ព្រឹកនេះរវល់អត់ទាន់បានតាមដានពត៍មានទេ តែ ឃើញតាមគ្រុប Telegram មួយចំនួននិយាយពីពត៍មានល្អៗ ដែលអាចនឹងមិនប៉ះពាល់ ដល់ Bank Run នៅថ្ងៃចន្ទ័នេះទេ។ ប៉ុន្តែត្រូវចាំថា អាមេរិកមិនទាន់ដល់ ព្រឹកថ្ងៃចន្ទ័ទេ។ ប្រហែលម៉ោង 8pm យើងអីបានគាត់ដល់ម៉ោង ធ្វើការនៅអាមេរិក។

ចាំមើលថ្ងៃតិចអង្គុយមើលពត៍មានទាំងអស់ហើយចាំ Update ទាំងអស់គ្នា ម្តងទៀត។

អរគុណទាំងអស់គ្នា🙏 សំរាប់ការលើកទឹកចិត្តកន្លងមកនេះ។ វាលើសពីអ្វីដែលខ្ញុំរំពឹងទុកហើយ ក្នុងរយះពេលត្រឹមតែមួយខែនេះ។

ខ្ញុំគ្រាន់តែចង់ព្យាយាមពន្យល់អ្វីដែលខ្វះខាត ពត៍មាននៅលើ Social Media របស់ខ្មែរយើងតែប៉ុណ្ណោះ។ ខ្ញុំជឿថា Topic ផ្សេងៗ ពាក់ពន្ធនឹង Crypto Currency មានបងៗ ជាច្រើនដែលគាត់បានចែករំលែករួចហើយដែលទាំងអស់គ្នាអាច សិក្សាបន្ថែមបាន។ រៀនកាន់តែច្រើន ចេះកាន់តែច្រើន។

ជាបទពិសោធន៍ខ្ញុំដំណាក់កាលដំបូង គ្រប់បែបយ៉ាងគឺពិបាកយល់។

- ស្អីគេ Blockchain, អ្វីទៅ BTC, ETH
- ហេតុអីមាន BTC ហើយ ត្រូវមាន WBTC ទៀត
- Dapp, DeFi, GamFi, NFT......ខ្ញុំមិនដែលស្គាល់ទេ
- ប្រើ Wallet ក៏មិនដែលដឹង មិនដែលចេះ។ Add Network, Add Chain ចូល Wallet?
- ហេតុអីកាក់ឡើងថ្លៃ? ហេតុអីកាក់ចុះថ្លៃ?
- មិចពេលប្រកាសពត៍មានសេដ្ឋកិច្ចមួយចំនួនប៉ះពាល់តំលៃ ហើយខ្លះមិនប៉ះពាល់?
- នៅមានរឿងច្រើនទៀតនៅក្នុងវិស័យ Crypto Currency ដែលយើងត្រូវរៀនសូត្យ

ដោយសារតែវាច្រើនពេកនឹងហើយដែលធ្វើអោយអ្នកថ្មីៗ គាត់មិនយល់ ពេលខ្លះបោះបង់ចោល ព្រោះមានអារម្មណ៍ថាស្មុគស្មាញពិបាកយល់ណាស់ បុន្តែនៅពេលដែលយើងព្យាយាមសិក្សាម្តងមួយៗ ហើយយល់បន្តិចម្តងៗ យើងនឹងចាំផ្តើមមានអារម្មណ៍ថា វាកាន់តែងាយយល់ទៅវិញទេ ដោយសារតែគ្រប់បែបយ៉ាងមានទំនាក់ទំនងគ្នា។

បានស្គាល់ទាំងអស់គ្នា ជាសំណាងរបស់ខ្ញុំ ព្រោះខ្ញុំ ក៏បាន Research បន្ថែម ហើយចេះដឹងថែមដើម្បីយកមកចែករំលែកអ្នកទាំងអស់គ្នាដែរ។

ចំនុចមួយទៀតដែលខ្ញុំចង់បញ្ជាក់ ទោះជាខ្ញុំក៏ដោយ អ្នកណាក៏ដោយ សូមទាំងអស់គ្នា កុំជឿ 100%។ ទទួលយកជាពត៍មានហើយសិក្សាបន្ថែម ដោយខ្លួនឯង។ ជាពិសេសគឺការផ្តល់ចំណេះដឹង ពត៍មានផ្សេងៗ ដែលពាក់ពន្ធនឹងតំលៃឡើងចុះ វាមិនអាចត្រូវ 100% ទេ។ ព្រោះទីផ្សារមានរឿងច្រើនណាស់ដែលយើងមិនដឹង យើងមិនយល់។ យ៉ាងណាក៏ដោយការយល់ពីស្ថានភាព ទូទៅបានច្រើនវាធ្វើអោយយើងអាចរៀបគំរោងវិនិយោគ របស់យើងបានច្បាស់លាស់ និង វិភាគទៅលើស្ថានភាពក្នុងរយះពេលវែងបាន តែសំរាប់រយះពេលខ្លី គឺគ្មានអ្នកណាអាចច្បាស់ 100% ទេ។

ជូនពរទាំងអស់គ្នា សុខសប្បាយ និង ជោគជ័យនៅក្នុងគំរោងវិនិយោគរបស់ខ្លួន។ ខ្ញុំនឹងព្យាយាម ចែករំលែកអ្វីដែលខ្ញុំយល់ទៅទាំងអស់គ្នា តាមលទ្ធភាព🙏