Full list around 185 countries.

អ្វីដែលគួរដឹង

1- នេះជា Reciprocal tariffs ដែល ជាពន្ធគយថ្មី លើពន្ធគយចាស់ ផ្សេងៗ ទាំងអស់។ ឧទាហរណ័ ក្នុងតារាង ចិន 34% តែធ្លាប់ដាក់ពន្ធ 20% កាលពីខែ 03 ចឹងសរុប 54%។

2- បើមើលក្នុង List មានពីរ ប្រទេសទៀត ជាប់ 50% បន្ទាប់មកទើបខ្មែរយើង 49%, ឡាវ 48%, វៀតណាម 46%។ ក្នុងចំណោមប្រទេសជិតខាងយើង ថៃជាប់តិចជាងគេ 36%។

3- ខាងអាមេរិកនិយាយថា ទិន្នន័យនេះជា ពន្ធ Cap ហើយ មានន័យថាមិនមានគំរោង តំឡើងទៀតទេ បើប្រទេសទាំងនោះ មិនឆ្លើយតប។ តែគេបើកផ្លូវអោយប្រទេសនីមួយៗ ចរចារ ដើម្បីទំលាក់បាន។

4- អ្វីដែលអាមេរិកចង់បាន គឺ អោយប្រទេសទាំងអស់ បន្ថយពន្ធគយលើ ទំនិញអាមេរិក ដើម្បីអោយ ក្រុមហ៊ុន នៅអាមេរិក នាំចេញបានច្រើន បង្កើនការងារ និង ប្រាក់ចំណេញ ជាដើម។

ជំរើសមួយទៀតគឺប្រទេសទាំងនោះ អាចបង្កើនទុនវិនិយោគ នៅអាមេរិក តាមរយះ ការផលិត ផលិតផលរបស់ខ្លួន នៅអាមេរិកវិញ បើមិនចង់ជាប់ពន្ធ។ ធ្វើបែបនេះ គឺគេទាញ ការវិនិយោគចូលអាមេរិក ដើម្បីជំរុញសេដ្ឋកិច្ចរបស់គេ។

5- ប្រទេសនីមួយៗ នឹងជួបផលលំបាក ក្នុងការសំរេចចិត្ត។

- បើទុកបែបនេះ ក្រុមហ៊ុនដែលត្រូវនាំចេញ ទៅអាមេរិក អាចនឹង ត្រូវថយ ចំនួនកម្មង់ ដោយសារតែ អ្នកនាំចូលនៅអាមេរិក ត្រូវបង់ពន្ធបន្ថែម នាំអោយថ្លៃដើមឡើងថ្លៃ ពិបាកលក់ចំណេញ។

ក្រុមហ៊ុននៅអាមេរិកដែលធ្លាប់នាំចូលទំនិញផ្សេងៗ ពីប្រទេស ដែលមានពន្ធគយទាប ហើយឥលូវកើនឡើងខ្លាំង នឹងត្រូវ ពិចារណា បន្ថយការកម្មង់ និង ស្វែងរក អ្នកផ្គត់ផ្គត់ផ្សេង ដែលអាចមានថ្លៃដើម ទាបជាង។

ចឹងក្រុមហ៊ុនក្នុងស្រុក ធ្លាក់ចំណូល ចំណេញ នាំអោយ អាចបាត់ការងារមួយចំនួន ហើយនឹងការប្រមូលពន្ធរបស់រដ្ឋដែរ។

- បើចចារ ទំលាក់ពន្ធនាំចូលទំនិញអាមេរិក ប្រហែលអាចធ្វើអោយអាមេរិក ទំលាក់ ពន្ធគយ Reciprocal tariffs នេះបានខ្លះ តែរដ្ឋក៏នៅតែបាត់បង់ ចំណូលពន្ធគយដែរ។

ប្រទេសនីមួយៗ មានពន្ធសំខាន់ពីរ គឺពន្ធគយ ដែលយកលើទំនិញនាំចូល និង ពន្ធអាករ ដែលជាការប្រមូលពន្ធខាង ក្នុងប្រទេសដូចជាពន្ធលើប្រាក់ខែ ពន្ធលើប្រាក់ចំណេញអាជីវកម្មអីជាដើម។

ប្រទេសនីមួយមានស្ថានភាពខុសៗ គ្នា ហើយក៏មានទំនាក់ទំនង នយោបាយ និង ពាណិជ្ជកម្មជាមួយអាមេរិកខុសៗ គ្នា ដែរ ចឹងវាអាស្រ័យ លើការ ពិចារណាថ្លឹងថ្លៃង របស់ខ្លួនថា គួរដើរផ្លូវណា គួរសុខចិត្តបន្ថយចំណូលមួយណា ដែលប៉ះពាល់ដល់ សេដ្ឋកិច្ច តិចបំផុត។

បើអោយ រកផ្លូវល្អបំផុតមិនមានទេ ដោយសារអាមេរិក គាត់សំរេចបែបនេះហើយ។ អ្វីដែលអាចធ្វើបាន គឺរកផ្លូវដែលប៉ះពាល់តិចបំផុត ក្នុងរយះពេលខ្លី ហើយព្យាយាម រកដៃគូ ពាណិជ្ជកម្ម ផ្សេងៗទៀត ក្រៅពីអាមេរិក ដើម្បី បង្កើនការនាំចេញ ទៅប្រទេសផ្សេង ក្នុងករណីការនាំចេញទៅអាមេរិកធ្លាក់ចុះ។

6- មិនមែនប៉ះពាល់តែខ្មែរទេ ហើយក៏មិនមែនជា ការដាក់ពន្ធ ដោយសារបញ្ហានយោបាយដែរ។ ពន្ធគយនេះ គឺខាង ក្រសួងសេដ្ឋកិច្ច អាមេរិកជាអ្នករៀបចំ ចឹងគេមើលទៅលើ ទិន្នន័យពាណិជ្ចកម្ម រឺអាចនិយាយសាមញ្ញថា ជាលេខសុទ្ធសាធ។ គាត់មើលលើ ប្រទេសណា យកពន្ធទំនិញអាមេរិកខ្លះ ហើយថាតើ ជញ្ជីងពាណិជ្ជកម្ម ខុសគ្នា កំរឹតណា។

ជាក់ស្តែងដូចខ្មែរយើង ឃើញប៉ះពាល់មែន តែសួរថា រោងចក្រ ទាំងអស់ បើចង់ប្តូរ តើប្តូរទៅណា? ទៅណារួច បើថៃ ឡាវ វៀតណាម ជាប់ទាំងអស់ដែរនឹង។

ចឹងវាអាស្រ័យថា តើប្រទេសណា អាចដោះស្រាយបញ្ហាបាន លឿន ផ្តល់ភាពច្បាស់លាស់ អោយអាជីវកម្មនាំចេញទាំងអស់ នោះបាន សមស្រប ប្រទេសនោះអាចនឹង ទទួលបានផលវិជ្ជមាន ច្រើន ជាង អវិជ្ជមាន។

សង្ឃឹមថា យើងអាចនឹងមាន ដំណោះស្រាយឆាប់ៗ។

—————————
❗️ Disclaimer: NFA, DYOR

💡 All of my social media

💌 Message for new community members

Trump ចង់បានការប្រាក់ចុះថោក ដើម្បី ជំរុញសេដ្ឋកិច្ច និង Bond yield ឆាប់ចុះដែរ។

FED ថា Tariff អាចនឹងប៉ះពាល់ ដល់ Inflation និង សេដ្ឋកិច្ច ចឹងនៅតែមិនច្បាស់លាស់។ មានន័យថា មិនទាន់ថយការប្រាក់ឆាប់ៗ នេះទេ។

សំនួរសួថា ចុះបើ Trump ចង់បានការប្រាក់ ទាប ហេតុអ្វីបង្ក រឿង ដាក់ Tariff ធ្វើអោយ Inflation កើន?

- ការប្រាក់របស់ FED ជះឥទ្ធិពល ទៅលើទីផ្សារ មិនបានភ្លាមៗ ទេ ហើយភាគច្រើន គាត់មានឥទ្ធិពលទៅលើ Short term bond yields ជាង Long term ជាពិសេស មិនសូវជួយដល់ 10years bond yields បានលឿន នោះទេ។

ចឹងបើទោះជា FED បន្ថយការប្រាក់ដើមឆ្នាំនេះតិចតួច ក៏ 10years Bond yield មិនចុះលឿនពេកដែរ។

- រដ្ឋាភិបាល ត្រូវអស់លុយអំឡុង ខែ 07, 08 ឆ្នាំនេះ ដែលនឹងត្រូវចាប់ផ្តើម ខ្ចីបំណុលបន្ថែម។ ច្បាស់ណាស់ គាត់មិនចង់ ខ្ចីបំណុលការប្រាក់ខ្ពស់នោះទេ ចឹងគឺចង់បន្ថយការប្រាក់ អោយហើយ។

ជំរើសល្អបំផុតដើម្បីបន្ថយ 10years bond yield គឺ ធ្វើអោយទីផ្សារ ចុះសិន អ្នកវិនិយោគភ័យ លក់ Asset ទិញ Bond នាំ អោយ Yield ឆាប់ចុះ។

បង្កើន Tariff នឹងមានឥទ្ធិពលល្អ ក្នុងរយះពេល មធ្យម និង វែង សំរាប់ អាមេរិក ទោះជា អាចកើន Inflation ខ្លះ តែគាត់មានគំរោង បន្ថយពន្ធដារ និង បង្កើនការផលិតផលប្រេងឆៅ ដើម្បីបន្ថយតំលៃប្រេង តំលៃថាមពល ដើម្បី អាចបន្ថយ Inflation បានខ្លះ។

- គាត់បង្កើត បញ្ហា tariff ដែលខ្លួនគាត់គិតថា ល្អ សំរាប់ពាណិជ្ជកម្ម និង បង្កើត ការផលិត នៅអាមេរិកវិញ។

ស្របពេលជាមួយគ្នា អាចធ្វើអោយទីផ្សារធ្លាក់ចុះ, Bond yield ធ្លាក់ចុះ។ ពេលទីផ្សារធ្លាក់ចុះ អត្រា អត់ការងារធ្វើអាចកើនឡើង ខ្លះ។

ប្រសិនបើ Unemployment rate កើន ស្រប ជាមួយ Inflation កើនដែរ តែគាត់ជឿថាគាត់គ្រប់គ្រង Inflation បានតាមរយះ បន្ថយតំលៃ ប្រេង នោះ FED នឹងឃើញ Risk Unemployment rate ច្រើនជាង Inflation ចឹងនាំអោយ FED ឆាប់បន្ថយ rate។

Long term bond yields ធ្លាក់ចុះខ្លះ ស្របពេល FED បន្ថយ ការប្រាក់ នឹងជួយ អោយ មានការជំរុញសេដ្ឋកិច្ច ឡើងវិញ ហើយរដ្ឋាភិបាលថ្មីរបស់គាត់ អាចខ្ចីបំណុលថ្មី ក្នុងការប្រាក់ទាប។

- ចំនុចសំខាន់មួយទៀត គឺត្រូវតែធ្វើ ពីឥលូវអោយហើយ ដើម្បី អោយបញ្ហាកើតឡើងពីឆ្នាំទី មួយ ទោះធ្លាក់ចូល Recession ក៏មានពេល ស្តារមកវិញ។ ហើយបើធ្វើជ្រុល បញ្ហាច្រើន បន្ទោសថា ជាការ ផ្លាស់ប្តូរ ពី Biden មក ចឹងបញ្ហាទាំងអស់ មកពី Biden ធ្វើមិនល្អ ទើបគាត់ត្រូវកែប្រែច្រើន បញ្ហាច្រើន។

——————-
ស្តាប់ទៅវាស្មុគ ស្មាញ ព្រោះ រឿងនយោបាយ និង សេដ្ឋកិច្ច វាមិនមែន 1+1 ស្មើរ 2 ដូចគណិតទេ។

ឧទាហរណ៍ យើងចង់បាន Inflation ចុះដើម្បីអោយ FED បន្ថយការប្រាក់លឿន តែបើចុះជ្រុល់ ដល់ 0 រឺ ដល់ អវិជ្ជមាន អានឹងទៅជា Deflation ដែលពិបាកដោះស្រាយដូចគ្នា

យើងចង់បាន Unemployment rate កើន ដើម្បី FED ឆាប់បន្ថយការប្រាក់។ កើនតិចតួចអត់អីទេ កើនលើស 5% ចាប់ផ្តើមចូលដល់ Recession ពិបាកដោះស្រាយដូចគ្នា។

ចឹងហើយគ្រប់ទិន្នន័យ គឺ មានកំរឹតរបស់វា មិនមែនចង់អោយចុះ គឺត្រូវតែចុះខ្លាំង នោះទេ។ ចង់អោយ Bond yield ចុះ តែបើចុះពេក ក៏ Recession ដូចគ្នា ព្រោះមានន័យថា មនុស្សលែងទុកចិត្ត ការវិនិយោគហើយទោះការប្រាក់ធ្លាក់ដល់ 1% ក៏សុខចិត្តយក ហើយទិញ Bond ដោយមិនដាក់លុយចូល Asset។

ត្រូវចាំថា បើ សេដ្ឋកិច្ច ពិភពលោកស្រួល កាច់ចង្កូត យើងនឹងមិនមាន វិបិត្តសេដ្ឋកិច្ច សកល ជាច្រើនដងនោះទេ។ ដោយសារតែវា ពិបាកទើបត្រូវការ ការសាក ល្បងជាច្រើនចំនុច។ បើសាកត្រូវ អាចដើរល្អ សាកមិនត្រូវជ្រុល ចូលវិបត្តិមួយរយះសិន។

គ្រាន់តែជាអ្វីដែលខ្ញុំយល់ ដោយមើលពត៍មានជាច្រើន ចូលគ្នា តែប៉ុណ្ណោះ មិនប្រាកដ ថា ត្រូវទាំងអស់ទេ។ សូមសិក្សា ខ្លួនឯង បន្ថែម។

នយោបាយ និង សេដ្ឋកិច្ច ពិភពលោក មិនមែន ត្រឹម អង្គុយមើល វីដេអូ ពីរ បី ត្រូវយល់ ថា គេធ្វើអីនោះទេ។ អាចយល់បាន ប៉ុណ្ណា ខ្ញុំចែករំលែក ប៉ុណ្ណឹងតែ ប៉ុណ្ណោះ 🙏

—————————
❗️ Disclaimer: NFA, DYOR

💡 All of my social media

💌 Message for new community members