WORLD WAVE

Kuz faslda gullagan daraxt. Nafislik va sokinlik...

👉 @world_wave

279 viewsFarmonov To‘lqinjon Farhod o‘g‘li, 17:16

Менинг билишимча, «Заковат» - «Что? Где? Когда?»нинг ўзбекчаси. Бошқа интеллектуал ўйинлардан фарқли равишда, бу ўйин эрудициядан ҳам кўпроқ, тўғри фикрлаш, мантиқий йўналишни топишга таянади. Иштирокчидан аниқ билимлардан кўра, жараённинг ўзида фикрлаш талаб этилади.

Яна билишимча, «Заковат» - телевизион лойиҳа. Кам иштирокчи, чекланган томошабин, минимум ташқи таъсир ва телевизион камера. Томошабин, жумладан телетомошабин ҳам, ўйновчилар биланбир вақтда фикрлайди, жавоб қидиради, аниқ жавоб топилишидан ташқари, жавобнинг қаеригача етиб борилгани ҳам қизиқ. Тамом.

Энди, Абдурасул ака нима деб ўйлайди, билмадим-у, бугун бизга тақдим этилаётган «Заковат» демак, мен тушунган «Заковат» эмас, қандайдир драйв муҳит, кўпроқ «Брейн Ринг»ни эслатадиган формат (яъни, муҳими тезлик, фикрлашга вақт кам), сайёр шоулар, мушаклар, қўшиқлар... Буям «Заковат»нинг ичидадир, лекин шунча йил биз тушуниб келган ўйин эмас.

Шунинг учун «Заковат»га эътибор ошди, деганда, мен очиғи, тушунмаяпман, эски севимли «Заковат»имиз ҳали йўқ, эътибор, яъни пуллар эса, контентнинг ўзидан кўра, иккинчи даражали омилларга - шоу уюштириш, муҳташам заллар, тадбирлар, мушакларга кетиб қолаётгандек.

Билмадим, мен «Заковат»га молиявий дастак бериш деганда, иштирокчи ва савол йўлловчиларга бериладиган мукофотларни ошириб, ўйиннинг ўзини ўша биз билган содда телевизион форматнинг қайтишини кутаман. Қолгани ортиқча. Илмга ҳашам ярашмайди.

Бошқа масала - «Заковат»га бюджетдан пул ажратиш тўғрими?
Биласизми, «Заковат» интеллектуал клубига пул ажратиш мен учун бир футбол клубига пул бериш билан бир хил. Кўпчилик (озчилик) қизиқадиган, аммо молиявий рентабеллиги оз бўлган бир клубга дотация ажратиш. Бу билан ёшларимиз илмга қизиқишади, дейиш ҳам, футбол ёшларни соғлом ҳаётга тарғиб қилади, дегандек гап - давлат учун соғлом авлод кўпроқ зарурми, ақлли авлодми, буям тенг кучдаги қараш. Яъни агар тўғри бўлса, иккисига пул бериш тўғри, нотўғри бўлса, иккисига ҳам шундай. Бирини танлаш шахсан мен учун мантиқан асоссиз.

«Заковат» = Илм эмас. Заковат бу бир қурол, услуб... Илмга эътибор деганда, мен масалан, фан олимпиадаларига эътиборни тушунган бўлардим, чунки бир химик олим ўша фаннинг чўққисига чиқиб, бирор фойда келтира олади, бир математик ё тарихчи ҳам шу. «Заковат» деган илм мажмуаси йўқ, «Заковат»га эътибор - бу «Заковат»га эътибор, тамом. Худди шунинг ўрнида «Еттига етти», «Зинама зина» ёки «Сирли сандиқ» бўлишиям мумкин эди.

Шунинг учун, «шунча пулни бу ерга сарфламай, камбағаларга тарқатиш керак» деган одамларни илмга қарши дея олмайман, айблашга ҳам асосим йўқ. Камбағалларга пул бериш дегани, баъзилар тасаввур уйғотаётгандек бекорчиларга пул тарқатишмас, айтайлик, вояга етмаган болалар пулини ошириш, бошланғич таълим учун текин овқат ва ҳоказолар, масалан...

Бу ТЕЛЕВИЗИОН шоу яшаб қолиши учун осмондан йилига қанчадир пул ёғилиши эмас, яхши менежмент, реклама ва савияли телеҳамкорлик керак. Агар «Заковат» шу аҳволга келиб қолган бўлса, юқоридаги омиллар ишламагани туфайли, агар шу пайтгача ўлмай қолган бўлса, баъзи фидокор билимдонлар туфайли.

Бу менинг фикрим, энди тўғри жавобни сиздан эшитамиз.

74 viewsFarmonov To‘lqinjon Farhod o‘g‘li, 02:02