អានសៀវភៅមុនចូលគេង ជារឿងល្អ ព្រោះបានចេះហើយ បានគេងលក់ស្រួលទៀត 😁។ ចាំផ្តើមទំលាប់អាន បើចង់ជោគជ័យ។ Anyway Good Night

ជីវិតដូចជាការលេងអ៊ុក ពេលខ្លះយើងត្រូវគិតផ្លូវដើរមុនអោយបាន ពីរទៅបីជំហាន ទើបអាចងាយយកឈ្នះដៃគូរបាន។ ទោះជាគិតបែបនឹងហើយក៏មិនប្រាកដថាឈ្នះដែរ តែអ្វីដែលប្រាកដគឺបើមិនគិតជំហានបន្ទាប់មុនគឺ ភាគរយច្រើននឹងចាញ់ បើឈ្នះក៏ឈ្នះដោយសំណាង។

ធៀបមកភាពពិតជាក់ស្តែងវិញ តើធ្វើយ៉ាងមិចទើបគិតបាន មួយទៅពីរជំហានមុន សំរាប់រៀបចំដំណើរជីវិតរបស់យើង ហើយយកឈ្នះព្រេងវសនាដែលចង់ចែងមកថាអោយយើងចាញ់?

- ពេលរៀនវិទ្យាល័យ គួរចំណាយពេលខ្លះសិក្សាពីមហាវិទ្យាល័យដែលខ្លួនចង់រៀន ជំនាញដែលខ្លួនស្រលាញ់។ អ្នកខ្លះប្រលងចប់ទើបគិត ចុះបើយើងគិតមុនគេ 3ខែ, 6ខែ រឺ មួយឆ្នាំ យើងនឹងប្រមូលបានពត៍មានកានតែច្រើនងាយស្រួលសំរេចចិត្ត។ សួរមិត្តភក្រ លោកគ្រូអ្នកគ្រូ បងប្អូន ណាដែលគាត់មានបទពិសោធន៍ អាចប្រាប់បាន។

- ពេលរៀនមហាវិទ្យាល័យ គួរចំណាយពេលខ្លះសិក្សាពីការងារសង្គមខាងក្រៅពិតប្រាកដ តើគេធ្វើយ៉ាងមិចទើបអាចសម្ភាស៍ការងារជាប់? អាចធ្វើការ Part Time បានទេ? រឺ រៀន ចន្ទ័ សុក្រ ធ្វើការសៅរ៍ អាទិត្យ, រឺអាច រៀនសៅរ៍ អាទិត្យ ធ្វើការ ចន្ទ័ សុក្រវិញ។ ទំរាំយើងរៀនចប់យើងអាចមានបទពិសោធន៍ការងារខ្លះៗបាន។

- ពេលចេញធ្វើការ គួរចំណាយពេលពង្រឹងចំណេះដឹងខ្លួនឯង ដូចជាអានសៀវភៅ, មើលវីដេអូណែនាំល្អៗ។ គោលបំណងគឺ យើងចង់បង្កើនកំរិតសមត្ថភាពអោយទៅជាបុគ្គលិកតំណែងធំៗ ប្រាក់ខែច្រើនៗ រឺ អាចថាមានគំរោងធ្វើអាជីវកម្មក៏ថាបាន។ ចឹងហើយត្រូវរៀនសង្កេតអ្នកនៅជំវិញខ្លួន។ ការងារ ស្រួល ពិបាក, ប្រាក់ខែតិច ច្រើន មិនសូវសំខាន់ដូចការងារដែលបង្រៀនយើង ពិតប្រាកដ អោយរីកចំរើននោះទេ។

- វ័យធ្វើការជា វ័យដែលយើងអាចរកចំណូលបាន។ រឿងបន្ទាប់ដែលត្រូវរៀនគឺ រៀនស្គាល់ពីលុយ និង ការចាត់ចែងលុយ។ ទោះជាយើងរកបាន មួយខែ $1,000 រឺ មួយខែ $100 ក៏ដោយ យើងសុទ្ធតែអាចចាត់ចែង សន្សំវាបានទាំងអស់ អោយតែយើងតាំងចិត្ត។ សន្សំដើម្បីវិនិយោគលើខ្លួនឯង សន្សំដើម្បីមានដើមទុនធ្វើអ្វីមួយដែលយើងចង់ធ្វើ។ គ្មានរបស់ណាដែលងាយរកលុយបាន ដោយយើងមិនចំណាយធនធានយើងខ្លះនោះទេ។

- ពេលកំពុងធ្វើការ ត្រូវតែគិតពីការមានគ្រួសារអោយហើយ ថាយើងចង់បានគ្រួសារបែបណា? យើងអាចសង្កេតមើលបាន មនុស្សដែលនៅជំវិញខ្លួន។ តើអោយតែមានលុយ គឺមានសុភមង្គល ហើយ? តើអោយតែបានប្តី រឺ ប្រពន្ធស្អាត គឺសប្បាយចិត្តហើយ? រឿងគ្រួសារជារឿង ធំបំផុតក្នុងជីវិតដែលវាអាចធ្វើអោយយើងជោគជ័យ រឺ បរាជ័យបាន ដោយសារដៃគូរួមដំណើរជាមួយគ្នា។ បើយើងមានគំរោងច្បាស់ យ៉ាងហោចណាស់ យើងកាត់បន្ថយការរើសដៃគូរខុស។

- ពេលមានគ្រួសារ ត្រូវគិតពីស្ថានភាពពេលមានកូនអោយហើយ។ បើធ្វើការទាំងប្តី ទាំងប្រពន្ធ, ពេលមានកូនអ្នកណាមើល? តើប្រពន្ធត្រូវសំរាកមួយរយះធំ ត្រូវបាត់ចំណូលគាត់ហើយ? តើយើងមានអ្វីត្រៀមសំរាប់បញ្ហានឹងទេ?

- ពេលចាប់ផ្តើមមានកូន ត្រូវគិតពីអនាគតរបស់ពួកគាត់តើ ចង់អោយគាត់ដើរផ្លូវណា? រៀនសាលាណា? សាលារដ្ឋ សាលាឯកជន? តើសាលាទូទៅ ត្រូវចំណាយអ្វីខ្លះ បង់មួយខែអស់ប៉ុន្មាន?

រឿងរ៉ាវទាំងអស់នេះ សរសេរជាសៀវភៅ មួយរយទំព័រក៏មិនទាន់អាចបកស្រាយអស់ផង។ អ្វីដែលជាគំនិតចង់បង្ហាញទៅទាំងអស់គ្នា គឺថា រាល់ថ្ងៃយើងត្រូវតែគិតពីជំហានបន្ទាប់អោយហើយ យ៉ាងហោចណាស់បានមួយជំហានមុន។ ពេលដែលយើងគិតវាប្រាកដជាមាន ផ្លូវ ពីរ រឺ បីដើម្បីដើរ។ ចឹងបើយើងគិតមុន យើងបានសិក្សាផ្លូវទាំងអស់នោះ ហើយសាកល្បងវា ថាមួយណាប្រសើរជាងមួយណា។ ឧទាហរណ៍សាមញ្ញ យើងចង់រកលុយបន្ថែមខាងក្រៅតាមរយះការវិនិយោគ ចឹងយើងអាចវិនិយោគទៅលើ Real Estate, Stock, Forex រឺ Crypto ជាដើម។ តើ ផ្លូវទាំងអស់នឹងមួយណាសាកសមនឹងយើង? ធ្វើម្តងទាំងអស់ រឺ ធ្វើម្តងមួយ? បើមានលុយច្រើនធ្វើទាំងអស់មិនបញ្ហាទេ តែបើមានលុយតិច តើគួរផ្តើមចេញពីណា? ពេលសិក្សាបានខ្លះហើយសំរេច ចិត្តយកមួយណាហើយ ត្រូវតែចំណាយពេល សិក្សាពីវាអោយយល់ស៊ីជំរៅ ដើម្បីកាត់បន្ថយហានិភ័យអោយអស់លទ្ធភាព ព្រោះទុនយើងមានកំណត់ យើងមិនអាចចេះតែបាត់លុយចោលដើម្បីយកបទពិសោធន៍នោះទេ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

Crypto Currency ជាចំនុចរបត់ថ្មី ជារឿងដែលគួរអោយចាប់អារម្មណ៍។ នៅពេលដែលទាំងអស់គ្នា ឆ្ងល់ច្រើន ចង់ចេះ ចង់ដឹង យើងនឹងព្យាយាមរៀនពីវា យល់ពីវា។ ពេលដែលយើងយល់បានច្រើន ពី Crypto Currency យើងនឹងយល់ពី Economy និង Money បានច្រើន។ វាពិតជាមានរឿងច្រើនណាស់ដែលត្រូវរៀន។ ខ្ញុំបាន Research ដោយខ្លួនឯង ហើយភ្ញាក់ផ្អើល នឹងអ្វីដែលខ្ញុំបានយល់ក្នុងរយះពេល ពីរឆ្នាំចុងក្រោយនេះ ដែលកើតឡើងដោយគ្រាន់តែយើងចង់ចេះពី Crypto Currency។ ខ្ញុំគ្រាន់តែចង់អោយទាំងអស់គ្នា ចង់ចេះចង់ដឹងចឹងដែរ។ ព្យាយាមរៀនសូត្យ ស្វែងយល់អោយបានច្រើន។ វាអាចនឹងកែប្រែ ជិវិត, ជីវភាពរបស់អ្នកទាំងអស់គ្នាបាន។ ប៉ុន្តែ ត្រូវតែមានចំណេះដឹង, Invest ដោយមានគំរោងច្បាស់លាស់ និង ទំនួលខុសត្រូវដោយខ្លួនឯង។ កាត់បន្ថយហានិភ័យអោយបានច្រើនបំផុត ប្រសិនបើយើងមិនសូវមានទុន។

ត្រូវចាំថាសំរាប់អ្នកថ្មី ដែលស្គាល់ Crypto នៅឆ្នាំ 2023 នេះគឺសំណាងបំផុតហើយ ព្រោះកាក់ទាំងអស់បានធ្លាក់ថ្លៃ ខ្លាំង ចឹងងាយស្រួល DCA ទិញដើម្បីរក្សាទុកដល់ Bull Market ម្តងទៀត។ បើដូចខ្ញុំវិញ ស្គាល់កាលអំឡុង 2021 ជាពេលទីផ្សារឡើងខ្លាំង។ កាក់ណាក៏ថ្លៃដែរ។ ចឹងបើគិតមកដល់ឥលូវ មានកាក់ខ្លះខាតច្រើនគួរសម ដែលត្រូវរក្សាទុករហូតចាំដល់តំលៃល្អវិញទើបលក់បាន។ ប៉ុន្តែការចូលមកទាន់ Market Cycle ឡើងខ្លាំង និង ចុះខ្លាំងនេះធ្វើអោយខ្ញុំ រៀនបានកាន់តែច្រើនពីវា នឹងត្រៀមខ្លួន រួចរាល់សំរាប់ Bull Market លើកក្រោយ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

Feature Auto Invest នៅក្នុង Binance ជា Feature មួយងាយស្រួលអោយយើង DCA in ទៅលើកាក់ណាមួយដែលយើងស្រលាញ់។

សាកល្បងចូលមើល និង សិក្សាពីវាដោយខ្លួនឯងបន្ថែម។ មានពេលខ្ញុំនឹងធ្វើវីដេអូ និយាយពី Feature មួយនេះ។ តែល្ងាចនេះជំពាក់វីដេអូគ្នាយើងមួយ ពាក់ពន្ធនឹងការ Research កាក់ GNS។ ចាំល្ងាចឆ្លៀតធ្វើអោយ អោយហើយ 😁។

ដោយសារតែចង់ចែករំលែកអោយគ្នាយើងស្រួលមើល ត្រូវរៀន Notion មូយថ្ងៃដើម្បីចេះប្រើ ហើយបង្កើតអោយគ្នាយើងស្រួលមើល។ ខ្ញុំបង្កើតជា Notion Public Page ដែលយើងងាយចូលមើលដូចជា Website ដែរ។ អាចសាកចុច Link ខាងក្រោមនេះដើម្បីចូលមើលបាន។

Page នេះនឹងមានការ Update បន្តបន្ទាប់។ ឧទាហរណ៍ដូចជាពាក្យកាត់ យើងនឹងបន្តថែមពាក្យណាដែលគ្នាយើងអត់យល់ និង មានការពន្យល់ថែមខ្លីៗ ខាងក្រោយ។ ទើបតែសាកល្បងទេ មិនទាន់ Update បានទាំងអស់ស្រួលបួលទេ។ ចឹង Link Page នឹងខ្ញុំនឹងដាក់ក្រោមគ្រប់ Post ដើម្បីគ្នាយើងស្រួលចូលមើលពេលណាក៏បាន។

ខ្ញុំរៀនបណ្តើរ ចែករំលែកទៅគ្នាយើងបណ្តើរ។

The Power Of Knowledge!!!

Click This Link My Notion Public Page

សំរាប់ពាក្យកាត់, ទាំងអស់គ្នាអាច Click Button នេះដើម្បី Search បាន ងាយស្រួល ជាងការមើល Post នៅក្នុង Telegram នេះ។ បើមានពាក្យណាដែលយើងឃើញគេនិយាយ ហើយមិនយល់អាចសួរខ្ញុំបាន។ ខ្ញុំនឹងបន្ថែមនៅក្នុង List នេះ។

មេរៀនអំពីកាបូបលុយគ្រីបតូ | Basic Crypto Wallet by HashCrypto
ដាច់ខាតត្រូវមើលដើម្បីស្វែងយល់ជៀសវាងការបាត់បង់លុយអស់។

ដើម្បីឈានចូលវិស័យគ្រីបតូអ្នកត្រូវយល់ដឹងឲ្យច្បាស់អំពីកាបូបគ្រីបតូ និងយល់ដឹងអំពីការរក្សាសុវត្ថិភាពទ្រព្យឌីជីថលរបស់លោកអ្នក។ មេរៀននេះនឹងជាគន្លឹះឲ្យអ្នកទាំងអស់គ្នាយល់ដឹងអំពីកាបូបលុយគ្រីបតូ ហើយជាមូលដ្ឋានដើម្បីសិក្សាបន្តទៅមុខទៀត។

https://youtu.be/o4jhfjtygrE

👉 @HashCryptoKh

វីដេអូខាងលើនេះឃើញគាត៎ព្យាយាមពន្យល់បាន វែង និង លំអិតល្អ។ តាមពិតវីដេអូខ្មែរៗ យើង ក៏មានច្រើនដែរ ដែលអ្នកទាំងអស់គ្នា អាចមើលបាន។ ទាល់តែព្យាយាមស្វែងយល់ដោយខ្លួនឯង។ មិនមានអ្វីបានមកដោយស្រួលៗទេ។

ខ្ញុំមិនបានមើលទាំងអស់ 1hour នឹងទេ ប៉ុន្តែមើលត្រួសៗ គាត់និយាយពីចំនុចសំខាន់មួយចំនួនបាន ល្អ។ អ្នកថ្មីៗ គួរតែព្យាយាមស្វែងយល់ពីការប្រើប្រាស់ Wallet នេះដើម្បីអាច ចាប់ផ្តើមប្រើ Dapp ខាងក្រៅបាន ក្រៅពី Binance។

វីដេអូដែលខ្ញុំចែករំលែកពីការ Research Coin ល្ងាចនេះក៏ត្រូវប្រើ Wallet ចឹងដែរ។ ចឹងបើមើលវីដេអូផ្សេងៗបាន យល់ហើយ ពេលមើលវីដេអូខ្ញុំខ្លីៗ អាចឆាប់យល់បាន។

😔អត់ដែលធ្វើវីដេអូ គ្រាន់តែថត Screen ពន្យល់ទាំងអស់គ្នា នឹងក៏ ពិបាកទៅហើយ។ ទាល់តែធ្វើខ្លួនឯងបានដឹង។ សូមសរសើរដល់បងៗ មុនៗដែលគាត់ធ្វើ វីដេអូចែករំលែកបានវែងៗ។ វីដេអូ ខ្ញុំ Research កាក់ GNS តិចទៀតខ្ញុំផុសអោយ។ ទើបតែកាត់ចប់។ ដំបូងគិតថាខ្លីទេ តែពេលនិយាយទៅត្រូវនិយាយច្រើន វីដេអូជិត កន្លះម៉ោង។ ប៉ុណ្ណឹងហើយមិនទាន់អាចលំអិតបានច្រើនផង។ កន្លែងខ្លះនិយាយ ខុស ត្រូវតិចតួចអីសូមអភ័យទោសផង ព្រោះដូចប្រាប់ចឹងខ្ញុំអត់ដែលធ្វើវីដេអូ អីទេ។ សំរាប់អ្នកថ្មីៗ ដែលមិនធ្លាប់ប្រើ Wallet រឺ Dapp ណាសោះប្រាកដណាស់ថាពិបាកយល់ ប៉ុន្តែព្យាយាមមើលវីដេអូគេផ្សេងៗ បន្ថែមទៀត ហើយសាកល្បងខ្លួនឯងខ្លះៗ ទើបងាយយល់ជាង ព្រោះមិនងាយមានអ្នកណាអាចពន្យល់យើងអោយយល់បាន 100% នោះទេ ដោយសារតែវាជារបស់ថ្មី ដែលមិនដូចអ្វីៗដែលយើងធ្លាប់ប្រើពីមុន។ តែពេលយើងចេះហើយ យើងនឹងយល់ថា ហេតុអ្វីបានជាត្រូវមាន BTC, DeFi, Dapp ផ្សេងៗទាំងអស់នឹង។ វាបានធ្វើអោយយើងគ្រប់គ្នាអាចប្រើបាន ដោយមិនចាំបាច់ KYC, មិនចាំបាច់បារម្ភថាមានលុយតិច រឺ ច្រើន គឺសុទ្ធតែអាចប្រើបានដូចគ្នា។ នេះជាគោលគំនិតសំខាន់ របស់ Crypto Currency គែការស្មើរភាពគ្នាក្នុងការ Access ទៅលើ Finance។

ធ្វើវីដេអូខ្លីអត់សូវអីទេ។ តែធ្វើវីដេអូវែងៗ និយាយខុសច្រើន ត្រូវកាត់ចេញច្រើន😁។ សប្បាយម្យ៉ាងដែរ រៀនរបស់ថ្មី។

ដោយសារវីដេអូវែង និង មានទំហំធំ ប្រហែលត្រូវ Upload ចូល YouTube សិន ហើយចាំផ្ញើរ Link អោយទាំងអស់គ្នា ចូលមើលវិញ ស្រួលជាង ចឹងអាចចាំយូរតិចហើយ ទំរាំ Upload ចូល YouTube ចប់។

😂 YouTube ត្រូវ Process 1hour ទៀត 😁 សុទ្ធតែរបស់ថ្មីអត់ដែលសាក អត់ដែលដឹង។ ឃើញគេធ្វើគិតថា ស្រួល ដល់តែធ្វើខ្លួនឯងបានដឹងប្រឹង។

លុបវីដេអូនឹងសិនដោយសារតែធ្វើខុសច្រើន ច្រលំដាក់វីដេអូខុសចូល Youtube ស្អែកចាំខ្ញុំ Upload អោយម្តងទៀត។ អធ្យាស្រ័យផង។🙏

វីដេអូខាងក្រោមនេះបង្ហាញពីវិធីសាស្ត្រដែលខ្ញុំប្រើដើម្បី Research កាក់ផ្សេងៗ ដែលចាប់អារម្មណ៍
មើលអត្ថបទសង្ខេបនេះរួមជាមួយ នឹង វីដេអូ ដើម្បីទាំងអស់គ្នាកាន់តែងាយយល់។

1. ត្រូវស្គាល់ឈ្មោះកាក់នោះសិនតាមរយះ Social Media ផ្សេងៗដែលយើងបានឃើញ បានលឺពីវា។

2. យកឈ្មោះកាក់នោះទៅ Search នៅក្នុង Website CoinMarketCap រួចមើលទៅលើពត៍មានសំខាន់ៗមួយចំនួនដូចជា Circulation Supply, Max Supply, MarketCap, តំលៃចាប់តាំងពិដំបូងរហូតមកដល់ឥលូវ, តំលៃទាបបំផុតប៉ុន្មាន, ខ្ពស់បំផុតប៉ុន្មាន...

3. ចូលទៅ Website ផ្លូវការរបស់ គេដើម្បីអានពត៍មានផ្សេងៗ ហើយយល់ថាតើ កាក់នឹងជារបស់ Protocol ដែលកំពុងធ្វើអ្វី? ដោះស្រាយបញ្ហាអ្វី? យើងយល់ពីវារឺអត់? ប្រសិនបើយើងមិនអាចយល់ថា Protocol នឹងកំពុងធ្វើអីទេ មិនគួរប្រថុយទិញកាក់នឹងទេ។ ទិញតែកាក់ណាដែលយើងយល់ច្បាស់ថាគេបង្កើតឡើងដើម្បីអ្វី? ដោះស្រាយបញ្ហាអ្វី?

4. ចំនុចសំខាន់នៅលើ Website គឺរកមើលថាមានបាន Audit ហើយរឺនៅ? អានឯកសារផ្សេងៗ ពាក់ពន្ធ នឹង Tokenomics, Roadmap, FAQ អីជាដើម ដើម្បីស្វែងយល់បន្ថែម។

5. ចូលទៅមើល Social Media ផ្លូវការរបស់ Project ដូចជា Twitter, Discord, Telegram ជាដើមដើម្បីមើលថា Community Active រឺក៏អត់? តើគេនិយាយគ្នាពីអ្វីខ្លះនៅក្នុង Project នឹង។

6. ចូលទៅ Twitter, YouTube, Google រួច Search ឈ្មោះកាក់នោះដើម្បី មើល និង ស្វែងយល់ ពីអ្នកដ៏ទៃថាគេនិយាយអ្វីខ្លះពីវា? ពេលខ្លះយើងមើល Website ខ្លួនឯងមិនយល់ ប៉ុន្តែ អាចមានអ្នកធ្វើវីដេអូខ្លះគេយកមកសង្ខេប ងាយយល់ក៏ថាបាន។

7. បន្ទាប់មក នៅក្នុង CoinMarketCap មើល កន្លែង Market ថាវាមានទិញលក់នៅលើ Exchange ណាខ្លះ។ បើជា Centralized Exchange ទាំងអស់គ្នាត្រូវ Download App ហើយនឹងចុះឈ្មោះ រួច KYC ដើម្បីបាន Account ហើយអាចទិញកាក់នោះបាន។ បើមិនទាន់មាននៅលើ Centralized Exchange ណាទេ មើលថាវាមានលក់នៅលើ Descentralized Exchange មួយណា និង នៅលើ blockchain មួយណា។ ចឹងត្រូវមាន Wallet មួយដែល Add Network Blockchain នោះចូល រួចរកទិញកាក់គោលដែលគេប្រើសំរាប់ GAS Fee នៅលើ Blockchain នោះ នៅលើ Binance រួច Withdraw ទៅ Wallet របស់យើង ដើម្បីអាចដំណើរការជាមួយ Dapp ផ្សេងៗបាន ។

8. ក្រោយមានកាក់សំរាប់ Gas Fee ហើយ យើងអាចទិញ Stable Coin នៅក្នុង Binance រួច Withdraw ទៅ Wallet ដើម្បីទិញកាក់ដែលយើងចង់ទិញ។ ការ Withdraw កាក់ទៅ Wallet រឿងសំខាន់បំផុតគឺផ្ទៀងផ្ទាត់ លេខ Address របស់យើងអោយត្រូវ និង Withdraw អោយត្រូវ Network របស់ Blockchain បើមិនចឹងទេ លុយយើងនឹងបាត់ហើយមិនអាចយកមកបានវិញទេ។ Binance ក៏ជួយមិនបានដែរ។

ខ្ញុំជឿថាសំរាប់អ្នកថ្មីដែលមិនធ្លាប់ប្រើ Wallet សោះ គឺពិតជាពិបាកយល់បន្តិចហើយ ព្រោះពីដំបូងខ្ញុំក៏ដូចគ្នា។ គឺមានតែការខិតខំព្យាយាមស្វែងយល់បន្ថែមទៀត ហើយរៀនសាកអនុវត្តផ្ទាល់ដោយខ្លួនឯងបន្ថែម ដើម្បីឆាប់យល់។ តែសុំសាកជាមួយលុយ តិចតួចបានហើយបើយើងមិនទាន់ច្បាស់ ព្រោះវាងាយនឹងបាត់បង់លុយទាំងអស់ប្រសិនបើយើងមិនទាន់ចេះប្រើ Wallet និង Dapp ទាំងនោះទេ។

ជាចុងក្រោយខ្ញុំសូមបញ្ជាក់ម្តងទៀតថា ទោះជាលឺខ្ញុំរឺអ្នកណាក៏ដោយនិយាយពីឈ្មោះកាក់ នេះ កាក់នោះ, នៅក្នុងវីដេអូលឺខ្ញុំនិយាយ ពីកាក់នេះ កាក់នោះ គឺកុំទិញតាមអោយសោះ។ ត្រូវតែយកទៅសិក្សាខ្លូនឯងសិន ចាំយល់ ច្បាស់លាស់ ចាំសំរេចចិត្តទិញ។

https://youtu.be/PwSzbZrwIMs

សំនួររបស់គ្នាយើង។ ខ្ញុំគិតថាអ្នកខ្លះអាចឆ្ងល់ចឹងដែរ។

មិនមែន Coin ទាំងអស់ត្រូវតែឡើង ចុះតាម Bitcoin ទេ។ គ្រាន់តែថាយើងអាចយក BTC ជាគោលបាន ពេលដែល BTC ឡើង ជាទូទៅ កាក់ផ្សេងៗឡើង តែមិនមែនទាំងអស់ទេ ហើយក៏មិនមែនឡើងតិច រឺ ច្រើនដូចគ្នាដែរ។ អាស្រ័យទៅលើការវិវឌ្ឍន៍របស់កាក់នីមួយៗ ផ្សេងៗគ្នា។ ពេលខ្លះ BTC មិនទាន់ឡើង រឺ ចុះក៏ដោយ ក៏អាចមានកាក់ផ្សេង ឡើង 100%, 200% អីក៏មាន ដោយសារតែមានពត៍មានល្អ មានការប្រកាសល្អណាមួយ។ ឧទាហរណ៍ដដែលពីកាក់ GNS នឹងថ្ងៃដែលវាឡើង 70% ទៅ 80% នឹងគឺ BTC ក៏មិនមានឡើងអីខ្លាំងដែរ តែដោយសារ GNS មានពត៍មានល្អ គឺ Binance ចាប់ផ្តើម List។

ពេលខ្លះ BTC ឡើងខ្លាំង ប៉ុន្តែ Project ណាមួយ រឺ កាក់ណាមួយមានពត៍មានមិនល្អ ក៏អាចចុះបានដែរ។ ជារួម កាក់ផ្សេងៗគ្នា Project ផ្សេងៗគ្នា យើងត្រូវយល់និងតាមដានវាផ្សេងៗគ្នាដែរ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ប្រទេសចិនបានចាក់លុយចូល ក្នុងទីផ្សារដើម្បី ទប់ទល់នឹងបញ្ហាហិរញ្ញវត្ថុរបស់ខ្លួន ដល់ទៅ ប្រហែល 92 Billions Dollar។ ចឹងហើយបានជាទីផ្សារ មិនទាន់ចុះខ្លាំង ទោះជាធនាគារកណ្តាលអាមេរិក នៅបន្តតំឡើងការប្រាក់។ មាន កាក់ជាច្រើនដែលជាប់ពាក់ពន្ធនឹងប្រទេសចិន កំពុងឡើងថ្លៃខ្លាំង។ មើលទៅប្រហែលត្រូវ ស្វែងយល់ពីសេដ្ឋកិច្ចចិន ស៊ីជំរៅបន្ថែមទៀតហើយ។ អ្នកដែលមានលុយច្រើន និង មានឥទ្ធិពលលើទីផ្សាពិភពលោកមិនមែនមានតែអាមេរិក ទៀតនោះទេ។

ត្រូវចាំថាការចាក់លុយចូលទីផ្សារដើម្បីជួយសេដ្ឋកិច្ច មានចំនុចល្អ និង មានចំនុចអាក្រក៎។ ល្អគឺជួយក្រុមហ៊ុនជាច្រើនកុំអោយក្ស័យធន។ អាក្រក់គឺ Inflation នឹងកើនឡើងដូចនៅអាមេរិក ហើយត្រូវរកវិធី បន្ថយវាមកវិញ។ មានតែរងចាំមើលថានឹងមានអ្វីកើតឡើងបន្តទៀត។ សំរាប់យើងជា Investor។ DCA ចូលក្នុង market គឺជារឿងល្អបំផុត ព្រោះគ្មានអ្នកណាអាចដឹងច្បាស់ថា មានរឿងអីកើតឡើងទេ។

ប្រភព៖
https://twitter.com/tedtalksmacro/status/1627222609988575232?t=HAgEitx3BgerYv0LRSJ-Tg&s=19

នៅក្នុងសេដ្ឋកិច្ចមានពាក្យពីដែលត្រូវដឹង
1. QT = Quantitative Tightening
ជា Process ដែលធនាគារកណ្តាល ដកលុយចេញពីទីផ្សារ ដោយតំឡើងការប្រាក់ខ្ពស់។

2. QE = Quantitative Easing ជា Process ដែលធនាគារកណ្តាលចាំផ្តើមចាក់លុយចូលទីផ្សារ ដោយបន្ថយការប្រាក់ និង Print លុយបន្ថែម។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ចង់ Invest ទៅលើផ្នែកណាមួយមិនថា Real Estate, Stock, Forex រឺ Crypto Currency។ យើងមិនអាចធ្វើនំអត់ម្សៅបានទេ។ គឺត្រូវតែមានទុនសំរាប់ Invest។ ចឹងជាការចាំបាច់សំរាប់យើងដែលត្រូវមានប្រភពចំណូលច្បាស់លាស់ ហើយអាចដកកញ្ចប់ សំរាប់វិនិយោគ ប្រចាំខែបាន។ វាជារឿងតែមួយគត់សំរាប់អ្នកដែលមានទុនតិច ហើយចង់ជោគជ័យទៅថ្ងៃក្រោយ។ យើងមិនអាចស្រមៃថា មានលុយ 10$, 100$ រឺ 1000$ ហើយចូល Crypto ដើម្បីរកបាន 100,000$ រឺ 1,000,000$ នោះទេ។ ភាគរយវាតិចណាស់ ដែលសឹងតែយើងមិនមែន 1 នៅក្នុងអ្នកមានសំណាងទាំងអស់នោះ។ ចឹងរៀបចំជីវិតខ្លួនឯងដែលយើងអាចគ្រប់គ្រងបាន ប្រសើរជាងដេកចាំព្រេងវាសនា។

បើទាំងអស់គ្នាមិនទាន់មានលុយគ្រប់គ្រាន់សំរាប់ Invest មានន័យថាទាំងអស់គ្នា កំពុងជួបបញ្ហាណាមួយក្នុងចំណោមបញ្ហាទាំងពីរខាងក្រោម។

1. ចំណាយ ច្រើនជាងចំណូល។ មិនចេះគ្រប់គ្រងលុយ រឺ ចំណាយខ្ចះខ្ចាយច្រើន ទោះជារកបាន តិច រឺ ច្រើនក៏យើងនៅតែអាចមានវិធីបែងចែកលុយមួយចំនួន ទុក វិនិយោគបានដែរ។

2. ចំណាយព្យាយាមកាត់បន្ថយអស់លទ្ធភាព តែនៅតែមិនអាចរកចំណូលគ្រប់។ នេះជាបញ្ហាសមត្ថភាពយើង ទាំងស្រុង។ មានន័យថាយើងមិនទាន់មានសមត្ថភាពគ្រប់គ្រាន់ក្នុងការ រកចំណូលបាន ចឹងដំណោះស្រាយគឺពង្រឹងចំណេះដឹង សមត្ថភាពរបស់ខ្លួនសិន ហើយធ្វើយ៉ាងណាអោយខ្លួន អាចរកចំណូលអោយលើសពីចំណាយ ហើយអាចបែកចែក សន្សំតាមផ្នែកៗ បាន ហើយក្នុងនោះ ត្រូវតែមានផ្នែកវិនិយោគ។ ទោះជាចាប់ផ្តើម ត្រឹមមួយខែ ដាក់លុយវិនិយោគបានត្រឹមតែ 10$ ក៏វាបង្ហាញថាជាចំនុចចាប់ផ្តើមល្អដែរ។ ចឹងព្យាយាមបន្ថែមទៀតរហូតអាច ដាក់បាន មួយខែ 100$ សំរាប់វិនិយោគ។ ពេលយើងអភិវឌ្ឍន៍ដល់ចំនុចនេះហើយ យើងនឹងអាចបន្ត បង្កើនចំណូលយើងបានបន្ថែមទៀតជាមិនខាន តែត្រូវចាំផ្តើមពីចំនុច ទាបបំផុតសិន។

រាល់ការវិនិយោគ គឺត្រៀមចិត្តសំរាប់ Long Term រយះពេលវែង ចឹងត្រូវច្បាស់ថាលុយនោះទាំងអស់គ្នា មិនចាំបាច់ ត្រូវប្រើភ្លាមៗវិញនោះទេ។ គ្មានអ្នកណាទិញដីហើយ គិតថា ខែក្រោយលក់ចំណេញគុណនឹង 2, គុណនឹង 10ទេ។ ត្រូវទុករាប់ឆ្នាំទំរាំគេ អភិវឌ្ឍន៍ដល់ ដីយើងហើយលក់បានថ្លៃ។ ដូចគ្នា សំរាប់ Crypto, កុំជឿគេថា Trade ពីលុយ 50$ បាន 500$, 500$ បាន 5000$ រាល់ខែអីនឹង។ គ្មានបានផលទេ ខាតពេល អស់លុយរៀន អស់ទាំងលុយដាក់ចូលនឹងទៀត។ វិនិយោគគិតលើរយះពេលវែង យើងមិនប្រថុយច្រើន មិនមែនលេងល្បែង តែជាការយល់ពិតប្រាកដ ថាវានឹងឡើង នៅ 2ឆ្នាំទៀត 3ឆ្នាំទៀត រឺ 5ឆ្នាំទៀត។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

BTC មិនឡើងតែ Coin ផ្សេងអាចឡើង។ នៅក្នុង Portfolio របស់យើងគួរតែមាន Coin តាម Category មួយចំនួនដែលយើងចូលចិត្ត បានស្វែងយល់ ពីវាច្បាស់លាស់។ ព្រោះនៅក្នុង Category ច្រើនវាអាចជួយទប់គ្នាទៅវិញទៅមកបាន។ មិនធ្លាក់ទាំងអស់ មិនឡើងទាំងអស់ទេ។

Category នៅក្នុង Crypto មានដូចជា L1, L2, DeFi, LSD, AI, Storage, GamiFi, Oracle...

ស្វែងយល់ពី Category នីមួយៗ រើសយក Coin ពីរ បីយកមកសិក្សាលំអិត ហើយចាប់ផ្តើម ដាក់គោលដៅក្នុងការទិញ ដោយ DCA នៅក្នុងតំលៃ Range ណា។

បញ្ជាក់ Portfolio ខាងលើគឺខ្ញុំ Track Portfolio របស់ខ្ញុំពិតប្រាកដនៅក្នុង CMC។ ខ្ញុំមិនចែករំលែកឈ្មោះកាក់មែន តែខ្ញុំនឹងចែករំលែកពីដំណើរនៃការ វិនិយោគរបស់ខ្ញុំ ជាមួយអ្នកទាំងអស់គ្នា។ ខ្ញុំព្យាយាម និយាយទូទៅ ព្រោះខ្ញុំជឿថាគ្មានអ្នកណាម្នាក់អាចប្រាប់ បង្រៀន យើងអោយជោគជ័យបានទេ ទាល់តែយើងខ្លួនឯង ព្យាយាមសិក្សាស្វែងយល់ខ្លួនឯង និង កំណត់ភាពជោគជ័យដោយខ្លួនឯង។ ការចែករំលែកទាំងអស់នេះក៏ ចង់អោយអ្នកថ្មីៗ ងាកមក ផ្នែក Invest ខ្លះ កុំ Trade ច្រើនពេក។ បំណងល្អពីខ្ញុំ 🥰

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

សូមប្រុងប្រយត្ន័សំរាប់ Project ណាដែលមាន ការ Stake និង Unstake ដោយមិនប្រើ Blockchain។ វាមានហានិភ័យ និង មិនសមហេតុផល។ មិនមានមូលហេតុដែលគ្រាន់តែ Claim Reward ត្រូវ Claim តាម Email ទេ។ គ្រាន់តែជាចំនុចគួរអោយសង្ស័យ និង រៀនសង្កេតបន្ថែមទៀត។ អាចថាមានភាគរយតិចតួចណាស់ដែល ម្ចាស់គំរោងត្រូវធ្វើបែបនឹងដោយមានហេតុផលសមរម្យណា មួយ ចឹងយើងត្រូវយល់ពីហេតុផល នឹងសិនមុនពេល វិនិយោគ។ ការប្រើប្រាស់ Wallet ហើយចាប៎ផ្តើមវិនិយោគខាងក្រៅដោយខ្កួនឯង គឺពិតជាគ្រោះថ្នាក់ណាស់ប្រសិនបើយើងមិន ទាន់ច្បាស់លាស់ និង មិនសូវមានបទពិសោធន៍ ព្រោះថា សំបូរអ្នកបោកណាស់ នៅក្នុងវិស័យ Crypto នេះ។ សូមរៀនសូត្យបន្ថែម និង ប្រុងប្រយត្ន័ផង ទាំងអស់គ្នា។

ប្រភព៖ https://twitter.com/bubblemaps/status/1627367524093333504?t=zR3AXaoTxd3sz5SrJ2liRQ&s=19

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ខ្ញុំកំពុងចង់ ប្រមូលវីដេអូ រឺ អត្ថបទខ្មែរ ដែលល្អៗ និង ពន្យល់ងាយយល់ដែលបងៗ អ្នកចែករំលែកមុន គាត់បានធ្វើរួច ដាក់ក្នុង Page Notion ដែលខ្ញុំចែករំលែកជាមួយទាំងអស់គ្នា ក្នុងគោលបំណងសំរាប់អ្នកថ្មី គាត់មានពត៍មាន ទូទៅជាមូលដ្ឋានក្នុងការចាប់ផ្តើម សិក្សាស្រាវជ្រាវ ព្រោះថា

- មួយខ្ញុំមិនជំនាញ ផលិតផលវីដេអូទេ(កំពុងតែរៀនធ្វើវាដែរ)

- ទីពីរ គឺយើងចង់គាំទ្រអ្នកចែករំលែកផ្សេងៗ ដែលគាត់បានធ្វើរួចហើយ។ ដោយសារតែខ្ញុំក៏មិនសូវបានស្គាល់ Content Creator នៅខ្មែរ ដែលចែករំលែកពី Crypto ហើយណាមួយ អាចត្រូវចំណាយពេលច្រើនក្នុង ការ Search និង មើលវីដេអូរបស់ពួកគាត់ទាំងអស់។

តើទាំងអស់គ្នា អាចជួយ Comment ជា Link វីដេអូ រឺ អត្ថបទណាមួយដែលគិតថា ល្អ និង ទាំងអស់គ្នា បានមើល បានអានហើយ ងាយយល់? ដើម្បីខ្ញុំយកមក ចង់ក្រងជា Page Summary មួយសំរាប់អ្នកថ្មីដែលចាប់ផ្តើមជាមួយ Crypto។

អាចជាវីដេអូដែលនិយាយពី អ្វីទៅជា Blockchain? អ្វីទៅជា BTC? របៀបបង្កើត Binance Accoun? ការពន្យល់ពី Wallet អីផ្សេងៗ?.......

ខ្ញុំនឹងព្យាយាមយកវា មកចងក្រង ដើម្បីផលប្រយោជន៍រួមទាំងអស់គ្នា និង ជាពិសេសសំរាប់អ្នកថ្មី។ យើងយក Link ដើមរបស់ម្ចាស់គេ មកដាក់តែម្តង អត់យកមក Copy បង្កើតដាក់ Page ខ្លួនឯងអីទេ។

ចឹងសូមទាំងអស់គ្នា អាចជួយផ្ញើរ Link ទាំងអស់នឹងចូល ក្នុង Comment ខាងក្រោមផង។ អរគុណទុកជាមុន 🙏

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR