‏"إنّ عايدتني وقالت لي من العايدين
‏بطيح في حضنها قبل يطيح الحطب

‏عناق الأفواه يبدأ من عناق اليدين
‏وعناق الأرواح يبدأ من عناق التعب

‏تملك من العلم و الحكمة مئات السنين
‏لكن طوالع نواهدها ؟ قليلة أدب

‏رقيقةٍ جيدها مايقبل إلّا .. الثمين
‏معها حساسية إلا من عقود الذهب"

‏- سعود بن مبارك

والله إني كنت طيّب و أموري فـ السليم
‏لين قالو عاد عيدك و عيد اللي تحب.

- مبارك بن رادعه.

‏قصيدة العيد /

‏بين طيّات الوجيه الضاحكه والمسفهلّه
‏ما عرفت أكتم هواي، ولا عرفت أخفي مرادي

‏مرحبا، ما مالت غصون الشجر وأشتاق ظلّه
‏للحميميّه تحته، وللقصيد، وللتهادي

‏بـ القبال اللي تعجز الناس عن خالي محلّه
‏والحضور اللي بَعدْه حضور خلق الله عادي

‏تشتهيك الأرض، وغيوم السماء، والكون كلّه
‏والذهول في وجهٍ أبطى يشتهي طلّتك هادي

‏في مراتع -معشر الشعّار- ما دوّرت حلّه
‏قبْل أهيم في لِبّتك وأضيع ما دوّرت وادي

‏ما على وجه البسيطه بنتٍ تضاهيك لِلّه
‏قولي لـ من يبغى مثيلك: لا حياة لمن تنادي

‏جيتي أشهى من كلامٍ ساقه الطاري لـ حلّه
‏وأشهى من "لبيّه" لامن جاوبت صوت المنادي

‏تعرف عيونك رهيف الحب فـ الصدر وتدّله
‏لين بعدك صرت أشوف الغيد باللون الرمادي

‏أقبلي والريح تجمع شعرك شوي وتفلّه
‏كم عطى ربي يدين الريح من حظ الأيادي

‏منتظر مثل الكريم اللي ما ردّه يوم قِلّه
‏لا معي قلبٍ يبور، ولا معي صبر المهادي

‏لا انسدل فستانك اللي يعقد الحبل ويحلّه
‏فوق لينٍ يشتهيه العطر مانيب متحادي

‏« أقبلي والعيد عيدك والشِّعر دقّه وجلّه
‏معك صار العيد غير وفيك توّ العيد بادي »

‏- ماجد النفيعي.

كل عام وأنتو بخييير ينعاد علينا وعليكم بالصحة والعافية يا رب ..
عاد قدروا تعبي وشاركوا القناة للي تحبوهم 🙈❤️

‏«كثر ما أنشرح صدري وأنا أحطّ عيني فيك
‏تقول إن جنبي شيخٍ .. يوصف لي الجنة»

- محمد السكران.

‏«تسمح لي أعيش بك في بالي الليلة
‏بعض الليالي قهر تنعاش من دونك»

- عبدالله ال لزيوح.

‏غاب القمر ولا أستحى يوم طليت
‏نورت مالوم القمر منّك طافي

‏لا طاح قلبي في كفوك وسميت
‏لمه بحضنك خابر الحضن دافي

‏أقسى شعور بوحدتك لا تمنيت
‏لك قلب ما يتعب ولك بال صافي

‏أحتجتك بسود الليالي ولا جيت
‏ولا جيت يوم ان الليالي عوافي

‏ اللي كسرت بخاطره ما كسر بيت
‏تفزع معاه الليا استضاق القوافي

‏والحين جابتك القصايد وحنيت
‏عقب الغياب وعقب طول التجافي

‏العذر خله ما ابي عذر كفيت
‏العذر ما يكفيك جيتك كافي

‏لا تحسب اني في بعادك تخطيت
‏عجزت لا رمي ذكرياتك اخلافي

‏عزلت نفسي في غيابك وصديت
‏الحب ما يترك وراه متعافي.

‏⁧ - ارشيد عبدالله⁩.

‏صباح الخير ، امّا بعد
‏من وين تشرق عليّ شمسك أقول
‏أصبحت أحبك .. وأصبح الملك لله

‏ما تمنعني ، حدود المسافة عن التعبير
‏أنا توّي مسولف معك .. وأنت ما تدري

‏

• عبدالله السراهيد

‏"تزاحم الضيقات بالصدر الرحيب
‏نفتح ملف الهم ونقفل ملف

‏يالله بجاهك من تردّاي النصيب
‏وبحماك يالله من مقاشير الصدف

‏نشيب ورموش الليالي ماتشيب
‏ونعف وصدوف الليالي ماتعف

‏ونطيب لو عيت ليالينا تطيب
‏فضلٍ من اللي جمّل الحال ولطف"

‏-مساعد الرشيدي .

‏قبل الموادع نحسب انا قويين
‏وعند الوداع اثر اضعف الناس حنّا

‏ـــــ عبدالله بن عون

‏ ‏ما يليق بخدّك الغضّ دمع الانكسار
‏دمعك أول دمع يمشي على سطح القمر"
‏

- جمال بندر

هات من عذبّ السوالف ما تهيّا
‏ودّي امسك صوتك بكفي وأحبه"

‏مساء الخير مرحبا ومسهلا ، اما بعد :

‏أحببك لو يموت الحب وتصيّر القلوب قبور
‏وأنا مهما منحتك من غلاي أشعر بتقصيري

‏

"مساعد الرشيدي"

‏مدري بكى حلم ؟ مدري ليلةٍ غبْرة ؟
‏نسيوني أحباب ولاّ ضاعت أخباري .

‏هي إتدبّر ؟ .. أو أقفَت ما بها دِبرة
‏ليت الليالي تقدّر .. غربة الســاري

‏مدري من اللّي من الثاني نفذ صبره
‏لا يا زمن من هو البايع من الشاري ؟

مساعد الرشيدي

‏بيت عن ألف قصيده:

‏وإن ماوصلتك لاتنشد لاعدو ولا صديق
‏سيل دموعك وإعرف ان الأرض ماني فوقها

‏ليت الغرابيل جتني من عدوٍ لي
‏اما تقاضيت ولا بيتقاضى لي

‏لكن من واحدٍ ذكرة غناةٍ لي
‏ولا زلت احبه وبا احبه ولا بالي

‏لا مر طـرّق بـخـدراتـه ســلام لّي
‏كـنه يـسـلّـم علي ابصوته الـعالي

‏خلوني اسج عن موضوعه احسن لي
‏والا الغلا والله إن يبطي وهو غالي

‏-سعد بن جدلان