السلام عليكم ست
اني احمد حميد حبيت افرحج بمعدلي الي هوة 98.29 بدون اضافة ووية الاضافة تصير 100.2 والحمد لله.. ودرجتي بالكيمياء 99 الي لو ما انتي مجان جبت هيج درجة ورحم الله والديج ابد ما قصرتي ويانا بيوم،امتحانات ومراجعة شاملة
ربي ينطيج الصحة والعافية

السلام عليكم ست شلونچ ان شاء الله تكونين بخير ست اني احمد تحسين الحمد لله معدلي 98.57 مع الأضافات يصير 100.5 والله ست چان الچ فضل كلش چبير بالنسبة الي بالسادس و مراح انسى طول عمري ❤️❤️

هلو ست
اني احمد عبد الستار
ثانوية الانبار للمتميزين
معدلي 99.71
شكرا هواي ست على كل تعبج ويانا و ان شاء الله ما ضاع ، احلى دورة جانت بالسادس دورة الكيمياء و اكثر مادة حبيناها و ضبطناها و هذا كله بفضل الله ثم فضلج شكرا هواي على كلشي جنتي النا ام مو بس مدرسة و ان شاء الله كان النا اثر حلو تظلين تتذكرينا بي دائما 🤍

مؤمل حميد
متميزين الديوانية
100.8 مع الاضافات
100 كيمياء بفضل ست وجدان

الاسم : محمد علي عبد عكار(ايليا)
المحافظة :واسط
المدرسة: ثانوية واسط للمتميزين
معدلي 99.61 مع الاضافات واعرف انو اني مقصر بحقج المفروض الاول على العراق بتعبج التعبتيه علينا بس قدر الله وما شاء فعل
الف شكر الج ست

مرحبا ست،انا زينب حارث
من ثانويه نينوى للمتميزات
معدلي بدون اضافات 98.43
ودرجتي بالكيمياء 98❤️
الف الحمدلله تقريبا كل الكليات العراق الا وحده اكدر افوتها.
جنت كلش خايفه من الكيمياء بس الحمدلله بفضل توفيق الله ثم تعبج ويانه هو الي وصلني الى الاني بي هسه.
كنتي داعمه نفسيه النا قبل لا تكونين داعمه دراسيه،كنتي ام قبل لا تكونين مدرسة.
اگدر اگول وبكل ثقه الكيمياء كانت اسهل ماده بالنسبه الي ع طول مده السادس وحتى ليله الامتحان،الكل گعد يفكر شلون حيدرسها ليله الامتحان بيوم ونص الا طلابج خلصوها وباقي وقت،وبافضل الحصائل.
طالبتكي زينب❤️❤️

الاسم:حسن هادي طاهر
المعدل:99.57 (بدون اضافة)
درجة الكيمياء:99
التسلسل:الثالث على العراق
المدرسة؛ثانوية المتميزين واسط
الحمدلله والشكر ست هذا المعدل كله بفضل رب العالمين اولا وفضلج ثانيا ماكدر انسى تعبج وكلشي سويتيه ويانه وماعرف شلون اجازيج وكلشي اسويه قليل بحقج ويارب نجازيج بالافراح ❤️

السلام عليكم ست..
اني حسين علي عبد الكاظم من متميزين واسط ومعدلي بعد الإضافة 99.76 شكرا جزيلا على كلشي وماقصرتي ويانه ابد وجنتي حريصة علينه بكلشي من ناحية التدريس والواجبات والاسئلة الصعبة😅
وانتي اكثر مدرسة انطت المادة حقها وماخليتينه نحتاج احد ولو درجة الكيمياء مو بالاستحقاق 95 بس الحمدلله على كل حال اهم شي سوينه العلينه وان شاء الله نجيكم قريباً ❤️

السلام عليكم ست اني جعفر بشار
ثانويه واسط للمتميزين معدلي (٩٧) بدون اضافات و(٩٩) ويه الاضافات ودرجتي بل كيمياء ٩٥ ست حرفيا صرتيلنه ام ثانيه يعني جنتي اكثر من مدرسه من اكول ام يجوز حسبالهم الناس ابالغ بس هذا الواقع صح رزلتينه وحجيتي علينه وضيم وينك وصخام بوجهك بس جانت هاي لمصلحتنه وما اعرف شحجي وياج صح ما متشاوفين وبس من الاجهزه نشوف بعض بس جنتي كلش قريبه علينه ادعي الله ان يعلي مقامج و يحفظج ويوفقج وطول العمر يا رب وان شاء الله يطلعلي قبول حلو على القناه مال متميزين وكل هذا الحجي قليل بحقج ست يا اعظم ست وام❤️❤️❤️

حسين عادل
ثانوية الصدرين للمتميزين
معدلي ٩٩ بدون اضافات
درجة الكيمياء ٩٨
شكرا ست على كل شي قدمتيه ابد ماقصرتي من محاضرات و مراجعة و مواقف كلش حلوة ابد مارح تنسي و خصوصا بالاعادة و السنة الثانية انتي افضل سند چنتي من البداية الى الان و بامتحان الكيمياء لحد هسه اتذكر حچايتج انو تحتار شتترك و بالفعل احتاريت شترك.
أفضل انسانة و أستاذة كيمياء عرفتها بحياتي 🤍

رضا معمر مجيد
طالب ثانوية واسط للمتميزين
معدلي 99.57 و مع الاضافه 101.57
و درجتي بالكيمياء 99 و لو كلش قليله بحقج ست يا افضل مدرسه شفتها بحياتي شكد جنت اسولف بيج بفترة السادس كلها و الكيمياء الي جنت اشوفها اصعب ماده صرت اموت عليها و إن شاء الله جاي يمكم بطب بغداد
U.O.B.C.O.M🔥❤️‍🔥

الاسم: محمد رعد كاظم
المدرسة: ثانوية القيروان للمتميزين
معدلي98.57 بدون اضافات ومع الاضافات يصير 100.4 ودرجتي بالكيمياء 99.
حقيقة ست التعب و الاخلاص الي بذلتيه يستحق الثناء وكان حرصچ علينه ومعاملتچ النه كابناء شي واضح نقدره في انفسنه... شكرا ست لكلشي قدمتيه ولتدريسنه الكيمياء بافضل الطرق الممكنة 🩵

مرحبا 👋
اني نصري، هذه قصتي وية ست وجدان:

نهاية شهر التاسع قررت اسجل كيمياء خصوصي، بعد أن قضيت العطلة بالشغل، اصدقائي نصحوني اسجل يمها رح حجيت وية ست اتذكر حجت هواي كلمات انكليزي

(How are you, Tomorrow, Thursay, You are late, between 👀)

المهم خلصت التراكمات، بعدها تزاعلنا
بنهاية الفصل 6 لأن ممتحنت فاينل، ودرستني بلغة الأشارة 😂.

ست وجدان تعلمت منها هواية خارج
الدرس!

معدلي 97.2 بدون اضافات كيمياء 98
المدرسة: كلية بغداد الأعظمية

شكراً 🌹

ست اني قبل سنة تقريبًا جنت يم غير مدرس وشرح الفصل الثاني جنت كلش خايفه منه بوقتها وخايفه من الجداول وفرضيات الاتزان وجنت اكول عليه كلش صعب وما افهم فكرته، اليوم من خلصنا الفصل حسيت براحة كلش جبيرة بداخلي وحسيت بطمأنينة وحسيت بكمية المادة العلمية والحلوة الي دتوصل لعقلي وتخليني افهم بأمانة كلش جبيرة بدون حرف نقص بي، كلش فرحانة ست واندعيتلج هوايه وجدًا ممتنة لأن عبرت هذي الصعوبة الي جنت مخليتها بعقلي والفضل لرب العالمين ثم فضلج علينا ست اجيت اعبر الج عن فرحتي وان شاء الله ارفع راسج بالمية مالتي بيوم النتائج، انتي أمنا قبل لتكونين مدرستنا وشكد محظوظين احنا بهيج ام
احبج ست شكرًا جزيلاً

بفضل الله...ختمنا الفصل الثاني للمتميزين 🩵...وغدا الفاينل بأذنه تعالى ..
والسبت الفصل الثالث💪
تهياوا احبابي 🙂

تبليغ ....تلغى جميع محاضرات الأستاذة لهذا اليوم (الحضوري والالكتروني )

تبليغ ..تلغى جميع محاضرات الأستاذة لهذا اليوم