【他出發找最愛 今天也未回來】

二零一九年六月十五號，著住黃色雨褸嘅佢企喺太古廣場上，拉起寫上「五大訴求」雛形嘅橫額。你同佢素未謀面，亦唔知佢叫咩名，但你為佢而憂心。夜晚九點，政權將一個年輕生命推向深淵，義士捨身成仁，令你感受到生命嘅重量。你竟然為咗一個陌生人而抱頭痛哭，有如失去親人般悲痛不已。

唔單止係你一個，身邊好多香港人都帶住沉重嘅心情、分享住呢份悲痛。情感連繫住每一個香港人，喚醒咗沉睡已久嘅民族意識。再多嘅付出都比唔上生命嘅寶貴，因為愧疚、責任同憤怒，你願意代佢行完未行嘅路。你唔只係為咗反送中而企出嚟，而係為咗逝者嘅遺願。

烈士嘅犧牲成就咗200萬+1人大遊行，一夜之間，香港人展現咗前所未有嘅團結。你意識到香港人係一個共同體，一個都不能少。梁天琦講過：「我一定會選擇留低，因為我要證明香港係有人願意為佢嘅政治理念，完全獻身。」 走到太古廣場門前，你知道已經有人為咗香港而獻出所有。

一個又一個年輕生命嘅犧牲，係為咗喚醒香港民族。烈士知道政權唔會因為死諫而讓步，但佢哋相信香港人嘅良知，所以遺書係「致香港人」。紀念係提醒自己唔好忘記初衷，只有完成遺願，烈士先會得到安息。過去一年，你有克盡己任、無愧於心嗎？

「面對政權百般阻撓，我哋束手無策，但我哋唔會放棄。」 - 梁凌杰爸爸

6.15，黑衫、白絲帶為記，悼念梁凌杰與一眾烈士，讓逝者睇到香港人嘅團結同堅持。

—————————————
設計理念參考：Hello Wong
背景圖片來源：Deacon Lui

文宣圖片分享（冇logo）：https://drive.google.com/file/d/1EzMPiD-grQDDRftJNJTAjLmPzIklQaYQ/view?usp=sharing

想繼續睇多啲本土論述？Follow我哋嘅：
【Facebook】Gear噏
【Instagram】gearup_hongkong
【Telegram】gearup_hongkong
#Gear噏 #gearup_hongkong #香港人 #香港民族 #香港歷史 #香港文化 #民族自強 #香港獨立 #毋忘烈士 #梁凌杰