ماعدكم علي ؟ #واثق_العيساوي

.
اهلا بشهر رمضان اهلا بخير الشهور شهر الرحمة والمحبة والتسامح.. كتبنا الله واياكم من الصائمين القائمين فيه وتقبل الله اعمالنا واعمالكم..
.
.
المقطع من كليب #خير_الشهور
من اجمل الكليبات التي جسدت بعض من مشاهد الشهر الفضيل '' اداء السيد محمد الكاظمي وكلمات الشاعر واثق العيساوي وانتاج قناة الكوت الفضائيه.
.
.
#خير_الشهور
#واثق_العيساوي

شهر رمضان مبارك عالجميع اللهم ارحمنا وارحم شعبنا وبلدنا وكل بلاد المسلمين بحرمة شهرك هذا..
كل عام وانتم بالف خير

قصيدة ((ماجينه))

#باسم_الكربلائي
#واثق_العيساوي

رحمك الله ياعراق ورحم شهداؤك


https://youtu.be/vQjqjQ1MM9k

يمه
كلشي بغيرج
امعوز ملح
يمه
والله..
بلايه صوتج
حتئ بيبان الفرج
ماتنفتح
اليوم باول لگمة من إفطوري
مريتي بخيالي
ودمعي شط ماينمسح
تذكرت رمضان..
اذا ماكو فطور
اشكثر قلبج ينجرح!!
يمه
هسه الزاد كثره
لكن معوز ملح!!!


#واثق_العيساوي

انت والعراق وجهان لعملة نادرة

(اليك في مولدك)
.
.
ما كلك تعال وشوف..انت اتشوف
انت ابن اليعرف الغيب وينظره
نفس ايامك المريت بيها بيوم
نفس العَبره والالام والعِبره
نفس الطاعنك بس اختلاف اسماء
نفس الخنجر ونفس الحمل غدره
للقاتل اوجوه هواي كلمن لون
لكن بالهدف تتشابه الفكره
مثلك هالوطن هم طيب ومغدور
عاشوا بي ملوك وطعنوا بظهره
انت وي العراق اثنينكم عنوان
للسم للالم للغدر للحسرة
شكد هزيتهم ماشالهم غربيل
الصاحب من يخونك بيمن تعذره
السلمته الظهر والامنت بي زين
باعك للغريب الما حفظ ظهره
الجيش البي نقص ..موعدد.. نقص اشراف
غيرتهم ورق هبة هوه اتعثره
اذا منك وبيك وكام يطعن بيك
الطعنه من الغريب تهون الف مره
يعرفونك منو وكالو (مذل)اعليك
يا هيبة علي ويا عزة الزهره
.
.
.
#واثق_العيساوي

مذ كنت في الذر
والعشق حيدر ‼️

((قصيدة))📽

((القاك ديني))

الرادود

الحاج محمد الحجيرات
الشاعر واثق العيساوي

#واثق_العيساوي
#محمد_الحجيرات

https://youtu.be/zxVs0t5npnI

كان ينتظره مثل كل ليلة يحمل بين يديه طعاما واماناً وابتسامة ..والده ((علي)) لم ياتي هذه الليله .
.
انه اليتيم عللوعد يالماقبلت بعبرتي
منتظرك وظلمة الدرب نورك اليطرد ضلمتي
جوعان ودموعي شكثر وإبجيتك امسح دمعتي
اني ادري ماتخلف وعد لاترضه اموت بحيرتي
الرجفة جفوفي من التعب ترجف الباب الرجفتي
ومن جوعي (يالون الخبز) كُبر الشوارع صفنتي
املثم واعرفنك علي عطرك يناغي بريتي
يسالوني بس اسكت غصب سرك اضمه اببسمتي
جفك الخشنه اتمر دوه واتطيب اهموم اخوتي
متانين بس وجه الفجر هالليلة يشبة وجعتي
ريح وشوارع تنتحب وبنصها ضاعت صرختي
اسال ولا جاوب احد دمعه وصدئ ترد كلمتي
فجأة وشفت كلشي انكسر كسرة خواطر لهفتي
امتانيك توصلي فرح اتچمل امان الضحكتي
شمدريني والناعي صرخ وصاحت وداعا ديرتي
عالهامه صارت طبرتك وبقلبي صارت طبرتي
اتعنيتك انه ويه اليتم وكفت ابابك غايتي
وسمعت ونه من القلب اي والله تشبه ونتي
معقوله زينب باليتم باجر تشابه حالتي
يميتم الدنيا ورحت بعدك منو يسد خلتي .
.
#واثق_العيساوي

صفّي نيتك بالكره مايعله شي
الحديقة تموت اذا تسگيها نار ‼️‼️

كل عام وانتم بالف خير
وعيد سعيد يارب 🙌🏻

📝📝🛑قصيدة🛑📝📝

❤️❤️((ازرع الطيبة))❤️❤️


بمناسبة العيد السعيد



🎤📝الشاعر

✍🏻((واثق العيساوي))

🖼🖼تصميم🖼🖼

((حسين الساعدي))


وديها الكل شخص تحب تعايدة وتتسامح وياه وتبدي صفحة جديده‼️

‎#عيد_سعيد
#واثق_العيساوي
#شعر_شعبي


‏https://youtu.be/JbjSbImmLDo

إخوان ارجوكم الي مو عاجبة العيد وفرحة العيد لايطلع من البيت 😂
يعني مو من الاخلاق يجي شخص يهنيك بالعيد او طفل فرحان بالعيد وانت تستقبله وجهك بي عشرين الف طسه وتنفخ وتتحسر ..اذا عالحزن كلنا عدنا حزن وهموم بس ارجوك الخاطر هذي الاطفال الي ماتعرف شي غير تريد تفرح بالعيد..

ابقة ابيتك حبيبي لاتطلع ارجوك 😂😂😂
واني اوديلك كليچه البيتك 🤣
..
.
.
ناس مليانه حزن ..بس عدها روح
إتْعَيِّش الدنيا بجمال احساسها

وناس كلش فايخة بس مدري ليش
ماتريد الفرحة توصل ناسها

اليلهث بقلبه مرض ماعنده عيد
اليكره الشجره يصادق فاسها

العيد عيد الله..منو اليكره العيد
الوردة منهو اليختنگ بانفاسها؟

حتى المفارك عزيز..ايظل عزيز
المقبرة اتخضر ضحك من ساسها

عيش يومك بالعشگ ..لو لا تعيش
وعوف ناسك فرح يمشي براسها

الفرحه مابيها ثمن تمنعها ليش؟
الكاع تضحك چف مطر لو جاسها

عايشين او الله موجود وكريم
الروح يم رب السمه مقياسها


.
.
#عيد_سعيد
#عايشين_غصباً_عالحاقدين
#شعر_شعبي
#واثق_العيساوي

https://www.youtube.com/channel/UCaT5UVpSAMtGO62pYqdjw-g


شرفونا بالاشتراك في القناة الرسميه

سيكون كل شيء افضل حين يعترف المذنب بذنبه والمقصر بتقصيره تاركاً حب الأنا والغرور الذي يصنعه زيف المجتمع والنفاق ..حين نصل لمرحلة الايثار حتى في تحمل اخطاء غيرنا ودفع الشبهات عنهم سنكون حينها مجتمع كريم وهادىء..اما اننا نبني على الشبهات قصص واوهام فقط لاظهار بعضنا بصورة سيئة فذلك الشر والقبح بعينه.جمعتكم مباركة.
.
.
#واثق_العيساوي

اعتذرت هواي بس مو بالحچي
واشكثر بغيابك مسولف بچي
اني من ناس اليضيعها الحنين
واعله سكتتها بخجلها تنتچي

واثق العيساوي