សំរាប់គ្នាយើង ដែលឆ្ងល់ខ្លះៗ ពី Airdrops អាចចូលមើល Podcast ដែលខ្ញុំនិយាយជាមួយ Brother KhmerXBT បាន។ មិនមែនជាការ ពន្យល់ លំអិតអោយយល់ អីទេ តែជាការនិយាយទូទៅ ពីបទពិសោធន៍ ចាប់ពីឆ្នាំ 2022 មក ហើយមូលហេតុ អ្វីបានជាបច្ចុប្បន្ន យើងមិនសូវ Farm ច្រើនដូចមុន។

អាចមើលត្រឹម Section 10mn នេះនៅលើ Tik Tok: https://vt.tiktok.com/ZS5BJgP4f/

រឺ មើល Full Episode លើ YouTube: https://youtu.be/fEyq2bcIgcw

យើងអាចនឹងលើកយក Topic នេះមកនិយាយលំអិត ម្តងទៀត នៅលើ Episode ណាមួយ ដើម្បី ពន្យល់ បន្ថែម។ តែបច្ចុប្បន្ន គ្នាយើង អាចមើល វីដេអូខាងលើ រឺ វីដេអូផ្សេង មួយចំនួន នៅលើ YouTube ដែលខ្ញុំធ្លាប់និយាយពី Airdrops ច្រើនដែរ តាំងពី 2023 មក។

ចូលទៅក្នុង YouTube Channel “The Web3 Perspective” នឹងទៅ ហើយ Search រកពាក្យ Airdrops ទាំងអស់គ្នា នឹងអាច ឃើញ វីដេអូចាស់ៗ មួយចំនួន។ ទោះជាវា មិនអាចយកមក Apply សំរាប់ពេលបច្ចុប្បន្ន តែវាអាចអោយយើងយល់ថា ពីមុនគេធ្វើយ៉ាងមិច ហើយឥលូវ វាវិវឌ្ឍន៍ ទៅជាយ៉ាងមិច?

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

បើតាមខ្ញុំអាន និង យល់ខ្លះៗ ពីប្រកាសថ្មីនេះ គឺមានន័យថា ប្រភេទក្រុមហ៊ុន ដែលគ្រប់គ្រង រឺ មានការជួញដូរ ប្រភេទ Digital asset លែងស្ថិតនៅក្រោម បរិស្ថានសាកល្បង តែមួយមុខ ទៀត ហើយ តែមានច្បាប់ បើកផ្លូវអោយ ស្នើរសុំ អជ្ញារបណ្ណ ផ្លូវការ ពី នមក (និយ័តករមូលបត្រ កម្ពុជា)។

ក្នុងច្បាប់ មានការចែង ពីចំនុច លំអិតជាច្រើន រួមទាំង កំហុសផ្សេងៗ និង ការពិន័យផង សរុបមាន 63 ប្រការ 😅 មានពេលអាចមើលខ្លួនឯង បន្ថែមបាន តាម Link មួយនេះ https://www.serc.gov.kh/boards/data_dir/m23Prakas_k/100100.pdf

សង្ឃឹមថា វាជាការបើកផ្លូវបន្ថែម ដល់ក្រុមហ៊ុន ក្នុងស្រុកជាពិសេស Local CEX អាចធ្វើការងារ បានទូលំទូលាយជាងមុន ជាងការស្ថិតនៅក្នុង បរិស្ថានសាកល្បង។

ហើយបើយើងមាន ការវិវឌ្ឍន៍ទៅមុខលឿន ការ on/off ramp ក៏ប្រហែលជានឹង មានឆាប់ៗ ដែរ។

យើងមិនអាចគេចពី Blockchain, Web3, Digital asset បានទេ ទោះជាប្រជាជនភាគច្រើន នៅតែគិតថាវា ជា Scam ក៏ដោយ តែពិភពលោកកំពុងដើរទៅមុខ ចឹងហើយយើងត្រូវតែ ព្យាយាម ណែនាំ, បង្រៀន, ចែករំលែក ដើម្បីអោយគ្រប់គ្នា យល់ច្បាស់ ហើយ កាត់បន្ថយហានិភ័យ ចាញ់បោក គេវិញ ទើបជាការប្រសើរ។

ទាញយកផលប្រយោជន៍ អោយអស់លទ្ធភាព ពីវា ហើយ បង្កើតច្បាប់ ដើម្បីគ្រប់គ្រង បញ្ហាផ្សេងៗ។ សង្ឃឹមថា ខ្មែរយើង អាចដើរទាន់ប្រទេសជិតខាង ទៅលើ វិស័យមួយនេះ។

បើមានការយល់ខុស សូមអធ្យាស្រ័យ ព្រោះខ្ញុំមិនមែនជាអ្នក ជំនាញ ផ្នែកផ្លូវច្បាប់នេះទេ 🙏។
—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

អាមេរិក​បានធ្វេីការ​បង្អាក់​ដំណើរ​ការក្នុងការបង្ហាញទៅលេី​ Tracking transponders flight សឹងតែទាំងអស់។ នៅខាងស្ដាំនេះគឺ​ជា video ដោយ​អាមេរិក​ធ្វេីការវាយប្រហារដោយប្រេmissel.
—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

រឿងរ៉ាវ ដែលឈានដល់ អាមេរិក វាយប្រហារ លើ ទីក្រុង Caracas ដែលជាទីក្រុងធំជាងគេនៅ Venezuela គឺវាបាន កើនកំដៅ តាំងពីអំឡុង ខែ 09-2025 មកម្លេះ ដែលពេលនោះ អាមេរិក បានបង្កើនចំនួន ទ័ព និង តែងតែវាយប្រហា ទូក រឺ កប៉ាល ដែល ចេញចូល Venezuela ហើយត្រូវបាន អាមេរិក ចោទថា ដឹកគ្រឿងញាន រឺ ក្រុមជន ឧក្រិដ្ឋ ជាដើម។

ហេតុផល មួយចំនួននៅពីក្រោយនេះ គឺ

- អាមេរិក ចោទថា លោក Maduro ប្រធានាធិបតិ Venezuela ជាអ្នកនៅពីក្រោយ គាំទ្រដល់ ក្រុមឧក្រិដ្ឋជន ដែលជួញដូរ និង នាំគ្រឿងញាន ជាច្រើន ចូលអាមេរិក។

- អ្នកនៅក្នុងជួរដ្ឋាភិបាលរបស់ Trump និង Trump ខ្លួនគាត់ផ្ទាល់ ធ្លាប់បាន និយាយច្រើនដងហើយ ថា អោយលោក Maduro ចុះចេញពីតំណែងទៅ។ នេះមិនមែនជាលើកទីមួយទេ ដែលអាមេរិក យកទ័ព គំរាម ដើម្បីប្តូរ របប រឺ អំណាច នៅក្នុងប្រទេសណាមួយ។

- ចំនុចសំខាន់មួយទៀត ដែលមានគេលើកឡើង គឺអាមេរិក មិនដែលធ្វើសង្គ្រាម ដោយហេតុផល ធម្មតា បែបនេះ ទេ។ នៅពីក្រោយនោះតែងតែមាន ផលប្រយោជន៍ ជាច្រើនទៀត ជាពិសេស ផលប្រយោជន៍ សេដ្ឋកិច្ច។ Venezuela ជាប្រទេស ដែលមាន Stock ប្រេងឆៅ និង រ៉ែ មួយចំនួន ជាច្រើន។

ទាំងអស់នេះជាអ្វីដែលបានឃើញនៅលើ សារពត៍មាន និង អ្នកវិភាគមួយចំនួន តែប៉ុណ្ណោះ។ ត្រឹមឥលូវនេះ យើងមិនទាន់ដឹងច្បាស់ថា អាមេរិកនឹងប្រើ ទ័ព ទ្រង់ទ្រាយធំ ដើម្បីផ្លាស់ប្តូររបប ដឹកនាំ មែនរឺ ក៏អត់ទេ។

ឥលូវនេះ គេឃើញមានការវាយប្រហារ ទីតាំង យោធា នៅក្នុងទីក្រុង ហើយ Venezuela បានប្រកាសដាក់ ប្រទេសក្នុង ភាពអាសន្ន័ រួចហើយ។ ប្រទេស រុស្សី ចិន អ៉ីរ៉ង ជាដើម បានបង្ហាញជំហ គាំទ្រ Venezuela និង ថ្កោលទោស ការប្រើកំលាំងទ័ព ដោយកំរោល របស់ អាមេរិក។

មានតែរងចាំមើលថា ពូ Trump គាត់ បញ្ជា អោយធ្វើត្រឹមកំរឹតណា។

ផលប៉ះពាល់ ភ្លាមៗ សំរាប់ទីផ្សារ គឺតែងតែ ដូចសង្គ្រាមផ្សេងៗ យើងនឹងឃើញមានការ Sell off asset មួយចំនួន ជាពិសេស Risk asset ដូចជា Crypto តែមួយរយះ ក្រោយមក ពត៍មានសង្គ្រាមទាំងនេះ វាមិនសូវជាប៉ះពាល់ ទីផ្សារទៀតទេ ដូចយើងធ្លាប់ឃើញ ករណី Russia-Ukraine, Israel-Iran ជាដើម។

លុះត្រា តែសង្គ្រាមទ្រង់ទ្រាយធំ ហើយអាចប៉ះពាល់ ដល់ សេដ្ឋកិច្ច ដូចជា ប្រេងឡើងថ្លៃខ្លាំង ជាដើម ដោយសារវាប៉ះពាល់ ដល់ទីផ្សារ ដែល Venezuela ជាអ្នកផ្គត់ផ្គង់ ប្រេង ធំមួយដែរ។ តែវាអាស្រ័យ លើ ទំហំ នៃប្រតិបត្តការណ៍ ទ័ពរបស់ អាមេរិក ថានឹងធ្វើដល់កំរឹតណា។

នេះគ្រាន់តែជាការយល់ឃើញ ពីគំនិតផ្ទាល់ខ្លួនខ្ញុំទេ។ ទាំងអស់គ្នា អាចសិក្សា បន្ថែម ទៅលើ ផលប៉ះពាល់ ពីសង្គ្រាម ធំៗ ពីមុនមក ដែលមានលើទីផ្សារ ហើយយើងអាចរៀនសង្កេត ពីដំណើរការ របស់វា ក្នុងរយះពេល ខ្លី និង រយះពេលវែង។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

Operation Absolute Resolve របស់អាមេរិក ដែលមានគោលដៅ ចាប់មេដឹកនាំ Venezuela បានទទួលជោគជ័យ កាលពីម្សិលមិញ ដោយប្រើរយះពេលត្រឹម ប៉ុន្មានម៉ោង ប៉ុណ្ណោះ។

ច្បាស់ណាស់ វាបញ្ជាក់ពី ភាពខ្លាំងរបស់ ទ័ព ពិសេស អាមេរិក ដែលអាចធ្វើប្រតិបត្តការណ៍ ធំៗ នៅក្នុងប្រទេសផ្សេងៗ។ តែវាក៏បង្ហាញពី អំណាច ធំហួសហេតុ ដែលអាមេរិក ចង់ធ្វើអីក៏បានហើយ សឹងតែមិនមានអ្នកអាចហាមឃាត់បាន រឺ ប្រើច្បាប់ អន្តរជាតិ មកដាក់សម្ពាធ។

ឥលូវនេះ Trump ប្រកាសផ្លូវការថា អាមេរិកនឹង គ្រប់គ្រង Venezuela រហូតដល់មានការផ្ទេរអំណាច ដែលច្បាស់លាស់ និង ត្រឹមត្រូវកើតឡើង។ ហើយអាមេរិក ក៏នឹង បញ្ជូនក្រុមហ៊ុនប្រេងធំៗ ទៅស្តារ ហេដ្ឋារចនាសម្ព័ន និង គ្រប់គ្រង ប្រេងនៅក្នុងប្រទេសនោះផងដែរ។

ជាក់ស្តែងវានៅតែជា ប្រេង របស់ប្រទេស Venezuela ប៉ុន្តែ អាមេរិក បានដាក់សម្ពាធ ការនាំចូល នាំចេញ មួយរយះធំមកហើយ និង ឥលូវនេះ សឹងតែដូចចូលទៅគ្រប់គ្រងហើយ ដោយកំណត់ថា អាចលក់ អោយប្រទេសណាបាន ហើយ ក៏ចែកផលចំណេញជាមួយក្រុមហ៊ុន អាមេរិក ផងដែរ នៅពេលដែលពួកគេចូលទៅជួយអភិវឌ្ឍន៍។

មូលហេតុចំបងគឺចោទ Maduro ថាជាមេដឹកនាំ Nacro-Terrorist regime ដែលនាំគ្រឿងញៀនជាច្រើនចូលអាមេរិក ដូចនេះ អាមេរិកត្រូវតែ កាត់បន្ថយ ចំណូលរបស់ក្រុមនេះ ដោយដាក់ទណ័កម្មសេដ្ឋកិច្ច ជាច្រើន ហើយឥលូវឈានដល់ការ ចាប់ខ្លួន លោក Maduro និង ភរិយានេះតែម្តង។

តែបើមើលពីជ្រុងម្ខាងទៀត ឥលូវនេះអាមេរិក អាចគ្រប់គ្រងលើ ប្រទេសដែលមាន ស្តុកប្រេង ច្រើនជាងគេបំផុតនៅលើលោក ដែលវានឹងកាន់តែជួយដល់ ការគ្រប់គ្រង តំលៃ ប្រេង របស់រដ្ឋាបាល Trump និង ងាយស្រួលគ្រប់គ្រង Supply/Demand របស់ប្រេង ក្នុងពិភពលោក។

បើយើងមើលពីខាង Venezuela វិញ មានប្រជាជន មួយផ្នែកធំ ចេញមក អបអរសាទ តាមផ្លូវ ហើយលើកទង់ជាតិអាមេរិក ដោយសារតែ គេគិតថា វាបានបញ្ចប់ របប ផ្តាច់ការរបស់ លោក Maduro។

ពិភពលោកកាន់តែ រញេរញៃ គ្មានអ្នកណាខ្វល់ពី ច្បាប់អន្តរជាតិទៀតទេ។ ចិន និង រុស្សី ថ្កោលទោសអាមេរិក ខណះពេល ដែល ចិនទើបតែ ធ្វើ សមយុទ្ធធំបំផុត ជុំវិញកោះតៃវ៉ាន់ ហើយរុស្សីនៅតែបន្តធ្វើ សង្គ្រាមជាមួយ អ៊ុយក្រែន។ មួយៗ ចោទគ្នាថា ធ្វើខុសច្បាប់អន្តរជាតិ តែឥលូវមិនដឹងថា អន្តរជាតិមានច្បាប់ អ្វីខ្លះទេ 🤔

#News #Politic #US
—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR