ℹ️ការបញ្ជាក់ ដើម្បី សុវត្ថិភាពទាំងអស់គ្នា (Disclaimer)

- គ្រប់ពត៍មាន, ការចែករំលែក, អត្ថបទ, វីដេអូ ផ្សេងៗ នៅក្នុង គ្រប់ Social Media ទាំងអស់របស់ខ្ញុំ គឺមិនមែនជាការ ណែនាំផ្នែកហិរញ្ញវត្ថុផ្លូវការទេ ហើយក៏មិនមែនជាការ ជំរុញ អោយទៅវិនិយោគអ្វីមួយដែរ។

- ខ្ញុំមិនមែនជាអ្នកជំនាញហិរញ្ញវត្ថុ ហើយក៏មិនធ្លាប់បានសិក្សារៀនសូត្រ ពាក់ពន្ធនឹង ជំនាញមួយនេះដែរ។

- ខ្ញុំចែករំលែកទៅតាមអ្វីដែលខ្ញុំ អាចដឹង ដោយ ការ ស្រាវជ្រាវដោយខ្លួនឯង ចឹងហើយ ចំនុចមួយចំនួន អាចខុស អាចត្រូវ។ សូមទាំងអស់គ្នា ទទួលយកវា ជាពត៍មាន រឺ ចំណេះដឹង មួយជ្រុង ដែលត្រូវតែ ទៅសិក្សាបន្ថែមដោយខ្លួនឯង អោយបានច្បាស់លាស់ ជាពិសេសពាក់ព័ន្ធនឹង ពត៍មានវិនិយោគផ្សេងៗ។

- សូមកុំជឿទៅលើពត៍មានណាមួយ រឺ បុគ្គលណាមួយ ទាក់ទងទៅនឹង ការវិនិយោគផ្សេងៗ។ យើងត្រូវតែ សិក្សា ផ្ទៀងផ្ទាត់ បន្ថែម ដោយខ្លួនឯង អោយបានច្បាស់លាស់ មុនពេលសំរេចចិត្ត ជឿ រឺ ធ្វើអ្វីមួយ។

- ខ្ញុំនឹងមិនឆាតទៅ ទាំងអស់គ្នា ដើម្បី ទិញលក់ Asset ណាមួយទេ។ ខ្ញុំនឹងមិនឆាតទៅ ទាំងអស់គ្នា ដើម្បីនិយាយពី គំរោង វិនិយោគណាមួយទេ។ សូមប្រុងប្រយត្ន័ ជនបោកប្រាស់ផ្សេងៗ ដែលកាន់តែ ច្រើនឡើងៗ។ ត្រូវតែ ឆែក ផ្ទៀងផ្ទាត់ អោយបានច្បាស់លាស់ បំផុត មុនពេលធ្វើអ្វីមួយពាក់ពន្ធនឹងលុយកាក់ រឺ ការវិនិយោគផ្សេងៗ។

- គ្រប់ Link ទាំងអស់ដែលខ្ញុំបានចែករំលែក គឺ សុទ្ធតែខ្ញុំបាន ឆែក និង សកល្បងប្រើប្រាស់អស់ហើយ គ្រាន់តែ វានៅតែមិនអាចធានា 100% ថាគ្រប់បែបយ៉ាង សុវត្ថិភាពនោះទេ។ ដូចនេះ សូមទាំងអស់គ្នា ប្រុងប្រយត្ន័ និង ឆែកអោយច្បាស់ រាល់គ្រប់ Link ទាំងអស់ ដែលខ្ញុំ រឺ សមាជិកក្នុងគ្រុប បានចែករំលែក។

- គ្រប់ Social Media របស់ខ្ញុំទាំងអស់ គឺបង្កើតឡើង ដើម្បីការចែករំលែក គ្នាទៅវិញ ទៅមក ដូចនេះ ខ្ញុំមិនអាចគ្រប់គ្រង រឺ ធានាថា ក្នុង Community យើងមិនមាន Scammer រឺ ជនខិលខូចនោះទេ។ សូមប្រុងប្រយត្ន័ អោយបានខ្ពស់ និង មានទំនួលខុសត្រូវដោយខ្លួនឯង រាល់ ការឆ្លើយឆ្លង ផ្សេងៗ មិនថា ក្នុងគ្រុប រឺ ឯកជន។

- គ្រប់ពត៍មានដែលពាក់ពន្ធនឹង Airdrops ទាំងអស់ សូមគ្នាយើង កុំជឿជាក់ និង រំពឹងខ្លាំងពេកថា អាចបានច្រើនៗ។ យើងព្យាយាមស្វែងយល់ និង រៀនសូត្រ ជាគោល ហើយការបាន Rewards/Airdrops តាមក្រោយជារឿងបន្ទាប់បន្សំ។ មិនប្រាកដថា គ្រប់ Project ទាំងអស់ អាចមាន Airdrops ទេ។

- Airdrops អាចមានចំនុចជាច្រើនដែលយើងមិនអាចបាន ដូចជា ខុសលក្ខណ័, ធ្វើមិនគ្រប់លក្ខណ័, ធ្វើក្រោយថ្ងៃគេ Snap Shot រួច, Wallet គេ ចាត់ទុកជា Sybil។ ហើយពេលខ្លះត្រូវទាំងអស់ហើយ អត់បានដោយសារបញ្ហា ទិន្នន័យរបស់ Projects រឺ កំហុសខាង Projects ក៏អាចមានដែរ។ ពេលខ្លះតវ៉ា អាចបានមកវិញ ពេលខ្លះក៏អត់។

ចឹងហើយសរុបមកវិញ Farm Airdrops កុំរំពឹងច្រើនពេក។ Lower your expectations is a way to go.