ចំនុចសំខាន់មួយចំនួនដែលខ្ញុំមើល មុនពេលទិញ USDT ក្នុង Binance P2P

1. Profile Badges។ ប្រសិនបើអត់មាន Profile Badges ជាសញ្ញា ធីកពណ៍លឿង រឺ ត្បួងពណ៍ស្វាយទេ អាចជាអ្នកលក់ថ្មី។ បើមិនស្គាល់ច្បាស់គួរកុំប្រថុយ។

2. ចំនួន Trades។ មានកាន់តែច្រើន កាន់តែល្អ។ មានន័យថាគាត់បាន លក់ USDT នៅក្នុង Binance បានច្រើនដងហើយ។ លើសពី 1000 ដងកាន់តែសុវត្ថិភាពខ្ពស់។ តែអ្នកថ្មីខ្លះ ត្រឹម 100 ដងអី អោយតែ មាន Profile Badge និង Completion ខ្ពស់ក៏អាចទុកចិត្តបានដែរ។

3. Completion មានន័យថាក្នុងចំនួន Trades ទាំងអស់ដែលលក់ USDT នឹងគាត់ Complet បាញ់កាក់អោយគេបាន ប៉ុន្មានភាគរយ? កាន់តែខ្ពស់ កាន់តែល្អ។

4. មុនពេលបាញ់លុយ ពិនិត្យមើលឈ្មោះ គណនេយ្យ ធនាគារគាត់ថាជាខ្មែរ រឺ អត់? អ្នកខ្លះដាក់គណនេយ្យ ABA មកពេលមើលឈ្មោះទៅមិនមែនជាខ្មែរទេ។ មិនមែនរើសអើងពូជសាសន៍អីទេ តែគ្រាន់តែថាខ្មែរគ្នាឯង យ៉ាងហោចណាស់ពេលមានបញ្ហាអី ស្រួល និយាយគ្នា។

5. មុនបាញ់លុយអោយគួរ Chat ទៅគាត់សិន។ ព្រោះក្នុង Binance P2P នឹងមាន Chat ស្រាប់។ ធ្វើបែបនឹងដើម្បីប្រាកដថាគាត់ Online អាច Release កាក់អោយយើងបានលឿន។ កុំអោយបាញ់លុយហើយអង្គុយចាំគេ ទាំងភ័យ ព្រោះពេលខ្លះអ្នកលក់គាត់រវល់ រឺ នៅកន្លែងអត់សេវ៉ាដែរ។ ចឹងបើឆាតអត់តបហើយ គួររកឈ្មោះអ្នកលក់ណាផ្សេង ដោយពិនិត្យមើលចំនុច 1,2,3,4 ខាងលើម្តងទៀត។

ខ្ញុំប្រើវិធីទាំងអស់នេះ ទិញ P2P តាម Binance 2ឆ្នាំជាងហើយមិនដែលមានបញ្ហាអីទេ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ឃើញមានគ្នាយើងដែលចូលរួម Live លើកមុន បានព្យាយាម រៀនតាមអ្វីដែលខ្ញុំចែករំលែក ហើយសិក្សាទិន្ន័ន័យផ្សេងៗទៀត ដោយខ្លួនឯង។ វាជាអ្វីដែលខ្ញុំព្យាយាមធ្វើ និង ចែករំលែកទាំងអស់គ្នា គឺប្រាប់ពីបទពិសោធន៍ខ្ញុំធ្លាប់ឆ្លងកាត់ តែចង់អោយយើងសិក្សាបន្ថែមដោយខ្លួនឯង ព្រោះខ្ញុំអាចយល់ខុស រឺ ស្មានខុសដែរ ចឹងហើយមានតែយើងព្យាយាមយល់ដោយខ្លួនឯងទើបល្អ។

មានកន្លែងណាមិនយល់សួរគ្នាទៅ វិញទៅមក។ ខ្ញុំចេះអីខ្ញុំប្រាប់នឹង អាណាខ្ញុំអត់ចេះ ចាំជួយ Research បន្ថែម តែមិនប្រាកដថាអាចយល់បានគ្រប់រឿងទេ។

សង្ឃឹមថាយើងទាំងអស់គ្នា អាចរៀនសូត្យបានអ្វីមួយ ពីក្នុងគ្រុបនេះ ហើយបន្តការរៀនសូត្យ និង ចែករំលែកបន្តទៅអ្នកផ្សេងៗទៀត។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

ទិន្នន័យ CPI របស់បារាំង និង អេសស្ប៉ាញ កាលពីម្សិលមិញឃើញថាខែ 02-2023 នេះបែរជាឡើងទៅវិញ ទោះជាប្រទេសទាំងនោះកំពុងតំឡើងការប្រាក់ដូចអាមេរិកក៏ដោយ។ វាជាសញ្ញាមួយដែលបញ្ជាក់ថាគ្រប់ប្រទេសកំពុងពិបាក ធ្វើអោយ Inflation(អតិផរណា) ថយចុះ។

អាមេរិកនឹងប្រកាសនៅថ្ងៃទៅ 14/03/2023។ ប្រសិនបើ Inflation ឡើង រឺ ក៏ថយតិចតួចពេកដូចខែមុន ដែលថយពី 6.5% មកត្រឹម 6.4% ចឹងកានតែបញ្ជាក់ច្បាស់ថា ពិភពលោកពិបាកបញ្ចុះ Inflation ហើយ។ វាជាកត្តានាំអោយធនាគារកណ្តាល គ្រប់ប្រទេស ត្រូវតែសំរេចចិត្តបន្តតំឡើងការប្រាក់ និង ធ្វើអោយសេដ្ឋកិច្ចដើរថយក្រោយរយះពេលយូរទៀតដើម្បីអោយ Inflation ត្រលប់មក 2% រឺ ជិត 2% ម្តងទៀត។

តើវាមានអត្ថន័យយ៉ាងមិច?

1. គ្រប់ប្រទេសនឹងនៅតែជួប បញ្ហាសេដ្ឋកិច្ច គ្រាន់តែ តិច រឺ ច្រើន តាមប្រទេសរៀងៗខ្លួន។ ប្រទេសយើងក៏មិនអាចគេចផុតដែរ។ ត្រៀម សាច់ប្រាក់សំរាប់ហានិភ័យផ្សេងៗ អោយអស់លទ្ធភាព។ កាត់បន្ថយចំណាយមិនចាំបាច់នៅក្នុង វិបត្តសេដ្ឋកិច្ចគឺជារឿងដែលត្រូវធ្វើ។

2. គ្រប់ Asset ផ្សេងៗ មិនថា Real Estate, Stock រឺ Crypto នឹងអាចបន្តការចុះបន្ថែមទៀត ទោះមានការឡើងចុះយ៉ាងណាក៏ដោយតែ ផ្លូវអាចងាកទៅរកខាងក្រោមច្រើនជាងខាងលើ។ នេះជាការប៉ានស្មានរបស់ខ្ញុំតែប៉ុណ្ណោះ ខ្ញុំអាចខុស សូមទាំងអស់គ្នា សិក្សាបន្ថែម។

ចឹង Asset ណាមួយដែលយើងចាប់អារម្មណ៍ គួរតាមដានតំលៃអោយច្បាស៎លាស់ ហើយរកពេលវេលាទិញនៅតំលៃសមរម្យណាមួយ។ បើជាកាក់ យើងគួរកំណត់ Range តំលៃ ហើយចាប់ផ្តើម DCA in។

ជូនពរទាំងអស់គ្នា មានលទ្ធផលល្អទាំងការងារ, ការរកស៊ី និង ការវិនិយោគ។ សង្ឃឹមថាប្រទេសយើងមិនប៉ះពាល់ច្រើន ពីវិបត្តិលើកនេះ។

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

រូបភាពទី 1 បង្ហាញពី ទិន្នន័យ PMI របស់ចិនដែលវ៉ាស់វែងទៅលើ អត្រានៃចង្វាក់ផលិតកម្មរបស់ចិន បើទិន្នន័យខ្ពស់មានន័យថា ចរន្តការងារ និង ចង្វាក់ផលិតកម្មរីកចំរើន។ លទ្ធផលខែ 02-2023 នេះឃើញថាទិន្នន័យល្អ ស្មើរនឹងមុនមានការផ្ទុះ Covid ទើបធ្វើអោយ អ្នកវិភាគមួយចំនួន ជឿថាចិន អាចស្តារសេដ្ឋកិច្ចបាន ក៏ដូចជានឹងជួយ ជំរុញសេដ្ឋកិច្ចពិភពលោកទាំងមូលផងដែរ។

រូបទី 2 បង្ហាញពី Stock នៅ អឺរុប ភាគច្រើនឡើងថ្លៃវិញ ដោយសារតែឃើញលទ្ធផលល្អរបស់ចិន ហើយសង្ឃឹមថា អាចនឹងជួយសេដ្ឋកិច្ចពិភពលោក មិនអោយជួបវិបត្តធ្ងន់ធ្ងរ។

យើងឃើញថា Crypto ក៏មានការឡើងដែរ ប៉ុន្មានម៉ោងចុងក្រោយនេះ។ ចិនជាប្រទេសមហាអំណាចសេដ្ឋកិច្ចទី ពីរ លើពីភពលោក ចឹងប្រសិនបើចិន មានដំណើរការល្អ ក៏វាអាចនឹងជួយទប់ស្ថានភាពអាក្រក់ដែលចេញពី Inflation របស់អាមេរិកបានខ្លះដែរ។

គ្រាន់តែជាការឃើញពត៍មានចាប់អារម្មណ៍ ក៏ចែករំលែកទៅអ្នកទាំងអស់គ្នា។ ជាក់ស្តែងខ្ញុំក៏មិនសូវបានតាមដាន ទិន្ន័យសេដ្ឋកិច្ចរបស់ ចិនដែរ ហើយក៏មិនសូវដឹងដូចគ្នា។ តែឥលូវអាចប្រហែលត្រូវសិក្សាបន្ថែមទៀតហើយ។ រៀនច្រើន ចេះច្រើន ដឹងច្រើន😊

—————————
⚡️@web3perspective
🔗All Social Media: https://linktr.ee/web3perspective

—————————
⚠️ Disclaimer: NFA, DYOR

Coinbase ដកចេញពីធនាគារដៃគូរ។ វិបត្តិហិរញ្ញវត្ថុកើតឡើង នៅពេលដែលធនាគារចាប់ផ្តើមដួល តគ្នា។ មានតែរងចាំមើលភាគបន្ត តទៅទៀត។

ទីផ្សារអាចនឹង React មិនល្អទៅលើពត៍មានទាំងនេះ។