ម្សិលមិញនេះ មានការប្រកាសចេញនូវ Chat GPT-4 ដែលជាការ Update ថ្មីមួយទៀត មានដំណើរការ ប្រសើរជាង និង ឆ្លាតជាង Chat GPT-3 ដែលយើងធ្លាប់ឃើញកន្លងមក។

ចំណែក Google ក៏បានប្រកាស ពីការ Intergrate Generative AI របស់ខ្លួនទៅក្នុង ស្ទើរតែគ្រប់ App ដូចជា Gmail, Google Doc, Sheet....ជាដើម។

ហេតុអ្វីយើងត្រូវតាមដាន និង ស្វែងយល់ពី AI ទាំងអស់នេះ? វាទាក់ទងនឹងអនាគតរបស់យើង ហើយក៏មានពាក់ពន្ធនឹង Crypto Currency ខ្លះដែរ។

1. ការពាក់ពន្ធនឹងអនាគតរបស់យើង

- ការវិវឌ្ឍន៍បចេក្ខវិទ្យា ថ្មីៗណាក៏ដោយ គឺវាតែងតែចូលមកជំនួសការងារមួយចំនួនដែលមនុស្ស ធ្វើមិនសូវបានល្អ ចំណាយពេលច្រើន រឺ មិនអាចធ្វើបានជាដើម។ ចឹងច្បាស់ណាស់ការ ដែលមាន AI ទាំងអស់នេះនឹងអាចមកជំនួសការងារមួយចំនួនរបស់យើង។

- ប្រសិនបើយើងដឹងពីតំរូវការ ទីផ្សារ បចេក្ខវិទ្យាណាមូយដែលកំពុងរីកចំរើន យើងអាចនឹងត្រៀមខ្លួនក្នុងការ រៀនជំនាញទាំងនោះ រឺ យ៉ាងហោច អាចចាត់ចែងពិភាក្សាជាមួយក្រុមគ្រួសារ យើង សំរាប់អ្នកណាដែលនឹងចាប់ផ្តើមសិក្សាជំនាញអ្វីមួយអោយគាត់ ដឹង និង ចាប់អារម្មណ៍ទៅលើ ការងារទាំងអស់នេះ។

- គ្រប់ការវិវឌ្ឍន៍ធំៗទាំងអស់ តែងតែមានអ្នកចាប់យកឱកាស ហើយធ្វើបានល្អ។ ឧទាហរណ៍ជំនាន់គ្មានអ្នក ចេះប្រើ Internet អ្នកដែលចេះ មុន គាត់អាចចេះដឹងកាន់តែ ច្រើនតាមរយះ ការ Research ផ្សេងៗលើ Internet នាំអោយគាត់អាចធ្វើអ្វីផ្សេងៗប្រសើរ ជាង អ្នកដែលខ្វះចំណេះដឹង។ គាត់អាចនឹងយកចំណេះផ្សេងៗ នោះមកបង្រៀនគេ ក៏អាចរកចំណូលបាន។

- ពេលចាប់ផ្តើមមាន Facebook, Instagram។ អ្នកដែលចេះប្រើវាមុន គាត់យល់ច្បាស់ពី អ្វីដែល Platform ទាំងនោះអាចជួយគាត់បាន ដូចជា Branding រឺ ការលក់ Online ជាដើម។ ពីមុនអ្នកចេះ Boost Facebook មានតិចណាស់ ចឹងអ្នកចេះមុនគាត់ងាយនឹង លក់ Online បានច្រើនព្រោះមិនសូវមានអ្នកប្រកួតប្រជែង។

- អ្នកដែលចាប់ផ្តើមប្រើ Social Media មុនដំបូងទាំងអស់ តែងតែអាចវិវឌ្ឍន៍ខ្លួន ទៅជា Content Creator រឺ Influencer ជាដើម ដែលវាអាចធ្វើអោយពួកគាត់រកចំណូលបានច្រើន ពី អ្វីដែលគាត់មាននៅលើ បណ្តាញសង្គម។ យើងធ្លាប់ឃើញហើយដូចជា តារ៉ា Facebook, តារ៉ា Tik Tok អីជាដើម ដែលពួកគាត់ចាប់ផ្តើមមានក្រុមហ៊ុនធំៗ ទាក់ទងអោយធ្វើការងារ ដោយគ្រាន់តែគាត់ចូលប្រើ App ទាំងអស់នោះពីដំបូងៗ ហើយមានឱកាសប្រមូល មនុស្សអោយស្គាល់ និង ចាប់អារម្មណ៍គាត់។

- មិនចាំបាច់តែធ្វើជាតារ៉ាល្បីអីទេ។ អ្នកខ្លះទៀតក៏អាចរកចំណូលបាន ដោយគ្រាន់តែ ចែករំលែកអ្វីដែលមានប្រយោជន៍ ផ្សេងៗ ហើយគាត់ទទួលបានចំណូល Ads ពី Platform ទាំងនោះវិញ។