ماتخبئه لنا الايام

الحلقه الثانيه

.
.؛ايح ياخالتي كيف مابتمشي معانا كنت عالاقل مطمنه بيك تبي اتخلينا انواجهوهم بروحنا حتي الكلام ما نعرف نتكلم
خالتها فايزه: الله غالب يابنتي كنت نبي نمشي معاكم لاكن مروه حرارتها مرتفعه ومانقدر انخليها او انقلها معايا،ومانقدرو اناجلوها بعد ماقلنالهم اليوم، بعدين مش لهدرجه مش وحوش هما في الاخر يضلو اهلك
هند: والله ان شاء الله مايطلعو وحوش بس
فايزه: غير ماتحطي هالكلام في بالك عندي احساس انهم حيكونو كويسين معاكم. تو خلينا انجهزو الغدي بعده بش اتجهزو روحكم من بدري
هند: لا تعبتي روحك اليوم انتي عدي جنب بنتك واني وهديل انجهزو الغدي.
.
.
.
.
.
البيت كان كله في حاله استنفار يجهزو لجيه الضيوف ومش اي ضيوف، ضيوف قريبين حيشوفوهم لاول مره
عيشه كانت علي اعصابها ماكنتش تبي هالزياره وخصوصا في هالوقت
عيشه اتكلم في الخادمه: اوووووف انتي يامصيبه مازال ماكملتي العشا نبيه واتي قبل لايجو
الخدامه: حازر مدام اني قريب فيه يتم
عيشه: وينها المصيبه الأخرى خليها اتعاونك
الخادمه: مصيبه أخرى فيه يكنس دار ضيوف
عيشه: باهي باهي كملي شغلك وانتي ساكته
:ماما ماما ماما وينك
عيشه: كان ناقصني حتي انتي خيرك
سهى: كنت بنسالك انو احلى قفطان هدا ولا هدا
عيشه: الابيض احلي عليك البسيه وفكيني من وجهك ترا خليني نعرف نوتي روحي
وين خواتك
ندى: سهى واتيه ورنا وريما قاعدات مازال في ورشتهن يدهكن في روحهن اتقول ماشيات للعرس ناقص يصدرن بس
عيشه :انتي ياثرثاره نفختيلي راسي خليني في حالي نكمل برامجي قبل لايشرفو
.
.
.
.
سهى :سنه باش اتجي شن قالتك
ندى: قالت الابيض
سهى :وانتي بديري العكس ولا
ندى: يس يس 😂😂 اسمعي زعم كيف إشكالاتهم بنات عمك
سهى : وين نندري بس اكيد سمرات هلبا كانهم من الجنوب وسألت عمتي قالتي ان امهم بيضه لكن
ندى : هذا كله وماتعرفي كان عرفتي كيف امالا ،باهي زعم حلوات ولا شينات
سهى : وانتي شن يهمك في شكلهم بتخطبيهن لخوتك
ندى : كان يرضو يتزوجو نزوجهم حتى الشغالات 😂😂
.
.
في كافتيريا المستشفى ..
مؤيد: حبيبتي اصبري شوي عليا مازال قاعد نقنع فيها .
ماريا : انت تضحك عليا ولا اتقولي هكي باش تتخلص مني لكن اني الي مانبيك
مؤيد : مش اني الي نرخي ببنات الناس وعد مني انك حتكوني حلالي بس خليني نقعها.
ماريا: ممممم اوكي بس استعجل مش قادره نصبر
مؤيد : مش قادرة تصبري علي قربي 😚😉
مرايا: 😳 سخيف مش قصدي مش قادره نصبر علي هالوضع المتقلقل الي امخليني فيه
مؤيد : متخافيش اني مابنكونش الا ليك تو بعندي تدريب وانتي مش تمت مناوبتك روحي باش توصلي قبل الليل
ماريا : اوكي حبيبي باي

.
.
حطتنا خالتي قدام حوش عمي ومشت هيا للمستشفى ،اول ماوقفنا قدام الحوش قصدي الفيلا فهينا فيها ماشاء الله كانت فيلا اشبه لما يسمى قصر كانت الباين انه علي ثلاث طوابق تلفتت لهديل لقيتها فاتحه فهما عالاخر هند: هييي انتي قولي ماشاء الله لاتهدميه بعينك القويه وشدي هالطبق كويس ليجي منبزق
هديل : ما شا الله عيني عليهم بارده هذا من برا مال من داخل كيف
دخلنا بعد مافتحلنا البواب الباب وطبعا كانت الحديقه في استقبالنا الي كانت ممكن أكبر من المدرسه الي قريت فيها وكانت كلها اخضر الله من زمان ما شفت حاجه خضرا
مانعرفوش غادي الا الرمله والتراب
دخلنا جوا وكانت في استقبالنا بنتين يشبهو بعض وشكلهن حلوات ومرتبين سلمنا عليهم بعده جت مرا كبيره الباين انها امهم كان باين عليها العز وباين من نظرتها انها مثقفه ولاحظت من نظرتها ونظرت البنات الصدمه مش عارفه ليش
عيشه : شرفتونا ونورتونا يابنات سلفي والحمد لله على سلامتكم
هند: اهلين وسهلين بيك الله يسلمك
عيشه : خيركم واقفين تفضلوا تفضلو سهى خوذي عباياتهم منهم
.
.
هديل : هند هند خيرها هالمرا اتكلم فينا من فوق خشمها اع
هند: اسسس اسكتي فكينا لايسمعوك تو
عيشه: تفضلو ارتاحوا البيت بيتكم
هند: سلمك شكرا
هديل : متعرفيش غير كلمت سلمك سلمك 😂😂😂
هند: تكلمي انتي كان ماو عاجبك وانتي ساكته من بدري داروحه ادب
خشن علينا بنتين ثانيات
عيشه : هذيما بناتي رنا وريما يقرن جامعه بناتهم سنه والاثنين الي استقبلنكم تؤم يقرن اعدادي وفي الكبيره متزوجه وعندها تلاته ولاد لكن امسافرا هالفتره ،وعندي ولدين شباب واحد قريب يتخرج ويولي دكتور والثاني يشتغل في التجاره
هند : ماشاء الله مش باين عليك امهن ربي يخليهم ليك ان شاء الله وتفرحي بيهم
عيشه : سلمك يابنتي انتي الكبيره ولا .
هند: ايه
عيشه : معناها انتي هند وهذي هديل
هند: ايه اني عمري 18 واختي 14
عيشه : ما شا الله انتي شهاده ثانويه ولا
هند: لا والله اني اول جامعه وهديل شهاده اعداديه لاني احني الاثنين خاشين للمدرسه عالسته
رنا: شن تخصصك هند
هند: قريت اعداد طب بس ماكانش فيه كليه طب عندنا .وانتي
رنا : اني نقرا هندسه معامريه سنه ثانيه ريما محاسبه سنه ثالثه
هند: بالتوفيق ان شاء الله
ندى : حتى

خوي مؤيد يقرا ط

ب اخر سنه
هند: ماشاء الله طب بشري ولا اسنان
سهى : طب بشري معناها عندنا دكتورين في عيتلنا
قعدنا هدرزنا شوي واني قريب ننفجر من الرسميات وهديل انسجمت مع سهى وندى
بعده جت خواتها وجت عمتي الوحيده الي ماتريحتلها و نساوين اخرات حرقونا بعيونهن ،خلاص طابت كبدي نبي انروح
بعده حطو العشي قعدنا نتعشو
هند: تسلم ايديك هالعشي الطيب ياابله عيشه
كل الي عالطاوله شدن ضحكتهن لأنهم عارفين انه ماتعرف تقلي دحيه وانه الشغالات دارن كل شي
عيشه :تسلمي هذا من ذوقك الحلو صحتين
.
.
تعشينا وللينا لغرفه الضيوف
شوي شوي بدت الدنيا تفضي لين قعدنا احني والبنات وامهم وعمتي شوي سمعت صوت نحنحه
عيشه :تفضل موسى مفيش حد غريب
اول ماخش المدعو موسى اني وقفت على حيلي وقلبي قعد يدق بقوه وحسيت الدنيا اتلف بيا ورجعت للماضي ثمانية سنين
فاطمه: الله يرحم والديك ياموسى خلينا في الحوش فتره هيا بس علي مادورت اجار كويس
موسى : اني صبرت عليك هلبا ويلا ظمي بضاعتك وبناتك ويلا من حوشي
فاطمه تبكي : الله يخليك الله يخليك وين نمشي اني وبناتي هات انبوس يدك
موسى : حولي عندي ياشحاده ودفها بقوا لين طاحت
هند الي كانت تراقب من بعيد بعد ماطاحت امها : ياكلب ياحمار معاش تضرب امي وقعدت تضرب فيه ودفها حتي هيا عالارض
موسى : ماشاء الله علي التربيه تعرفي انجي غدوا مانلقاك طالعه نجبدك من شعرك انتي وبناتك تفهمي والا .
.
: هند خيرك ماسلمتي علي عمك
بعد مافقت من ذكرياتي شفت سلمت عليه وهو مادارش اي ردت فعل يعني المفروض انه يضبط بنات خوه إلى من سنين ماشافهم
مشيت لعنده واني حاسه انه بيصدني بس خاب ظني وسلم عليا عادي .
.
.
.
هند: هديل شن بندير توا كلمت خالتي وقالت ماتقدر تتحرك من المستشفى بنتها ارتفعت حرارتها ياسر
هديل : شن بنديرو انقول لعمي يوصلنا
هند: مالحقنا انمونو عليهم بعدين مانحفظو الطريق وماضني يعرفو الله غالب بنقول لابله عيشه
بعد ماقلتلها مرات اتكون هيا وعمي حافظين الطريق البنات نطن فيها وشدن فينا بيش انباتو وانحشرنا في التركينا وقلنا باهي بعد ماستاذنت خالتي .
كنت راقده عالسرير ونتفرج على اختي وبنات عمي كيف منسجمات في الهدرزه فرحت ياسر ليها انها قدرت تكون صداقه مع حد في هالبيت عكسي اني سألت نفسي ليش مانسجمت اني مع البنات الكبار اصلا واضح عليهن جوهم مش راكب معاي وعلى قدر فرحتي بهديل كانت في قلبي غصه من لما شفت عمي وقعدت نتفكر في بابا والالام الي سببها ليا وحسيت روحي خلاص بننفجر
هند: ندى نبي الحمام تعالي شوفيلي الطريق
ندى : اه عادي مفيش حد خوتي بايتين برا اليوم
خشيت للحمام حطيت يدي على فمي وبكيت بصوت واطي رفعت فنيلتي وشفت آثار الحرق علي بطني
: بابا تربحك يابابا خلاص بابا انبوس يدك
:مش تبي اديري روحك بطله وادفعي عن اختك هي تلقى عنها مالا
والله معاش نعاودها اااه اااه بابا خلاص بابا انبوس يدك باابااااا

.
فقد من سرحاني غسلت وهي وطلعت
طلعت للحمام ولما جيت بنولي للدار قعدت نسمع في صوت بعيد شوي كأنه صوت حد ينادي ويصرخ خفت ومشيت جري للدار وني في البال الصوت الي سمعته .....
.
.يتبع

كرغبة الأعمى في الرؤية ..
أريدك 😍
.

‏مابين صخر و صخر "ينبت الزهر"
ومابين عسر و عسر "يأتي اليسر"
اللهم اجعل لكل من يمر بضيق فرجاً،
ولكل مهموم راحةً،
ولكل مريض شفاء #يالله 🍀

‏جاري الكتابة .........
تختلف حلاوتها من شخص لآخر 😍

بين الحين والآخر يتساقط مني شيء ،
احاول ان اعود لالتقطهٌ فيسقط '
مني شيء اخر .
صرتٌ اخاف ان أتمسك بالاشياء التي تسقط مني لربما في المرة القادمة اسقط كلي معها !

هكذا أنا تساقطي أصبحٓ أسرع من
أوراق الخريف ✨💔

هل شعرت ذات مره أنك تريد الحياه بنكهة شخص مُعين تحبه ؟
أن يصمت جميع من على الكوكب ويبقى هو المتحدث الوحيد ،
شعرت ؟

الكُتب لا تُمثل لنا وسيلة للهروبِ من الواقعِ فقط ، ولكِنّها تستطيع أن توقّف العقلُ من أن يأكُل نفسهُ من التفكير...!

وبعد سنين من محاولة فهم معادلة الحياة وفهم العقل البشري ، أصبح وحيداً في عزلة عن العالم وفي حالة هيجان عقلي ، يالها من تجربة مريضة .

لا أملك خيالاً عادياً
ذات مرة تخيلت أنني جندي بأرض المعركة
وقد أصبت برصاصة في ساقي
حين استعدت الواقع
كنت أعرج بمشيتي!!!!!!!

- ‏لا أهجر إنما أتغير بشكل،
- يجعلك تبحث عني وأنا أمامك "

"في ملامِح وجهكِ الهٓادي حياة♥️."

‏- إذا أخبرك أحدهم أن غدًا أجمل ،
- أمكث معه حتى الغد، فإذا لم يحدث شيء أُقتله ..

اخلاقك🌹
ستجذب لك الناس ،
وان كان
لا يعرفون عنك شيئا !

الخطأ الذي يتكرر أكثر
من مرة ليس بخطأ
بل قرار 👌

من يسيء الضن بي ، ولا يستطيع تحمل تصرفاتي ، فعليك بذهاب يا عزيزي لاني لا انصحك بالبقاء ، لانك لا تعلم ماذا يحدث ان ، كرهت احدهم

‏-لماذا لم تنساها؟
‏لا اريد.
‏-لماذا؟.
‏لستُ ناكراَ للجميل.
‏-اي جميل؟.
‏جعلتني سعيداَ يوما ما.
#Ezz0

نحن شعب ايام القراية نبو العطلة, وايام العطلة نبو القراية
شعب يبي يتخرج باش يفتك من القراية, ولما يتخرج يتمني يرجع للقراية
شعب ايام الصيف يبي الشتي, وايام الشتي يبي الصيف
شعب رايح مش عارف روحه شن يبي 😂👊🏻

في مدرسة مشتركة ضبطوا تلميذة تتكلم مع ولد ، و الاخصائين عرفوا و المدرسين ضربوها و هددوها بأنهم سوف يخبرون أهلها وسيعاقبها والدها .. البنت قبل ما ترجع للبيت اشترت سم وشربته وماتت :( البنت في 3 اعدادي ممكن تكون غير مدركة ماهو الإنتحار للاسف ..!!
النبى صلى الله عليه وسلم : كانوا فى غزوة وكان اليوم برد شديد .. واحد من الصحابة كان عنده جرح فى رأسه .. وحان وقت الصلاة ..وهو كان على جنابة ولازم يغتسل ..فقال لهم بأنه لديه جرح ويخاف لو اغتسل يزداد الجرح سؤ ...قالوا له : لا نرى لك الا الاغتسال ..فأغتسل فمات ( وحين علم النبى غضب وقال : قتلوه قتلهم الله .
من يومين قرأت منشور ، عن دكتور كان السبب فى ان واحدة كانت محرومة من الاطفال لمدة 11 سنة ولما ربنا رزقها .. قبل الولادة حصلت لها مضاعفات والطفل مات فى بطنها .
اخت المرأة قالت للدكتور : لا تخبرها ان الطفل مات فمن الممكن ان يحدث لها أمر سيء .. الدكتور اصر ودخل و أخبرها ، وكانت النتيجة انها ماتت ..!!
👈للأسف الشديد نحن مجتمع جاهل بكل معانى الانسانية والرحمة ...اكتر مجتمع يحتاج لإعادة تأهيل فى كل شىء .
النبى اللى علمنا ان ما كان الرفق فى شىء الا زانه ، بدلناه بالتفنن فى وجع غيرنا و قتلهم نفسيا بكلامنا مقابل انتصار رخيص ومبتذل .....
النبى الذي قال : لسيدنا ابى ذر لما قال : لسيدنا بلال يابن السوداء ..!! " قال له انك امرؤ فيك جاهلية وبسببها ذهب ابى ذر لسيدنا بلال وقال له : "ضع قدمك على وجهى " .. فقد عرف أبي ذر خطائه .
ربنا قال : "وقولوا للناس حُسنا "
النبى الذي لم يرضى ان يقطع على الاعرابى الذى كان يتبول فى المسجد بوله ، حتى لا تحصل له مشكلة وقال : لا تذرموه ودعوه حتى يفرغ ....
النبى الذى جاءه احدهم وقال له : زوجتي و لدت غلاماً اسود .. ويلمح له انه ليس ابنه ...فقال له عليه الصلاة والسلام : مقنعًا ومزيلاً عنه هذه الشكوك التي كادت أن تهدم كيان أسرته : هل لك من أبل؟ قال: نعم، قال: ما ألوانها ؟ قال: حمر، قال هل فيها من أورق؟ قال:نعم قال فأني ذلك؟ قال: لعل نزعه عرق .. قال : ولعل ابنك هذا نزعه عرق.
النبى الذى كانت الناس تخطيء أمامه فلا يفضحهم ويطلع على المنبر ويقول " ما بال اقوام يفعلون كذا وكذا ..."
للاسف ليس عندنا فهم فى معالجة الاخطاء !! ولا مراعاة نفسية المخطىء !! ولا ان الجاهل يعذر
ولا ان كل حالة ولها طريقة تعامل ولا نعرف ما هى البدائل الصحيحة لمعالجة المشاكل محتاجين تربية من اول وجديد .. ليس الاطفال هم الذين يحتاجون تربية فقط !!
.للاسف الكبار هم أيضا يحتاجون تربية ..!!
واحد دخل المسجد فرن نقاله ، فصاح في وجهه الموجودين ، فلم يدخل المسجد بعدها ابدا ..
واخر كان في قهوة فطرق على الطاولة فوقعت الأكواب و تكسرت فصاحب القهوة قال له فداك يا يا أخي فـبقى الزبون بالقهوة
واحدهم لديه غضروف في رجله فطبيعي انه بيصلي على كرسي لما يصلي في المسجد.. الناس انتقذته اكتر من مرة و قالوا انت شاب فكيف تصلي على كرسي و صاحوا في وجهه .. من ساعتها لم يدخل مسجدا واصبح يصلي بالبيت ..
سيدنا عمر شاهد أناس اوقدوا نارا فنادى فيهم ( يا اهل الضوء ) و مقالش يا اهل النار خوفآ من ان الكلمة تجرحهم.
الحسن و الحُسين رضي الله عنهما شاهدوا رجلا كبير يتوضى خطأ .. ففكروا
في كيفية نصحه ، فقالا له نُريدك ان تحكم بيننا من الذي لا يُحسن الوضوء و بدأ بالوضوء أمامه و لما شاهد ما فعلاه ضحك الرجل و قال لهما : انا والله الذي لا اُحسن الوضوء.
النبي صلى الله عليه و سلم قال ( حُرم على النار كل هِين لين سهل قريب من الناس )
الحقيقة نحن نحتاج اعادة تأهيل في طريقة النصيحة إلا من رحِم ربي... انصح بالطريقة الي تجعل من امامك يقتنع من غير ما تحرجه .. كثير من الناس أخطأت عن عمد في الناس الي نصحتها بسبب اسلوبهم المستفز .. و كثير من الناس فعلت الصح لأن من نصحهم ابتسم و هو بيتكلم.
.رب كلمة رماها اللسان اهلكت حياة انسان ..!!

‏أروع شعور لما أحد يدافع عنك وإنت أصلاً غلطان ، والله أنها لحظة حقيره جميله.😂😂🐸