یاریدەدەری وەزیری بەرگری یەمەن:

بریاری ئازادکردنی سەنعا دراوە.

کۆتایی بەو شەڕە دەهێنین کە حوسییەکان دەستیان پێکرد.

سعودییە و ئەفغانستان رێککەوتنێکی گەورەیان بەبەهایی 50 ملیار دۆلار لە کەرتی وزەی ئەفغانستان واژۆ کرد.

دوای رێککەوتنەکە سعودییە داوای لە ئەفغانستان کرد کردە تیرۆرستیەکانی رابگرێت دژ بە پاکستان.

پاکستان بەفەرمی هاتۆتە هاوکێشەکانی رۆژهەڵاتی ناوەڕاست، بەشی سەرەکیشی دژی بەرژەوەندی ئیسرائیلە، هەرچەند هیندستان خۆی پلانی هێرشی سەرتاسەری بۆ سەر کشمیر داناوە، بەڵام ئێستا خواستەکە زیاتر ئەبێت و ئیسرائیل لەرێگەی هیندستانەوە گوێی پاکستان رادەکێشێت، کاتەکەشی بەئەگەری زۆر دەکەوێتە ساڵی داهاتوو، لەم ڕووبەروو بوونەوەش پاکستان بارودۆخی باش نابێت، چونکە وڵاتێکی داڕماو و دابەش بووە.

پەیوەندی بەریتانیا و ئیسرائیل ئاڵۆزتر دەبێت، بەریتانیا خۆی ئامادە دەکات بۆ ئەوەی ڕۆژی سێشەممە کۆتوبەندی ئابووری بەرفراوان بەسەر نیشتەجێ ئیسرائیلییەکانی کەرتی ڕۆژئاوادا بسەپێنێت، لەوانەش سەپاندنی قەدەغەکردنی بازرگانی لەسەر ئەو کەلوپەلانەی لە نیشتەجێگەکاندا بەرهەم دەهێنرێن و سزای ئەگەری بۆ سەر ئەو قەوارە کۆمپانیایانەی بەشدارن لە دروستکردنیاندا.

وەزیری دارایی ئیسرائیل:

ئەمشەو باڵیۆزی بەریتانیا دەربکەن.

ئێمە نابینە پارچە فەرشێک بۆ ئەوەی لەلایەن حکومەتێکی دژە سامییەوە پێشێل بکرێین، لە وڵاتێکدا کە لەلایەن ئیسلامی ڕادیکاڵەوە داگیرکراوە و هەوڵدەدات خۆی لە داڕمانی ئابووری و کۆمەڵایەتی ڕزگار بکات بە هێرشکردنە سەر جولەکەکان و دەوڵەتی ئیسرائیل.

فەرمانڕەوایی بەریتانیا لە خاکی ئیسرائیل کۆتایی پێهاتووە.

هارێتز:

هەفتەیەک پێش 7ی ئۆکتۆبەر سەرۆکی ئیمارات ناتانیاهۆی ئاگادارکردەوە کە حەماس دەیەوێت هێرش بکات، بەڵام پشتگوێی خست.

ئەمڕۆ كاروانێکی تری ئاوارەكانی سەرێكانی دەگەڕێنەوە، كە 700 خانەوادەیە و نزیكەی 7 هەزار كەسن.

ئەنقەرە کار لەسەر نێوەندگیرییەک دەکات بۆ لێک نزیککردنەوەی حزبوڵا و حکومەتی جۆلانی و لە ئێستادا تورکیا دژی چەککردنی حزبوڵایە.

تورکەکان لەسەر هێڵێکی تەریب کاردەکەن، لەسەر ئەو بنەمایەی ئەنقەرە پێی وایە ئاسایشی سوریا لە ئاسایشی لوبناندایە و ئاسایشی تورکیاش لە ئاسایشی سوریادایە، تورکیا سوورە لەسەر هەڵوێستێک کە داوای کشانەوەی تەواوەتی ئیسرائیل دەکات لە باشووری لوبنان.

بۆچوونێک هەیە دەڵێت ئەمریکا و بەریتانیا بەرەیەکی سونی دروست دەکەن بۆ پڕکردنەوەی بۆشایی بەرەی مقاومە، هەروەها بۆ رێگرتن لە فراوانخوازی زیاتری ئیسرائیل لە ناوچەکە.

وەزارەتی دەرەوەی ڕووسیا:

هێرشی حوسییەکانی یەمەن بۆ سەر سعودییە ئیدانە دەکەین، ئەم هێرشانە بێ بەرهەمن.