اول ليلة ... اللهم و فقنا لصيامه و قيامه على الوجه الذي يرضيك عنا ..

لهذا المساء غرُوب أنيق .. خلفهُ ضيف عزيز،، طال إنتظاره....... ♥ رمضان جسرٌ مُمهد إلى الجنة هنيئاً لمن أرتقى هذا الجسر بـ روحه .. ...مبارك عليكم الشهر وجعلني الله واياكم من صوامه و قوامه وعتقائه من النار....❤

الناس أجناس ♫♥
في ناس لا لانت يوم لا رقت وناس دمعاتا ولا بتجف
وناس دغرية ودربها واضح وناس شغالة تدور وتلف
وناس لاعبين بالفقرا طواقي تلببس في الريسين بالصف
وناس تتحاشى لقاك بالصدفة وناس أشواقا تلفك لف
وناس بتساهر شان ماتنجح وناس بتباصي عشان بتشف
و ناس بتقدس معنى المبدأ وناس مابتعرف حتى العرف
وناس بتفتش حق أخونا وناس لي حق اخوانا تسف
وناس ما نامت شان مظلومة وناس تظلم دون عينا ترف
وناس تحترم الشيخ و الوالد وناس تستهون قولة الأف
وناس بين كاس و إنداية ونشوى وناس بين حضرة ونوبة ودف
وناس بتموت شان ما تتذلا وما تنداس في يوم بالخف
وناس بتبوس كف الآذيها وتدعي عليو بي قطع الكف
و أصلو الناس أجناس تتباين وكلو جنس جاب ليهو وصف
وانت اختار الجنس الداير تبقى معاو في يوم الصف
#وئام_كمال

بسـاطتنـا.. ☺
نسعي للطرح والتنوع ودفء القلم والابداااااع😉
https://telegram.me/wadMadnitv

و أنا مالي و مال عيد ميلادن ،،
إن نقروا الدلوكة أولادن ،،
أنا بنزل حتي و متعكز ،،
و أنزل أدرّق و أصقر في الدارات ،،
و أمسك صوتي المدهون قطران واركز واندق ..
شان السمحات ما يقولن ضيفنا قريزن ساكت ،،
و أنا زولاً معرووووووووووف خراب حفلات ..

وقت نقعد ونتذكر
برش يمه وسرير الحاج
وبنبر امي جنب الباب
وفرشه الصلاية نص البيت
وريحة الجبنة في بيتنا
وبخور ايامنا زي العيد
ضحك يابا وهرج يمة ☺️
وضحكات اخواتي من جوة
حليلو زمان
حليل زمنا بلم الناس

وقت نقعد ونتذكر
برش يمه وسرير الحاج
وبنبر امي جنب الباب
وفرشه الصلاية نص البيت
وريحة الجبنة في بيتنا
وبخور ايامنا زي العيد
ضحك يابا وهرج يمة ☺️
وضحكات اخواتي من جوة
حليلو زمان
حليل زمنا بلم الناس

اقرأ كتاب الله ترقى جنانه .. و تنل عظيم الأجر و الغفران

ﺷﻴﻞ ﺻﻴﻨﻴﺘﻚ ﻭﺍﻣﺮﻕ ﺑﺮﺓ
ﻭﺍﻓﻀﻞ ﻟﻤﺔ ﻣﻊ ﺍﻟﺠﻴﺮﺍﻥ
ﻛﺐ ﻣﻦ ﺟﻜﻚ ﻭﺍﺩﻱ ﺍﻟﺠﻨﺒﻚ
ﻭﺯﺡ ﻟﻠﺠﺎﻱ ﺍﻓﺘﺤﻠﻮ ﻣﻜﺎﻥ
ﺧﻠﻴﻬﻮ ﻳﻀﻮﻕ ﻣﻦ ﺍﺣﻠﻲ ﻋﺼﻴﺪﺓ
ﻭﻋﺠﻮﺓ ﻃﺮﻳﺔ ﻣﻊ ﺍﻵﺫﺍﻥ
ﺣﻠﻮﻣﺮ ﻣﻌﻴﻮﺱ ﻗﺒﺎﻝ ﻳﻮﻣﻴﻦ
ﻭﺑﻠﻴﻠﺔ ﻟﻮﺑﻴﺎ ﻭﻧﻀﻢ ﻋﺜﻤﺎﻥ
ﺭﻣﻀﺎﻥ ﻳﺎ ﺣﻠﻴﻠﻮ ﺷﻦ ﻓﻀﻠﻮ ؟ !
ﻏﻴﺮ 20 ﻭﺗﺴﻌﺔ ﻛﻤﺎﻥ
ﺍﻟﺸﺎﻱ ﻭﺍﻟﺠﺒﻨﺔ ﺗﺮﺍﻣﺲ ﺭﺍﻗﺪﺓ
ﻟﻠﺮﺍﻣﻴﻬﻮ ﺍﻟﻜﻴﻒ ﺧﺮﻣﺎﻥ
ﻭﺍﻻﺗﻤﺪﺩ ﻓﻮﻕ ﻣﺼﻼﻳﺔ
ﻛﺘﺮ ﺷﺮﺏ ﺍﻟﻤﻮﻳﺔ ﺟﻌﺎﻥ
ﻳﺎﺭﺏ ﻛﻞ ﻋﺎﻡ ﺗﺎﻣﻴﻦ ﻻﻣﻴﻦ
ﻭﺍﻟﻌﻔﻮ ﻭﺍﻟﻌﺎﻓﻴﺔ ﻭﺍﺑﻘﻮﺍ ﺣﻨﺎﻥ.

جامعنا نورناهُ شارعنا زيناهُ
يا غالي هلالك هل وكنا بنستناهُ ..💜
يجمعنا من تاني
بين اهلنا الطيبين وحنان..
رمضانا سوداني ..
سودانا يحلى في رمضان..❤️

تصوموا وتفطروا علي خير ..💜

يقول الإمام الشافعي رحمه الله: "كلما تعلقت بـ شخص تعلقاً أذاقكْ الله مرّ التعلق،لتعلم أن الله يغار على قلب تعلق بغيره، فيصدٌك عن ذاك لـ يرٌدك إليه"

تقبل الله 💙 ..

❤️🌹
فارشين الريد بروش
وبراح قدام الحوش
مادين ايدينا موياتنا تروي العطشان..
يجمعنا من تاني
بين اهلنا الطيبين وحنان ..❤️
رمضانا سوداني ..
سودانا يحلى في رمضان..💜

قالت له : دايره خدامه لي رمضان
مابقدر علي غسيل العده براي
قاليها اجيبها مرأة عديل بي كتاب الله وسنه رسوله عشان تساعدك
قالت ليو : هي بهظر
ياهو جك البليله وصحن العصير دا براي بعرسن

😂😂😂😂😂

ﺍﻟﺪﻧﻴﺎ ﺭﺍﻛﻮﺑﻪ ﻣﻘﻴﻞ *
*ﺍﻭﻋﻚ ﻳﻐﺸﻚ ﺿﻠﻬﺎ *
*ﻣﺎﺗﻨﻮﻡ ﻭﺗﺤﻠﻢ ﻳﺎﺟﻤﻴﻞ *
*ﺑﺎﻛﺮ ﺗﻔﻮﺗﻚ ﻛﻠﻬﺎ *
*ﻧﻔﺴﻚ ﺍﺫﺍ ﺩﻋﺘﻚ ﺗﺠﻮﺭ *
* ﺍﺯﺟﺮﻫﺎ ﻧﻔﺴﻚ ﻭﺫﻟﻬﺎ *
* ﺍﻟﺰﻡ ﺣﺪﻭﺩﻙ ﻭﻣﻨﻬﺠﻚ *
*ﻭﺍﻟﻔﺎﺭﻏﻪ ﺳﻴﺒﺎ ﻭﺧﻠﻬﺎ *
* ﻣﺎﺗﺸﺎﺑﻲ ﻟﻠﻤﺎ ﺑﺘﻠﺤﻖ *
* ﻭﺍﻟﻤﺎﻫﺎ ﻟﻴﻚ ﻣﺎ ﺗﻌﺪﻫﺎ *
*ﻋﻠﻲ ﻗﺪﺭ ﻓﺮﺷﻚ ﻭﺍﻟﺴﺮﻳﺮ *
*ﺭﺟﻠﻴﻚ ﻳﺎﺯﻭﻝ ﻣﺪﻫﺎ *
*ﻭﺍﻟﻤﺎﺑﺘﺨﺼﻚ ﻭﻣﺎ ﺑﺘﻔﻴﺪ *
*ﻻﺗﻮﺩﻱ ﺩﺭﺑﻚ ﻋﻨﺪﻫﺎ *
*ﺍﻣﺴﻚ ﻟﺴﺎﻧﻚ ﻻ ﺗﺒﻮﺡ *
* ﻭﻋﻴﻨﻴﻚ ﻣﻦ ﺷﺮ ﺻﺪﻫﺎ *
*ﻭﺍﻟﻤﺎﺑﺘﺮﻳﺪﻙ ﻣﺎ ﺗﻘﻮﻝ *
* ﺑﺎﻟﻘﻮﺓ ﺗﺎﺧﺪ ﻭﺩﻫﺎ *
* ﻭﺍﺿﻨﻴﻚ ﻣﻦ ﻗﻮﻝ ﻗﻠﻨﺎ *
* ﺑﻲ ﻃﻴﻨﻪ ﺍﻗﻔﻞ ﺳﺪﻫﺎ *
* ﺧﻠﻴﻬﻮ ﺯﺍﺩﻙ ﺩﻳﻦ ﻧﺒﻴﻚ *
* ﺍﻛﺮﺏ ﺣﺒﺎﻟﻚ ﻭﺷﺪﻫﺎ

‏- الأشيَاء المُستودعَة لِرب العبَاد لا تَضيع ابداً

فيارب إنِي استودعُكَ كُل شَيء يُحبهُ قلبي❤

#A_Q

عندما تگون گتاباتك گلها عبارة عن حب و اشواق ف اعلم يا عزيزي انک انسان مباري الفارغة، الحياة اگبر من الخارم بارم دا ي أسلي .

#طفله

ﺟﺒﺎﺭﻩ ﺷﺎﻓﻊ ﺳﻠﻴﻂ ﻓﻲ ﺳﺎﺩﺱ ﺃﺳﺎﺱ 😂😂
ﻗﺎﻟﻮ ﻟﻴﻬﻮ ﺃﻛﺘﺐ ﻣﻮﺿﻮﻉ ﺃﻧﺸﺎﺀ ﻋﻦ ﺷﻬﺮ ﺭﻣﻀﺎﻥ... ﺟﺎﺏ ﺍﻟﻜﺮﺍﺱ ﻭﺗﻨﺎﻫﻮ ﻭﺭﻗﺪ ﻋﻠﻲ ﺑﻄﻨﻮ ﻓﻲ ﻧﺺ ﺍﻟﻌﻨﻘﺮﻳﺐ ﺭﺍﻓﻊ ﺭﺍﺳﻮ ﻭﺭﺍﻓﻊﺍﻟﻜ ﺮﻳﻌﺎﺕ ﻭﻣﺎﺳﻚ ﺍﻟﻘﻠﻢ ﺑﺎﻟﻠﻴﺪ ﺍﻟﺸﻤﺎﻝ ﺃﺷﻮﻟﻨﺠﻲ ﺫﻱ ﺟﺪﻭ ﻭﺑﺪﺍ ﻳﻜﺘﺐ :- ﺭﻣﻀﺎﻥﺷﻬﺮﺍﻟﺼﻮﻡ .. ﻻ ﺃﻛﻞ ﻻﺷﺮﺍﺏ ... ﻓﻲ ﺭﻣﻀﺎﻥ ﻧﺸﺮﺏ ﺍﻟﺤﻠﻮ ﻣﺮ ﻭﺃﺑﻮﻱ ﻭﺃﻣﻲ ﻳﺪﺳﻮ ﻣﻨﻨﺎ ﺍﻟﺮﻗﺎﻕ ﻋﺸﺎﻥ ﻳﺘﺴﺤﺮﻭ ﺑﻴﻬﻮﺍ ﻟﻜﻦ ﺧﺎﺑﺮ ﻗﺎﻋﺪﻳﻦ ﻳﺪﺳﻮﻫ ﻮﻭﻳﻦ? ﻭﻛﻞ ﻣﺮﻩﺃﻣﺸﻲ ﺃﺧﺪ ﻟﻲ ﻣﻨﻮ ﻟﻘﻴﻤﺔ ...
😂😂😂
ﻓﻲ ﺭﻣﻀﺎﻥ ﻳﺠﻴﻨﺎ ﺧﺎﻟﻲ ﺍﻟﺰﻳﻦ ﺍﻟﻌﺎﻣﻞ ﻓﻴﻬﺎ ﺻﺎﻳﻢ 😒 ﻭﻳﺄﻛﻞ ﻋﻨﺪﻧﺎ .. ﻭﺍﻟﻤﻐﺮﺏ ﻳﻤﺮﻕ ﻣﻊ ﺍﻟﺮﺟﺎﻝ ﻓﻲﺍﻟﺒﺮﺵ ﻭﻳﺴﺘﻨﻲ ﺃﺫﺍﻥ ﺍﻟﻤﻐﺮﺏ ﻭﻳﻘﻮﻝ ﻣﻌﺎﻫﻢ " ﺍﻟﻠﻬﻢ ﺗﻘﺒﻞﺻﻴﺎﻣﻨﺎ ﻭﻗﻴﺎﻣﻨﺎ " ﻭﻟﻤﺎ ﺃﻧﺎ ﺃﻋﺎﻳﻦ ﻟﻴﻬﻮ ﻭﺃﺿﺤﻚ ﻳﺼﺮ ﻟﻲ 😒...
ﻓﻲ ﺭﻣﻀﺎﻥ ﺗﺠﻴﻨﺎ ﺣﺒﻮﺑﺘﻲ ﺯﻳﻨﺐ ﺃﻡ ﺃﻣﻲ ﻣﻦ ﺍﻟﺒﻠﺪ ﻗﺎﻟﺖ ﻋﺸﺎﻥ ﺗﺼﻮﻡ ﻣﻌﺎﻧﺎ ﺭﻣﻀﺎﻥ .. ﻗﺎﻟﺖ ﻋﻨﺪﻫﺎ ﺳﻜﺮﻱ.. ﺗﻘﻌﺪ ﺍﻟﻨﻬﺎﺭ ﻛﻠﻮ ﺗﺄﻛﻞ ﻭﺗﺸﺮﺏ ﻭﺗِﺘَّﻠﺤﻨﻲ ﺑﺎﻟﻤﺮﺍﺳﻴﻞ ... ﻭﺍﻟﻤﻐﺮﺏ ﺗﺸﺮﺏ ﺟﺮﺩﻝﺍﻟﺤﻠﻮ ﻣﺮ ﺟﺠﺠﺠﺖ😒 ﻭﻛﻞ ﻳﻮﻡ ﺗﻘﻮﻝ ﻷﻣﻲ "ﺑﺮﻱ .... ﺳﻜﺮﻭ ﻣﺴﻴﻴﻴﻴﺦ "😕
ﻓﻲ ﺭﻣﻀﺎﻥ ﻳﺠﻲ ﺃﺑﻮﻱ ﻣﻦﺍﻟﺸﻐﻞ ﺯﻫﺠﺎﺍﺍﺍﺍﺍﺍﻥ ﻭﻟﻤﺎ ﺃﻗﻴﻒ ﺟﻨﺐ ﺭﺍﺳﻮﻭﺍﻗﻮﻟﻮ ﻳﺎﺑﺎ ﺃﺩﻳﻨﻲ ﺟﻨﻴﺔ .. ﻳﺠﺪﻋﻨﻲ ﺑﻲ ﻓﺮﺩﺓ ﺍﻟﻨﻌﺎﻝ ﻭﻳﻘﻮﻝ ﻟﻲ ﺍﻟﺠﻦ ﺍﻟﻴﺮﻛﺒﻚ 😢...
ﻭﻓﻲ ﺭﻣﻀﺎﻥ ﺍﻟﺴﺎﻋﺔ ﺗﻼﺗﺔ ﺃﺑﻮﻱ ﻳﺮﻗﺪ ﺷﻮﻳﺔ ﻭﻳﺼﺤﻰ ﺗﻼﺗﺔ ﻭﺭﺑﻊ ﻭﻳﺴﺄﻟﻨﻲ ﺍﻟﺴﺎﻋﺔ ﻛﻢ؟ﺍﻗﻮﻝ ﻟﻴﻬﻮ ﺍﻟﺴﺎﻋﺔ ﺧﻤﺲ ﻭﺭﺑﻊ ... ﻭﻋﺸﺎﻥ ﻳﺘﺄﻛﺪ ﻳﺴﺄﻝ ﺃﺧﺘﻲ ﻋﺰﻳﺰﺓ ﺍﻟﺴﺎﻋﺔ ﻛﻢ؟ﺗﻘﻮﻝ ﻟﻴﻬﻮ ﺗﻼﺗﺔ ﻭﺭﺑﻊ ﻳﻘﻮﻡ ﻳﺴﻜﻨﻲ ﺑﺎﻟﺤﻮﺵﺑﺮﻃﻊ ﺑﺮﻃﻊ
😂😂😂
. ﻓﻲ ﺭﻣﻀﺎﻥ ﺃﻗﻌﺪ ﺟﻨﺐ ﺃﻣﻲ ﻓﻲ ﺍﻟﺘﻜﻞ ﻋﺸﺎﻥ ﺗﻀﻮﻗﻨﻲﺍﻟﻤﻠﺤﺎﺕ ﻭﺍﻟﻤﻮﻳﺎﺕ ﻭﺗﺴﻌﻠﻨﻲ ﺳﻤﺢ? ﻭﺃﻗﻮﻝ ﻛﺪﻱ ﺃﺿﻮﻕ ﺗﺎﻧﻲ .. ﻭﺃﺿﻮﻕ ﺗﺎﻧﻲ ﻭﺃﺿﻮﻕ ﺗﺎﻟﺖ ﺣﺘﻴﻦ ﺃﻗﻮﻝ ﻟﻬﺎ ﺳﻤﺢ ﻭﻻ ﻛﻌﺐ
😂😂😂😍
ﻓﻲ ﺭﻣﻀﺎﻥ ﺃﻭﻝ ﻳﻮﻡ ﻓﻲ ﺍﻟﺒﺮﺵ ﻓﻲﺍﻟﺸﺎﺭﻉ ﺑﻌﺪ ﺍﻟﻔﻄﻮﺭ ﻳﻘﻌﺪﻭ ﻳﺘﻮﻧﺴﻮ ﺍﻟﺮﺟﺎﻝ ﻭﻋﻢ ﻋﻠﻲ ﻳﻘﻮﻟﻬﻢ ﺧﻼﺍﺍﺍﺍﺱ ﻣﺮﻗﻨﺎ ﺑﺎﻗﻴﻠﻨﺎ ﺗﺴﻌﺔ ﻭﻋﺸﺮﻳﻦ ﻳﻮﻡ ﻭﻳﻘﻌﺪﻭ ﻳﺘﻐﺎﻟﻄﻮ ﻓﻲﺍﻟﻬﻼﻝ ﺩﺍ ﻫﻼﻝ ﻳﻮﻡ ﻭﻟّﺎ ﻫﻼﻝ ﻳﻮﻣﻴﻦ؟
😒😒😒
ﻓﻲ ﺭﻣﻀﺎﻥ ﺑﻌﺪ ﺍﻟﻤﻐﺮﺏ ﻗﺒﻞ ﻣﺎ ﻧﺎﻛﻞ ﺳﻤﺢ ﻳﻘﻮﻡ ﺣﺎﺝ ﻋﺒﺪﺍﻟﻠﻪ ﻳﻘﻮﻝ ﻗﻮﻣﻮ ﻧﺼﻠﻲ .
😤😤😤
ﻓﻲ ﺭﻣﻀﺎﻥ ﺃﻣﻲ ﻛﻞ ﻳﻮﻡ ﻣﺤﺮﻗﺔ ﺑﺼﻠﺔ ﺍﻟﻤﻼﺡ ﺗﺸﺪ ﺍﻟﺤﻠﺔ ﻭﺗﺠﻲ ﺗﻘﻬﻲ ﻭﺗﺴﺮﺡ ﻓﻲﺍﻟﻤﺴﻠﺴﻼﺕ ﻭﺃﺑﻮﻱ ﻳﻬﺮﺝ ﻭﻳﻜﻮﺭﻙ ﻓﻴﻬﺎ
😂😂😂
ﻓﻲ ﺭﻣﻀﺎﻥ ﺑﻌﺪ ﺍﻟﻤﻐﺮﺏ ﺣﺒﻮﺑﺘﻲ ﺍﻟﻤﺎ ﺻﺎﻳﻤﺔ ﺩﻳﻚ ﺗﺮﻗﺪ ﻓﻮﻕ ﻋﻨﻘﺮﻳﺒﻲ ﺍﻟﻤﻘﺎﺑﻞ ﺍﻟﺘﻠﻔﺰﻳﻮﻥ ﻭﺗﺘﻔﺮﺝ ﻓﻲ ﺃﻏﺎﻧﻲﻭﺃﻏﺎﻧﻲ ﺗﻠﻘﺎﻧﻲ ﺭﺍﺍﺍﺍﻗﺪ ﺗﻨﻬﺮﻧﻲ ﻭﺗﻘﻮﻝ ﻟﻲ" ﻫﻮﻱ ﻗﻮﻡ ﺧﻠﻴﻨﻲ ﺃﺗﻤﺪﺍ ﺑﻌﺪ ﺍﻟﻴﻮﻡ ﺍﻟﺤﺎﺭ ﺩﺍ "
يحرحر ضروسك 😒😒
ﻓﻲ ﺭﻣﻀﺎﻥ ﺃﺑﻮﻱ ﻛﻞ ﻳﻮﻡ ﺑﻌﺪﺍﻟﻤﻐﺮﺏ ﻳﺨﺖ ﺍﻟﺴﻔﺔ ﻭﻳﻨﻮﻡ ﺑﻴﻬﺎ ﻭﻛﻞ ﻳﻮﻡ ﺑﺎﻟﻌﺎ .
😀😂😂😂
ﻓﻲ ﺭﻣﻀﺎﻥ ﻓﻲ ﺍﻟﺒﺮﺵ ﺃﺧﻠﻲﺍﻟﻔﻴﻬﺎ ﺃﻛﻠﻨﺎ ﻭﺃﻣﺸﻲ ﺃﻗﻌﺪ ﺟﻨﺐ ﺻﻴﻨﻴﺔ ﻧﺎﺱ ﻋﻤﺎﺩ ﻋﺸﺎﻥ ﺃﻛﻠﻬﻢ ﺳﻤﺢ ﺃﺳﻤﺢ ﻣﻦﺃﻛﻠﻨﺎ
😆😆😆😏
ﻓﻲ ﺭﻣﻀﺎﻥ ﺃﺷﻮﻑ ﺃﺑﻮ ﻧﺎﺱ ﻋﻤﺎﺩﻛﻞ ﻳﻮﻡ ﻳﺠﻴﺐ ﺑﺘﻴﺨﺔ ﻟﻜﻦ ﻣﺎﺑﻴﺠﻴﺒﻮﻫﺎ ﺍﻟﺒﺮﺵﻓﻲ ﺍﻟﺸﺎﺭﻉ ﺍﺳﺄﻝ ﻋﻤﺎﺩ ﻣﻨﻬﺎ ﻳﻘﻮﻝ ﻟﻲ ﻃﻠﻌﺖ ﻣﺴﻴﻴﻴﻴﺨﺔ ﻭﻛﻌﺒﺔ ..!!!😂😂😂😂😂😂..ﺍﻟﻠﻬﻢ ﺑﻠﻐﻨﺎ ﺭﻣﻀﺎﻥ ونقوووول رمضاان كريييـم 💖💖