សង្ខេបខ្លះៗ ពាក់ពន្ធនឹង ការបោះឆ្នោតអាមេរិក ដែលទាំងអស់គ្នាគួរដឹង។

ថ្ងៃបោះឆ្នោតនៅអាមេរិក ចប់ត្រឹមយប់ថ្ងៃទី 5th ដែលម៉ោងតាម ក្រុងនីមួយៗ ខុសគ្នា ខ្លះៗ ហើយខុសពីយើង ជាមធ្យម ជិត 12hours អីដែរ ចឹងអាចថា ម៉ោងនៅយើង ព្រឹកស្អែក ទើបចប់សព្វគ្រប់។

តើលទ្ធផល អាចដឹងភ្លាមៗ នៅយប់ថ្ងៃ 5th នៅអាមេរិក នឹងទេ?

វាមិនទៀតទេ ប្រសិនបើគ្មាន អ្នកណាឈ្នះដាច់ រឺ បានសំលេង Electoral Collage Vote ចាប់ពី 270 ឡើងទៅ។

ការបោះឆ្នោតនៅអាមេរិក ខុសពី ប្រទេសផ្សេងៗ ដោយបេក្ខជន ដែលឈ្នះសំលេងភាគច្រើន មិនប្រាកដ ថាបាន ធ្វើប្រធានាធិបតិទេ គឺ អាស្រ័យលើ Electoral vote បានពី ក្រុងនីមួយៗ ដែលមានចំនួនផ្សេងៗ គ្នា ធៀបនឹងចំនួន ប្រជាជន។

បើនិយាយពីខ្មែរ យើងវិញ យើងចំណាំហៅថា ឈ្នះបាន ប៉ុន្មានកៅអី នៅខេត្តនេះ ក្រុងនេះអីចឹងទៅ។ នៅអាមេរិក បើបាន Electoral vote ឈ្នះហើយគឺបាន ចំនួន Electoral vote ទាំងអស់នៅ ក្រុងនោះតែម្តង។

ឧទាហរណ៍មកខ្មែរ យើងវិញ។ ខ្ញុំឧទាហរណ៍ថា នៅភ្នំពេញ មាន 10កៅអី ចឹងបើ បក្ស “ក” បានឈ្នះ 6កៅអី បក្ស “ខ” បាន 4កៅអី គឺបានបែបនឹងតែម្តង ហើយបន្តរ៉ាប់ ខេត្តក្រុងផ្សេងៗ និង បូកចូលគ្នា ទៅ។ បក្សណា ឈ្នះ សំលេង ប៉ុន្មានភាគរយ បានឈ្នះកាន់កាប់ សភា និង បង្កើតរដ្ឋាភិបាល។

នៅអាមេរិក បើ ក្រុងមួយមាន 10 Electoral vote។ ឧទាហរណ៍ថា Trump បាន 6, Kamala បាន 4 ចុងក្រោយគេ រ៉ាប់ Trump បាន 10 Electoral vote តែម្តង។

រូបខាងលើ ខ្ញុំឧទាហរណ៍កាលពី Trump ជាប់ឆ្នាំ 2016។ សំលេងប្រជាជន ភាគច្រើនទូទាំងប្រទេស គាំទ្រ Hillary Clinton ច្រើនជាង Trump ដល់ទៅ ជិត 3លានសំលេង។ Hillary បាន 65.8លាន Trump បាន 62.9 លាន។

តែដោយសារករណី Electoral vote ដូចខ្ញុំពន្យល់ខាងលើ គឺ Trump បាន 304 Electoral Vote និង Hillary បានតែ 232 Electoral Vote។ ចុងក្រោយ Trump ឈ្នះ។

ពាក់ពន្ធនឹងពេលវេលា វិញ បើតាមក្រុងនីមួយ ដែលនៅសល់ បោះឆ្នោតថ្ងៃចុងក្រោយ គាត់រ៉ាប់សំលេងឆ្នោតយឺត ការប្រមូលទិន្នន័យក៏យឺតដែរ ព្រោះនៅអាមេរិក មានក្រុងខ្លះបោះឆ្នោតតាម ការប្រមូល សន្លឹកឆ្នោតតាមតំបន់ នីមួយៗ ហើយ ទើបបញ្ជូន ទៅការិយាល័យកណ្តាល ណាមួយ ដើម្បីរ៉ាប់ ដែលវាអាចបណ្តាលអោយទិន្ន័យ យឺតយ៉ាវ។

យើងនៅមិនទាន់គិត ការ កែប្រែ ទិន្នន័យខុស ច្រលំ មួយចំនួនផង។

ចឹងហើយនៅថ្ងៃចុងក្រោយ អាចនឹងមានពត៍មានខុស ច្រលំ ក្លែងក្លាយជាច្រើន កើតឡើង។

កាលពី 2016 បោះឆ្នោតថ្ងៃ 08/11/2016។ សារពត៍មាន ប្រមូល និង ប៉ាន់ស្មាន Trump ឈ្នះ កណ្តាលយប់ថ្ងៃ 8 ឈានចូលថ្ងៃ 9។ តែ Electoral Vote ដែលចេញចំនួនផ្លូវការ ប្រកាសថ្ងៃ 19/12/2016។ វាមិនពិបាកទេ ព្រោះចំនួន ឈ្នះ ដាច់ ចឹងគេអាចដឹងលទ្ធផល តាំងពី យប់ថ្ងៃ 8 ចូលថ្ងៃ 9។

កាលពី 2020 ក៏ដូចគ្នា។ Biden បាន 306 Electoral vote, Trump បាន 232 Electoral votes ចឹង សារពត៍មាន អាចប៉ាន់ស្មាន បានថា Biden ឈ្នះ តាំងពីយប់ ថ្ងៃបោះឆ្នោត ទី 07/11/2020។ តែលទ្ធផល ផ្លូវការប្រកាស ថ្ងៃទី 06/01/2021។

នៅពេលដែលចំនួន Electoral vote ឈ្នះដាច់ វាងាយស្រួល សំរាប់ ការសន្មត់ អ្នកឈ្នះ នៅយប់ថ្ងៃ 5th តែបើ លទ្ធផល ប្រហែលគ្នា គេមិនហាន សន្និដ្ឋាន ទេ ទាល់តែរង់ចាំ ការផ្ទៀងផ្ទាត់ និង ការប្រកាស ផ្លូវការ ពី គណះកម្មការ បោះឆ្នោត របស់គេ ដែលវា អាចចំណាយពេលយូរ។

ត្រឹមឥលូវនេះ គេសង្កេត ឃើញថា លទ្ធផលគឺប្រហាក់ ប្រហែលគ្នា។ រង់ចាំមើលយប់ចុងក្រោយ ថាមាន អ្នកឈ្នះដាច់ រឺ អត់។

អធ្យាស្រ័យ ប្រសិនបើមាន ខុសកន្លែងណាមួយ។ ខ្ញុំមិនមែន អ្នកជំនាញទេ។ យល់បាន ប៉ុណ្ណា ពន្យល់ប៉ុណ្ណឹង។ គ្នាយើងអាចទៅសិក្សា បន្ថែមដោយខ្លួនឯង។ បើតាមដឹង របៀបគិតដែល អាមេរិកធ្វើនេះ គឺមានតែមួយនឹងទេ លើលោក។ ប្រទេសផ្សេងៗ គេអត់គិតបែបនឹងទេ។

—————————
❗️ Disclaimer: NFA, DYOR

💡 All of my social media

💌 Message for new community members