalari uchun hatto bepul tushlik va agar talabaning farzandi bo'lsa, buning uchun bog'chaga 50 foizlik chegirmalar ham shular jumlasidan.

Xullas, Profi Universityda ish boshlaganimdan so'ng, qo'shimcha imtiyozlarga sarflanayotgan harajatlarni talabalar to'laydigan kontrakt pullari qoplarmikan deb o'ylanib ham qoldim. Lekin bu hali hamma imtiyozlar ham emas.

Batafsil tushuncha hosil bo'lishu uchun @profiuniversity rasmiy telegram sahifasidagi ma'lumotlar bilan yaqindan tanishib chiqsangiz ham bo'ladi.

Xususiy oliygohda shuncha imtiyoz va imkoniyatlar bo'la turib, o'quvchi va abituriyentlar nima uchun universitet tanlashda hali ham ikkilanayotgani menga g'alati ko'rinishni boshladi.

Ha aytgancha, davlat oliygohi ham xususiy oliygoh ham o'z bitiruvchilariga bir xil kuchga ega bo'lgan davlat namunasidagi hujjat taqdim etadi. Ya'ni, ikkisi ham bir xil diplom beradi.

Telegram | Instagram | YouTube

O'quvchilar davomati: Ota-onaga qanday javobgarlik bor?

«Milliy» telekanalining "Millar" dasturi ijodkorlari maktablardagi davomat mavzusida yaxshi videolavha tayyorlashibdi. Bizningcha, bu videolavhadagi ma'lumotlarni barcha pedagog, o'quvchi va ota-onalar albatta ko'rib, bilib olishlari kerak.

Telegram | Instagram | YouTube

#Huquqyiy_savodxonlik

Pedagogik yuklama nima?

Pedagogik yuklama umumiy o‘rta ta’lim muassasasi oldiga qo‘yilgan vazifalardan kelib chiqqan holda, ta’lim sifatini oshirish, o‘quvchilarning bilimlarini mustahkamlash, ma’naviyatini yuksaltirish, bo‘sh vaqtlarini mazmunli tashkil etish bilan bog‘liq dars mashg‘ulotlaridan tashqari tadbirlarni o‘z ichiga oladi.

O‘qituvchilarning pedagogik yuklamasida uning lavozim majburiyatlari hamda u bilan tuzilgan mehnat shartnomasida belgilangan vazifalar bilan bir qatorda fanlarni o‘zlashtirishda qiynalayotgan va iqtidorli o‘quvchilar bilan alohida mashg‘ulotlar olib borish hamda pedagog xodimning o‘z ustida mustaqil ishlashi nazarda tutiladi.

O‘qituvchilarning ish yuklamalarini hisoblab chiqarish Xalq ta’limi vazirligi hamda Bandlik va mehnat munosabatlari vazirligining 2018-yil 27-iyuldagi 9-mh va 19-q/q-son qarori bilan tasdiqlangan "Umumiy o‘rta ta’lim muassasalarining pedagogik mutaxassisliklari bo‘yicha namunaviy yillik ish rejasini shakllantirish tartibi to‘g‘risida"gi yo‘riqnoma bilan tartibga solinadi.

Pedagogik yuklamaga oid yillik ish rejada belgilangan tadbirlarning amalga oshirilishi yuzasidan pedagog xodimlardan hisobot talab qilinmaydi hamda tadbirlarni amalga oshirishning vaqt bo‘yicha hisobi yuritilmaydi.

👉https://t.me/xalqtaliminfo

⚡️Milliy sertifikatga ega bo‘lgan “O‘zbek tili va adabiyoti” fani o‘qituvchilariga kelgusi o‘quv yilidan boshlab 50 foiz ustama to‘lanadi

Prezident “O‘zbek tili va adabiyoti” fani o‘qituvchilariga ham xalqaro sertifikatga ega bo‘lgan boshqa fan o‘qituvchilaridan kam bo‘lmagan miqdorda qo‘shimcha haq to‘lanishi adolatdan bo‘lishini ta’kidladi.

Shu maqsadda milliy sertifikatga ega bo‘lgan “O‘zbek tili va adabiyoti” fani o‘qituvchilariga kelgusi o‘quv yilidan boshlab 50 foiz ustama to‘lanadi.

Shuningdek, O‘zbek tili bo‘yicha xalqaro fan olimpiadasi o‘tkazilishi, g‘olib va sovrindorlari pul mukofoti bilan taqdirlanishi hamda oliygohlarga o‘zbek tili filologiyasi yo‘nalishi bo‘yicha davlat granti asosida o‘qishga qabul qilinishi belgilandi.

👉https://t.me/xalqtaliminfo

Yangi yil bayrami munosabati barcha xodimlar ketma-ket 4 kun dam olishi ma'lum bo'ldi

Ma'lumki, Prezidentning 2022-yil 23-dekabrdagi “2023-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi PF-270-son Farmoniga ko’ra 30-dekabr — shanba 6 kunlik ish haftasida ishlaydigan xodimlar uchun qo‘shimcha dam olish kuni etib belgilangan edi.

Kecha Prezidentning “2024-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi PF-213-son Farmoni imzolanib, unga ko’ra 2024-yil yanvar oyida 5 kunlik ish haftasida ishlaydigan xodimlar uchun dam olish kunlari quyidagi tartibda ko‘chirildi:

6-yanvar — shanba kunidan 2-yanvar — seshanba kuniga. Shunda 2-yanvar seshanba 5 kunliklar uchun dam olish hisoblanib, 6-yanvar — shanba esa ish kuni bo'ladi.

6 kunlik ish haftasida ishlaydigan xodimlar uchun esa 2-yanvar seshanba qo‘shimcha dam olish kuni sifatida belgilandi.

6-yanvar — shanba kunidan 2-yanvar — seshanba kuniga. Shunda 2-yanvar seshanba 5 kunliklar uchun dam olish hisoblanib, 6-yanvar — shanba esa ish kuni bo'ladi.

❕Demak, shunda Yangi yilda ish haftasining turidan qat’i nazar barcha xodimlar ketma-ket 4 kun dam olishlari aniq bo'ldi. Bunda:

➖30-dekabr — shanba;

➖31-dekabr — yakshanba;

➖1-yanvar — dushanba (Yangi yil);

➖2-yanvar — seshanba.

Manba

👉https://t.me/xalqtaliminfo

#Sõragan_edingiz

O‘qituvchining turmush o‘rtog‘i og‘ir kasal bo‘lsa, unga moddiy yordam beriladimi?

#Savol
Men maktabda ishlayman, turmush o‘rtog‘im operatsiya bo‘lgani uchun moddiy yordam olsam bo‘ladimi? Moddiy yordam so‘rasam, sizga berilmaydi, chunki turmush o‘rtog‘ingiz operatsiya bo‘lgan. Moddiy yordam o‘qituvchining o‘zi operatsiya bo‘lsagina beriladi, chunki turmush o‘rtog‘ingiz maktabda ishlamaydi, deyishyapti. Shu to‘g‘rimi?

#Javob
Vazirlar Mahkamasining 823-sonli qarori bilan tasdiqlangan nizomning 12-B-bandiga ko'ra umumta’lim muassasalari xodimlariga ularning murojaatlari yoki kasaba uyushmasi qo‘mitasining tashabbusiga ko‘ra moddiy yordam belgilanishi mumkin.

Nizomning 33-bandiga ko‘ra umumtaʼlim muassasalari xodimlariga moddiy yordam kalendar yil davomida ikki lavozim maoshi (o‘qituvchining tarif stavkasi) miqdorigacha xodimning o‘zi va yaqin qarindoshi (otasi, onasi, turmush o‘rtog‘i, farzandi) vafot etganda, og‘ir kasallikka chalinganda, xodim tabiiy ofatdan zarar ko‘rganda ko‘rsatiladi.

Yaʼni, agar turmush o‘rtog‘ingiz og‘ir kasallik tufayli operatsiya qilingan bo‘lsa, sizga moddiy yordam berilishi kerak deb hisoblaymiz. Bu masala yuzasidan kasaba uyushmasiga yozma murojaat qilishni tavsiya qilamiz.

👉https://t.me/xalqtaliminfo

Boshlang'ich sinf o'qituvchisi "Yil ayoli" tanlovi g'olibi bo'ldi

Jizzax shahridagi 26-umumta’lim maktabi boshlang‘ich sinf o‘qituvchisi Ro‘zigul Orziqulova Oliy Majlis Senati tomonidan o'tkazilgan "Yil ayoli" tanlovi g'olibi bo'ldi.

Mazkur tanlov davlat va jamiyat hayotida faol ishtirok etayotgan, har jihatdan ibratli, iste’dodli ayollarni aniqlash, ularning faoliyatini keng jamoatchilikka yaqindan tanishtirish, ilg‘or ish tajribasini ommalashtirish maqsadida o'tkaziladi.

Tanlovda “Yilning eng jonkuyar ustozi” nominatsiyasi ham mavjud bo'lib, shogirdlari xalqaro yoki respublika olimpiadalarida, tanlovlarda faxrli o‘rin olgan, “Qizlarjon” klubi faoliyatini namunali yo‘lga qo‘ygan, ibratli hayot kechirgan namunali ayollar bilan doimiy ma’rifiy ishlarni yo‘lga qo‘ygan faol ustoz-murabbiylar g'olib deb topiladi.

Tanlovda oliy o‘rin — Gran prini qo‘lga kiritgan ishtirokchi oliy darajadagi diplom, statuetka va Prezident sovg‘asi — avtomobil bilan taqdirlanadi.

👉@xalqtaliminfo

Sobiq Xalq ta'limi vaziri, Profi University rektori G’ayrat Shaumarovga Akademik ilmiy unvoni berildi

2008-yildan 2010-yilgacha Oʻzbekiston Respublikasi Xalq taʼlimi vaziri lavozimida ishlagan, ayni vaqtda Profi University rektori lavozimida ishlab kelayotgan Shaumarov G’ayrat Baxromovichga Akademik ilmiy unvoni berildi.

G’ayrat Shaumarov olim, psixologiya fanlari doktori, professor hisoblanadi. U shu kunga qadar Maktabgacha va maktab ta’limi vazirining maslahatchisi lavozimida ham faoliyat yuritdi.

Faoliyati davomida 400 dan ortiq ilmiy ishlar muallifi boʻlib, 40 dan ortiq fan nomzodlariga (PhD) ilmiy rahbarlik, 10 nafardan ortiq fan doktoriga ilmiy maslahatchilik qilgan.

G’ayrat Shaumarov ayni damda Toshkent shahridagi Profi University rektori lavozimida o'z ish faoliyatini davom ettirib kelmoqda.

👉@xalqtaliminfo

Musiqa va san’at maktablari o'qituvchilarining oyligini oshirilib, bu maktablarning kommunal xarajatlari byudjetdan qoplab beriladi

Prezident raisligida joriy yilning 22-dekabrida o'tkazilgan Respublika Maʼnaviyat va maʼrifat kengashining yig‘ilishida mutasaddilarga musiqa va san’at maktablari muallimlarining oyligini oshirish, ushbu maktablarning kommunal xarajatlarini byudjetdan qoplash bo‘yicha chora-tadbirlar ishlab chiqish vazifasi topshirildi.

Umuman olganda, madaniyat va san’at, kutubxona va muzeylar sohasida faoliyat olib borayotgan xodimlarning oyliklari 2024-yil 1-apreldan 20 foizga, 2025-yil 1-yanvardan yana 15 foizgacha bo‘lgan miqdorda oshiriladigan bo‘ldi.

👉https://t.me/xalqtaliminfo

2025-2026-o‘quv yilidan boshlab “Jismoniy tarbiya va sport” fani respublikadagi barcha oliy ta’lim muassasalarining ta’lim yo‘nalishlariga joriy etiladi

2025-2026-o‘quv yilidan boshlab “Jismoniy tarbiya va sport” fani mulkchilik shaklidan qat’iy nazar, respublikadagi barcha oliy ta’lim muassasalarining (shu jumladan, xorijiy va nodavlat) ta’lim yo‘nalishlariga joriy etiladi.

Prezident qarori loyihasiga ko'ra 2024-2025-o‘quv yilidan boshlab, tajriba sifatida Surxondaryo viloyatidagi barcha oliy ta’lim muassasalari ta’lim yo‘nalishlarining o‘quv rejasiga “Jismoniy tarbiya va sport” fani kiritiladi.

2025-2026-o‘quv yilidan boshlab “Jismoniy tarbiya va sport” fani mulkchilik shaklidan qat’iy nazar respublikadagi barcha oliy ta’lim muassasalarining ta’lim yo‘nalishlariga joriy etiladi.

Bunda talabalar o‘rtasida jismoniy tarbiyani ommalashtirish, ular orasida iqtidorlilarini aniqlash maqsadida jismoniy tayyorgarlik darajasi rivojlangan eng yaxshi oliy ta’lim muassasasi nominatsiyasi bo‘yicha “Talabalar jismoniy tayyorgarligi rivojlangan eng yaxshi oliy ta’lim muassasasi” ko‘rik-tanlovi o‘tkazish tizimi yo‘lga qo‘yiladi.

👉https://t.me/xalqtaliminfo

#Sõragan_edingiz

Informatika fani o‘qituvchisi maktab o‘quvchilarga "Coursera" sertifikatini olib bermasa ishdan bo‘shatiladimi?

#Savol
Hududiy maktabgacha va maktab ta’limi bo‘limi xodimi maktabdagi 7-11 sinf o‘quvchilarining barchasiga 100 foiz "Coursera" sertifikatini olib berishimizni talab qilyapti.

Agar maktabda sertifikat olib berilmagan birorta o‘quvchi qolib ketsa, oliygohlarda o‘qiyotgan talabalarni bizning o‘rnimizga ishga olish to‘g‘risida maktab direktoriga topshiriq berilar ekan. Ularning xatti-harakati qonuniymi?

#Javob
Hududiy maktabgacha va maktab ta’limi bo‘limi tomonidan berilgan ushbu topshiriq mutlaqo asossiz. Chunki o‘qituvchining lavozim majburiyatlarida bunday qoidalar qayd etilmagan.

"Coursera" o‘quv kursi haqida o‘quvchilarga targ‘ibot ishlari olib borilishi mumkindir, ammo ularga informatika fani o‘qituvchisi tomonidan "Coursera" sertifikatini olib berish topshirig‘ining berilishi shaffoflik tamoyilini buzadi.

Maktabgacha va maktab ta’limi bo‘limi xodimining ushbu xatti-harakati pedagoglarni majburiy mehnatga jalb qilish deb baholanishi mumkin.

Bu esa Ma’muriy javobgarlik to‘g‘risidagi kodeksining 51-moddasi 2-qismiga asosan ma’muriy jarima qo‘llanishiga sabab bo‘ladi. Ushbu jarima miqdori hozirgi kunda 34 million so‘mdan 51 million so‘mgacha etib belgilangan.

Shuni ham alohida qayd etib o‘tish joizki, uchinchi shaxslar aralashuvi orqali xodim bilan tuzilgan mehnat shartnomasini bekor qilishga urinish mehnat qonunchiligi normalariga ham zid hisoblanadi. Buning uchun ham qonunchilikda alohida javobgarlik belgilangan.

Agar informatika fani o‘qituvchilariga shu kabi topshiriqlar berilsa, asoslantiruvchi hujjatlarni taqdim etgan holda hududiy bandlik bo‘limlariga murojaat qilishlari so‘raladi.

👉https://t.me/xalqtaliminfo

O'qituvchilar ish tajribasini ommalashtirish jarayoni to'xtatilganmi?

Ma’lumki, 2022/2023-o‘quv yilidan boshlab o‘qituvchilarining ilg‘or tajribasi va faoliyati davomida qo‘llab kelayotgan zamonaviy metodikalarini ommalashtirish, uzluksiz metodik xizmat ko‘rsatishning yangi tizimi joriy qilindi.

Ya’ni, o‘qituvchilar ommalashtirish.uz platformasi orqali Respublika miqyosida ishlarini ommalashtirishi va rasman tan olingan sertifikatni qo‘lga kiritishlari mumkin bo‘ldi.

Pedagog xodimlar esa ommalashtirish.uz platformasi ancha vaqtdan buyon ishlamayotgani haqida xabar bermoqda. Holatni bilish uchun platformadan ro‘yxatdan o‘tishga urinib ko'rdik, ammo platformada haqiqatdan ham muammolar bor.

Ommalashtirish tartibining amalda ishlamayotgani esa pedagog xodimlarning ustama olishiga bo‘lgan harakatlari uchun sun’iy to‘siqlar qo'ymoqda.

Chunki, Vazirlar Mahkamasining 2019-yil 30-sentabrdagi 823-son qarori bilan tasdiqlangan nizomiga ko'ra pedagog xodimlarga ustama belgilashda o‘qituvchi ish tajribasining ommalashtirilganligi uchun maksimal 15 ball berilishi nazarda tutilgan.

Tez orada yuqoridagi muammoli savollarga batafsil javob olish uchun Respublika ta’lim markazi bilan bog‘lanib vaziyatga oydinlik kiritishga harakat qilamiz.

👉https://t.me/xalqtaliminfo