ببقى بعدك في الآسى..وتبقى انت الظالم القاسي النِّسى.. غصب عني ازيح ظنوني واقول عليك انت المسامح فوق شجوني ..اعيش زمان بالفرقة جارح ..في احتمالي وبالي انك ..انت سايئ فيني ظنك ..رغم انك انت عارف انو منك ..
عارفنيي منننك 💜✨

وجدها " online " في الثالثة صباحاً ، فقال لها ممازحاً :
" no one cares about you , go to sleep "

رأت الرساله ، امتلأت عيناها بالدموع بعد قرائتها ..
فقالت في نفسها .. اجل ،، لا احد يهتم لامري ، حتى انت
لم تلحظ رسالتي لكَ صباحاً و التي كان محتواها " اتصلت بكَ في العاشرة من مساء امس ، كنت اود اخبارك بشئ لكنك لم تجب على الهاتف" لم تلحظ اهتمامي بك و لم تنتبه لذرة من حبي لكَ .. حتى انك لم تعاود الاتصال بي .
و مع ذلك لم اشعر بالغضب تجاهك ، فربما انت مشغول بعملك الكثير .. او ربما اعماني الحب .. ف المثل يقول " love is blind " اعمى تماما مثلك .

قالت كل هذا و هي ممكسة بالهاتف تحدق الى ما كتبه من حزن ..
بعد تنهيدةٍ يتبعها نفسٌ طويل قالت له : انا لا اسهر لكي يهتم بي احد او ان احد يهتم بي .. انا اسهر لاني احب السهر .. احب الليل .. الظلام .. لأن الجو في الليل هادئ و " الانترنت سريع " و امثالك من الحمقى غطوا في النوم .. فلا احد يزعجنا .. و يقطع حبل افكارنا الطويل كطول قامتك ..

بكت بعد ان ارسلت له ما كتبت ..

و قالت في نفسها " love hurts " 💔.

قال لها بعد ان قرأ كلامها :
انا كنت امزح يا رفيقه .. لم اقصد شيئا مما قلت .. اعلم جيداً كم تحبين الليل و ظلامه.. اعلم انك تحبين الهدوء .. ففيه تجدين نفسك ..

اعلم جيداً حبكِ لي ..
رايت رسالتكِ صباحاً .. صوت رنين الهاتف ايقظني من النوم .. لكن لشدة النعاس لم استطع الرد
كنت اعلم جيدا كل حرف مما تودين قوله لي ..
احب ان اقول لكِ انستي أنني ايضاً احبكِ .. اراقبك طول اليوم .. اراقب دخولك للفيسبوك و خروجك من واتساب .. ما ان اجدك " online " يعمني الفرح .. كأن " online "هذه تؤكد لي انك بخير ،، انكِ ما زلتي تتنفسين ♡..
و هذا الذي تناديه بالاحمق اصبح يحب السهر لانك تحبينه .. اصبح يسهر الليل يفكر فيكِ .. يسمع الاغاني التي تحبينها .. يقرأ كتبك المفضله .. و تارة يرسل لكِ ممازحاً " no one cares about you " ليقول لكِ بعدها " I care about you ♡ " ..

(قالت في نفسها حمدا لله انه لم يجب على اتصالي .. فصوته و هو مستيقظ من النوم لتوه يأسر قلبي بجماله .. )

فاتصل بها و قبل ان تنطق بحرف غنى بصوته العميق كعمق البحر ♡:
و الاصلو في الجوف اندفن لا بتنسي لا بتمحي لا بنتهي منو الحريق
يا ضلنا
هذا المقطع يمثل حبي لك .. لا بتنسي لا بتمحي لا بنتهي♡.

و القبيل راجنو نحن يوم تبشر بيهو غيمه لما تمطر يوم علينا الفرح يملا المدينه و البلودات الحزينه ..
المدينه و البلودات يمثلان قلبي و عيناي .. فمتى ستمطر علينا ليعمنا الفرح ؟

هكذا قالت له بكل حب ♡..
فقال لها .. الاحظ احد قبلي جمال صوتك ام انا اول شخص ؟!!♡
فقالت له بخجل .. ربما صوتي جميل .. لكن لم يسمعني احد اغني قبلك ♡
قال لها : هنيئاً لي ♡
و زاد .. غداً سامطر عليكِ ، اخبري امكِ انني ساتغدى معكم ..
فقالت .. ماذا ساقول لها ؟؟
قال : قولي ان رفيقاً لي دعا نفسه للغداء عندنا
فضحكت ملء فمها
يا مجنون .. مرحبا بك في اي وقت .. فأمي تعرفك ايضاً ♡
قاطعها بتعجب .. مهلاً امك تعرفني !!
اجل .. لقد اخبرتها انَّ احداً سرق قلبي و هذا السارق هو انت .. و هي الان تتمنى رؤيتك ..
في انتظارك غداً .. لا تتاخر ،، احبك .
اغلقت الخط قبل ان ينطق بكلمه .. فلم ينم تلك الليلة من الفرح 💜

طَلالْ ..

#أحبت_رجلاً_غير_زوجها

بقلمي ليمة LEEMA

الحلقه(24)
----------------------------------------
"يا ربي شافنا بكون ما شافنا بس اكيد لانو وشي ما ظاهر و بقيت خايفه و متوترة ما عارفه ليه.. لكن حسيت انو في شي غلط و يا ريتني وقفتو من زمان ...ما كان حصل الحصل ده و بهناك خالد طوالي دق لي حسن و اتكلم معاهو"
خالد:انا شفتهم بعيني دي اسيل ظاهر راسها من الشباك بتاع العربيه..راكبين قدام بس ما ركزت في الزول السايقهم مرا و لا راجل
حسن:اوصف لي العربيه شكلها كيف و لونها؟
خالد: بيضا مظللة...
حسن:ههههههههه ياخي دي لمياء صحبتا
خالد:انت اهبل ركز الساعه كم هسي؟ البخليها تطلع بدون اذنك شنو؟
حسن :ما تكبر الموضوع انا متاكد الشفتهم ديل ما هم..اسيل عيانه استحاله امها تطلع بيها في الجو ده
خالد:انا هسي قدام باب الشقه
حسن:و جيت بيتنا لشنو انت؟
خالد:نسيت ساعتي
حسن:ارجع خليهاا انا بجيبها ليك بكرا
خالد:فيها شنو اذا شلتا و رجعت ؟ م واثق فيني يعني؟
حسن:ما حكاية ثقة بس سارة ما بترضي بتزعل و هي براها اليومين دي زعلانه مني!
خالد :خلاص ما بخش البيت دق ليها تديني ليها من الباب بس و تقفل
حسن،:مصر يعني؟خلاص طيب

-------------------------------------
نحن ماشين علي محل الايسكريم كده...صادفنا محل اسمو بيبي هابي و طوالي وقف العربيه
سارة:ماشي وين
.....:عايز اشتري،شي؟
سارة:تشتري ليه و انت ما عندك اطفال قصدي ما متزوج؟ او قصدي عايز تشتري لي منو؟
......:غايتو اصبري هسي بتعرفي
اسيل:امممار
عمار:يا عيون عمار انتي تعالي معاي...
سارة: و انا ح تخلوني في العربيه براي... حانزل معاكم
و نزلنا مع بعض التلاته علي محل الالعاب و ملابس،الاطفال و اسيل مبسووطه مع عمار غير عادتها ...اتمنيت لو حسن كان هسي في محل عمار و كل يوم يفسحنا و نتسوق مع بعض و نطقم مع بعض زي ما بشوف في بعض القصص...البمنع شنو اني اطبقها في الواقع بس حسن زول معقد زي اسلاك الكمبيوتر و مفتري زياده عن اللزوم و تعاملو جاف ما قادره اتواصل معاهو كويس في الفترات الاخيره و هو زاتو ما فاضي لينا..دي ما الحياه الي انا حلمتا بيها ....لولا لمو و عمار كان زمان جاني توحد من قعاد البيت.."

بتاع المحل:دي بتك ؟ماشاءالله تشبه زوجتك ربنا يحفظكم عاملين ثلاثي حلووو
سارة:بس انا ما.....
"عمار سكتني بعيونو و هز لي راسو باني ما اقول ليها طوالي سكت"
دخلنا جوه اشتري حاجات كتيره لي اسيل "
سارة:ما حاسي انك بالغت في الهدايا دي...ابوها ما جاب ليها قدر ده؟ عايز تصل لشنو انت؟
عمار:لي قلبك...اقصد لي قلب اسيل عايزا تكون صحبتي عشان تبطل تخاف من الغرباء
سارة:ههههههههه غايتو
عمار:اضحكي طوالي ضحكتك حلوة
اسيل:دحكتك هلوة ماما
سارة:هههههههههههههه ببغاء بس انتي
عمار:معجبه بي امها...اها اسيل عايزه شي تاني
اسيل: بابا..
سارة: هههههههههه جنيتي بابا شنو؟
اسيل قامت نزلت من عمار و جري ع باب الشارع بتاع المحل و هي لابسه فستانها البمبي و جزمتها البيضا و شعرها فيهو توكة فيها ارنب ...طالعه زي بت الالعاب حلاتها ماشاءالله و جري ما بتعرف تجري زي الناس"
سارة:اسيل تعالي..
و جريت وراها المحل كلو انتبه لينا"
اسيل:بابا
سارة:بابا وين؟
"و التفتت كده اشوف ليك حسن واقف بعربيتو في الاستوب القصاد المحل طوالي شكلو راجع البيت و انا قلبي زادت ضرباتو و طوالي خطفت اسيل و اتخبيت جنب الباب و بعاين بالطرف كده شايفه من بعيد حسن يتلفت ساي و كانو زهجان و الشارع زحمة"
عمار:مالك لونك مخطوف كده؟
سارة:حسن واقف هناك؟
عمار:وينو؟
سارة'مشي...وووب شكلو ماشي البيت و حيلقي البيت فاضي.. عمار رجعنا البيت معليش بنطلع المره الجايه"
و فجاة ....
تلفوني بقي يتصل..
سارة :ده حسن؟
عمار :طيب ردي !
سارة:ما بقدر ارد عشان حيسمع صوت العربات خلي لما نمشي الحله برد
عمار:ما دايرك تخافي من اي شي طول ما انا جنبك...
يلا ارح
و نحن راكبين العربيه في الشارع في هدووء كده مبالغه فيهو...انا ساكته بس و بفكر و هو طوالي !
عمار:مالك ساكته؟ قبيل ما كنتي مبسووطه؟
سارة:ما في موضوع
عمار :اوكي حاشغل اغاني
و طوالي شغل اغنية......
(غرامي المن طرف واااااحد،،،،براي بقدر اواسيهووو...و اجفف دمعو بالاماااااااااال و اشيل من عمري و اديهوووو......و احااااااااااول انشغل عنك تجي الذكري و تصحيهوووووو....غرامي المن...)
عمار:مالك قفلتيها؟
سارة:ما حلوة...
عمار :طيب بشغل تاني غيرها..
سارة :ما تشغل خالص بس استعجل
عمار:اسمعيها انتي....
(يوومي زايده حلا و احلا من اول...
عمار "يغني مع الاغنيه"بصراحه عديل ما قادر اتحمل
(تكتشف حاجات كلما تصحي...اصلو ما بتقول دي بشر ظني لو صحا...حلوة لابسه التوب و احلا بالطرحه ..لونا لون عاادي و ما خلق مسحة....يومي...)
سارة:عمار خليك جادي عليك الله
عمار:اصبري قربنا ...نحن حنصل قبل حسن...
سارة: و عرفت كيف؟
عمار:لانو اخد الشارع الطويل و ماشي بسرعه عاديه و انا سايق بسرعه عالية
سارة:يا ريت ياخ...


-------------------------

----------

خالد:انا رجعت طبعا لانو زي ما قلت ليييك ما في زول فتح الباب معناهو طلعو و لسه ما جو؟
حسن :انا زاتي دقيت ليها كم مكالمة ما ردت ....اكيد بكون في شي...انا تاني ما بشك فيها...
خالد:كوويس..بكرا بتندم..اول مره تكون غبي كده؟نسيت الحصل معاك مع شهد و برضو ما سمعت كلامي ....مع اني نبهتك كم مره؟
حسن :دي سارة ما شهد و لا بتشبها حتي و لا ح تشبها في يوم ! انا سارة بعرفها كويس و هي مستحيل تخوني او تخبي عني شي...واثق فيها انا و لما اصل البيت بثبت ليك كلامي ده..
خالد:بتمني والله...يلا دق لي بعدين سلام...

----------------------------------------
'بعد 20دقيقه"
عمار :خليني ادخلكم قدام شويه
سارة:لا،لاشكرا يلا...
عمار:اسيل مع السلامه...
اسيل :باي اممار..
سارة....نسيتي الهدايا...تعالي،شيليهم
ساره :خليهم و لا اقول ليك جيبهم؟

و نحن طالعين في السلم طبعا شقتنا في الطابق التاني و السلم ضلاام شكلو نسو يشغلو الانوار ...و انا زاتي خليتهم ما دايره لي جوطة... اسيل بقت تتكلم معاي بصووت عالي و صوتها صدئ صدئ في السلم
ماما ...اااااااااء
سارة:هس اسيل اسكتي ..
اسيل:ابيد...
سارة:عشان كوركت فيك..اسفه حبيبتي
اسيل:لاع...زعنانة انا...اكلم ليك بابا
سارة:انتي مش صحبتي
اسيل:لاع
سارة:طييب صحبة منو؟
اسيل:بابا
سارة:طيب انزلي مني اطلعي السلم براك امشي لابوك...انا ما طالعه معاك
اسيل "عيونها ظاهر فيهم خوف":لييييه ...انا بهاف...الضلام ماما
سارة:ههههههههههه حننتني بعيونها البريئات ديل طوالي ضميتا علي و اديتا بوسة في خدها."خلاص انتي صحبة ماما
اسيل :تيب
سارة:و ما حتكلمي بابا نحن مشينا وين ؟ انتي بت شاطرة ما تحبي القوالات...
اسيل:دولات
سارة:ههههههههههه المهم ما تكلمي ابوك انو طلعنا كويس عشان تاني عمو عمار يطلعك
اسيل :حاضر ماما....
و اخيرا وصلنا هسي العماره دي كان عملو فيها مصعد بموتو مثلاً و اسيل انتي زاتك ماشاءالله بقيتي تقيله....اااااخخ كسرتي لي ضهري"
اسيل:معليس
سارة:تعبك راحه قلبي انا...
وين المفتاح ...المفتاح
..اووف من شنطتي الادغال دي...
اسيل:ده...
سارة:وواي...جبتي المفتاح من وين؟
هاتي...
"اخدت نفس عميييق و فتحت الباب"
---------------------------------------
خالد:وصلت البيت اها حصل معاهم شنو...ان،شاءالله خير
حسن :لسه ما وصلت...مشيت اجيب ليهم عشا معاي.. اسيل خليتا زعلانه داير اراضيها و جبت كم حاجه معاي
خالد:خلاص لما توصل طمنني عليكم...
حسن :كوويس عشرة دقايق و بوصل ان شاءالله.

---------------------------------------
"الشقة
سارة:انا ليه ما شكيت .. النور مطفي معناهو حسن ما جا...
ييييييي و فرحت فرح و بقيت انط و انط زي الشافعهو اسيل تعاين لي مخلوعه. ..واي نسيت ارح اغير ليك سريع كده و انا امشي اغسل وشي ده عشان حسن ما يشك...
و غيرنا انا وبتي و لبسنا بيجاماتنا عادي و قاعدين نحضر مسلسل و بعد 13دقيقه كده او ربع ساعه الباب دق"
سارة:منو...
حسن،:حسن يا سارة
سارة:غريبه مفتاحك وين؟
حسن :نسيتو في البيت...كيفكم و انا اسف ياخ عشان قبيل كوركت فيك...
سارة :لا،لاو لا يهمك نسيت من قبيل...اخت ليك اكل؟
حسن :جبت معاي عشاا. ...اها الحصل معاكم شنو؟
"من سالني السؤال ده عرفت انو خالد كلمو و خلاص بقيت اعرف حركات حسن و انت يا خالد كان واقع من السما انا دافراك .. جنك فتن اصبر لي بس"
سارة:طلعنا بعدك بكم دقيقة...جاتني لمو قالت نمشي بيبي هابي تشتري لولد اخوها هدايا و اشترت لي اسيل معاها ورجعنا طوالي....اسفه ما كلمتك"
حسن :لا لا ما مشكله...تغيير جو برضوو...
"و هدت الامور و قعدنا نتعشي بمزااااااج و فجاه
عمار يتصل......."


#يتبع

زي فرح مااا ليهو اخر..شووق سنيييين لزول مسافر ✨💜💜

رغم الفجايع لا رجف
لا قال عوارضي ابت تخف

💜✨

يااﺍﺍﺍ ﺿﺤﻜﺘﺎ ﻭﻳﺎ ﺳﺮﺣﺘﻲ ..
ﻭﻳﺎ ﻗﻬﻮﺗﺎ ﻭﻳﺎ ﺷﻬﻘﺔ ﺍﻟﻨﻔﺲ ﺍﻟﻤﺬﺍﻕ ..💜

ما لم يذق قلبك طعم الحب الحقيقي، أنت في منعطف خطر، فأحذر، واحذر كذلك على مصير حياتك.

الناس الذين يحبون قلة، والغالبية حبهم خافت، يعني إما ان يكون حباً حقيقياً، أو يكون مجرد صدى لحب آخرين، أي حباً متكلفاً، ليس حباً صادقاً.

إن استطاع الإنسان أن يحب من أعماق قلبه، بصدق، ولا يحبس منه شيئاً على الإطلاق، في تلك اللحظة الحقيقية يمكن أن يحدث شيء ما عظيم، لأن الحب متى ما كان حقيقياً، يصبح القلب في صفاء ونقاء تام، وعندما يصبح القلب في صفاء ونقاء تام، يكون الإنسان في هذه الحالة متخل عن أناه، وعندما يتخلى الإنسان عن الأنا، فإنه يدخل في مرحلة سعيدة للغاية، مرحلة أرفع درجة تفوق مرحلة السعادة قليلاً، مرحلة ملائكية، تسمى هذه المرحلة مرحلة البهجة.

يوجد هنالك عدة طرق لنكون خالين من الأنا، لكن أجمل هذه الطرق هي أن تكون محباً، المحبة لا تحتاج إلى موهبة، فالأطفال عندما يحبون، فإنهم يحبون بصدق، لكن عندما يكبرون، تصبح محبتهم منكفئة، يبدؤون بحبسها، لأنهم يفكرون!، هل يحبون أم لا؟ هل الوضع مناسب للحب أم تحتاج المسألة للمزيد من التحوط والتفكير؟، الأطفال عندما يحبون، فإنهم يحبون مباشرة، لا يترددون، لذا تجدهم في بهجة مستمرة، حتى عندما يستيقظون من النوم، لكن مجرد ما يزداد التفكير، يبدأ التردد في اتخاذ الاجراء المناسب؛ ويبدأ العقل يقول؛ هل يحتاج الأمر إلى الحب أم لا؟، وكيف أحب؟!.

الحياة تأخذ طعماً جديداً عندما تعيشها بحب، ان طعمه لذيذ، انه بطعم البهجة.

#من_قلبي_سعد ❤️

وياا صاحبي .. أنا بوعدك ..
ازرع مساحاتك فرح .. أملاك سماح ..
وانا أبقي ليك الضحكة في زمنآ عبوس !!🌾💙

- علّموا أولادكم الرماية والسباحة وركوب الخيل مافي اي قرايه في الموضوع☻💔

الخِذلاَن هُو أَن يَكسرك الشَّخص الّذي قَضيت وقتَك محاولاً ترمِيمَه !

‏" لن يفهمك إلا إثنان
أحدهم مر في حالتك والأخر يحبك جداً .. "

‏ما جدوى لسانك وهو لا ينطق رأيك، وقدميك وهي لا تحملانك لمن تُحب، ما جدوى الأيام وهي تمضيك ولست أنت من يمضيها، ما جدوى كُل شيء لم تختره.💕

‏مرحبًا: "إذا انتهى الكلام بيني وبينك.. وتقطعت سُبل الوصال وافترقنا وعُدنا غرباء، تعرّف عليّ مجددًا🥀"

لا شيءَ عندي قد يُقالُ لننتهي
‏لا شيءَ عندي أفتديهِ لأُرجعَك
‏لا شيءَ عندي كي أدثّرَ وحدتي
‏إلا زيارةَ مَنْ عرفْتَ وموضعَك
‏خذني إليكَ.. وإنْ نويتَ فراقنا
‏خذني نديماً في الطريق أودّعك
‏خذني ولو ذكرىً جِواركَ تصطلي
‏وإذا نويتَ فراقنا؛ خذني معك..!

‏لن أقول بأني اعتدتك لأن الاعتياد لا يعني دائمًا الحب ولا يعني التملك ولا التفكير فيك بشكلٍ مضاعف لذلك فإنا أحبُّك وإنّي أريدك لي حياةً أخرى حياةً تقربك مني حياةً تجعل يديك قريبة من قلبي قبل يدي , قريبة جدًا و جدًا مني لـ ألجأ اليكٍ كلما أنهكني العيش هنا وكلَّما نفذ صبري .

و الروح تشتهي مكة 💙✨

‏بلاغة العرب

دعى إعرابي في جوف الليل فقال :
اللهم إني أسألك امرأة عيطموساً عيطبولاً
عيطاء شمغمغاً وأعوذ بك من الصهصاهة
الصهصلق الهلوف المضعضعة ..

*الشرح*

أسألك تعني : أطلبك
امرأة تعني : زوجة
إعرابي : هو الرجل الذي يسكن البادية

والباقي ماف داعي اشرحو اعتقد واضح

‏"حين لاتحب المكان استبدله، حين يؤذيك الاشخاص غادرهم، حين تحبط أقرأ بشغف، المهم في الحياة ألا تقف متفرجًا !

‏رسالة صباحية :
اللهم إني اسالك راحة تغنينا عن كل شيء💙