محمد بن سەلمان متمانەی بە سووپای یەمەن نەماوە و بانگهێشتی ئەحمەد شەرعی کردووە بۆ سعودییە.

حوسییەکان دەڵێن سعودییە و تورکیا پلانێک ئامادە دەکەن بۆ گواستنەوەی توندڕەوەکانی سووریا بۆ جەنگی یەمەن.

هەڵمەتەکەی دژی گەندەڵکاران نەیتوانی بەلای سەرە گەورەکان بڕوات و لەنێوان خۆیاندا عەدنان جومەیلیان کردە قوربانی. بۆ پڕکردنەوەی ئەم هەموو کورتهێنان و دزی و گەندەڵییە هات بەهایی دیناری لەبەرامبەر دۆلار دابەزاند، کە زەرەرمەندی یەکەم خەڵکن.

عێراق لەسەر ڕیتمەکەی خۆی بەردەوامە.

سووپای ئەریتریا چووەتە ناو خاکی ئەسیوپیاوە و هەردوو وڵات سەرقاڵی کۆکردنەوەی هێزن لە سنوور. هۆشداری لە هەڵگیرسانی جەنگێکی نوێ دەدرێت لە ئەفریقا.

وەزارەتی پێشمەرگە لە 7ی ئۆکتۆبەری 2026 ئەو هەواڵانەی ڕەت کردەوە کە باس لە گەیشتنی سیستەمی بەرگریی ئاسمانی بۆ وەزارەتەکە دەکەن. وەزارەتەکە ڕایگەیاند هیچ سەرچاوەیەکی فەرمی لێدوانی لەم بارەیەوە نەداوە و هیچ جۆرە سیستەمێکی بەرگریی ئاسمانی نەگەیشتووەتە دەستیان.

حوسییەکان دیمەنێکی نوێی پێکدادانەکانیان بڵاوکردەوە.

سعودیە :

- فڕۆکەخانەی ئەبها و فڕۆکەخانەی شا خالید دوو جار لەلایەن حوسییەکانەوە پێکراون .

- لە فڕۆکەخانەی ئەبها، دوو ئافرەتی مەغریبی و جەزائیری کوژراون و 23 تریش بریندار بوون .

- لە فڕۆکەخانەی شا خالید هاوڵاتییەکی سودانی کوژراوە هەشت کەسی تریش بریندار بوون .

ڕۆیتەرز:

سوریا بیر لەوە دەکاتەوە هاوکاری سەربازی سعودیە بکات لە نێوان پەرەسەندنی شەڕ دژی حوسییەکان.

سعودییە داوای کردووە کە سووریا هێز بۆ شەڕی حوسییەکان ئامادە بکات.

سەرۆککۆماری سوریا لە سەردانەکەیدا بۆ ڕیاز باسی لە ئەگەری پێشکەشکردنی هاوکاری سەربازی بۆ سعودییە کردووە.

لەدوای 220 رۆژ لە دەستپێکی جەنگی ئێران، تێپەڕبوونی نەوت لە گەرووی هورمز گەشتووەتە هەمان ئاستی پێش جەنگ، بەڵام بەهۆی کرێی بەرزی گواستنەوە، زیانی پاڵاوگەکان و توانای کەمیان بۆ پاڵاوتن، نەبوونی دڵنیای لە تێپەڕینی کەشتیە نەوتییەکان لە گەرووی هورمز پێشبینی ناکرێت نرخی نەوت بە خێرایی بگەڕێتەوە پێش نرخی جەنگ.

بەپێی زۆرینەی راپرسییەکان، لە هەڵبژاردنی مانگی داهاتوو دیموکراتەکانی ئەمریکا هەردوو ئەنجوومەنی نوێنەران و پیران لە کۆمارییەکان دەبەنەوە و سەرکەوتن بەسەر تڕەمپ بەدەست دەهێنن.

پزیشکی خێزانی شاهانەی بەریتانیا بە کوژراوی دۆزراوەتەوە.

ئەکسیۆس:

ئەگەر هەیە سووریا 10 بۆ 20 هەزار چەکدار ڕەوانەی یەمەن بکات.

ئەگەر سوریا هێز بنێرێت:

- بەدڵی ئیسرائیلە، کۆمەڵێک توندڕەو لەنزیک سنورەکانی نامێنن و خۆشی لەولاوە لەشکرکێشی زیاتر ئەکات لە باشووری سوریا، لە یەمەنیش لە حوسی ئەدرێ کە هەر دوژمنی ئەون.

- جۆلانی لەوانەیە ئەو چەکدارانە بنێرێت کە بەدڵی نین و ناکۆکن لەگەڵیدا وەک بیانییەکان.

- حزبوڵا و میلیشیاکانی عێراق لەگەڵ مقاومەی سوریا بۆ یارمەتیدانی حوسییەکان لەوانەیە دەست بە چالاکی بکەن لەناو سووریادا یان هێرش لەرێگەی درۆن و مووشەک، وە بۆشایی دروست ببێت و رێگە بۆ داعشیش خۆش بکات.

- بۆ کوردیش هەر باشە ئەگەر لیوا کوردەکان نەنێرن، لانی کەم سووریا سەرقاڵ دەبێت بە بەرەیەکی ترەوە.

ڕۆیتەرز:

هێزەکانی ئەریتريا بینراون کە بە شاری ئادیگراتی ئەسیوپیا 25 کیلۆمەتر دوور لە سنوور تێدەپەڕیون. سەربازەکان لە دەروازەی زێلامبێساوە پەڕیونەتەوە و فڕۆکەی بێفڕۆکەوانی سوپای ئەسیوپیا لە ناوچەی گودا هێرشی کردووەتە سەر ئۆتۆمبێلەکانیان.

هەفتەی ڕابردوو ئەسیوپیا و ئەریتريا پەیوەندییە دیپلۆماسییەکانی نێوانیان پچڕاندووە، ئەمریکا داوای لە هەردوولا کردووە دان بەخۆیاندا بگرن و هۆشداریی داوە کە دروستبوونی ململانێ هەماهەنگییەکانی ئەمریکا لەگەڵ هەردوو وڵاتدا دەخاتە مەترسییەوە.

ئاکسیۆس دەڵێت پێنتاگۆن سێنتکۆمی ئاگادارکردووەتەوە کە ئامادەکاری بۆ لێدان لە ئێران بکات .

رۆژنامەی نیویۆرک تایمز:

فرۆکە جەنگییەکانی پاکستان بەشدارییان لە بۆردوومانکردنی حوسییەکان کردووە لە یەمەن.

بەپێی رۆژنامەی تەلەگرافی بەریتانی، پوتن بریاریداوە سێرگی سورۆڤیکین جەنەڕاڵی دیاری سوپای ڕووسیا و فەرماندەی پێشووی هێزەکانی ئاسمانی و فەرماندەی گشتی سووپای ڕووسیا لە ئۆکرانیا بگەڕێنێتەوە و دەسەڵاتێکی فراوانی پێبدات.

سورۆڤیکین لە ساڵی 2017 فەرماندەیی هێزەکانی ڕووسیای لە سوریا گرتە دەست. لەوێ بەهۆی بەکارهێنانی تاکتیکی زۆر توند و بۆردومانی چڕی شارەکان و کردنە ئامانجی ژێرخانە مەدەنییەکان، ناوبانگێکی زۆری لە بێبەزەیی سەربازیدا پەیدا کرد. لە تشرینی یەکەمی 2022، پوتن کردیە فەرماندەی گشتی تەواوی هێزەکانی ڕووسیا لە ئۆکرانیا. لە سەردەمی ئەو زنجیرەیەک هێڵی بەرگریی بەهێزی ناسراو بە "هێڵی سورۆڤیکین" دروستکرا کە رێگری لە هێرشی پێچەوانەی ئۆکرانیا کرد. دوای یاخیبوونی چەکدارانی ڤاگنەر لە حوزەیرانی 2023، سورۆڤیکین لە بەرچاو نەما و دەنگۆی ئەوە بڵاوبووەوە کە دەستبەسەر کرابێت یان لێکۆڵینەوەی لەگەڵدا بکرێت بەهۆی ئاگاداربوونی لە یاخیبوونەکە. لە ئابی 2023 بە فەرمی لە پۆستی فەرماندەی هێزە ئاسمانییەکان دوورخرایەوە و دواتر ڕەوانەی دەرەوەی وڵات کرا و وەک ڕاوێژکاری سەربازیی ڕووسیا لە وڵاتانی ئەفریقا کاری دەکرد.