‏نْعاني ونجهل شعور المعاناه
‏متعوّدين نخوضها ما ندقق

‏راضين بالمكتوب والحمدلله
‏مهوب لازم كل حلم يتحقق .

‏اتركوني عايشٍ في محتوى تفكيري
‏عن ضجيج العالم اللي مالله بـ هاديها
‏َ
‏عزلتي من واقع ايامي ومن تقديري
‏راحةٍ فيها الحياه اللي محد لاقيها .

كلن ينام و تقبل النوم .. عينه
‏وقلبي هواجيس عن النوم تشقيه

‏أضحك مع العالم وروحي حزينه
‏و أكتم بقلبي شي ما ودي أطريه

أحس اني بديت أتثاقل الخطوة
‏كأن الارض ما تتحمّل اقدامي

‏تسيّرني مقاديري على القسوة
‏مع إني ما قسيت الا على أحلامي

‏مثل ما الموت له سكرة وله سطوة
‏يمر الحزن له سطوة على ايامي

‏اسامر خياله في دجى الليل واحاكيه
‏وطيفه علاج البال لو كانن متعكر .

ياقبر طمني عسى ضيفك بخير ؟
" قله يجيني زايراً في منامي "

اذا جيت احقق رغبة القلب والإحساس
وش يفكني من شرهة العقل والمنطق؟

*-يشبه " صداع الرأس " لكنه في القلب .