አፄ ዳዊት ሳልሳዊና በአለም የመጀመሪያው ሕዝባዊ አገዛዝ

በጎንደር ዘመን የነበሩት አጼ ዳዊት ሰው የደከመበትን ወስዶ መብላት እግዚአብሔር አይወደውም ብለው ያምኑ ነበር። ንጉሱ በአስራና በቀረጥ የሚሰበሰበውን ገንዘብና ንብረት ለመንግስት ስራ ብቻ እንዲውል አዘዉ የራሳቸውን ወጪ የሚሸፍኑት ግን በጃቸው ሰሌን ሰርተው በሱ ሽያጭ በሚገኘው ገንዘብ ነበር። ንጉሱ ለህዝብ ምሳሌ ለመሆን ከህዝብ የተሰበሰበው ገንዘብ ውስጥ ለራሳቸው ለግል ወጪ አለመውሰዳቸውን እንዲቲወቅ አደረጉ። በተጨማሪም ንጉሱ ገቢያቸው ከማንም ገበሬ ጋር አብረው ሰንበቴ ተካፋይ ነበሩ።
ወገኖቼ እንዲህ አይነት መሪዎችም ነበሩን።
የአጼ ዳዊት ሳልሳዊን ነፍስ ይማርልን


🇪🇹🇪🇹#ኢትዮጵያ_ለዘላለም_ትኑር!!🇪🇹🇪🇹
            🦁🦁🦁🦁🦁🦁🦁🦁
@weEthiopian  @Abyssinian47  @Ethiopian93

አፄ ኃይለሥላሴ ከነበራቸው መልካም ስራዎች መካከል ለትምህርት ዘርፍ የሰጡት አትኩሮት በእጅጉ ያስመሰግናቸዋል። ብዙ ትምህርት ቤቶች አሳንፀዋል፣ መምሕሮችን ከውጪ አስመጥተው ተማሪዎች እንዲማሩ አድርገዋል፣ ተማሪዎችን ወደ ውጭ በመላክ ዘመናዊ ትምህርት እንዲቀስሙ አስችለዋል።

እንዳውም በአንድ ወቅት ተማሪዎች ውጪ ልከው አስተምረው ከተመለሱ በኋላ የሰጧቸው መልዕክት እንዲህ ይነበባል:-

"አሁን ተምራችሁ ስለመጣችሁበት ጉዳይ የምንጠይቃችሁ እኛ ብቻ አይደለንም፤ ሀገራችሁም ትጠብቃችኋለች። እንደምንመኘው፤ የሚያስፈልገውን ያህል በቂ ተማሪ ገና አልተገኘም። አሁን እናንተ በተናገራችሁት ቃል ሀገርን ለማገልገል እምነትም፤ መሥራትም፤ መትጋትም የሚያስፈልገው መሆኑን ገልፃችሁታል። ለሀገራችሁ ስታገለግሉ ለኛ የሚተርፈን ደስታው ነው እንጂ የሚጠቅመው መላው የሀገራችን ሕዝብ ነውና በተማራችሁበት በርትታችሁ ሥሩ ብለን ነው የምንመክራችሁ። ለተማራችሁበት ምስክሩ ሰርተፍኬቱ ብቻ አይደለም። ዋናው ምስክር ሊሆን የሚችለው ሥራችሁ ነውና በርትታችሁ ሥሩ፤ ያገራችን ታላቅነት የሕዝባችንም ብዛት በትምህርት የተቻለውን ያህል ካልተደገፈ በታሪክ ብቻ ሊጠቀም የማይችል መሆኑን በመገንዘብ ትምህርት ቤት እንዲስፋፋ ወደ አውሮፓ ሔዳችሁም እንድትማሩ ያደረግነው ስለዚህ ነው…"
•
አዲስ ዘመን "ከቤተ መንግስት የተገኘ ወሬ"፤ ነሐሴ 30 ቀን 1956 ዓ/ም
•
#ምንጭ:- "በዓሉ ግርማ ሕይወቱና ሥራዎቹ" በእንዳለጌታ ከበደ ገጽ-56

🇪🇹🇪🇹#ኢትዮጵያ_ለዘላለም_ትኑር!!🇪🇹🇪🇹
            🦁🦁🦁🦁🦁🦁🦁🦁
@weEthiopian  @Abyssinian47  @Ethiopian93

ደጃዝማች ዑመር ሰመተር ይባላሉ። ወልዋሎ ላይ ጋር ገጥመዋል 6 የጣልያን ሻለቆች ደምስሰዋል ጣልያን ከኢትዮጵያ ጋር ለመደራደር ካቀረቡት መደራደርያ አንዱ ዑመር ሰመተር እጃቸውን እንዲሰጡ ነበር እሳቸው ግን እንዲ አሏቸው "ከአገሬ አፈር ሚደባልቅ ቤልጂግ እና ጎራዴ እንጂ ጫት ተሸክሜ የምመጣ እንዳይመስልህ!" ብለው ለጣልያን መልሰውላቸዋል።
በስተመጨረሻም ይኚ ጀግና በስድስት ጥይት ተመተው ክፉኛ ለህክምና ውጪ ቢሄዱም ከዛ ተመልሰው ግን ለሀገራቸው ሊዋደቁ በተዘጋጁበት ጊዜ ቁስሉ አልሻል ብሏቸው በተወለዱ በ61 አመታቸው ሞተዋል።

ከኢትዮጵያ አልፈው ሌላ ሀገራት ከጭቆና ነፃ ለማውጣት የታገሉ ኢትዮጵያውያን ጀግኖች

ንጉሰ ነገስት ዘኢትዮጵያ ሀይለስላሴ-ታዋቂው የነፃነት ታጋይ ኔልሰን ማንዴላን አሰልጥነዋል ኮሪያ ድረስ ሰራዊታቸውን አዘምተዋል በተጨማሪም የአፈሪካን ህብረት መስርሀዋል

ሌ/ኮሎኔል መንግስቱ ሀይለማርያም-ታዋቂው የዙምባቡዌ ፕረዝዳንት ሮበርት ሙጋቤ ሀገሩ ከኢንጊሊዚ ነፃ እንድትወጣ ትልቅ አስተዋጽኦ አድርጓል

ቀኛዝማች አሰፋ ባህታ-ጣልያን ኢትዮጵያን ከመውሯ በፊት ጣልያን እንደወታደር ቀጥሯቸው ነበር ለዛም ሊብያ ድረስ ወሰደዋቸው የሊብያውያንን ጭቆና ሲያዩ 12 አመታት ሊብያ ከጣልያን ነፃ እንድትወጣ የታገሉ ጀግና ናቸው በስተመጨረሻም ሀገራቸው ኢትዮጵያ በጣልያን መወረሯን ሲሰሙ ከሊብያ በእግራቸው ኢትዮጵያ ድረስ መጥተው ብዙ ጀብድ የሰሩ ናቸው እንደውም በ2 መትረየስ ሁለት የጣልያን መትተው ጥለዋል።

ዛሬ ደምን ሞቅ ሚያደርግ ከጀግኖችም ጀግና ጣልያንን እና ግብፅን ስላንቀጠቀጠው ጀግና ጀነራል ዝናው ከባህርማዶ ድረስ ተሰምቶለት ገና ስሙ ሲነሳ ጠላት ሚያስጨንቀው በጦር ስልቱ በስለላ ስራው ተወዳዳሪ የሌለው የራሶች እራስ የቱርክ ፓሻ ጀነራል አሉላ አባነጋ (ወዲ ቁቢ) በጉራዕ ስለሠራው ጀብድ ቀንጨብ አድርጌ ልንገራቸሁ

ወዲ ቁቢ ሚለውን ስም የትግራይ መኳንቶች በቅናት የሰጧቸው ስም ነው አሉላ የገበሬ ልጅ ሆነው ከእነሱ በላይ ተፅናኖ ፈጣሪ በመሆናቸው የመኳንት ዘር ሳይናኖራየው በቅናት የተነሳ የራስ አርያ ድምፁ ልጅ ደበበ እነ በሀታ ሀጎስ እነ ደጃች ስብሃት ያወጡላቸው መጠሪያ ነው

ወቅቱ በአፄ ዮሀንስ ዘመነ መንግስት ነው ግብፅ ምፅዋን አልፋ የኢትዮጵያን ትናንሽ ቀበሌ በእንግሊዝ ደጋፊነት ያዙ ይህንን የሰሙት አፄ ዮሀንስ መኳንቶቻቸውን ሰበሰቡ እና በወቅቱ ጉዳይ መማከር ጀመሩ በወቅቱ ብዙ ተፅኖ ፈጣሪ ያልነበሩት እና የሊጋባነት መዓረግ ብቻ የነበራቸው አሉላ አባነጋ ነበሩ መኳንቶቹ በየተራ እየተነሱ ሀሳባቸውን ገለፁ ሁሉም በሚያስብል ሁኔታ ከሸዋ ከጎጃም ከጎንደር አብረውን እንዲዘምቱ እንላክባቸው ሚል ሀሳብ ተነሳ

ሀሳቡ ግን ለሊጋባ አሉላም ሆነ በዝብዝ ካሳ(አፄ ዮሀንስ ) አልተዋጠላቸውም አሉላ ተነሱ እና "የጠላት ጦር በራችን ደርሶ እያንኳኳ የምን የወንድ ያለ ማለት ነው አሁን እኛ ለዚች ምስር ጦር አንሰነው ቆይ ኋላስ አንልክም አንዘምትም ያሉ እንደሆነ ልንሸሽ ነው እኔ በበኩሌ ጌታዬን እከተላለሁ ከፈቀዱልኘኝም ቀድሜ ዘምታለሁ ጌታ ይፍቀዱሉኝ ይዘዙኝ እና ክንዶን ላሳያቸው"አሉ አሉላ በስሜት በወኔ እና በቁጭት ውስጥ ሆነው ሀገራቸው ስለተደፈረች ራስ አሉላም ቀጥለው ፉከራ ጀመሩ

" ተዚያ ተነስተው እዚ ቢደርሱ
የበዝብዝ አሽከር ይበቃል እሱ
ግብጥ ቢመጣ ሀገር አቋርጦ
ነገ ይመለሳል አፈሩን ግጦ
አገር ተደፍሮ ወገን ያለቅሳል
ያስቆጣል እንጂ መች ያስመክራል
ትግስቱ ይብቃህ ተነስ ዮሀንስ
በግብጥ ሰፈር ግባና ቀድስ
ከፍትህ ልቅደም እዘዘኝ ዛሬ
ላሳይህ ግብጡን አነባብሬ
ነገ ዕልል ትበል ትኩራ አገሬ
ንጉስ ማራኪ እስከነ ዘውዱ
የበዝብዝ አሽከር አሉላ ወንዱ" ይህን ብለው ከንጉሰ ነገስቱ ፊተሰ ተንበረኩ ንጉሱም ከመደሰታቸው ብዛት ከዙፋናቸው ተነስተው የተን በረከኩትን አሉና ግንባራቸውን ስመው ዲሞፍተር ሸለሟቸው ከዛም አፄ ዮሀንስ የልበን ነው የተናገርክልኝ ወደ ጉራዕ ትዘምታለክ እኔም ወዳደ ሸዋ ጎጃም እና ጎንደር መልክት ሰድጄ አከተልካለው አሉት

አሉላም ትዕዛዙን ተቀብሎ መሰናዳታት ጀመረ ሰላይ ልኮ የግብፅን አሰላለፍ አስጠና ከዛ አሉላ ጀግናው እንደፎከረው በመድፍ እና በዘመናዊ ጠመንጃ የታጠቀውን የግብፅ ጦር ከቦ ወቃው የግብፅን ምሽግ ወድያው ሰበረው የግብፅ ጦር አዛዝ ሀሰን ፓሻንም ማረከው ንጉሰ ነገስቱም የኢትዮጵያን ጦር ይዘው ምሽጉ ሲደርሱ አሉላ ወንዱ ምርኮኛ ቆጠራ ላይ ነው መድፍ እና ጠመንጃ ማርኮ ጠበቃቸው በዚህም የተነሳ የጉዕራው አንበሳ ተባለ አፄ ዮሀንስም የራሶች ራስ ብለው ከነበረው 2ሺህ ወታደር ላይ ጨመሩለት የወታደር ቁጥሩመሰ 10 ሺህ ገባለት በዚህም የተደሰተው የአካባቢው ሰው ለአሉላ ይህን ገጠሙለት

"ዕልል ትበል መረብ ጉንዳ ጉንዴ
በግብፅ አንገት ሲስቅ ያሉላ ጎራዴ
ያሉላ ጎራዴ ይቀላል ስለቱ
ሀሰን ፓሻን ማርኮ ሲያጠልቀው ባንገቱ
አሉላ ለጌታው ለዮሀንስ አልጋ
ድል በቀኙ ነበር በነጋ በነጋ "
ራስ አሉላ ጀብዱ እና ገድል በዚህ አያበቃም በሌላ ቀን ደሞ ስለኩፊት ዶጋሊ አድዋ እና ጉንደት ይዤ እመለሳለሁ::




🇪🇹🇪🇹#ኢትዮጵያ_ለዘላለም_ትኑር!!🇪🇹🇪🇹
🦁🦁🦁🦁🦁🦁🦁🦁
@weEthiopian @Abyssinian47 @Ethiopian93

በግራ በቀኝህ ጠላት መቶብሀል፣
በፊትም በኋላ ደመኛ ከቦሀል፣
በል ተነሣ ካሳ ባንተ ያምርብሀል፤
አሁንም ሙትልኝ ታጠቅ እንደገና፣
መቼም መች አይገድህ ሞት በጅህ ነውና።

ደጃዝማች ግርማቸው ተክለ ሐዋርያትም “ቴዎድሮስ” በተሰኘው ቲያትራቸው እንዲህ ቋጥረው ነበር. . .

ሱሪህ አረንጓዴ ጐራዴህ ባለ ወርቅ፣
በጣም አምሮብሃል አንተ ብቻ ታጠቅ፤
አባትና እናቱ ያላንድ አልወለዱ፣
አባ ታጠቅ ካሣ ያው አንዱ ያው አንዱ። (ያ ወንዱ)።

ከ153 አመት በፊት ሚያዝያ 7 ቀን ጠጣው ያዘና የመይሳው ካሳ አንድ ለእናቱ ሺህ ለጠላቱ ሚያዝያ 7 ቀን አረፈ ::

በዚህ አጋጣሚ ዘግይቼ ስለፃፍኩ ይቅርታ ጠይቃለሁ አልመቻች ብሎኝ ነው

🇪🇹🇪🇹#ኢትዮጵያ_ለዘላለም_ትኑር!!🇪🇹🇪🇹
🦁🦁🦁🦁🦁🦁🦁🦁
@weEthiopian @Abyssinian47 @Ethiopian93

ለመጀመርያ ጊዜ የኢትዮጵያን ህገ መንግስት የፃፉት ሰው እኚ ናቸው በጅሮንድ ተክለ ሀዋርያት ተክለማርያም።

ይሄ ሰው ቀንደኛ የኢትዮጵያ ጠላት የነበረ ሰው ነው።ስሙ ሙንዚንገር ይባላል ዜግነቱ ፈረንሳዊ ሲሆን ያገለግል የነበረው ግን ግብፅን ነው። ግብፅ ኢትዮጵያን እንድትወር በጣም የገፋፋ ሰው ነው የወረራውን ሙሉ ፕላኑን ያወጣ የኢትዮጵያን ፖለቲካ ጠንቅቆ የሚያውቅ ሰው ነበር። እና መጨረሻው ምን ሆነ ካላቹ ግብፅ ኢትዮጵያን ለመወረር ሙከራ ስታደርግ ይሄ ሰው 400 ዘመናዊ መሳርያ የታጠቀ የግብፅ ጦር እየመራ በአፋር አድርጎ ሲገባ ጀግናው የአፋር ገበሬ በደፈጣ ስልት እሱንም ሚመራውንም 400 የግብፅ ጦር ሙሉ በሙሉ ተደምስሰዋል።

እስቲ ፈገግ ምታስብል ነገር ልንገራቹ
ሚኒሊክ የውጪ አማካሪያቸውን ጠርተው እየሳቁ እንዲ ይሉታል
"አንድ ነገር ሰማሁ ይሄም ፍፁም ውሸት መሆኑን አውቅያለው።ይሄ የሰማሁት ነገር እኔን ትንሽ ያደርግና ከነቤተ መንግስቴ፡ ሌላው ቤት ሁለ፡ ሕዝቡ፡በቅሎና፡ ፈረሱ ሁሉ ሳይቀር እትንሽ ጥቁር ሣጥን ውስጥ ይጨምረናል አሉ። ይሄ ፈፅሞ የማይቻል ነው።እውነት ነው ካልክ እንዴት ይሆናል?" አሉት እሱም "እውነት ነው" ብሎ ቢላቸው ቢላቸው ግራ ለጋብተው "እንዴት ይሆናል? ደግሞ እዛች ሳጥን ውስጥ የሚጨምረን እየዘቀዘ ነው አሉ። አሁን እኔን ነው ከዚህ አንስቶ ራሴን ቁልቁል እግሬን ሽቅብ የሚያደርገኝ ነገር እንዴት ይኖራል?ኧራ እንደውም ሰው ሳያግዘው ነው እንዲ የሚያደርገው!"

ለካ ይሄ ሁሉ የተባለለት ካሜራ ነው

"የኢትዮጵያ ልጅ ሆይ ልብ አድርገህ ተመልከት! ኢትዮጵያ የተባለችው አንደኛ እናትህ ናት፣ ሁለተኛ ክብርክ ናት ፣ ሶስተኛ ሚስትህ ናት ፣ አራተኛ ልጅህ ናት ፣ አምስተኛ መቃብርክ ናት
እንግዲህ የእናት ፍቅር የዘውድ ክብር የሚስት ደግነት የልጅ ደስታ የመቃብር ከባቲነት እደዚህ መሆኑን አውቀህ ተነስ::"

አፄ ዮሀንስ ፬ኛ ጣልያን ሰሀጢ ላይ ወታደሩን አስፍሮ ኢትዮጵያን ሊወር ሲነሳ ደግሞቹ ደግማችሁ አንብቡት ኢትዮጵያ ማለት እቺ ናት!!

🇪🇹🇪🇹#ኢትዮጵያ_ለዘላለም_ትኑር!!🇪🇹🇪🇹
            🦁🦁🦁🦁🦁🦁🦁🦁
@weEthiopian  @Abyssinian47  @Ethiopian93

ጣልያን በላይ በጣም ሲያስቸግራቸው ልጁን ማርከዋት እጅ ስጥ አለበለዝያ እንገደድላታለን ብሎ ቢጠይቀውም በላይ "ግደልዋት እንጂ እጅ አልሰጥም" አይነት መልስ መለሰላቸው። ልጁም ተገደለች። ይሄ ሁሉ ለአንዲት ኢትዮጵያ ሲባል ነው!

ባህላዊ ህክምና ለሆድ ቁርጥማት ሚገርም ነው

ራስ አሉላን ምን ያህል ጣለያኖች ይፈሩት እና ያጠሉት እንደ ነበር መቼም መገመት አይከብድም እና ይህንን ሊያሳይ የሚችል ኒው-ዮርክ ታይምስ በጋዜጣ ያወጣውን ከላይ ከለጠፍኩት ፎቶ ላይ ተመልከቱት ጋዜጣው የአሜሪካ ነው እና ከጣልያን ነው ያገኘው ዘገባውን ታድያ ያጠሬ ሰው አዝኖ ይህን ለ ራስ አሉላ ገጠሙለት

"እነዚህ ጣልያኖች እጅግ ተደሰቱ
የአሉላ ጎራዴ ሲበርድ ስለቱ
በሮማ አደባባይ መድፍ ተተኮሰ
ምፅዋ ተሰምቶ መድፍ ተተኮሰ
አስመራም ሲሰማ መድፍ ተተኮሰ
የተድአሊ ደሙን ብድሩን መለሰ
አድዋ ያረረው አንጀቱን አራሰ
አሉላ አባነጋ ክንዱን ተንተራሰ"

🇪🇹🇪🇹#ኢትዮጵያ_ለዘላለም_ትኑር!!🇪🇹🇪🇹
            🦁🦁🦁🦁🦁🦁🦁🦁
@weEthiopian  @Abyssinian47  @Ethiopian93

ለኤርትራ ነፃነት የመጀመርያው ጥይት ተኳሽ ሀሚድ እድሪስ ዓወቴ።
ይህ ሰው የመጀመርያውን የነፃነት ድርጅት የመሰረተው ግብፅ ውስጥ ሲሆን ኢትዮጵያ በጣልያን ቅኝ ግዛት እንድትወድቅ በጣም የጣረ ሰው ነው።

ፊታዉራሪ ገበየሁ

የአድዋ ሥላሴ ጣሊያን አረከሰው
ገበየሁ በሞቴ ግባና ቀድሰው

ይህ የተባለለት የአድዋ ጀግና ኢትዮጵያ ድልን ማግኘቷ የእሱ መስዋትነት ትልቅ አስተዋፃ አለው ምን አልባትም ገበየሁ ባይኖር የሚኒሊክ ጦር አድዋ ጦርነትን እንደማሸንፍ ይናገራሉ

ገበየሁም ለኢትዮጵያ የነበረው ፍቅር ወደሞት የጋለበ ጀግና ሀገሩን ለማኩራት ደረቱን ለጥይት የሰጠ ጀግና ነው ከመሞቱ በፊትም ወደሞት ዘሎ እየገባ መሆኑን ስላወቀ "ከኋላ ተመትቼ ከሞትኩ ለሀገሬ ሞትን እንደፈራ ይቆጠር ኢትዮጵያን ጀርባዬን እንደሰጠኋት ቆጥራችሁ ስጋዬን ለአሞራ ተዉት ነገር ግን ከፊት ለፊት ተመትቼ ከወደኩ ለሀገሬ እንደተሰዋው ለሀገሬ እንደወደኩላት ለጌታዬ(አጤ ሚኒልክ) ንገሩልኝ የጀግና ቀብርም አድርጉልኝ" ይሄን ተናግሮ ለሀገሩ የተዋደቀ ጀግና ኢትዮጵያዊ የመሆኑን ማያውቅ የለም አድዋ ቀን ደርሶ ሀገር ወዳድ ሆኖ ገበየሁን አስቦ እማያለቅስ የለም ሰፅፈው አሁን እንኳን በጣም ስሜታዊ ሆኜ ነው


ፊትአውራሪ ገበየሁ በደም የታወቀው በአምባላጌው ጦርነት ነው ከራስ መንገሻ ዮሀንስ ጋር ሆነው የተቀናጁት ድል ለኢትዮጵያ ጣልያንን ለማባር ሁነኛ አስተዋፆ አድርጓል ከዛ በተጨማሪ ወደ አድዋ ሲጓዝ የሚኒሊክ ጦር ቀድሞ ገበየሁ ባያይ እና ፈጣን ውሳኔ ወስኖ ወደ ጣልያን ምሽግ ቀጥታ ሄዶ ተከቦ የነበረውን የሚኒልክ ጦር ባያስመልጥ አድዋን አናቃትም ነበር::


ታድያ ኢትዮጵያ ጀግና ሞልቷታል
ገበየሁ ቢሞት ተተካ ባልቻ
መድፍ አገላባጭ ብቻ ለብቻ ስለተባለለት ጀግና በቀጣይ ይዤላችሁ መጣለሁ።

🇪🇹🇪🇹#ኢትዮጵያ_ለዘላለም_ትኑር!!🇪🇹🇪🇹
🦁🦁🦁🦁🦁🦁🦁🦁
@weEthiopian @Abyssinian47 @Ethiopian93

የመጀመሪያውን የአውሮፕላን በረራ ስልጠና የወሰዱት እነማን ናቸው

በኢትዮጵያ በ1922ዓ.ም በጅግጅጋ ከተማ የመጀመሪያው የአውሮፕላን በረራ ት/ቤት በፈረንሳዊው ሙሴ ጋስቶን ቨርዲየር መምህርነት ተቋቋመ፡፡ የመጀመሪያዋ የኢትዮጵያውያን ማስተማሪያ የሆነችው አውሮፕላን ፍጥነቷ አነስተኛ በመሆኑ ከሁለተኛው ዓለም ጦርነት በፊትና በኋላ ለብዙ ዓመታት ለአዲስ ተማሪ በራሪ ስልጠና አስተማማኝ ነበረች ። ከዚህች በዓለም የታወቀው የዴሃቪላንድ ኩባንያ ከሰራት ባለተደራራቢ ክንፍ ታይገር ሞዝ በተጨማሪ አንድ ጣልያን አገር የተሰራች አውሮፕላን ፊያት ኤ.ኤስ.1 ለስልጠና ተመድባ ነበር ።

በኢትዮጵያ ታሪክ የመጀመሪያውን የአውሮፕላን በረራ ስልጠና የወሰዱት ኢትዮጵያውያን፡-

1. አስፋው አሊ
2. ሚሽካ ባቢችፍ /በአባት ሩሲያዊ በእናት ኢትዮጵያዊ/
3. ስዩም ከበደ
4. ባህሩ ካባ
5. ደምሴ ኃይለኢየሱስ
6. ደመቀ ተክለወልድ
7. ወ/ሮ ሙሉመቤት እምሩ ናቸው፡፡

አስፋው አሊ እና ሚሽካ ባቢችፍ በመጀመሪያ ስልጠናቸውን በማጠናቀቅ ጥቅምት 3 ቀን 1923ዓ.ም ከንጉሰ ነገስቱ እጅ የምስክር ወረቀት ተቀብለዋል፡፡ ት/ቤቱም ስራውን የጀመረው በሁለት አውሮፕላኖች ነበር፡፡  በኢትዮጵያ አቭዬሽን ታሪክ የመጀመሪያዎቹ ኢትዮጵያውያን አውሮፕላን አብራሪዎች አስፋው አሊ እና ሚሽካ ባቢችፍ ናቸው፡፡  ሁለቱም የብቻ በረራቸውን ያካሄዱት በ1923ዓ.ም ነበር፡፡  በእናታቸው ኢትዮጵያዊት በአባታቸው ሩሲያዊ የነበሩት የሚሽካ አባት ባቢቼፍ የሩሲያው ዛር የጦር ሰራዊት የ9ኛ ፈረሰኛ ክፍል አገናኝ መኰንን ሆነው ሲያገለግሉ ወደ ኢትዮጵያ የመጡት በ1887 ዓ.ም. ከካውንት ሌዎንቲቭ ጋር ነበር ። ከዚያም ኢትዮጵያዊት አግብተው አፄ ምኒልክ የፊታውራሪነት ማዕረግ ሰጥተዋቸው ኢትዮጵያ ውስጥ ሲኖሩ ሚሽካ ወይም ሚካኤልን ወለዱ ።

እ.ኤ.አ በ1935 የታተመው የአሜሪካ ጋዜጣ ስናፒ ላንዲንግ ሌዲ በርድ የሚል አድናቆት የሰጣቸው ወ/ሮ ሙሉመቤት እምሩ የመጀመሪያዋ የሴት አውሮፕላን አብራሪ ናቸው፡፡ የመጀመሪያውን የብቻ በረራ ያካሄዱት በ1927ዓ.ም ነበር፡፡ ወ/ሮ ሙሉመቤት እምሩን አውሮፕላን መንዳት በማስተማር ታሪክ የመጀመሪያይቱ አፍሪካዊትም እንዲሆኑ ያስቻሏቸው ኮለኔል ጄ.ሲ.ሮ.ቢንሰን የተባሉ ጥቁር አሜሪካዊ ናቸው፡፡

🇪🇹🇪🇹#ኢትዮጵያ_ለዘላለም_ትኑር!!🇪🇹🇪🇹
🦁🦁🦁🦁🦁🦁🦁🦁
@weEthiopian @Abyssinian47 @Ethiopian93