﴿قُل أَعوذُ بِرَبِّ الفَلَقِ ۝ مِن شَرِّ ما خَلَقَ ۝ وَمِن شَرِّ غاسِقٍ إِذا وَقَبَ ۝ وَمِن شَرِّ النَّفّاثاتِ فِي العُقَدِ ۝ وَمِن شَرِّ حاسِدٍ إِذا حَسَدَ﴾

اللَّهُمَّ إِنِّي أَسْأَلُكَ حُبَّكَ، وَحُبَّ مَنْ يُحِبُّكَ، وَالعمَل الَّذِي يُبَلِّغُني حُبَّكَ

يَنْزِلُ رَبُّنا تَبارَكَ وتَعالَى كُلَّ لَيْلةٍ إلى السَّماءِ الدُّنْيا حِينَ يَبْقَى ثُلُثُ اللَّيْلِ الآخِرُ، يقولُ: مَن يَدْعُونِي، فأسْتَجِيبَ له؟ مَن يَسْأَلُنِي فأُعْطِيَهُ؟ مَن يَستَغْفِرُني فأغْفِرَ له؟

الهداية قرار ..
العودة لربنا والانقطاع عن الذنب فورًا قرار ..
قرارك انت محدش هياخده غيرك ..
قرارك اللي محتاج منك حزم وهمة وقوة ..
طول مانت عارف الحق فين واللي يرضي ربنا ايه .. ماتماطلش
قرارك اللي هاينبني عليه سعادتك أو شقاوتك يوم القيامة
(خذ الكتاب بقوة)
خذ أمر ربنا وهداية ربنا ليك للطريق بقوة
خذ آيات القرآن وشريعة الرحمن بقوة
ماتماطلش ولا تسوف ولا تقول لما أستعد واجهز وأهيء نفسي ..
أو لما أتخلص من ذنب كذا أو أجمد شوية في الطاعة كذا
ادخل الطريق وصلح نفسك وأنت فيه ..
ادخل الطريق وعالج ذنوبك وانت فيه ..
ادخل الطريق ولو وقعت قوم وانت لسه على الطريق ..
لكن لازم ربنا يراك على الطريق
لما مات الرجل الذي قتل 100 نفس ..
مات وهو في طريقه إلى أرض الخير
مات ووجدوه قد نأى بصدره نحو أرض الخير
بيموت وبيزحف بصدره نحو الأرض اللي عاوز يبدأ فيها بداية يرضي ربنا فيها
مات وماعملش لسه أي حاجة
لكنه مات وهو على الطريق
فغفر الله له وأدخله الجنة...

ورد اليوم 🤍