⚡️Texnikumlar menen birge islesiw sheńberinde
31-mart 2023-jıl Qmu Ekonomika fakulteti «Buxgalteriyalıq esap hám audit» kaferdasına Qaraózek agro ekonomika texnikumı arnawlı pánler oqıtıwshısı Joldasbaeva Gúlistan kelip kafedramız professor-oqıtıwshıları menen birge islesiwdi jánede bekkemlew hám metodikalıq járdem kórsetiw boyınsha tiyisli is-ilajlar boyınsha kelisip aldı.
Majilisten keyin kafedramız docenti S. Utegenova 4ab-kurs Finans toparina «Auditorlıq juwmaq boyınsha xalıqaralıq standartlar» temasında ashıq sabaq ótti. Sabaq dawamında tarqatpa materiallardan, prezintaciyalardan, soraw-juwaplar hám zamangóy ped-texnologiyalardan paydalanıp studentler menen birge is alıp barıldı. Sabaqqa Qaraózek agro ekonomika texnikumı oqtıwshısı G. Joldasova da qatnastı.

👉@www_karsu_uz

#Xosh_xabar

Búgin 1-aprel kúni sporttıń para jeńil atletika túri boyınsha eresekler hám hayal-qızlar arasında ótkerilgen Qaraqalpaqstan chempionatında Berdaq atındaǵı Qaraqalpaq mámleketlik universiteti Biologiya fakulteti 3-kurs studenti Iskenderov Karimbay sıylı 1-orındi iyeledi.

Bizde óz gezeginde universitet jámááti sportshımızdıń qolǵa kirgizgen jetiskenligi menen qutlıqlap, aldaǵı oqıwlarında tabıslar tilep qalamız.

👉@www_karsu_uz

#Tyutor_iskerligi

Berdaq atındaǵı Qaraqalpaq mámleketlik universiteti Qaraqalpaq filologiyası hám jurnalistika fakulteti tyutorı D.Allanazarova ózine biriktirilgen topar studentleri menen birgelikte Paytaxtımız Nókis qalasındaǵı I.V.Savickiy atındaǵı Qaraqalpaq mámleketlik kórkem óner muzeyine sayaxat shólkemlestirdi. Sayaxat dawamında student jaslarǵa muzey xızmetkeri A.Qayıpbergenova muzeyden orın alǵan tariyxıy eksponatlar, kartinalar mazmunı hám olardıń dóreliw, usı kúnge shekem jetip keliw tariyxı menen tanıstırıp ótti. Student-jaslar kórgizbelerdi qızıǵıwshılıq penen tamashaladı.Bul ilajdı shólkemlestiriwden maqset student -jaslardıń sabaqtan bos waqtların mazmunlı ótkeriw bolıp tabıladı.

👉@www_karsu_uz

⚡️Qızlar arasında erte turmıs qurıwdıń aldın alıw boyınsha úgit-nasiyatlaw ilaji bolıp ótti.

2023-jıl 27 -mart kúni Berdaq atındagı Qaraqalpaq mamleketlik univresiteti Tariyx fakultetinde student qızlar arasında fakultet hayal-qızlar maseleleri boyınsha dekan máslahatshisi N.Zaretdinova, tyutorlar B.Esemuratova, G.Esboģanova hám tiyisli qánigelerdiń
qatnasıwında ilaj bolıp ótti. Bunda qánigeler tárepinen 1-2 -kursta oqıp atırǵan jas qızlarǵa erte turmıs qurıwdıń keri aqıbetleri úsindirildi.
İlajda sonıń menen birge universitet ishki tártip, nızam qaǵıydalarına boysınıw, hám kiyiniw mádeniyatı, erte turmis quriw, aģayin tuwısqanlar ortasında nekeden otıwdıń aldın alıw, oqıwda hám jámiyetlik orınlarda ózin uslap tutıw máseleleri boyınsha maslahatlerın berip ótti. Student qızlar ózlerin qızıqtırǵan sorawlarǵa juwaplar aldı.

👉@www_karsu_uz