اللهم إنا إستودعناك أهلنا في الشرق،أمنها وأمانها،ليلها ونهارها،وأرضها وسمائها،فأحفظها يارب اللهم إنا نستودعك رجالها ونسائها شبابها وأطفالها وأموالها يا من لا تضيع عنده الودائع،يا ودود يا ودود يا ذي العرش المجيد يا رب اللهم أحفظ شعبها وأهلها من كل مكروه وسوء وهون عليهم مصابهم..اللهم أرحم موتاهم وإشفي المصابين منهم اللهم كن لأهلنا عونا لهم فليس لهم أحد سواك اللهم أحفظ أهلها من كل شر يارب أحفظهم بحفظك وأرزقهم من الخيرات وعوضهم خير اللهم هون لهم وسهل خلاصهم من هذه الأزمة التي أثقلت على البلاد والعباد اللهم يا مقلب القلوب والأبصار إقلب حالهم لأحسن حال وهيء لهم أمر رشد من عندك فهم محبون لك ولدينك ورسولك صلى الله عليه وسلم🤲

السلام عليكم
لو حد يبي يتواصل مع حد في المناطق الي انقطعت فيها الاتصالات يبعتلهم رسائل على الشفرة SMS
لانها تعتمد على الابراج القديمة و البعيدة 2G
قدرت نتواصل مع صديق ليا بالرسائل لكن مكالمات مايجمعش الخط
#منقول

اللي عنده حد ف درنة يجرب يتصل توا قالو إنه الإتصالات بدت ترجع تدريجياً..جربو إتصلو وأبعتو رسالة باش تطمنو ع ناسكم ماتوقفوش..

ونسأل الله إنه إتكون الناس المفقودة بخير وسلامة وأهاليهم يطمنو عليهم..ونسأل الله إنه يكونو أصحابي وعائلاتهم بخير وسلامة وعايشين يارب العالمين

بالك ف حد بيتبرع ببطاطين ولا منادير ولا حتى عبايات وأوشحة ولبس حتى قديم عندكم ف الحوش المهم يلتبس..ف سيارة ف جزيرة بوشوشة ف تاجوراء قاعدة مدرسة وإتعبي قاعدة ف تبرعات الناس وبعدها ماشية للشرق..ف اللي بيتبرع يمشي للمكان وأجركم حاصل..واللي ماعنداش كيف يتبرع يدعي لأهلنا ف الشرق وإن شاء الله ربي يكون معاهم..

حتى الناس القريبة..لو تقدر حتى بحاجة بسيطة عادي..

اللي يبي ياخد المكان أو يتأكد يتصل ع الرقم..

واللي يبي يتبرع وماعنداش سيارة ولا مكانه بعيد ف طرابلس ولا حتى تاجوراء ومايقدرش يجي يكلمني إنجيه لعنده وناخدهم ونوصلهم..

@koureka7y

اللي بيبعت رصيد من مكانه..🔽
0943690372
0923481742
0920151522

أرقام مشرفين القوافل متاع طرابلس مرات أقرب شيء من مكان سكنكم للتواصل ومعرفة مكانهم بالزبط..🔽

0913735502
0923381444

الحمد الله واحد من أصحابي طلع عايش ومصاب ونسأل الله إنه أتكون عيلته معاه وبخير والعقبة يكونو الأصحاب الباقي بخير هما وناسنا ف الشرق عامةً يارب العالمين🤲

بعض أماكن التبرع..

جامعة طرابلس - إتحاد الطلبة.

بركيدجو الكبير طريق الشط.

حي الاندلس مؤسسة رواحل لبناء الإنسان 0915555988

خش للإيميل أهوا إنستا منزل كم مصاب من عيلة الحصادي مرات يوصلك فيهم أو ف حد وتعرف ع البنت حاجة..ونسأل الله إنه يكونو بخير

البرنامج أهو لتحديد موقع أي رقم ف أما منطقة بالزبط..بس ضروري يكون الشخص اللي بتبحث عليه منزله عنده برضو..ف يعني مرات ماتستفادوش بيه..لكن جربوه لعل وعسى يكونو أهلكم وناسكم ف الشرق منزلينه وتقدرو إتشوفو موقعهم وين بالزبط مش خاسرين شيء..

منقول..
يا أولاد نجهزوا في قروب سيارات دفع رباعي باذن الله طالعين الليله الساعه 11 بيكون التجمع ف بوابة الغيران وال12 ف الليل الإنطلاقة يلي يبي يمشي يساعد يتواصل ع الأرقام
091.103.89.89
091.996.996.3

حتى اللي عنده كنتر كاشيك ولا يعرف يسوقهم ولا يزبط طرق درنة وإلخ ويبي يمشي يتصل بالرقم مرات يستفادو منك..وجماعة التمريض والطبيات اللي بيمشي يتصل وحتى اللي يبي يساعد وماعنداش سيارة يتصل ويستفسر مرات يرفعوك..لإنه الأولوية للناس اللي تعرف خدمتها صح باش بتفيد ف ظرف زي هذا

ياشباب أي شخص يبي يمشي
أو يبي يساعد بشي اليوم ف إجتماع ف نادي الأهلي ساعة 7 إتسجل إسمك وغدوة بأذن الله إتوكل لمنطقة الشرقية..

منقول..

الكلام ليه ساعة مرات يكون قريب عالناس اللي تبي تمشي تلحق وتسجل..

وبالله اللي بيمشي يكون عارف روحه يقدر يساعد/ممرض/دكتور/مختص إنقاذ/ غطاس/سواق ألات ثقيلة وغيره وطالبين حتى ناس إتكفن الناس المتوفية لإنه هلبا رحمة الله عليهم..يعني اللي مايعرف شيء مايمشيش ويقعدو حاصلين فيه غادي..مانبوش نخسرو روح تانية مع أرواح الناس اللي مفقودة وحاصلة لإنه فرق تعرف شغلها وفقدوها..وشهادة لله عارف إنه أغلب الناس وكلنا ف نيتنا إنه نمشو لكن نبو اللي يمشي يفيد والله غالب..

نشركم للمناشير مساعدة..تبرعك بأبسط شيء إهني مساعدة ف حاولو حتى بالدعاء بس ونسأل الله إنه يكون ف عون ناسنا وأهلنا ف الشرق..