الحُب من طَرف واحد
الحُب من طرف واحد يُعتبر "موت بَطيء للآنسان" وتكون من أصعب المراحل الي يمُر بيها الأنسان، الحُب من طرف واحد أصعب شعور مُمكن يمُر بي الأنسان، ومثل المَذلة، تظَل تذل بنَفسك وتبادر وتهتم وتشتاق، لَكن الشخص الي بالمُقابل ما معَبرك ولا مهتم لـ وجودك، شلون ترضة عَـلى نَفسك تعيش بـ هيچ مَرحلة؟ تنطي كُل ألي عندك وتسوي كُلشي لخاطرة، وتأذي نَفسك، لَكن أنتَ ما مستفاد شي غير الاهانة ! شنو الحلو بـ هيچ شعور؟ خَلي الكرامة وعزة النَفس فوگ كُلشي، مَحد يستاهل مَشاعرك ولا حُبك ولا ثقتك ولا يستاهل أي شي منك، فة يا عيوني لاا تطلب مِن أحد الإهتمام لأن الأهتمام ما ينطلب، ولا تطلب من انُ الشَخص يقدرك مثل ما أنتَ مقَدرة،ولا تطلب أنُ يعاملك نَفس مُعاملتك، ولا تطلب منة الحُب، ولا تطلب من شخص يتعاطف وياك، ولا تطلب منة أنُ يسأل عَليك، ولا تعاتبة، لان هَل أشياء ما تنطلب ،والمفروض الشَخص الي يحبك هوة الي يقَدم ألك كُلشي بدون ما تطلب منة، والحُب من طرف واحد يُعتبر تقضية وقت، لأن أنتَ تريد هَل شَخص وكاتل نَفسك عَليه بَس هوة ما يريدك، ولا يهتم لوجودك، ومَشاعرة باردة اتجاهك، عامل بالمثل، يتجاهلك؟ اتجاهلة، ما يريدك؟ لا تريدة، ما مهتم لوجودك؟ لا تهتم لوجودة، خَلي نَفسك فوگ كُلشي، وحب الأنسان الي يستاهلك ويستاهل مَشاعرك ويهتم لأبسط شي بيك