The Web3 Perspective

អត្ថបទមួយនេះ ខ្ញុំពន្យល់ ត្រួសៗ ពី Debt Celling ហើយ។ អាចចូលទៅអាន ដើម្បីយល់ដឹងខ្លះៗ ហើយបន្តតាមដាន ពីបញ្ហានេះនៅខែក្រោយ។

https://t.me/rtakhshare/5841

ឥលូវនេះខ្ញុំពន្យល់ខ្លះៗ ទៀត ថាហេតុអ្វីបាន ជាគេនិយាយថា រាល់ពេលតំឡើង Debt Celling វាតែងតែជាពត៍មាន មិនល្អសំរាប់ BTC?

រាល់ពេលដែល រដ្ឋាភិបាលអាមេរិក ខ្ចីលុយដល់ ចំនួនកំណត់ (Debt Celling) វាតែងតែកើតឡើង នូវ បញ្ហា មិនច្បាស់លាស់ ជាច្រើន ក្នុងអំឡុងពេល គណះបក្ស ទាំងពីរ នៅក្នុងសភា ចរចា គ្នា រកចំណុចកណ្តាល ដើម្បី តំឡើង បន្ថែម។

1- ប្រសិនបើមិនអាចតំឡើងបាន បញ្ហានឹងធំ ព្រោះ រដ្ឋាភិបាលអាមេរិក ប្រឈម នឹងការ Shut down ហើយក៏អស់លុយដើម្បសងគេ ដែលធ្វើអោយមាន បញ្ហា សកល ដោយសារតែ ម្ចាស់បំណុល របស់អាមេរិក ច្រើនណាស់ ដែលនឹងត្រូវ ដួលតគ្នា។ ចំនុចនេះមិនដែលកើតឡើងទេ ព្រោះគ្មានអ្នកនយោបាយមួយណា ចង់អោយវាកើតឡើង ឡើយ ចឹងមុន និង ក្រោយ គឺគង់តែចរចា គ្នាបានតំឡើង បន្ថែមទៀត។

វាក៏ជាចំនុចសំខាន់មួយ ដែលបង្ហាញថា អាេមរិក រឺ ពិភពលោកទាំងមូល មិនអាចចាកចេញ ពីបំណុលទេ ចឹងហើយត្រូវតែ បន្តខ្ចីលុយ Print លុយបន្ថែម រហូត ដែលវាធ្វើអោយ Currency បាត់ Purchasing power, មាន Inflation ជាដើម ដែលជាចំនុចចំបងយើងត្រូវតែ ស្វែងយល់ពីការ វិនិយោគដែលអាចការពារ Purchasing power របស់យើងបាន។

2- នៅពេល Debt Celling អាចតំឡើងបាន វានឹង Bearish short term សំរាប់ Liquidity នៅលើ ទីផ្សារ ជាពិសេស Risk Asset ដូចជា Crypto។ ពេលដែល អាមេរិកសំរេច តំឡើង Debt Celling គាត់នឹង អាចបន្តខ្ចីលុយបន្ថែម ដែលលុយទាំងនោះ វាជាលុយនៅលើ ទីផ្សារ ដែលប្រៀបដូចជា ទាញ Liquidity ពីទីផ្សារ ចូលកុង រដ្ឋាភិបាល ហើយរងចាំចំណាយ តាមដំណាក់កាលមកវិញ។

រាល់ពេលដែល Liquidity នៅលើ ទីផ្សារ ត្រូវបាន បាត់ វាក៏ធ្វើអោយ Asset អាចធ្លាក់ថ្លៃដែរ។

ចំនុចសំខាន់មួយទៀតគឺ FED នៅតែបន្ត QT (Quantitative Tightening) ដែលវាក៏ជាផ្នែកមួយនៃការ ទាញ Liquidity ពីទីផ្សារដែរ។ ចឹងហើយបើ គេ អាចតំឡើង Debt ceiling នៅពេលដែល FED QT វានឹងកាន់តែធ្វើអោយបាត់ Liquidity ចេញពីទីផ្សារ។

3- ចឹង Debt Celling នឹង តំឡើងមិនបានក៏អាក្រក់? តំឡើងបានក៏អាក្រក់?

អាចថាចឹងក៏បាន គ្រាន់តែថា តំឡើងមិនបាន នាំអោយ US default ពិភពលោកទាំងមូលជួប វិបត្តិហិរញ្ញវត្ថុ ធ្ងន់ធ្ងរ រយះពេលយូរ។ ករណីនេះសឹងតែ 0% ដែលអាចកើតឡើង។

តែបើតំឡើងបាន អាចថា បាត់ Liquidity short term តែរដ្ឋាភិបាលនៅបន្តតំណើរការ ហើយលុយទាំងនោះ នឹងចូលមកទីផ្សារវិញ តាមការចំណាយផ្សេងៗ របស់រដ្ឋ។

មួយវិញទៀត នៅពេលដែលទីផ្សារ ខ្វះ Liquidity ខ្លាំងដែលអាចនាំអោយមាន វិបត្តិ, FED គាត់អាចនឹង ចាប់ផ្តើម QE (Quantitative Easing) ដែលនឹងជួយជំរុញ Liquidity នៅលើ ទីផ្សារឡើងវិញហើយ។ ចឹងអាចថា បញ្ហារយះពេលខ្លី តែ ល្អសំរាប់រយះពេលវែង ដែល អាមេរិកនៅតែបង្កើនបំណុល Print លុយ ហើយ Asset ទាំងអស់ នឹងនៅតែបន្ត ឡើងថ្លៃ។

4- ខែ 01-2025 ជាខែ ដែលមាន ពត៍មានចំរុះ ទាំងល្អ មិនល្អ និង ភាពមិនច្បាស់លាស់ជាច្រើន ដែលយើងក៏ពិបាកស្មានថា ទីផ្សារ នឹងទៅជាយ៉ាងណា ជាពិសេស គឺថ្ងៃ 20th នៅពេល Trump ឡើងកាន់តំណែង ហើយក៏ល្មមដល់ពេល ជជែក គ្នា ពី Debt Celling។ ចុងខែ 01 យើងក៏នឹងមាន FED សំរេចការប្រាក់ ថ្មីម្តងទៀត។

អ្វីដែលខ្ញុំពន្យល់ខាងលើគឺ ទៅតាមការយល់ឃើញរបស់ខ្ញុំទេ វាអាចមិនត្រូវ 100% ព្រោះខ្ញុំក៏មិនមែនអ្នកជំនាញ អីដែរ ចឹង គ្នាយើង យក ទៅសិក្សា និង ផ្ទៀតផ្ទាត់បន្ថែម ដោយខ្លួនឯងផង។

—————————

❗️

Disclaimer: NFA, DYOR

💡

All of my social media

💌

Message for new community members

Please open Telegram to view this post