មុននឹងនៅក្នុងគ្រុប Binance ឃើញនាំគ្នាផ្អើលរឿងសួរ Binance បិទមែន? ខ្ញុំឃើញមិនសូវមានអ្នកឆ្លើយ ក៏សរសេរ ពន្យល់ខ្លះៗ។ គិតថាយកមកដាក់ក្នុង គ្រុបនេះទុកជា ពត៍មានសំរាប់ទាំងអស់គ្នា យកទៅពិចារណាដែរ។
‐--------------------
អត់មានរឿងអីសោះនាំគ្នានិយាយរឿង Binance បិទ។ ពត៍មានយូរៗ ហើយតើ។ ទាំងអស់គ្នា តាមដានពត៍មាន អោយច្បាស់ និង យល់សិន។

1. BUSD មិនមែន Binance ជាអ្នក Issue ទេ គាត់អោយក្រុមហ៊ុន Paxos ដែលជាក្រុមហ៊ុនផ្លូវការ មួយនៅអាមេរិកជាអ្នកផលិតផល។ តែឥលូវ ខាង SEC នៅអាមេរិកកំពុង ផ្តឹងផ្តល់ដោយមានហេតុផលជាច្រើន ចឹងហើយគេអោយ Paxos ឈប់ផលិតផល BUSD បន្ថែមសិន។ យើងនៅប្រើវាបានធម្មតា តែភាគច្រើនគេប្តូរទៅប្រើ Stable Coin ផ្សេងហើយ។ ព្រោះយ៉ាងយូរ មួយឆ្នាំទៀត Paxos អាចលែងអោយ Redeem ហើយ។ បញ្ហានេះមិនមែនមកពី Binance ទេ តែវាមានភាពស្មុគស្មាញច្រើន រវាង រដ្ឋាភិបាលអាមេរិក ដែលកំពុងរឹតបន្តឹង Crypto។ ទោះអត់ BUSD ក៏ Binance អាចមានជើរើសប្រើ Stable Coin ផ្សេងទៀតបានដែរ។

2. រឿងដៃគូធនាគារ ចាំផ្តើមលេងអោយ ដាក់ដកតាមធនាគារបាន អានឹងក៏ដូចគ្នា។ រដ្ឋាភិបាល តាមប្រទេសនីមួយៗ កំពុងតឹតបន្តឹង Crypto ចឹងហើយធនាគារភាគច្រើន ត្រូវបានគំរាម ពីការជួបហានិភ័យប្រសិនបើនៅតែបន្ត សហការណ៍ជាមួយក្រុមហ៊ុន Crypto ទៀត។ មិនមែនតែ Binance ទេ ក្រុមហ៊ុន Exchange ផ្សេងទៀត ក៏មានបញ្ហាប្រហាក់ប្រហែលគ្នានឹងដែរ។

ហើយអារឿងដៃគូធនាគារនឹង ទោះមានទោះអត់ក៏យើងស៊ាំទៅហើយព្រោះ នៅខ្មែរ យើងមិនមានដៃគូរធនាគារផ្លូវការទេ។ ទិញលក់តាម P2P ធម្មតា។ ចឹងសូមបន្តប្រើ P2P ធម្នតាទៀតចុះ គ្មានអ្នកណាមកមានសិទ្ធិ បិទ P2P ទេ ព្រោះជាការដោះដូររវាង មនុស្សពីរនាក់តែប៉ុណ្ណោះ។ Binance គ្រាន់តែមាន Feature អោយយើងប្រើប្រាស់។

បើយើងភ័យអាចដក Coin ទាំងអស់យកមកដាក់ Wallet ខ្លួនឯងបាន។ ប្រើ Biance តែសំរាប់ទិញ USDT ទៅបានហើយ រឺ ទុកតិចតួចសំរាប់ងាយ Trade ជាដើម។ និយាយរួម នៅក្នុង Crypto យើងជាអ្នកគ្រប់គ្រងលុយដោយខ្លួនឯងជារឿងល្អបំផុត។ ខ្លាចតែមិនសូវដឹងច្រើន ប្រើ Wallet ទៅបាត់លុយទាំងអស់វិញទេ។ ចឹងហើយបានអ្នកថ្នីៗ ប្រើ CEX គឺល្អបំផុត ហើយ។ ហើយក្នុងចំណោម CEX ទាំងអស់ Binance គាត់ធំជាងគេហើយ។ បើមិនទុកចិត្តគាត់ទៀត ក៏មិនដឹងទៅទុកចិត្តអ្នកណាដែរ។

តែសួរថាធានា 100% ថាមិនអីទេ? គ្មានអ្នកណាដឹងទេ ក្រុមហ៊ុនធំយ៉ាងណាក៏អាចដួលដែរ។ កាលពីមុនគ្មានអ្នកណារំពឹងទេ ថា Nokia, LG, Sony នឹងចាញ់ទីផ្សារ Smart Phone។ គ្រាន់តែថាបើគាត់ជាក្រុមហ៊ុនធំ ហើយអ្នកដឹកនាំមាន ចក្ខុវិស័យល្អ អាចនឹងនៅឈរជើង បានរ៉ាប់រយឆ្នាំ អីចឹងទៅ។

នេះក៏ជា Message ចាស់ដែលខ្ញុំធ្លាប់ពន្យល់នៅក្នុងគ្រុប Binance ដែរ។ យកមកបង្ហោះក្នុងគ្រុបនេះម្តងទៀតទុកអោយទាំងអស់គ្នា ដើម្បីជាពត៍មានបន្ថែម។ ក្នុងរូបភាពមានការប្រកាសពី Paxos ផ្ទាល់ថានឹងឈប់ Redeem នៅពេលណា ហើយ CZ ក៏គាត់បញ្ជាក់បន្ថែមហើយ ថា នឹងរកជំរើស Stable Coin ថ្មី ដូចនេះមានន័យថា BUSD នឹងបាត់មុខពី Crypto នៅថ្ងៃ ចុងក្រោយដែល Paxos អោយ Redeem នឹង។
-----‐-------------------

ជាការរំលឹកដល់អ្នកដែលកាន់ BUSD រឺ លែង Future BUSD។

1. BUSD មិនមានបញ្ហាអ្វីទេ វានៅតែជា Stable Coin មានតំលៃប្រហាក់ប្រហែល 1$។ មិនអាច Lost Peg ដូច UST របស់ Luna ទេ។

2. អនាគតមិនច្បាស់លាស់។ ព្រោះគេលែងបង្កើតថ្មីហើយ។ Paxos បើកអោយ Redeem យ៉ាងហោចណាស់ដល់ខែ 02-2024។

ជាយោបល់ខ្ញុំទេ បើអាចប្តូរ Stable Coin ទៅប្រភេទផ្សេង។ អ្នកលែង Future មិនមានជំរើសច្រើនទេ គឺប្តូរទៅប្រើ USDT វិញ។ អ្នកអត់កាន់ BUSD អត់មានបញ្ហាអីទេ។
—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ទាំងអស់គ្នា គួរតែចូលក្នុងគ្រុប Telegram របស់ Coin Bureau។ គាត់គឺជា Influencer នៅក្នុងវិស័យ Crypto ដែលផ្តល់ពត៍មាន និង ធ្វើ Content ល្អៗជាច្រើនពាក់ពន្ធនឹង Crypto។ គាត់ក៏មាន YouTube Channel ដែរ។ សំរាប់អ្នកចេះ អង់គ្លេសច្រើន គួរតែតាមដាន វីដេអូរបស់គាត់។ ប៉ុន្តែសំរាប់អ្នកផ្សេងៗ ក៏អាចតាមដានខ្លះៗ ដោយខ្លួន ឯង ដោយប្រើប្រាស់ Google Translate បាន។ ចំនុចសំខាន់ដែលទាំងអស់គ្នា អាចតាមដាន នៅក្នុងគ្រុប Telegram គាត់គឺ

1. គាត់សង្ខេបពត៍មាន Crypto ប្រចាំថ្ងៃ ងាយស្រួលយើងមើល ប្រសិនបើមិនមានពេលច្រើនតាមដាន តាម Twitter។ អាចយកអត្ថបទសង្ខេប ខ្លីៗទាំងនោះ ទៅបកប្រែក្នុង Google Translate យ៉ាងហោចណាស់អាចអោយយើងយល់គោលៗ បានដែរ ទោះជាមានចំនុចមួយចំនួន បកមិនទាន់ត្រូវក៏ដោយ។

2. គាត់មាន Rally Report ដែលគាត់ប្រាប់ពីកាក់ឡើងថ្លៃ ហើយប្រាប់ពីមូលហេតុមួយចំនួនដែលកាក់នោះឡើងថ្លៃ ចឹងយ៉ាងហោចណាស់ យើងអាចស្គាល់ឈ្មោះកាក់មួយចំនួន ហើយយកទៅ Research ខ្លួនឯងបន្ថែមទៀត។

បញ្ជាក់៖ កាក់ដែលគាត់ប្រាប់នៅក្នុង Rally Report នឹងគឺឡើងថ្លៃហើយ កុំឃើញហើយនាំគ្នាទៅទិញ តែគ្រាន់តែយកមក Research ប្រសិនបើចាប់អារម្មណ៍ អាច Add វាទៅក្នុង Watchlist នៅលើ Coinmarket Cap អីចឹងទៅ ដើម្បីតាមដាន ហើយសំរេចចិត្តទិញនៅតំលៃណាមួយដែលទាំងអស់គ្នា គិតថាសមរម្យ។

គ្មានអ្វីដែលបានមកដោយស្រួលៗ ទេ។ បើយើងមិនសូវដឹង មិនសូវចេះ គឺកាន់តែត្រូវរៀន អោយបានច្រើន។ កុំយកភាសារ អង់គ្លេសជា របាំង បាំងមុខរហូតដល់យើងធ្វើអ្វីមិនបាន។ បច្ចុប្បន្ននេះការ Translate ពី English មកខ្មែរ បានប្រសើរច្រើនហើយ ចឹងយើងអាចប្រើវា ដើម្បីជាប្រយោជន៍បាន។

Link Telegram របស់គាត់៖ https://t.me/cbinsider

នេះជាឧទាហរណ៍បន្ថែមសំរាប់ការពន្យល់ពីការគ្រប់គ្រង អត្រាប្តូរប្រាក់របស់ ធនាគារជាតិ យើងដែលខ្ញុំបាននិយាយខ្លះៗ នៅក្នុងការ Live យប់មិញ។

ជាទូទៅធនាគារជាតិ គាត់នឹងចេញអត្រាប្តូរប្រាក់ជារៀងរាល់ថ្ងៃ។ ការផ្លាស់ប្តូរអត្រានេះវាមាន ចំនុចជាច្រើន ដែលប៉ះពាល់វា ទាំងការទិញលក់ ប្រាក់រៀល ដុល្លារ ប្រចាំថ្ងៃ, ស្ថានភាពសេដ្ឋកិច្ច, ស្ថានភាពលុយដុល្លារដែលមាននៅក្នុង ការរក្សាទុករបស់ធនាគារជាតិអីជាដើម និង អាចមានកត្តាផ្សេងៗទៀតដែលយើងមិនអាចដឹងលំអិត 100%។ ប៉ុន្តែយើងអាចយល់បែបសាមញ្ញថា ធនាគារជាតិ របស់យើង ត្រូវតែផ្តល់ទំនុកចិត្តដល់ ប្រជាពលរដ្ឋ, អ្នករកស៊ីប្តូរប្រាក់ឯកជន, ធនាគារនៅក្នុងស្រុកខ្មែរ ទាំងអស់ជឿថា អត្រាដែលគាត់ដាក់មក គឺគាត់មាន ទុនបំរុងគ្រប់គ្រាន់សំរាប់ ធ្វើប្រតិបត្តិការណ៍ ផ្សេងៗ ដែលមានតំរូវការពី ដៃគូរទាំងអស់នោះ។

ឥលូវឧទាហរណ៍ងាយៗដើម្បីគ្នាយើងងាយយល់ ថាធនាគារជាតិដាក់ អត្រា 4050រៀល ក្នុង 1$។ តែជាក់ស្តែងនៅពេលដែលមានធនាគារមួយថ្ងៃនឹងគាត់បានយកលុយខ្មែរ ជាច្រើនដែលគាត់បានពីប្រជានពលរដ្ឋដាក់ចូល រឺ ទៅប្តូរប្រាក់កន្លែងគាត់ ចំនួន 4,050,000,000 រៀល ដែលស្មើរនឹង 1,000,000$។ ក្នុងករណីដែលធនាគារជាតិ យើងមិនមានលុយដុល្លារគ្រប់គ្រាន់នៅក្នុងដៃ គាត់ពិតជាមិនអាចប្តូរប្រាក់នោះអោយបានទេ ព្រោះជាក់ស្តែងគាត់មានតែលុយខ្មែរ តែមិនមានដុល្លារគ្រប់ 1,000,000$ ដើម្បីប្តូរអោយ។ ករណីបែបនេះហើយដែលនឹងបង្ករអោយមានបញ្ហា អតិផរណា មានន័យថា អត្រាគឺ លែងនៅ 4050រៀល/1$ ទៀតហើយ ព្រោះក្នុងប្រទេសខ្វះលុយដុល្លារ មានតែលុយជាតិខ្លួន។ គ្រប់គ្នា នឹងសំរុក ចង់ប្តូរយកដុល្លារ មកទុកព្រោះលែងទុកចិត្តលុយជាតិខ្លួនឯង។ ដែលវានាំអោយ អតិផរណានឹងកើនឡើងខ្ពស់។