السَلآْم عَلْيُكّمٌ وٍرٍحَمُةّ الله وٍبُرٍكآتُهْ


🌸 كلنا عندنا في دولابنا اكتر من قطعه ملابس ماعايزنها او ما بنلبسها اصلا في غيرنا محتاجها 😢
افتحي دولابك ودولاب اخوانك و شوفي المعايزنو في غيرنا و غيرك بفرحو بيه

في بعض " الاسر المتعففه" محتاجة لي ملابس والاعمار مختلفه كبار وأطفال / هم داخل الخرطوم وخارج الخرطوم كمان
#نشد الهمه 💞

العندكم و ماضروري الا ملابسك تكون مقدده وقديمه عشان تتصدقي بيها الله عز وجل قال ( لن تنالو البر حتي تنفقو مما تحبون) 💜

اللي ماعايزاها بس مغسله و مكويه بتفرحهم 💛


🌼قال رسول الله صلي الله عليه وسلم {كل امرئ في ظل صدقة إلى ان يقضي بين الناس } والصدقات مابس قروش / الكسوه و الأطعام والسقيا و اعانه المسلمين حتي سقي الزرع صدقه 😍😍😍😍


🌺الاجر عظيم وخصوصاً رمضان قرب يعني الاجور ضعف ودا ادخال سرور وهي من احب الاعمال الي الله زي ماجاء في الحديث " احب الاعمال الي الله سرور تدخله علي قلب مسلم " ا😍 شوفو الشفع حيفرحو بالملابس كيف ❤حتي الكبار كمان 🌸

🌺وفي آلحديث [.... من فرج عن مسلم كربه من كرب الدنيا فرج الله عنه كربه من كرب يوم القيامه ومن ستر مسلم ستره الله يوم القيامة ] "متفق عليه "

وهذا رقم للاستفسار عن كيفيه استلام الملابس 👇🏼
0905002746



ويارب وفقنا لكل ما تحب وترضى ووفقنا لعمل الخير ....






#ابقوووووو#كتااااار #الدال على الخير كفاعله 🍁

#قديمك_جديدهم 🌸

اللهــــم صَــل وسلــم وبــارك على سيـدنا محمد
عدد خلقك ورضى نفسك وزنة عرشك ومداد كلماتك

اللهــــم صَــل وسلــم وبــارك على سيـدنا محمد
عدد ما خلقت و ملء ما خلقت

اللهــــم صَــل وسلــم وبــارك على سيـدنا محمد
عدد ما في الأرض والسماء
و ملء ما في الأرض والسماء،

اللهــــم صَــل وسلــم وبــارك على سيـدنا محمد
عدد ما أحصى كتابك و ملء ما أحصى كتابك

اللهــــم صَــل وسلــم وبــارك على سيـدنا محمد
عدد كل شيء، و ملء كل شيء،

اللهــــم صَــل وسلــم وبــارك على سيـدنا محمد
سيــد الأنام وشفيع الخــلق يــوم الزحــام

#جامعة_كرري
#مجمع_الكليات_الطبية
#جمعية_القرأن_الكريم
#الحقيبة_الرمضانية_الخامسة
-
#الفكرة:-
حقيبة بها مواد تموينية توزع على نطاق الاسر المتعسرة
-
لو عايز تدعم او بتعرف زول بدعم او حتى زكاة.. تكون م قصرت ابدا وفي ميزان حسناتك💜👌
-
رقم تحويل الرصيد :
0965686521
-
لو عايز تستفسر اتواصل معاي:
0903625697
-
ربنا يتم على خير وفي ميزان حسنات الجميع👌💜

‏﷽
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝ ﷺ ..

#ولربما_صدق_الفؤاد_بنية_حقبت_فكانت_خير_زاد #الحقيبه_الرمضانية _2018

الخلافات اتخلقت عشان نحلّها وتورينا قدر شنو نحنا متمسكين بي بعض ، ما عشان نهدم بيها حاجات حلوه دامت سنين
💙

|~•مقتطفات‰‰%¥•~|

‏عندما تشتكي إلى البشر
ينتهي الحوار بعبارة
" الله يعينك "
اختصرها منذ البداية
واشتكِ لمن يعينك

نهاية الدوام :
جزمتي لا تمثلني ، تمثل تراب وطنكم الغالي 🌚💜

لمّا يُكسرَ قلبك قل يا ربّي يا جباارر ..فإذا بالكسر يُجبرررر ..قادرررر على ما لا يُقدر ...💜✨

‏حتى وإن كنا لانناسب بعضنا حتى وإن كنت تحب الموسيقى التي أكرهها وتجذبك الألوان التي تثير إشمئزازي، سوف أقع بك دائماً💜

‏أنا مُتعب،هل يمكنني أن أستبدل هذا العناء بالقليل من رحابة صدرك؟.

• ‏من يحب وجودك في حياته يعرف جيداً كيف يُبقيك فيها؛💙،"

‏كان يجب أن أتمسك بي جيداً، قبل أن أتلاشى مني دون أن أشعر. في لحظة عابرة لم أدركها، تسربت مني نفسي، حقيقتي، كل ما أحبه فيَّ. اليوم أنا لا أعرف حقاً من أنا. في هذه المرآة ملامح لم أرها من قبل. يشق عليَّ أن أكون شخص آخر، لا أحبه، لا أعرفه، لا أريد أن أكون هو.

رجل ضرب زوجته امام اطفاله وتسبب لهم في الخوف والفزع فحزنت الام وقالت بعد أن ضربها على وجهها وهي تبكي خوفا عليهم سأذهب لأشتكيك ...
رد عليها :- ومن قال أنني سأسمح لك بأن تخرجي
قالت : أتظن إنك إن أوصدت الأبواب و أغلقت النوافذ ، فإنك ستمنعني من شكايتك رد بتعجب :- و ماذا ستصنعين !
قالت :- سأتصل . قال :- هواتفك كلها معي ؛ فأصنعي ما شئتِ . فاتجهت نحو الحمام وحين دخلت فكر بأنها قد تهرب من نافذته فجرى إلى الخارج وأنتظر عند النافذة ، فلم يشاهد محاولتها للخروج ، فعاد إلى الداخل و وقف عند الباب ، و خرجت وهيَّ مبتلة من آثار الوضوء بابتسامتها كنقاء الماء الذي عليها
وقالت :- سأشتكيك فقط عند الذي أقسمت باسمه فلا نوافذك و لا أبوابك و لا هواتفي التي حجبتها عني ستحجبني عنه ، فأبوابه لا تغلق ...
أنصرف عنها، و جلس على الأريكة صامتاً يفكر . ذهبت هيَ، و صلت ، و أطالت في السجود ، و هو يراقبها ، و حين فرغت، و رفعت يدها ، خطى نحوها و أمسك بيديها ... و قال لها :- أما كفاك دعاءك عليَّ في سجودكِ ؟
فنظرت إليه، وقالت بنبرة حانية: أو تراني سأكتفي بعد الذي فعلته بي؟
قال :- والله لحظة غضب لم أقصدها، فقالت :- و لهذا لم أكتفي من الدعاء لك! والدعاء على الشيطان ، فلست غبية لأدعو على زوجي، و قرة عيني، فدمعت عيناه ، و قبل يداها،
و قال :- اعاهدك ان لا ألمسك بسوء بعد اليوم هذة هي المراة المسلمة التي اوصانا الله ورسوله بها . فكونوا لهن . يكنّ لكم..
كونواا لهن ..يكنّ لكم ..💜✨✨
#منقول

#أحبت_رجلاً_غير_زوجها

بقلمي ليمة LEEMA

الحلقة(25)
----------------------------------------

لما شفت عمار بتصل كتير كده طوالي قفلت التلفون و جدعتو هسي حسن لو شافو ساي انو زول بتصل لي في الوقت ده مشكله...

---------------------------------------
تاني يوم جوني صحباتي نهلة و فاطمة و ريان و نهله عقدو ليها و عملت نفسي اني ما عارفه اي شي و لا حتي مشيت ليهم و اني عرفت لما جو هم بس ....لاني انا اللي ما مشيت و لا اهتميت اني امشي بقيت بعيده كل البعد عن صحباتي بتاعين الثانوي


سارة: والعرس متين
نهلة:لا لا انا كلمت حسن لانك غيرتي رقمك و قال لي حاوريها وتاني انشغلت اني ارجع ليكي و انتظرتك كتير وقت العقد بس ما جيتي؟
فاطمة:وقت انتي رحلتي ليه ما كلمتينا...نحن هناك ما بنقدر نجيك عشان نسابتك بس
سارة:والله اسفه حصلت معاي ظروف كده و الفترات الاخيره دي اموري كلها جايطة
نهلة:خير يا زوله لكن ماشاءالله امورك وااضحة تقولي جايطه؟
ريان :ههههههههه ااي ماشاءالله بقت سمينةو لونها بقي فاتح
سارة :الراحه يا جماعه ما قاعده اطلع في الشمس ..طبيعي لوني يفتح ما زي ايام المدرسه
نهله:نحن بقينا في الجامعه انتي ما مفكره ترجعي تقري؟؟
سارة:نفسي قفلت من القرايه..بعدين البت دي شليقه ما بقدر اخليها براها كده؟
ريان :ماشاءالله تشبهك شبه ربنا يخليها ليكي
"و قامو ياخدو جوله في الشقة و ينظرو علي زوقي"
ريان:الديكور حلو و اي شي بالشقه حلو ماشاءالله ده زوق منو؟
سارة:خالد هو اللي اجرها لينا مفروشه لكن حنرحل واحده ارضيه و نفرشها برانا قريب ان شاءالله
نهلة:خليكم من الشقه اها طول الفتره دي علاقتك مع حسن كيف؟
اااي احكي لينا.
سارة:كويس لكن .....
نهله "تعدل قعدتا"لكن شنو؟
ريان:باين عليهو فاهم و رومانسي و بتاع مفاجاءات و هدايا صح...و صحي وينا عربيتك الهداها ليك
سارة:بعتها اضطريت ابيعها عشان محتاجه قروش
فاطمة:كيف الكلام ده...
سارة:يا بنات ما تفرحو شديد و تكبرو احلامكم الورديه و ترسمي في خيالك حياة عشان تعيشيها...بالواقع شي تاني الزواج قصه اقل من عاديه ما تختوها شي كبير كده عشان ما تتصدمو
نهلة :غايتو زولي ده كويس بري يختي العرسو كتار ما زي كلامك ده...مالك بقيتي منفسنة كده؟
ريان:ههههههههه هي بس قالت ليكم الحاجات الكعبه عشان تقنعو من الزواج
سارة:لا لا ياخ...ربنا يجيب ود الحلال البسعدكم ما حاسداكم انا الزواج سنه ...قصدي ليكم ما تحلمو احلام اليقظه دي..و صحي كلام المره في بيت سلمي...
نهلة:قالت شنو؟
سارة:قالت لي مرات بتدخلي نفسك في حتات و صعب تتطلعي منها و بكون السبب زوجك...
نهلة:زي،شنو؟
سارة:الراجل اغلبهم ماشين بحكاية اتمسكن لغايه ما تتمكن و اول ايام بكونو ظراف تاني بذهج منك و بكون زول غياظ و اغلب اهتمامو الشغل و انتي بتكوني محتاجه حب و اهتمام اكتر عشان علاقتكم تقوي و فجاه تلقي روحك بتحبي زول تاني ..كيف و متين و ليه ؟بتكوني ما عارفه
نهلة:وووووب سجمي انتي يا سارة بتحبي زول تاني ؟
سارة:لا لاطبعا انتو مجنونات... ده كلام المره ياخ جارة سلمي اختي. .
ريان :ايووه اوعك تخوني راجلك ي بت ده ما اسمو حب ده اسمو خيانه و خيانة الزوجات دي اعوذ بالله منها ...حمانا الله...
سارة:احتمال يكون عندهم اسباب؟
ريان:ما في اااي،سبب بخليها تخون راجلها و كلام المره دي ما تسمعيهو كلام فارغ ساي...انتو هسي اسرة حلوة ماشاءالله عليكم..حافظي عليهو...
سارة:قولو بسم الله هسي انا قلت ليكم دايره اخون حسن
نهلة:ما قلتي لكن وشك بفسر انك ما مبسوطه رغم العايشاهو كلو
سارة"امسح دمعتي في خفاء" ههههههههههه لا لا ،ياخ مبسووطه و اهلو كمان بحبوني حب و زعلو زعل وقت رحلنا منهم
...
و استمر الحديث بينا كتير و فطرنا و عملنا قهوتنا و لعبنا ليدو ههههه استرجعنا كل ايام زمان و العصر قالو ماشات خلاص "
سارة:خليكم حسن ما بجي هسي؟
نهلة:لا لا يختي و بتك زاتا شكلها تعبانه خليها ترتاح احسن.
سارة:طيب بجيكم ان شاءالله يلا.....

----------------------------------------
الساعه 4:30عصرا
سارة:حسن كيفك..حتجي متين الليله و نعمل شنو للغدا؟
حسن :اتغدو انتو انا حاجي الساعه عشرة كدة واحتمال اتاخر ممكن ما تنتظروني ع العشا برضو
سارة:طيب اوكي...يلا مع السلامة
و قفلت الخط و حسيت بالذهج عديل ما في اي موضوع يا اسيل رايك شنو نحضر فيلم؟ و فجاه عمار اتصل"
عمار:الوو...مالك امس ما بتردي لي
سارة:ما،دايره ارد مش انا حرة...
عمار "متفاجئ من رده فعلي" يا بت مالك زهجانة؟ خير الحيوان ده تاني ضربك و لا زهجك؟
سارة:ده زوجي لو سمحت ما بسمح ليك تتكلم فيهو كلمة
عمار:اسف.. هسي وين هو؟
سارة:طلع الشغل بجي بعد شويه
عمار:يا زوله..دي عملها كيف الليله؟
سارة:ما جاي بدري الصراحه حيجي بعد ننوم كالعاده؟
عمار:و لا يهمك اجهزو ...حنمشي منتجع رهيب
سارة:بس....
عمار:و لا بس امس ما مشينا يلا...عندك نص ساعه اجهزو فيها...
سارة: الليله ما عندي مزا.....
"قفل الخط"
اسيل انتي رايك شنو
اسيل:شنو؟
سارة:عمو عم

ار حيودينا المنتجع..نمشي؟
اسيل:نمسي ماما..
سارة:ههههههه يلا نجهز طيب.....
-------------------------------------
و جانا عمار و طلعنا علي منتجع سياحي جديد اول مره اشوفو و لا اقول ليكم انا شفت شنو اصلا بحياتي غير الحبسة ...في بيت ابوي كنت محبوسة اتزوج كمان اتحبس يلا يمكن دي الثغرة اللي لقاها عمار فيني و خش بيها حياتي"

.....
في المنتجع
اسيل:اسيييل انتبهي ...ما تقعي..انت يا ولد زح منها
عمار:هههههههه مالك خايفه عليها كده خلي البت دي تتعلم شويه بعيد منك..خليها تتواصل مع الاطفال
سارة:ااي هي مسؤوليتي هسي كان غرقت في المسبح ده ...حسن بقتلني؟
عمار:هههههههه انتي خايفه من حسن يعني؟ و بعدين مسبح شنو؟ هو كم سنتي ما تامي؟
ما تبالغي كده و طوووول ما انا معاك ما تخافي من حسن؟
سارة:قصدك شنو؟
عمار:انا عايزك تكوني معاي
سارة:معاك كيف؟
عمار:انتي و اسيل بقيتو جزء مهم من حياتي و حاسي بيكم لما تكونو معاي بتكونو مبسوطين حتي اسيل اتعودت علي...
سارة:بس انا متزوجه؟
عمار:هههههههه و لما قاعده تطلعي معاي ما عارفه نفسك متزوجة؟
سارة:ما توقعت تكون نواياك كده
عمار:ما عندي نية شر تجاهك والله...انتي فكري و لو رفضتي انا حاطلع من حياتك من اللحظة دي والله هسي انتو بشارع و انا بشارع..

----------------------------------------

بعد 5سنين من الزواج"
حاليا عمري 21سنة و اسيل عمرها 3سنين وكبرت خلاص ماشاءالله و بقت في الروضه و بقت فصيحه فصاحه ماشاءالله طالعه لامها بس و معاي محل ما امشي بتمشي...و اخيرا رجعنا بيت اهل حسن بعد غياب سنتين و حاجه لانو عمة حسن عيانه علي فراش الموت و مرام زاتها حتتزوج يعني البيت حيبقي لينا فاضي بعد عمتو دي تموت هههههه بهظر طبعا ربنا يكتب ليها الشفاء بس الدكاترة قالو نسبة شفاءها قليلة جدا لكن القدر ما معروف"

حسن :سارة اسيل اها ح توديها الليله انتي و لا اوديها انا؟
سارة:بوديها بي طريقي ما مشكله
حسن :بعد تخلصي الكورس تعالي بدري عليك الله عمتي دي محتاجه زول يتونس معاها...
سارة:طييب..لكن الليلة عندي تست ما بقدر اجي بدري...الممرضة قاعده معاها ما تخاف عليها و مرام زاتها
حسن :مرام محبوسه ما حتكون فااضية ليها
سارة:بحاول يا حسن اجي بدري...
يلا خليني اجهز اسيل و نطلع...الشاي ح تلقاهو في الثيرمس و الفطور في المايكروويف..."
حسن :كوويس بنوم شويه كده و بصحح ياخي احلي شي الدوام المسائي ده...
سارة:ههههههههههه انت المدير بقيت تتكاسل؟الله يعين الموظفين
----------------------------------
بعد ساعه
سارة:تييت .. تييييت....اسيل اطلعي...
اسيل:جايه يا ماما انتي ما تصبري...دايره اسلم علي بابا ...
سارة:اسيل
اسيل:ماما العصير حقي
"و اخيرا جات"
سارة:الليله ما،في روضة ماما عازماك حته
اسيل:وين يا ماما؟
سارة:خليها مفاجئة؟


#يتبع