យោងតាមសារព័ត៌មានអាមេរិក ប្រធានាធិបតីដូណាល់ ត្រាំ ត្រូវបានគេរាយការណ៍ថាត្រៀមខ្លួនទទួលស្គាល់ការកាន់កាប់ឧបទ្វីបគ្រីមៀរបស់រុស្ស៊ីជាផ្នែកនៃកិច្ចព្រមព្រៀងដើម្បីបញ្ចប់សង្គ្រាមនៅអ៊ុយក្រែន។ ជំហរនេះបង្ហាញពីឆន្ទៈក្នុងការទទួលស្គាល់គ្រីមៀរ ដែលរុស្ស៊ីបានកាត់យកដោយខុសច្បាប់ក្នុងឆ្នាំ២០១៤ ជាទឹកដីរបស់រុស្ស៊ី ដើម្បីជាថ្នូរនឹងការចរចាសន្តិភាព។

ទោះជាយ៉ាងណា ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្កី បានបដិសេធយ៉ាងដាច់អហង្ការចំពោះគំនិតនេះ។ ក្នុងអំឡុងការនិយាយមុនកិច្ចចរចាថ្មីស្តីពីការបញ្ចប់ជម្លោះ លោក ហ្សេលេនស្កី បាននិយាយថា «មិនមានអ្វីត្រូវនិយាយទេ... នេះនឹងមិនកើតឡើងទេ» ដោយសង្កត់ធ្ងន់លើជំហររបស់អ៊ុយក្រែនថា នឹងមិនលះបង់គ្រីមៀរ ឬដែនដីកាន់កាប់ណាមួយឡើយ។

ការលើកឡើងរបស់លោក ហ្សេលេនស្កី ឆ្លុះបញ្ចាំងពីការប្តេជ្ញាចិត្តរបស់អ៊ុយក្រែនក្នុងការរក្សាបូរណភាពទឹកដី និងអធិបតេយ្យភាព ទោះបីជាមានសម្ពាធ ឬសំណើពីខាងក្រៅដែលពាក់ព័ន្ធនឹងការទទួលស្គាល់ការគ្រប់គ្រងរបស់រុស្ស៊ីលើតំបន់ដែលបានកាត់យកក៏ដោយ។ ស្ថានការណ៍នេះនៅតែជាចំណុចជម្លោះដ៏សំខាន់ក្នុងកិច្ចប្រឹងប្រែងការទូតដើម្បីបញ្ចប់សង្គ្រាម។

ប្រភព (Source): AFP News

នៅថ្ងៃទី២៣ ខែមេសា ឆ្នាំ១៨៥៨ ជាថ្ងៃខែឆ្នាំកំណើតរបស់លោក Max Planck រូបវិទូជនជាតិអាឡឺម៉ង់ បិតារូបវិទ្យាកង់ទិក និងជាម្ចាស់ជ័យលាភីរង្វាន់ណូបែលផ្នែករូបវិទ្យា ឆ្នាំ១៩១៨។

នៅក្នុងការសិក្សាស្រាវជ្រាវ Max Planck បានរកឃើញសមីការគណិតវិទ្យា ដែលអាចកំណត់យ៉ាងសុក្រឹត អំពីទំនាក់ទំនង រវាងហ្វ្រេកង់ ពណ៌ និងកម្រិតថាមពលរបស់ពន្លឺ ដោយនៅក្នុងសមីការនោះ Max Planck បានបន្ថែមកុងស្តង់មួយ ដែលគេហៅជាទូទៅថា “កុងស្តង់ផ្លាងខ៍” (Planck constant)។

ចេញសមីការនេះ Max Planck បានសន្និដ្ឋានថា ថាមពល (ដូចជាថាមពលដែលចេញពីពន្លឺជាដើម) វាមិនមែនជាលំហូរជាប់ឥតដាច់នោះទេ ផ្ទុយទៅវិញ គឺផ្សំឡើងដោយបណ្តុំថាមពលដាច់ៗពីគ្នា។ បណ្តុំថាមពល ប្រៀបបានដូចជាភាគល្អិត ហើយដែលក្រោយមកត្រូវបានគេឲ្យឈ្មោះថា “កង់តា” (Quanta)។ #Birthday #Germany

© ប្រវត្តិសាស្ត្រពិភពលោក
https://t.me/WorldHistoryDaily

លោក Boris Yeltsin អតីតប្រធានាធិបតីដំបូងរបស់សហព័ន្ធរុស្ស៊ី បានទទួលមរណភាពនៅថ្ងៃទី២៣ ខែមេសា ឆ្នាំ២០០៧ ក្នុងអាយុ ៧៦ ឆ្នាំ។ លោកបានដើរតួនាទីសំខាន់ក្នុងការផ្លាស់ប្តូរនយោបាយរបស់រុស្ស៊ីបន្ទាប់ពីការដួលរលំនៃសហភាពសូវៀត។

ស្នាដៃសំខាន់ៗរបស់លោករួមមាន៖
- ការផ្លាស់ប្តូរទៅជាសេដ្ឋកិច្ចទីផ្សារ
- ការពង្រឹងឯករាជ្យភាពរបស់រុស្ស៊ី
- ការប្រឆាំងរដ្ឋប្រហារឆ្នាំ១៩៩១
- ការបង្កើតរដ្ឋធម្មនុញ្ញឆ្នាំ១៩៩៣
- ការកសាងទំនាក់ទំនងអន្តរជាតិ

ទោះជាយ៉េងណា អាណត្តិរបស់លោកក៏ជួបបញ្ហាប្រឈមដូចជាវិបត្តិសេដ្ឋកិច្ច អំពើពុករលួយ និងសង្គ្រាមនៅ Chechnya ដែលបានប៉ះពាល់ដល់កេរ្តិ៍ឈ្មោះរបស់លោក។ #Death #Russia

© ប្រវត្តិសាស្ត្រពិភពលោក
https://t.me/WorldHistoryDaily

អបអរសាទរទិវាសៀវភៅពិភពលោក #WorldBookDay ២៣ មេសា ២០២៥។

ទិវានេះត្រូវបានរៀបចំឡើងដើម្បីលើកកម្ពស់ ការអាន ការបោះពុម្ព និង ការរក្សាសិទ្ធិ ។ ទិវាសៀវភៅពិភពលោកលើកទីមួយត្រូវបានប្រារព្ធនៅថ្ងៃទី២៣ ខែមេសា ឆ្នាំ១៩៩៥។

"សៀវភៅមានថាមពលក្នុងការដឹកជញ្ជូនយើងទៅកាន់ពិភពលោកថ្មី ពង្រីកការយល់ដឹងរបស់យើង និងជំរុញការស្រមើលស្រមៃរបស់យើង។"

© ប្រវត្តិសាស្ត្រពិភពលោក
https://t.me/WorldHistoryDaily

នៅថ្ងៃទី២៣ ខែមេសា ឆ្នាំ១៥៦៤ និង ថ្ងៃទី២៣ ខែមេសា ឆ្នាំ១៦១៦ ជាថ្ងៃខែឆ្នាំកំណើត និងមរណភាពរបស់ កវីនិពន្ធដ៏ល្បីល្បាញអង់គ្លេស William Shakespeare។ #Death #Birthday

© ប្រវត្តិសាស្ត្រពិភពលោក
https://t.me/WorldHistoryDaily

អបអរសាទរទិវាភាសាអង់គ្លេសរបស់អង្គការសហប្រជាជាតិ

© ប្រវត្តិសាស្ត្រពិភពលោក
https://t.me/WorldHistoryDaily

នៅថ្ងៃទី២៤ ខែមេសា ឆ្នាំ១៩១៥ ជនជាតិអាមេនីបានចាត់ទុកជាថ្ងៃដែលចក្រភពអូតូម៉ង់ "¹" (តួកគីបច្ចុប្បន្ន) ចាប់ផ្តើមការសំលាប់យ៉ាងរង្គាលមកលើជនជាតិរបស់ខ្លួន។

មានមនុស្សប្រមាណ ១ លាននាក់ត្រូវបានសម្លាប់ក្នុងកំឡុងនិងក្រោយសង្គ្រាមលោកលើកទី ១ ។ ព្រឹត្តិការណ៍នេះត្រូវបានគេចាត់ទុកថាជាការប្រល័យពូជសាសន៍ដំបូងមួយនៅក្នុងប្រវត្តិសាស្ត្រសម័យទំនើប។ #Armenia #Turkey #Genocide

© ប្រវត្តិសាស្ត្រពិភពលោក
https://t.me/WorldHistoryDaily

"1" ចក្រភពអូតូម៉ង់ (ភាសាតួកគី: Osmanlı İmparatorluğu) គឺជាចក្រភពដ៏ធំមួយដែលគ្របដណ្តប់តំបន់អឺរ៉ុបភាគអាគ្នេយ៍ អាស៊ីខាងលិច និងអាហ្វ្រិកខាងជើង ចាប់ពីសតវត្សទី១៤ ដល់ដើមសតវត្សទី២០។ ត្រូវបានបង្កើតឡើងនៅចុងសតវត្សទី១៣ នៅទីក្រុងសូហ្គូត (Söğüt) ភាគពាយ័ព្យនៃអាណាតូលី ដោយអូស្មានទី១ ចក្រភពនេះពង្រីកឥទ្ធិពលយ៉ាងឆាប់រហ័ស។

ខួបទី១២១ឆ្នាំ នៃការយាងសោយព្រះទិវង្គត របស់ព្រះករុណាព្រះបាទសម្តេច ព្រះនរោត្តម បរមរាមទេវាវតារ ព្រះសុវណ្ណកោដ្ឋ
២៤ មេសា ១៩០៤ - ២៤ មេសា ២០២៥
🙏🏻🙏🏻🙏🏻

នៅថ្ងៃទី២៤ ខែមេសា ឆ្នាំ២០១៣ នៅប្រទេសបង់ក្លាដេស បើរាប់តែកម្មករនិយោជិតគឺមាន ១ ១៣៤ នាក់បានស្លាប់ ពេលអគារ Rana Plaza ដួលរលំដែលបណ្ដាលឱ្យព្រឹត្តិការណ៍នេះ ក្លាយជាមហន្តរាយដ៏អាក្រក់ជាងគេបំផុតនៅក្នុងប្រវត្តិសាស្ត្ររបស់ឧស្សាហកម្ម។ #Bangladesh #Death

© ប្រវត្តិសាស្ត្រពិភពលោក
https://t.me/WorldHistoryDaily

នៅថ្ងៃទី២៤ ខែមេសា ឆ្នាំ១៩៩០ តេឡេស្កុបអវកាសហឺបល (Hubble Space Telescope) ត្រូវបានបាញ់បង្ហោះចេញពីផែនដី ទៅដាក់ក្នុងគន្លងតារាវិថីជុំវិញផែនដី។

ខុសពី​តេឡេស្កុប​ដែល​នៅ​លើដី តេឡេស្កុប​អវកាស​ហឺបល​ ដែល​ស្ថិត​ក្នុង​គន្លង​តារាវិថី ផុត​ពី​ភាព​រំខាន​នៃ​ស្រទាប់​បរិយាកាស​របស់​ផែនដី អាច​ឲ្យ​គេ​មើល​ឃើញ​បាន​យ៉ាង​ច្បាស់ និង​លម្អិត ទៅ​ក្នុង​ចម្ងាយ​​រហូត​ទៅ​រាប់​ពាន់លាន​ឆ្នាំ​ពន្លឺ។

រូបភាព​អវកាស ដែល​ថត​ដោយ​តេឡេស្កុប​អវកាស​ហឺបល​បាន​ជួយ​ឲ្យ​អ្នក​វិទ្យាសាស្ត្រ​អាច​សិក្សា​ដឹង​កាន់តែ​លម្អិត​អំពី​ចក្រវាល រាប់ចាប់តាំង​ពី​ការ​សិក្សា​លម្អិត​ អំពី​ការចាប់កំណើត និង​ការ​ស្លាប់​របស់​ផ្កាយ អំពី​វត្តមាន​នៃ​ប្រហោងខ្មៅ​ធំៗ​នៅ​ចំណុចកណ្តាល​នៃ​ចក្រវាល វត្តមាន​នៃ​ថាមពល​ងងឹត (Dark Energy) និង​ជាពិសេស អំពី​អាយុ​របស់​ចក្រវាល និង​​ល្បឿន​នៃ​ការ​រីកប៉ោង​នៃ​ចក្រវាលនៅ​ក្នុង​ពេល​បច្ចុប្បន្ន។ #Space

© ប្រវត្តិសាស្ត្រពិភពលោក
https://t.me/WorldHistoryDaily

នៅថ្ងៃទី២៤ ខែមេសា ឆ្នាំ១៩៦០ លោក Max von Laue រូបវិទូជនជាតិអាឡឺម៉ង់ បានទទួលមរណភាពនៅអាយុ៨០ ប្រទេសអាឡឺម៉ង់។

លោកជាម្ចាស់រង្វាន់ណូបែលផ្នែករូបវិទ្យា ឆ្នាំ១៩១៤ សម្រាប់ការរកឃើញការបង្វែរកាំរស្មី X ដោយគ្រីស្តាល់។ #Death #Germany

© ប្រវត្តិសាស្ត្រពិភពលោក
https://t.me/WorldHistoryDaily

លោក លោកស្រីអាចឧបត្ថម្ភមកកាន់យើងខ្ញុំតាមរយៈ KHQR ខាងលើបាន ។

សូមអរគុណ

នៅថ្ងៃទី២៥ ខែមេសា ឆ្នាំ២០០១ ប្រធានាធិបតីសហរដ្ឋអាមេរិក George W. Bush បានប្រកាសគាំទ្រតៃវ៉ាន់ ដោយនិយាយថាសហរដ្ឋអាមេរិកនឹងធ្វើ "អ្វីក៏ដោយដែលខ្លួនអាចធ្វើបាន" ដើម្បីជួយតៃវ៉ាន់ការពារខ្លួនប្រឆាំងនឹងការវាយប្រហារពីចិន។ សេចក្តីថ្លែងនេះឆ្លុះបញ្ចាំងពីគោលនយោបាយរបស់សហរដ្ឋអាមេរិកក្នុងការផ្តល់ការគាំទ្រផ្នែកយោធាដល់តៃវ៉ាន់ ស្របតាមច្បាប់ Taiwan Relations Act"¹" ទោះបីជាមិនមានការប្តេជ្ញាច្បាស់លាស់ក្នុងការការពារដោយផ្ទាល់ក៏ដោយ។ #USA #China #Taiwan

© ប្រវត្តិសាស្ត្រពិភពលោក
https://t.me/WorldHistoryDaily

"1" Taiwan Relations Act (TRA) គឺជាច្បាប់របស់សហរដ្ឋអាមេរិកដែលត្រូវបានអនុម័តដោយសភាអាមេរិក និងចុះហត្ថលេខាដោយប្រធានាធិបតី Jimmy Carter នៅថ្ងៃទី១០ ខែមេសា ឆ្នាំ១៩៧៩។ ច្បាប់នេះត្រូវបានបង្កើតឡើងបន្ទាប់ពីសហរដ្ឋអាមេរិកបានផ្លាស់ប្តូរទំនាក់ទំនងការទូតជាផ្លូវការពីសាធារណរដ្ឋចិន (តៃវ៉ាន់) ទៅសាធារណរដ្ឋប្រជាមានិតចិន (PRC) នៅឆ្នាំ១៩៧៩។

TRA ផ្តល់ក្របខ័ណ្ឌសម្រាប់ទំនាក់ទំនងផ្លូវការរវាងសហរដ្ឋអាមេរិកនិងតៃវ៉ាន់ និងបញ្ជាក់ពីការប្តេជ្ញាចិត្តរបស់សហរដ្ឋអាមេរិកចំពោះសន្តិសុខរបស់តៃវ៉ាន់។

នៅថ្ងៃទី២៥ ខែមេសា ឆ្នាំ១៩៨២ អ៊ីស្រាអែលបានបញ្ចប់ការដកទ័ពចេញពីឧបទ្វីបស៊ីណៃទាំងស្រុង ស្របតាមកិច្ចព្រមព្រៀង Camp David ឆ្នាំ១៩៧៨ ដែលចុះហត្ថលេខារវាងអ៊ីស្រាអែល និងអេហ្ស៊ីប។ កិច្ចព្រមព្រៀងនេះបាននាំឱ្យអេហ្ស៊ីបទទួលស្គាល់អ៊ីស្រាអែលជារដ្ឋឯករាជ្យមានអធិបតេយ្យភាព ជាថ្នូរនឹងការប្រគល់ឧបទ្វីបស៊ីណៃត្រឡប់ទៅអេហ្ស៊ីបវិញ ដែលជាជំហានសំខាន់ក្នុងដំណើរការសន្តិភាពរវាងប្រទេសទាំងពីរ។ #Isreal #Egypt

© ប្រវត្តិសាស្ត្រពិភពលោក
https://t.me/WorldHistoryDaily

រដ្ឋអាជ្ញាកូរ៉េខាងត្បូងចោទប្រកាន់លោក មូន ចេអ៊ីន អតីតប្រធានាធិបតីកូរ៉េខាងត្បូងពីបទពុករលួយ។

សូមបញ្ជាក់ថាស្ទើរតែគ្រប់អតីតប្រធានាធិបតីកូរ៉េខាងត្បូង តែងតែមានរឿងក្ដីក្ដាំនឹងតុលាការ ដែលភាគច្រើនគឺរឿងពុករលួយនេះតែម្ដង។

© ប្រវត្តិសាស្ត្រពិភពលោក
https://t.me/WorldHistoryDaily

ព្រែកជីកស៊ុយអេ ត្រូវបានចាប់ផ្តើមជីកនៅថ្ងៃទី២៥ ខែមេសា ឆ្នាំ១៨៥៩ និងបានបញ្ចប់នៅឆ្នាំ១៨៦៩ ដោយចំណាយពេល១០ឆ្នាំ។ វាមានប្រវែង ១៩៣.៣០ គីឡូម៉ែត្រ តភ្ជាប់សមុទ្រក្រហមទៅសមុទ្រមេឌីទែរ៉ាណេ ដែលជួយសម្រួលដល់ការធ្វើនាវាចរណ៍អន្តរជាតិយ៉ាងសំខាន់។

ការចំណាយលើការសាងសង់ព្រែកជីកស៊ុយអេ (១៨៥៩-១៨៦៩) ត្រូវបានប៉ាន់ស្មានប្រមាណ ១០០ លានហ្វ្រង់បារាំង ដែលស្មើនឹងប្រហែល ៤៣៣ លានដុល្លារអាមេរិក បើគិតតាមតម្លៃប្រាក់នៅសម័យនោះ។ #Egypt

© ប្រវត្តិសាស្ត្រពិភពលោក
https://t.me/WorldHistoryDaily

ថ្ងៃទី២៥ ខែមេសា ឆ្នាំ២០១៥ មានគ្រោះរញ្ជួយដីមួយ បានកើតឡើង នៅក្នុងប្រទេសណេប៉ាល់ នៅចំរដ្ឋធានីកាត្មាន់ឌូតែម្តង។ គ្រោះរញ្ជួយដី ក្នុងកំរិត ៧,៩ រីឆទ័រ បានធ្វើឲ្យរលំអាគារ ជាច្រើន ហើយបើតាមតួលេខបថម មានមនុស្សស្លាប់ប្រមាណជា ៩១០០នាក់។

សូមបញ្ជាក់ថា ប្រទេសណេប៉ាល់ ក៏ដូចជាតំបន់ជួរភ្នំហិមាល័យ ស្ថិតក្នុងតំបន់ ដែលស្រទាប់ផែនដី មានភាពរស់រវើក។ តំបន់នេះ ជាចំណុចប្រសប់ រវាង ឧបទ្វីបឥណ្ឌា ដែលអណ្តែតមកបុក ទល់គ្នា ជាមួយ ទ្វីបអាស៊ី ហើយបង្កជាជួរភ្នំខ្ពស់ៗ។ ចលនាម៉ាក់ម៉ា និងស្រទាប់ផែនដី នៅតែបន្ត រុញទ្វីបទាំងពីរជានិច្ច ដែលជាហេតុធ្វើឲ្យ ស្រទាប់ដីមានការប្រេះស្រាំ និងរញ្ជួយជារឿយៗ ហើយកំពស់ភ្នំហិមាល័យ កើនពីមួយឆ្នាំ ទៅមួយឆ្នាំ៕ #Disaster #Nepal

© ប្រវត្តិសាស្ត្រពិភពលោក
https://t.me/WorldHistoryDaily