មានវីដេអូពីរ ដែលខ្ញុំគិតថាទាំងអស់គ្នាគួរ តែមើល និង ព្យាយាមស្វែងយល់បន្ថែម ពីវិបត្តសេដ្ឋកិច្ចពិភពលោក ហើយនឹងការប៉ះពាល់មកដល់ប្រទេសរបស់យើង

1. វីដេអូរបស់បងស្រី Kanitha ដែលនិយាយពីវិបត្តិនៅ ប្រទេសឡាវ

Link YouTube: https://www.youtube.com/watch?v=SOmoiJ4SjcQ

2. វីដេអូដែលនាយករដ្ឋមន្ត្រី របស់យើង គាត់ទើបតែលើកឡើងពី ស្ថានភាពវិបត្តិសេដ្ឋកិច្ចដែលចាំផ្តើម ជះឥទ្ធិពលមកលើប្រទេសយើងខ្លះៗហើយ។

Link: https://fb.watch/j58BQ9CAWS/?mibextid=ykz3hl

មើលវីដេអូទាំងពីរ នេះសិន ដើម្បីអោយយល់ការងារមួយចំនួន ស្រួល យប់នេះ ខ្ញុំនឹង Live នៅក្នុង Telegram នេះដើម្បីពន្យល់បន្ថែមទៅលើបញ្ហា Inflation, វិបត្តសេដ្ឋកិច្ច និង យើងគួរត្រៀមខ្លួនយ៉ាងមិចខ្លះ សំរាប់វិបត្តសេដ្ឋកិច្ច។

នឹងមាន Topic មួយចំនួនទៀតដែលគ្នាយើងបាន សួរក្នុង Comment ផ្សេងៗ ហើយមិនមានពេលគ្រប់គ្រាន់សំរាប់ឆ្លើយ រឺ ពិបាកសរសេរជា អត្ថបទ ចឹងចាំពេល Live និយាយគ្នាតែម្តង។ Topic ដូចជា CBDC, ESG, ការបិទរបស់ ក្រុមហ៊ុន Exchange ផ្សេងៗ ដូចជា Binance អីតើលុយយើងទៅណា?

ល្ងាចនេះ Live ម៉ោង 8:30pm។

សង្ឃឹមថាគ្នាយើងឆ្លៀតពេល ពិភាក្សាគ្នា ទាំងអស់គ្នា។ ព្រោះបើមានអ្នកសួរច្រើន រឺ មាន អ្នកដឹងច្រើនជាងខ្ញុំកាន់តែល្អដើម្បីជួយពិភាក្សាគ្នាលើ Topic ទាំងអស់នឹងបន្ថែម។

តោះគ្នាយើង អ្នកណាទំនេរ ចូល Live ជជែកគ្នាលែង😁។ សំរាប់អ្នកដែលមានសំនួរផ្សេងៗ បើអត់ចង់និយាយ អាចចូល Comment ខាងក្រោមនេះបាន👇

ទើបតែឃើញ គ្រុប លើស 100នាក់? 😁 អរគុណទាំងអស់គ្នា ដែលបាន Subcribe និង អរគុណអ្នកដែលបានចូលរួម ស្តាប់ការ Live មិញ។ បង្កើតដំបូង គិតថាមិនបាន 10នាក់ផង😂។ សង្ឃឹមថា ខ្ញុំអាចចែករំលែកអ្វីមួយ ដែលអ្នកទាំងអស់គ្នា មិនធ្លាប់ដឹង រឺ មិនបានចាប់អារម្មណ៍ ហើយក៏ ចង់បាន យោបល់ និង ការចែករំលែកផ្សេងៗ ពីទាំងអស់គ្នាវិញដែរ។ យើងបង្កើតគ្រុបនេះគោលដៅ ដំបូង គឺនាំគ្នា និយាយពីសេដ្ឋកិច្ច និង ការវិនិយោគ ដែលសង្កេតឃើញថា មិនសូវមាននិយាយនៅលើ Social Media យើងបានច្រើន។ សង្ឃឹមថា គ្រុបយើងជាផ្នែកមួយជួយជំរុញ ចំណេះដឹងទាំងអស់នេះ 🙏។

Good Night Guy! Appreciate your presence.

នេះជាវីដេអូ Record Screen ដែលខ្ញុំ Live Stream ក្នុង Channel នេះកាលពីយប់មិញ។ អ្នកដែលចូល អត់ទាន់ពីដំបូង រឺ អ្នកមិនបានចូលរួមអាចមើលវីដេអូនេះ ឡើងវិញបាន។ ខ្ញុំគិតថាវានឹងផ្តល់ចំណេះដឹងតិចតួច ដែលអាចធ្វើអោយទាំងអស់គ្នា ព្យាយាមរៀនសូត្យខ្លួនឯងបន្ថែមទៀត។ នៅក្នុងការ Live នោះយើងនិយាយអំពី៖

- ផលលំបាករបស់ប្រទេសដែលជួបបញ្ហា Inflation ខ្ពស់
- យល់ពីការគ្រប់គ្រង អត្រាប្តូរប្រាក់របស់ប្រទេសនីមួយៗ
- បញ្ហារបស់ប្រទេសឡាវ
- បញ្ហាសេដ្ឋកិច្ចផ្សេងៗ ដែលជះឥទ្ធិពលមកលើប្រទេសរបស់យើង និង ការរៀនមើលទិន្ន័យសេដ្ឋកិច្ច ដើម្បីអាចស្មានដឹងថាមានវិបត្តិសេដ្ឋកិច្ច និង ត្រៀមខ្លួនមួយចំនួនសំរាប់ពេលមានវិបត្តិ
- និយាយត្រួសៗ ពី CBDC
- នៅមាន Topic ពីរ បីទៀតដែលអត់បានចែករំលែកដោយគិតថា នឹងវែងពេក ចឹងចាំ Live លើកក្រោយចាំនិយាយបន្តពាក់ពន្ធនឹង ESG និង ការបិទក្រុមហ៊ុន Exchange។

ខ្ញុំសូមបញ្ជាក់ថា ខ្ញុំមិនមែនជាអ្នកជំនាញសេដ្ឋកិច្ច ខ្ញុំមិនមែនជាអ្នកជោគជ័យ អីទេ។ ការចែករំលែកនេះគឺនិយាយពីអ្វីដែលខ្ញុំធ្លាប់ឆ្លងកាត់ ធ្លាប់ព្យាយាមរៀនសូត្យដោយខ្លួនឯង។ ចឹងហើយការចែករំលែក រឺ យោបល់ទាំងអស់មិនប្រាកដថា ត្រូវ 100% ទេ។ ទាំងអស់គ្នាត្រូវតែព្យាយាម សិក្សាដោយខ្លួនឯងបន្ថែមទៀត។ កុំជឿអ្នកណាទាំងអស់ សំរាប់ការវិនិយោគរបស់យើង តែរៀនសូត្យ ពីគេគ្រប់គ្នា រួចយកមកពិចារណាខ្លួនឯង សំរេចចិត្តដោយខ្លួនឯងប្រកបដោយការទទួលខុសត្រូវ។ លុយរបស់យើង យើងអ្នកចាត់ចែង យើងអ្នកទទួលខុសត្រូវ។

https://youtu.be/2QPsGA5rL0s

ខាងលើនេះគ្រាន់តែជាឧទាហរណ៍ ជាលុយយើងដើម្បីទាំងអស់គ្នាងាយយល់។ តែជាក់ស្តែងវាកំពុងកើតឡើង នៅប្រទេសមួយចំនួនដែលជួបបញ្ហាវិបត្តិសេដ្ឋកិច្ច និង អតិផរណាធ្ងន់ធ្ងរ ដូចជាប្រទេសឡាវជាដើម។

ចឹងសរុបមកវិញ បើរដ្ឋាភិបាល រឺ ធនាគារជាតិ គាត់មានលុយដុល្លារគ្រប់គ្រាន់ នៅឃ្លាំងរក្សាទុក សំរាប់ប្តូររាល់ ប្រតិបត្តិការណ៍ការ ទាំងអស់ដែលមាន នោះគាត់នៅតែផ្តល់ទំនុកចិត្តដល់វិស័យឯកជន ក៏ដូចជាប្រជាពលរដ្ឋគ្រប់គ្នា ចឹងអត្រាប្តូរប្រាក់ នឹងនៅតែរក្សាបានល្អដដែល គ្រាន់តែអាចឡើងចុះតិចតួច។ ជាក់ស្តែងយើងសង្កេតឃើញថា ប្រទេសយើងបានរក្សាអត្រាប្តូរប្រាក់ បានល្អ ទាំងក្នុងអំឡុងពេលវិបត្តិកូវីដ ក៏ដូចជាក្រោយពីបើកប្រទេសវិញ ដែលវាបានបង្ហាញថា យើងមានទុនបំរុងគ្រប់គ្រាន់ ក្នុងការរក្សាលំនឹង សេដ្ឋកិច្ច។

ចំនុចមួយទៀតដែលខ្ញុំចង់អោយយល់ គឺធនាគារជាតិគាត់ចេញ អត្រាមកតែ មួយទេ។ ប៉ុន្តែវិស័យឯកជន ដូចជាធនាគារ រឺ កន្លែងប្តូរប្រាក់ផ្សេងៗ គាត់នឹង បំបែកវាទៅជាពីរ ដែលមានការលក់ និង ទិញ ដើម្បីគាត់អាចចំណេញក្បាលកាក់បានពី ការប្តូរប្រាក់ទាំងនោះ។ ដូចរូបភាពខាងលើខ្ញុំបង្ហាញអោយឃើញចឹង។ ធនាគារជាតិអត្រា 4050រៀល/1$ ចឹងធនាគារ គាត់មានអត្រា ទិញ 4046រៀល/1$ និង លក់ 4058រៀល/1$។

អត្រាប្តូរប្រាក់ប្រចាំថ្ងៃរបស់ធនាគារជាតិ ទាំងអស់គ្នាអាចមើលបានតាមរយះ Link នេះ https://www.nbc.gov.kh/economic_research/exchange_rate.php

សង្ឃឹមថា អាចបញ្ជាក់បន្ថែមអោយទាំងអស់គ្នាងាយយល់ជាងមុន។

ថ្ងៃនេះ ម៉ោង 10pm យប់ Powell ប្រធាន FED នឹងបកស្រាយស្ថានភាពសេដ្ឋកិច្ច ក៏ដូចជាគោលការណ៍ដែល FED កំពុងតែអនុវត្ត នៅចំពោះមុខ គណះកម្មការ សេដ្ឋកិច្ច ចំរុះ។ ពាក្យសំដីគាត់ នឹងមានឥទ្ធិពលលើទីផ្សារ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ថ្ងៃ 10 ខែ នេះ MT Gox Exchange ដែលត្រូវបាន Hack កាលពី 2014 នឹងត្រូវ ចាំផ្តើមសង បំណុលទៅម្ចាស់បំណុលផ្សេងៗ។ BTC ចំនួន 142,000 កាក់ នឹងត្រូវ Release ចូលទីផ្សារ។ ការ Release នេះមិនមែនសងទាំងអស់ក្នុងមួយថ្ងៃទេ តែត្រូវធ្វើជាច្រើនខែ។ យ៉ាងណាក៏ដោយ ពេលដែលចំនួន BTC ចូលទីផ្សារកាន់តែច្រើន ឱកាសដែល តំលៃធ្លាក់ចុះក៏មានច្រើនដែរ។ យើងមិនអាចប៉ានស្មានដឹងពី ផលប៉ះពាល់របស់វាទេ។ តែជាបញ្ហាមួយដែលគួរតាម ដានពត៍មាននេះ។

សំខាន់ថ្ងៃ 10 នឹង មានការប្រកាស លទ្ធផល អត្រា អត់ការងារធ្វើរបស់ USA។ ចឹង បើគ្រប់ពត៍មានចេញមកមិនសូវល្អ រួមជាមួយពត៍មាន MT Gox Exchange ចាំផ្តើម សង Asset ទៅម្ចាស់បំណុលទៀត វាអាចនឹងប៉ះពាល់ខ្លាំង ដល់តំលៃ Crypto Currency រួមទាំងមូល។ ទិន្នន័យសេដ្ឋកិច្ចច្រើន ទីផ្សារ នឹង ប្រែប្រួលខ្លាំង ហើយក៏មិនច្បាស់ថា ឡើង រឺ ចុះដែរ ចឹងគួរប្រយត្ន័ ប្រយែង នឹងតាមដាន ពត៍មានអោយបានច្បាស់លាស់។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

USA President ប្រហែលជាមនុស្សដែលមានឥទ្ធិពល ជាងគេលើលោកខាង នយោបាយ។ បុន្តែបុរសម្នាក់នេះ, Powell, ជាប្រធាន FED គឺជាមនុស្សដែលមានឥទ្ធិពលបំផុត ទៅលើទីផ្សារ Stock និង Crypto ទូទាំងពិភពលោក ព្រោះគាត់ជាអ្នកកាច់ចង្កូត ការប្រាក់ របស់ USA។

គាត់ច្រើនតែព្យាយាម និយាយបែបសាមញ្ញនៅកណ្តាល តែតែង តែមាន ពាក្យមួយចំនួនដែល ទីផ្សារយកទៅ ពិចារណា និង បកប្រែពីអត្ថន័យរបស់គាត់ថា តើគាត់ នឹងតំឡើងការប្រាក់បន្តទៀតកំរិតណា? តំឡើងច្រើន រឺ តិច?

ពីរ ថ្ងៃនេះម៉ោង 10pm ថ្ងៃ 07 និង 08 គាត់នឹង និយាយជាសាធារណះ ចំពោះមុខគណះកម្មការ របស់ USA ដូចនេះទីផ្សារអាចនឹងប្រែ ប្រួលខ្លាំង (High Volatility) ប្រសិន បើគាត់លើកចំនុចណាមួយដែលនាំអោយអាច សន្និដ្ឋានបានពីការតំឡើងការប្រាក់ នៅចុងខែនេះ។ ចឹងមាន តែរងចាំមើលថា យប់នេះម៉ោង 10pm ក្រោយគាត់និយាយមានរឿងអីកើតឡើង រឺ អត់។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ទើបតែនិយាយគ្នា ពី CBDC ក្នុង Live ថ្ងៃមុន ឥលូវ គេទើបនឹងចេញពត៍មានពី ប្រទេស មួយចំនួន ចាប់ផ្តើម តេស្ត និង Update ទៅលើ ការផ្ទេរប្រាក់ CBDC ឆ្លងប្រទេស ដោយចំណាយ Fee តិចតួច និង ឆាប់រហ័ស។ ពិភពលោកកំពុងតែជុំរុញ ការបញ្ចេញ CBDC នេះ។ ឥលូវនេះប្រទេសជាច្រើនបាន និង កំពុងតែស្ថិតនៅក្នុងការសាកល្បងនៅឡើយ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

Powell មិនទាន់បាននិយាយអីស្រួលបួលផង។ ចឹងបានថា ពេលមានការនិយាយ រឺប្រកាស លទ្ធផល សំខាន់ៗ ទីផ្សារប្រែប្រួលលឿនណាស់។ អ្នកមាន Position Future ប្រយត្ន័ប្រយែង។ គ្មានអ្នកណាដឹងច្បាស់ 100% ថា ឡើង រឺ ចុះទេ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

គាត់ប្រាប់ច្បាស់ហើយថា ការប្រាក់អាចតំឡើង ខ្លាំងជាងការរំពឹងទុក។ ចឹងហើយបាន ទីផ្សារ React Negative។ ប្រសិនបើទិន្នន័យសេដ្ឋកិច្ចផ្សេងៗ នៅតែល្អទៀត អាចនឹងមានការតំឡើង អត្រាការប្រាក់ខ្ពស់បន្ថែម ដែលនឹងជះឥទ្ធិពល កាន់តែអាក្រក់ទៅលើទីផ្សារ ចឹងហើយបាន Asset ភាគច្រើនអាចនឹងចុះថ្លៃក្រោយគាត់និយាយនេះ មិនថា Stock រឺ Crypto ទេ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

22k BTC is Strong Support Level។ មានពត៍មាន មិនល្អជាច្រើនកើតឡើងផ្ទួនៗ គ្នា ប៉ុន្តែ BTC នៅតែ មិនចុះក្រោម 22k។

ចឹងហើយបាន មានមនុស្សមួយចំនួនបានគិតថា Market Bottom ហើយ មានន័យថា BTC មិនចុះក្រោមនឹងច្រើនទៀតទេ ព្រោះវា រក្សាតំលៃចន្លោះ Range នឹងបាន ល្អ ទោះ មានពត៍មានអ្វីក៏ដោយ។

ប៉ុន្តែមានមនុស្សមួយចំនួននៅតែគិតថា ផលអវិជ្ជមាន ដែលនឹងកើតចេញពី FED តំឡើងការប្រាក់ វាមិនទាន់ មានឥទ្ធិពលពេញលេញទៅលើសេដ្ឋកិច្ចទេ ចឹងបើ FED នៅតែតំឡើងការប្រាក់ទៀត សេដ្ឋកិច្ចអាចនឹងនៅតែបន្តធ្លាក់ចុះបន្ថែមទៀតនៅក្នុងឆ្នាំនេះ។

ជារួមគ្មានអ្នកណាអាចស្មានដឹងទីផ្សារ 100% ទេ។ យើងគ្រាន់តែអាចរៀនសូត្យពី អតីតកាលមុនៗ Cycleមុនៗ ហើយវិភាគទៅតាមចំណេះដឹងដែលយើងមាន សំរាប់អ្វីដែលកំពុងកើតឡើងបច្ចុប្បន្ននេះ។

ក្រោយយើងវិភាគឃើញថា យ៉ាងមិចហើយ យើងត្រូវរៀបចំ គំរោងវិនិយោគ ដោយខ្លួនឯង ដោយកំណត់ តំលៃ ចន្លោះណា គួរទិញតិច តំលៃចន្លោះណា គួទិញច្រើន ហើយថាតើយើងទុកវា ឡើងដល់តំលៃចន្លោះណា ទើបយើងលក់យកចំណេញ។

ម្នាក់ៗមាន បទពិសោនធ៍ ចំណេះដឹងខុសៗគ្នា, ទុនវិនិយោគ និង គំរោង ក៏ខុសៗគ្នា ដូចនេះយើងមិនអាច ជឿ នណារម្នាក់ រឺ ចំលងគំនិត វិធី វិនិយោគរបស់គេបានទេ។ ត្រឹមរៀនសូត្យ ទទួលយកពត៍មានគ្រប់បែបយ៉ាង ហើយយកមកពិចារណា និង សំរេចចិត្តដោយខ្លួនឯងជារឿង ដែលត្រឹមត្រូវបំផុត។

ខ្ញុំសូមពន្យល់បន្ថែមទៅលើ Cycle របស់សេដ្ឋកិច្ច ដើម្បីអោយទាំងអស់គ្នា យល់កាន់តែច្បាស់ពីការតំឡើង រឺ បន្ថយការប្រាក់របស់ FED។

នេះជា Cycle របស់សេដ្ឋកិច្ច ដែលពន្យល់ពីឥទ្ធិពល របស់ ការប្រាក់(Interest Rate) មានទៅលើ អតិផរណា(Inflation)។

- នៅពេលមានការបន្ថយការប្រាក់របស់ ធនាគារកណ្តាល នឹង នាំអោយមាន ការខ្ចីប្រាក់ពីធនាគារកាន់តែច្រើន ពីអាជីវកម្មផ្សេងៗ រឺ ពីប្រជាជន ដោយសារតែអត្រា ការប្រាក់ទាប ម្នាក់ៗ គិតថាងាយស្រួលបង់ត្រលប់ទៅវិញ ចឹងនាំអោយចំនួនលុយដែលចាក់ចូលទីផ្សារកាន់តែច្រើនឡើងៗ តំរូវការប្រើប្រាស់ទូទៅ ក៏កាន់តែច្រើន ព្រោះពេលមនុស្សមានលុយក្នុងដៃច្រើន គាត់នឹងមានតំរូវការចំណាយច្រើន។

- ដំណាក់កាលបន្ទាប់មក គឺ ការខ្ចីប្រាក់កើនឡើងខ្លាំង រហូតដល់តំរូវការខ្ពស់ លើសពីការផលិតផល ដែលវានាំអោយ ទំនិញផ្សេងៗ ទាំងអស់ឡើងថ្លៃ ដែលជាកត្តាធ្វើអោយ អតិផរណាក្នុងប្រទេស កើនឡើង។

- នៅពេលអតិផរណាកើនឡើង ធនាគារកណ្តាល នឹងត្រូវចាំផ្តើម តំឡើងការប្រាក់វិញ ដើម្បីទប់កុំអោយវា កើនឡើងជ្រុល ដែលអាចនឹង ពិបាកបន្ថយមកវិញ។ ពេលតំឡើងការប្រាក់ នឹងនាំអោយ ការខ្ចីប្រាក់តាមធនាគារ ផ្សេងៗ មានការថយចុះ ព្រោះតែការប្រាក់ខ្ចីឡើងថ្លៃ។ ចឹងនាំអោយចំនួនលុយដែល ចរាចរណ៍ក្នុងទីផ្សារចាប់ផ្តើមថយចុះ នាំអោយតំរូវការទូទៅក៏ចាំផ្តើមថយចុះ ព្រោះម្នាក់ៗមិនមានលុយច្រើនដូចមុន។

- ពេលដែលអាជីវកម្ម មិនសូវខ្ចីប្រាក់ រឺ មិនអាចខ្ចីប្រាក់ដោយសារការប្រាក់ថ្លៃ វានឹងនាំអោយអាជីវកម្មភាគច្រើន បាត់បង់ប្រាក់ចំណេញ មិនអាចពង្រីកទៀតបាន ដែលឈានទៅដល៎ការកាត់បន្ថយបុគ្គលិក រឺ ខ្លះអាចបិទទ្វារតែម្តង។ សំរាប់ប្រជាជនវិញ គាត់ក៏លែងសូវមានប្រាក់ច្រើនដូចមុនព្រោះពិបាកខ្ចីលុយពីធនាគារ, អត្រាបាត់បង់ការងារកើនឡើង នាំអោយ តំរូវការផ្សេងៗ ទូទាំងប្រទេស ចាំផ្តើមថយចុះខ្លាំង មនុស្សលែងចំណាយ ដែលវានឹងធ្វើអោយមានវិបត្តិសេដ្ឋកិច្ច។

- ក្រោយពេលមានវិបត្តិសេដ្ឋកិច្ច, មនុស្សអត់ការងារធ្វើច្រើន នឹងនាំអោយ អតិផរណាក្នុងប្រទេស ចាំផ្តើមថយចុះ។ ដើម្បីងើបចេញពីវិបត្តសេដ្ឋកិច្ចនេះ ធនាគារកណ្តាល នឹងត្រូវចាំផ្តើម បន្ថយការប្រាក់មកវិញ ដែលនឹងជួយជំរុញ កំនើនសេដ្ឋកិច្ច ដូចទៅនឹងចំនុចទីមួយខាងលើវិញ។ ហើយវានឹងកើតឡើងបែបនេះជា Cycle រហូត។

ចំណេះដឹងទាំងអស់នេះវាសំខាន់ ដើម្បីយល់ពីលទ្ធផល និង ទិន្ន័យសេដ្ឋកិច្ចផ្សេងៗ ថាហេតុអ្វីបានវាមានឥទ្ធិពល លើទីផ្សារ។


—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR