លុបវីដេអូនឹងសិនដោយសារតែធ្វើខុសច្រើន ច្រលំដាក់វីដេអូខុសចូល Youtube ស្អែកចាំខ្ញុំ Upload អោយម្តងទៀត។ អធ្យាស្រ័យផង។🙏

វីដេអូខាងក្រោមនេះបង្ហាញពីវិធីសាស្ត្រដែលខ្ញុំប្រើដើម្បី Research កាក់ផ្សេងៗ ដែលចាប់អារម្មណ៍
មើលអត្ថបទសង្ខេបនេះរួមជាមួយ នឹង វីដេអូ ដើម្បីទាំងអស់គ្នាកាន់តែងាយយល់។

1. ត្រូវស្គាល់ឈ្មោះកាក់នោះសិនតាមរយះ Social Media ផ្សេងៗដែលយើងបានឃើញ បានលឺពីវា។

2. យកឈ្មោះកាក់នោះទៅ Search នៅក្នុង Website CoinMarketCap រួចមើលទៅលើពត៍មានសំខាន់ៗមួយចំនួនដូចជា Circulation Supply, Max Supply, MarketCap, តំលៃចាប់តាំងពិដំបូងរហូតមកដល់ឥលូវ, តំលៃទាបបំផុតប៉ុន្មាន, ខ្ពស់បំផុតប៉ុន្មាន...

3. ចូលទៅ Website ផ្លូវការរបស់ គេដើម្បីអានពត៍មានផ្សេងៗ ហើយយល់ថាតើ កាក់នឹងជារបស់ Protocol ដែលកំពុងធ្វើអ្វី? ដោះស្រាយបញ្ហាអ្វី? យើងយល់ពីវារឺអត់? ប្រសិនបើយើងមិនអាចយល់ថា Protocol នឹងកំពុងធ្វើអីទេ មិនគួរប្រថុយទិញកាក់នឹងទេ។ ទិញតែកាក់ណាដែលយើងយល់ច្បាស់ថាគេបង្កើតឡើងដើម្បីអ្វី? ដោះស្រាយបញ្ហាអ្វី?

4. ចំនុចសំខាន់នៅលើ Website គឺរកមើលថាមានបាន Audit ហើយរឺនៅ? អានឯកសារផ្សេងៗ ពាក់ពន្ធ នឹង Tokenomics, Roadmap, FAQ អីជាដើម ដើម្បីស្វែងយល់បន្ថែម។

5. ចូលទៅមើល Social Media ផ្លូវការរបស់ Project ដូចជា Twitter, Discord, Telegram ជាដើមដើម្បីមើលថា Community Active រឺក៏អត់? តើគេនិយាយគ្នាពីអ្វីខ្លះនៅក្នុង Project នឹង។

6. ចូលទៅ Twitter, YouTube, Google រួច Search ឈ្មោះកាក់នោះដើម្បី មើល និង ស្វែងយល់ ពីអ្នកដ៏ទៃថាគេនិយាយអ្វីខ្លះពីវា? ពេលខ្លះយើងមើល Website ខ្លួនឯងមិនយល់ ប៉ុន្តែ អាចមានអ្នកធ្វើវីដេអូខ្លះគេយកមកសង្ខេប ងាយយល់ក៏ថាបាន។

7. បន្ទាប់មក នៅក្នុង CoinMarketCap មើល កន្លែង Market ថាវាមានទិញលក់នៅលើ Exchange ណាខ្លះ។ បើជា Centralized Exchange ទាំងអស់គ្នាត្រូវ Download App ហើយនឹងចុះឈ្មោះ រួច KYC ដើម្បីបាន Account ហើយអាចទិញកាក់នោះបាន។ បើមិនទាន់មាននៅលើ Centralized Exchange ណាទេ មើលថាវាមានលក់នៅលើ Descentralized Exchange មួយណា និង នៅលើ blockchain មួយណា។ ចឹងត្រូវមាន Wallet មួយដែល Add Network Blockchain នោះចូល រួចរកទិញកាក់គោលដែលគេប្រើសំរាប់ GAS Fee នៅលើ Blockchain នោះ នៅលើ Binance រួច Withdraw ទៅ Wallet របស់យើង ដើម្បីអាចដំណើរការជាមួយ Dapp ផ្សេងៗបាន ។

8. ក្រោយមានកាក់សំរាប់ Gas Fee ហើយ យើងអាចទិញ Stable Coin នៅក្នុង Binance រួច Withdraw ទៅ Wallet ដើម្បីទិញកាក់ដែលយើងចង់ទិញ។ ការ Withdraw កាក់ទៅ Wallet រឿងសំខាន់បំផុតគឺផ្ទៀងផ្ទាត់ លេខ Address របស់យើងអោយត្រូវ និង Withdraw អោយត្រូវ Network របស់ Blockchain បើមិនចឹងទេ លុយយើងនឹងបាត់ហើយមិនអាចយកមកបានវិញទេ។ Binance ក៏ជួយមិនបានដែរ។

ខ្ញុំជឿថាសំរាប់អ្នកថ្មីដែលមិនធ្លាប់ប្រើ Wallet សោះ គឺពិតជាពិបាកយល់បន្តិចហើយ ព្រោះពីដំបូងខ្ញុំក៏ដូចគ្នា។ គឺមានតែការខិតខំព្យាយាមស្វែងយល់បន្ថែមទៀត ហើយរៀនសាកអនុវត្តផ្ទាល់ដោយខ្លួនឯងបន្ថែម ដើម្បីឆាប់យល់។ តែសុំសាកជាមួយលុយ តិចតួចបានហើយបើយើងមិនទាន់ច្បាស់ ព្រោះវាងាយនឹងបាត់បង់លុយទាំងអស់ប្រសិនបើយើងមិនទាន់ចេះប្រើ Wallet និង Dapp ទាំងនោះទេ។

ជាចុងក្រោយខ្ញុំសូមបញ្ជាក់ម្តងទៀតថា ទោះជាលឺខ្ញុំរឺអ្នកណាក៏ដោយនិយាយពីឈ្មោះកាក់ នេះ កាក់នោះ, នៅក្នុងវីដេអូលឺខ្ញុំនិយាយ ពីកាក់នេះ កាក់នោះ គឺកុំទិញតាមអោយសោះ។ ត្រូវតែយកទៅសិក្សាខ្លូនឯងសិន ចាំយល់ ច្បាស់លាស់ ចាំសំរេចចិត្តទិញ។

https://youtu.be/PwSzbZrwIMs

សំនួររបស់គ្នាយើង។ ខ្ញុំគិតថាអ្នកខ្លះអាចឆ្ងល់ចឹងដែរ។

មិនមែន Coin ទាំងអស់ត្រូវតែឡើង ចុះតាម Bitcoin ទេ។ គ្រាន់តែថាយើងអាចយក BTC ជាគោលបាន ពេលដែល BTC ឡើង ជាទូទៅ កាក់ផ្សេងៗឡើង តែមិនមែនទាំងអស់ទេ ហើយក៏មិនមែនឡើងតិច រឺ ច្រើនដូចគ្នាដែរ។ អាស្រ័យទៅលើការវិវឌ្ឍន៍របស់កាក់នីមួយៗ ផ្សេងៗគ្នា។ ពេលខ្លះ BTC មិនទាន់ឡើង រឺ ចុះក៏ដោយ ក៏អាចមានកាក់ផ្សេង ឡើង 100%, 200% អីក៏មាន ដោយសារតែមានពត៍មានល្អ មានការប្រកាសល្អណាមួយ។ ឧទាហរណ៍ដដែលពីកាក់ GNS នឹងថ្ងៃដែលវាឡើង 70% ទៅ 80% នឹងគឺ BTC ក៏មិនមានឡើងអីខ្លាំងដែរ តែដោយសារ GNS មានពត៍មានល្អ គឺ Binance ចាប់ផ្តើម List។

ពេលខ្លះ BTC ឡើងខ្លាំង ប៉ុន្តែ Project ណាមួយ រឺ កាក់ណាមួយមានពត៍មានមិនល្អ ក៏អាចចុះបានដែរ។ ជារួម កាក់ផ្សេងៗគ្នា Project ផ្សេងៗគ្នា យើងត្រូវយល់និងតាមដានវាផ្សេងៗគ្នាដែរ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ប្រទេសចិនបានចាក់លុយចូល ក្នុងទីផ្សារដើម្បី ទប់ទល់នឹងបញ្ហាហិរញ្ញវត្ថុរបស់ខ្លួន ដល់ទៅ ប្រហែល 92 Billions Dollar។ ចឹងហើយបានជាទីផ្សារ មិនទាន់ចុះខ្លាំង ទោះជាធនាគារកណ្តាលអាមេរិក នៅបន្តតំឡើងការប្រាក់។ មាន កាក់ជាច្រើនដែលជាប់ពាក់ពន្ធនឹងប្រទេសចិន កំពុងឡើងថ្លៃខ្លាំង។ មើលទៅប្រហែលត្រូវ ស្វែងយល់ពីសេដ្ឋកិច្ចចិន ស៊ីជំរៅបន្ថែមទៀតហើយ។ អ្នកដែលមានលុយច្រើន និង មានឥទ្ធិពលលើទីផ្សាពិភពលោកមិនមែនមានតែអាមេរិក ទៀតនោះទេ។

ត្រូវចាំថាការចាក់លុយចូលទីផ្សារដើម្បីជួយសេដ្ឋកិច្ច មានចំនុចល្អ និង មានចំនុចអាក្រក៎។ ល្អគឺជួយក្រុមហ៊ុនជាច្រើនកុំអោយក្ស័យធន។ អាក្រក់គឺ Inflation នឹងកើនឡើងដូចនៅអាមេរិក ហើយត្រូវរកវិធី បន្ថយវាមកវិញ។ មានតែរងចាំមើលថានឹងមានអ្វីកើតឡើងបន្តទៀត។ សំរាប់យើងជា Investor។ DCA ចូលក្នុង market គឺជារឿងល្អបំផុត ព្រោះគ្មានអ្នកណាអាចដឹងច្បាស់ថា មានរឿងអីកើតឡើងទេ។

ប្រភព៖
https://twitter.com/tedtalksmacro/status/1627222609988575232?t=HAgEitx3BgerYv0LRSJ-Tg&s=19

នៅក្នុងសេដ្ឋកិច្ចមានពាក្យពីដែលត្រូវដឹង
1. QT = Quantitative Tightening
ជា Process ដែលធនាគារកណ្តាល ដកលុយចេញពីទីផ្សារ ដោយតំឡើងការប្រាក់ខ្ពស់។

2. QE = Quantitative Easing ជា Process ដែលធនាគារកណ្តាលចាំផ្តើមចាក់លុយចូលទីផ្សារ ដោយបន្ថយការប្រាក់ និង Print លុយបន្ថែម។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ចង់ Invest ទៅលើផ្នែកណាមួយមិនថា Real Estate, Stock, Forex រឺ Crypto Currency។ យើងមិនអាចធ្វើនំអត់ម្សៅបានទេ។ គឺត្រូវតែមានទុនសំរាប់ Invest។ ចឹងជាការចាំបាច់សំរាប់យើងដែលត្រូវមានប្រភពចំណូលច្បាស់លាស់ ហើយអាចដកកញ្ចប់ សំរាប់វិនិយោគ ប្រចាំខែបាន។ វាជារឿងតែមួយគត់សំរាប់អ្នកដែលមានទុនតិច ហើយចង់ជោគជ័យទៅថ្ងៃក្រោយ។ យើងមិនអាចស្រមៃថា មានលុយ 10$, 100$ រឺ 1000$ ហើយចូល Crypto ដើម្បីរកបាន 100,000$ រឺ 1,000,000$ នោះទេ។ ភាគរយវាតិចណាស់ ដែលសឹងតែយើងមិនមែន 1 នៅក្នុងអ្នកមានសំណាងទាំងអស់នោះ។ ចឹងរៀបចំជីវិតខ្លួនឯងដែលយើងអាចគ្រប់គ្រងបាន ប្រសើរជាងដេកចាំព្រេងវាសនា។

បើទាំងអស់គ្នាមិនទាន់មានលុយគ្រប់គ្រាន់សំរាប់ Invest មានន័យថាទាំងអស់គ្នា កំពុងជួបបញ្ហាណាមួយក្នុងចំណោមបញ្ហាទាំងពីរខាងក្រោម។

1. ចំណាយ ច្រើនជាងចំណូល។ មិនចេះគ្រប់គ្រងលុយ រឺ ចំណាយខ្ចះខ្ចាយច្រើន ទោះជារកបាន តិច រឺ ច្រើនក៏យើងនៅតែអាចមានវិធីបែងចែកលុយមួយចំនួន ទុក វិនិយោគបានដែរ។

2. ចំណាយព្យាយាមកាត់បន្ថយអស់លទ្ធភាព តែនៅតែមិនអាចរកចំណូលគ្រប់។ នេះជាបញ្ហាសមត្ថភាពយើង ទាំងស្រុង។ មានន័យថាយើងមិនទាន់មានសមត្ថភាពគ្រប់គ្រាន់ក្នុងការ រកចំណូលបាន ចឹងដំណោះស្រាយគឺពង្រឹងចំណេះដឹង សមត្ថភាពរបស់ខ្លួនសិន ហើយធ្វើយ៉ាងណាអោយខ្លួន អាចរកចំណូលអោយលើសពីចំណាយ ហើយអាចបែកចែក សន្សំតាមផ្នែកៗ បាន ហើយក្នុងនោះ ត្រូវតែមានផ្នែកវិនិយោគ។ ទោះជាចាប់ផ្តើម ត្រឹមមួយខែ ដាក់លុយវិនិយោគបានត្រឹមតែ 10$ ក៏វាបង្ហាញថាជាចំនុចចាប់ផ្តើមល្អដែរ។ ចឹងព្យាយាមបន្ថែមទៀតរហូតអាច ដាក់បាន មួយខែ 100$ សំរាប់វិនិយោគ។ ពេលយើងអភិវឌ្ឍន៍ដល់ចំនុចនេះហើយ យើងនឹងអាចបន្ត បង្កើនចំណូលយើងបានបន្ថែមទៀតជាមិនខាន តែត្រូវចាំផ្តើមពីចំនុច ទាបបំផុតសិន។

រាល់ការវិនិយោគ គឺត្រៀមចិត្តសំរាប់ Long Term រយះពេលវែង ចឹងត្រូវច្បាស់ថាលុយនោះទាំងអស់គ្នា មិនចាំបាច់ ត្រូវប្រើភ្លាមៗវិញនោះទេ។ គ្មានអ្នកណាទិញដីហើយ គិតថា ខែក្រោយលក់ចំណេញគុណនឹង 2, គុណនឹង 10ទេ។ ត្រូវទុករាប់ឆ្នាំទំរាំគេ អភិវឌ្ឍន៍ដល់ ដីយើងហើយលក់បានថ្លៃ។ ដូចគ្នា សំរាប់ Crypto, កុំជឿគេថា Trade ពីលុយ 50$ បាន 500$, 500$ បាន 5000$ រាល់ខែអីនឹង។ គ្មានបានផលទេ ខាតពេល អស់លុយរៀន អស់ទាំងលុយដាក់ចូលនឹងទៀត។ វិនិយោគគិតលើរយះពេលវែង យើងមិនប្រថុយច្រើន មិនមែនលេងល្បែង តែជាការយល់ពិតប្រាកដ ថាវានឹងឡើង នៅ 2ឆ្នាំទៀត 3ឆ្នាំទៀត រឺ 5ឆ្នាំទៀត។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

BTC មិនឡើងតែ Coin ផ្សេងអាចឡើង។ នៅក្នុង Portfolio របស់យើងគួរតែមាន Coin តាម Category មួយចំនួនដែលយើងចូលចិត្ត បានស្វែងយល់ ពីវាច្បាស់លាស់។ ព្រោះនៅក្នុង Category ច្រើនវាអាចជួយទប់គ្នាទៅវិញទៅមកបាន។ មិនធ្លាក់ទាំងអស់ មិនឡើងទាំងអស់ទេ។

Category នៅក្នុង Crypto មានដូចជា L1, L2, DeFi, LSD, AI, Storage, GamiFi, Oracle...

ស្វែងយល់ពី Category នីមួយៗ រើសយក Coin ពីរ បីយកមកសិក្សាលំអិត ហើយចាប់ផ្តើម ដាក់គោលដៅក្នុងការទិញ ដោយ DCA នៅក្នុងតំលៃ Range ណា។

បញ្ជាក់ Portfolio ខាងលើគឺខ្ញុំ Track Portfolio របស់ខ្ញុំពិតប្រាកដនៅក្នុង CMC។ ខ្ញុំមិនចែករំលែកឈ្មោះកាក់មែន តែខ្ញុំនឹងចែករំលែកពីដំណើរនៃការ វិនិយោគរបស់ខ្ញុំ ជាមួយអ្នកទាំងអស់គ្នា។ ខ្ញុំព្យាយាម និយាយទូទៅ ព្រោះខ្ញុំជឿថាគ្មានអ្នកណាម្នាក់អាចប្រាប់ បង្រៀន យើងអោយជោគជ័យបានទេ ទាល់តែយើងខ្លួនឯង ព្យាយាមសិក្សាស្វែងយល់ខ្លួនឯង និង កំណត់ភាពជោគជ័យដោយខ្លួនឯង។ ការចែករំលែកទាំងអស់នេះក៏ ចង់អោយអ្នកថ្មីៗ ងាកមក ផ្នែក Invest ខ្លះ កុំ Trade ច្រើនពេក។ បំណងល្អពីខ្ញុំ 🥰

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

សូមប្រុងប្រយត្ន័សំរាប់ Project ណាដែលមាន ការ Stake និង Unstake ដោយមិនប្រើ Blockchain។ វាមានហានិភ័យ និង មិនសមហេតុផល។ មិនមានមូលហេតុដែលគ្រាន់តែ Claim Reward ត្រូវ Claim តាម Email ទេ។ គ្រាន់តែជាចំនុចគួរអោយសង្ស័យ និង រៀនសង្កេតបន្ថែមទៀត។ អាចថាមានភាគរយតិចតួចណាស់ដែល ម្ចាស់គំរោងត្រូវធ្វើបែបនឹងដោយមានហេតុផលសមរម្យណា មួយ ចឹងយើងត្រូវយល់ពីហេតុផល នឹងសិនមុនពេល វិនិយោគ។ ការប្រើប្រាស់ Wallet ហើយចាប៎ផ្តើមវិនិយោគខាងក្រៅដោយខ្កួនឯង គឺពិតជាគ្រោះថ្នាក់ណាស់ប្រសិនបើយើងមិន ទាន់ច្បាស់លាស់ និង មិនសូវមានបទពិសោធន៍ ព្រោះថា សំបូរអ្នកបោកណាស់ នៅក្នុងវិស័យ Crypto នេះ។ សូមរៀនសូត្យបន្ថែម និង ប្រុងប្រយត្ន័ផង ទាំងអស់គ្នា។

ប្រភព៖ https://twitter.com/bubblemaps/status/1627367524093333504?t=zR3AXaoTxd3sz5SrJ2liRQ&s=19

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ខ្ញុំកំពុងចង់ ប្រមូលវីដេអូ រឺ អត្ថបទខ្មែរ ដែលល្អៗ និង ពន្យល់ងាយយល់ដែលបងៗ អ្នកចែករំលែកមុន គាត់បានធ្វើរួច ដាក់ក្នុង Page Notion ដែលខ្ញុំចែករំលែកជាមួយទាំងអស់គ្នា ក្នុងគោលបំណងសំរាប់អ្នកថ្មី គាត់មានពត៍មាន ទូទៅជាមូលដ្ឋានក្នុងការចាប់ផ្តើម សិក្សាស្រាវជ្រាវ ព្រោះថា

- មួយខ្ញុំមិនជំនាញ ផលិតផលវីដេអូទេ(កំពុងតែរៀនធ្វើវាដែរ)

- ទីពីរ គឺយើងចង់គាំទ្រអ្នកចែករំលែកផ្សេងៗ ដែលគាត់បានធ្វើរួចហើយ។ ដោយសារតែខ្ញុំក៏មិនសូវបានស្គាល់ Content Creator នៅខ្មែរ ដែលចែករំលែកពី Crypto ហើយណាមួយ អាចត្រូវចំណាយពេលច្រើនក្នុង ការ Search និង មើលវីដេអូរបស់ពួកគាត់ទាំងអស់។

តើទាំងអស់គ្នា អាចជួយ Comment ជា Link វីដេអូ រឺ អត្ថបទណាមួយដែលគិតថា ល្អ និង ទាំងអស់គ្នា បានមើល បានអានហើយ ងាយយល់? ដើម្បីខ្ញុំយកមក ចង់ក្រងជា Page Summary មួយសំរាប់អ្នកថ្មីដែលចាប់ផ្តើមជាមួយ Crypto។

អាចជាវីដេអូដែលនិយាយពី អ្វីទៅជា Blockchain? អ្វីទៅជា BTC? របៀបបង្កើត Binance Accoun? ការពន្យល់ពី Wallet អីផ្សេងៗ?.......

ខ្ញុំនឹងព្យាយាមយកវា មកចងក្រង ដើម្បីផលប្រយោជន៍រួមទាំងអស់គ្នា និង ជាពិសេសសំរាប់អ្នកថ្មី។ យើងយក Link ដើមរបស់ម្ចាស់គេ មកដាក់តែម្តង អត់យកមក Copy បង្កើតដាក់ Page ខ្លួនឯងអីទេ។

ចឹងសូមទាំងអស់គ្នា អាចជួយផ្ញើរ Link ទាំងអស់នឹងចូល ក្នុង Comment ខាងក្រោមផង។ អរគុណទុកជាមុន 🙏

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ទីផ្សារមិនច្បាស់លាស់ បើយើង Trade ដោយប្រើអារម្មណ៍ រឺ TA ប្រាកដណាស់ថា វាមិនអាចត្រូវរហូតទេ។ ភាគរយខាត រឺ ចាញ់ទីផ្សារ មានច្រើនជាង ភាគរយឈ្នះ។ ខ្ញុំនិយាយជាច្រើនដង ហើយសង្ឃឹមថាទាំងអស់គ្នាយល់ពីការ Invest តាមរបៀប ដែល យើង DCA។ ការ Trade អាចយកលុយមួយភាគតូចទៅសាកល្បងបានហើយ។ កុំចង់មានឆាប់ដោយសារ Trade តែត្រូវដាក់គោលដៅ បង្កើនទ្រព្យដោយការ Invest ត្រឹមត្រូវរយះពេលវែង។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ពេលទីផ្សារចុះ ខ្ញុំពិបាកចិត្តទេ? អត់ទេ ព្រោះយើងអត់លក់ ចឹងយើងអត់ខាតទេ។ ចុះតែចំនួនជា ដុល្លារ តែចំនួនកាក់នៅដដែល។ បើយើង Research កាក់នឹងដោយខ្លួនឯង ហើយមានភាពជឿជាក់ថាវា ជា Project ល្អមិនមានហេតុផលអី ត្រូវភ័យឡើយ។ មានតែអរ ថែម ព្រោះពេលចុះ យើងបានទិញថែមក្នុងតំលៃល្អ។ ឃើញទេ នៅតែទាក់ទងនឹង DCA ដដែល។ ចឹងហើយបានខ្ញុំនិយាយពីរឿងនឹងច្រើន ព្រោះបើយើងយល់ច្បាស់ យើងអត់ឈឺក្បាលតាមទីផ្សារទេ។

ខ្ញុំ Trade លេងជាមួយលុយដែលតិចបំផុត បើចាញ់ក៏ចាញ់តិច បើឈ្នះក៏ឈ្នះតិច។ មិនដែលចង់បានពីវាទេ ព្រោះដឹងថាយើងមិនមានសមត្ថភាពគ្រប់គ្រាន់ដើម្បីឈ្នះរហូត។

ទីផ្សារចុះ។ Future ចំណេញ, បិទ Position យកលុយចំណេញមកទិញកាក់ដែលចង់ទិញ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ទិន្នន័យអ្នកអត់ការងារធ្វើនៅអាមេរិក នៅតែល្អ។ តិចជាងអ្វីដែលគេ ព្យាករណ៍។ លទ្ធផលនេះនឹងធ្វើអោយ FED នៅតែបន្តពិចារណា តំឡើងការប្រាក់បន្ថែមទៀត នៅខែក្រោយ។ លទ្ធផលយ៉ាងណាមានតែរងចាំមើល ប៉ុន្តែជាទូទៅ ក្រុមហ៊ុននៅអាមេរិក ពិបាកនឹងពង្រីកអាជីវកម្ម រឺ រកប្រាក់ចំណេញណាស់ នៅក្នុងស្ថានភាពដែល ការប្រាក់ធនាគារកណ្តាលថ្លៃ។ ដូចនេះស្ថានភាពអាក្រក់ របស់សេដ្ឋកិច្ច ពិភពលោកមិនទាន់ដល់ចំនុច ទាបបំផុតនោះទេ។ ត្រូវរងចាំមើលថាពេលណា FED ឈប់តំឡើងការប្រាក់ ហើយពេលណា ទើបចាំផ្តើមបន្ថយមកវិញ។

ដូចអ្វីដែលខ្ញុំបានសរសេរ អត្ថបទលើគេ ក្នុងគ្រុប ឆ្នាំនេះ និង ឆ្នាំក្រោយនៅតែជាឱកាសល្អក្នុង ការ DCA ចូលទីផ្សារ ព្រោះទោះឡើងចុះយ៉ាងណា ក៏វាមិនទាន់ឡើងរហូតដល់ចូល Bull Market ដែរ។ តែចាប់ពីចុងឆ្នាំ 2024 ទៅ បើ FED ចាំផ្តើមបន្ថយការប្រាក់នោះយើងនឹង ដល់ពេលដែលចាប់ផ្តើម Bull Market ម្តងទៀត។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

អ្នកដែលមិនទាន់បានអានអត្ថបទដែលខ្ញុំសរសេរ អាចចូលតាម Link ដែលខ្ញុំដាក់ខាងក្រោមគ្រប់ Post រួចចូលទៅអានអត្ថបទចែករំលែក ដំបូងគេ។ អានរួចហើយ គួរតែអាចយល់ខ្លះ រឺ មានចំងល់ខ្លះ។

ថ្ងៃនេះម៉ោង 9pm ខ្ញុំនឹង Live Stream ក្នុង Channel នេះពន្យល់ពី អត្ថន័យខ្លះៗនៅក្នុង អត្ថបទចែករំលែករបស់ខ្ញុំនឹង។ តើវាមានអ្វីពាក់ពន្ធគ្នា រវាងទិន្នន័យ CPI, Unemployment Rate, និង ការតំឡើងការប្រាក់របស់ FED។ ដោយសារខែក្រោយនឹងមានការប្រកាស ទិន្នន័យសំខាន់ៗ ទាំងអស់នេះ ហើយក៏នឹងមានការប្រកាស នៃការសំរេចចិត្តការប្រាក់របស់ FED ដែរ ចឹងព្យាយាមស្វែងយល់ទាំងអស់គ្នាអោយហើយ ដើម្បីត្រៀមទទួលពត៍មានខែក្រោយ។

សំរាប់អ្នកមានសំនួរអាចសួរក្នុង Comment ខាងក្រោមនេះអោយហើយក៏បាន ស្រួលខ្ញុំអាច Research បន្ថែមក្នុងករណីសំនួរណាដែលខ្ញុំ មិនសូវច្បាស់ដែរ។

ជួបគ្នាម៉ោង 9pm

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

27mn ទៀតមានការប្រកាស PCE ដែលអាចមានឥទ្ធិពលមួយចំនួនលើទីផ្សារដែរ។ អាចនឹងមានការប្រែប្រួលតំលៃមួយចំនួនក្រោយលទ្ធផលប្រកាស។ BTC ប្រហែលមិននៅស្ងៀមចឹងទៀតទេ។ រងចាំមើលលទ្ធផលជាក់ស្តែង។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR