تهون يا چويات روحي
الما أظن تبرد

سواد الليّل يخلص وانت تبدي

حبيبي بيا گلب حبيّت بعدي

خبال البيك من عندي وسره بيك
وعلي دار الوكت مثلك وسره بيك
تمنيت العمر يرجع وسره بيك
واشيلن شيب كلبك بادية

تعال اشبيك مر وشوف حالي شلون
مثل شايب صفيت أبأيده عوجيه
تعال بغيبتك طكني الوكت والعوز
وصرت مثل اليتيم ايتاني عيديه
تعال الناس تسأل وين ولفك راح
شجاوبهم وكلهم هم الك جيه
تعال الروح تسالني عليك اهواي
وتطلب شوفتك صدكني يوميه

چنت
اعذرك وانت
مو مال أعتذار
انت مثل ابن المعلم
من يغيب
چنت أظنن شي غريب ويانه صار
الفاجئتني بهل علاقة
آنه الغريب
انت مو قسمة ونصيب
اصلا مشيت
انت عندك موعد وقسمة
وحبيب
بدلتني ؟
مكيف مبين عليك
وآنه اذا ابدل مكاني
احسبها عيب

تعرف غلاتك لو بعد
محتاج أبينها أكثر ؟
يَالبيك لهاني العُمر
ما ركزت بي مِنْ مَرّ
يمكن اذا كتلي
شكثر تهواني؟
راح أتحَيِّر
الليله أعِد مَحبتك
بس باجر تزود أكثر

حَبيبي براحتَك ،
نمشي إعِلى ويّن تريد ..
بَس لا تترك خيالي
حَبيبي الدِنيا ما بيها نفَس ينراد
لازم عطرَك گبالي
حَبيبي وَ أربعينَك سالفة نيسان
ياهوَ اليگدر يشبهَك !
حَبيبي الريّة مُتعلمة إعِلى
شَم مَلگاك ،
هلبَت شوغتي تنبهَك ..
هلبَت يا حَرك روحِي تجي وَ أطفى
وَ يطك بيهن ربيع ، الصايرات رمَاد
حَبيبي الليّل ما ينگاد
ليليّة الحچي ينعاد ..
بيّني وَ بين كُل صورة تلم وجهَك
هلبَت شوگك يحنّلي .

منَ گِتلي اللهِ يعوضكَ
نزِلتَ رِاسي وبچيت
وماكو شِي يَوصف شعوريَ
لهذا ساكِت ما حجيِت
أنا صح ما بُينتَلك
لچنَ ساعتِها انتهِيت
وكام كلشي بجسمِي يرجِف
وگوه على الحايطَ تچيت
وبهالاثناء أنطيت ضهري
وبُس درت وجهك هَويت
وواعد روحي أنسى كلشي
بس أبشرك ما نسيت!

واذا تطلب عِيوني وداعتك هاك
عِمت عين العِيون الما تشوفك .

لك انا بيه عتب لو نكَعد
وينحچي يومين من الدمع
ما ينشف ردانك
ويضحكلي چان الهوى
من جنه نتحاجه هسه
اكعد اني وهلي ونطلع
بصورتك ونكَوم نتباجه

المُصيبة بكُلشي هَازمني
حَتى مِن أرد افوز عَليك
أرد مِن الحَرب خاسَر
أحَبك للا طرف واحَد
وللا طرفين
أحبك مِن طرف عَاشر .

براحَتك
ماشيل بگلبي حقد
بس أنت مختار البعد
موجود يمته ماتِرد
والطوبة هسة بساحتك
واضِح كلامي وصدگه
ومِن تمشي راسگ دنگه
مِثلي أذا گلبك لگه
ساعتها أرفع هامِتك.

#محتاج_طيبـة_گلب #ومحتاج_صاحب_زيــن #ومحتاج_مـره_الدمع #ما_ينزل_من_العيــن

شما اريد اترك
ودادك يصحى بيه !

تدري شكثر تانيت من گتلي تاني
رد يوسف ليعگوب واني بمچاني !

روحي عگبك چن عشيره بلا چبير

آنه والجنطـه وشكـو بروحـي خضار
أتراب اهلنه الـ ما رضـه
يفارگ قميصي و الحنيـن
آنه و الجنطـه أنتشـابه
مدري ياهو .. يگود بينه
ومدري وين مسافرين

كضينه العمر والامل شربة ماي
حسبنه احساب والمحسوب مكلوبي
زرع فلاحنه حنطه وحصدله ادنان
والعنبر صبح للشاد بحروبي
اخذهه الدار كلهه وما اليه مجان
واكل زادي هني رد شكك بثوبي
سيسنه بنهر موحل لحد الهام
لا جدم الثبت والطين مركوبي
علينه الوكت يضحك والدفوف ادك
والرافكَ الشينه يركَص بجوبي

فكهن ولك خنشوف ذني الـوردتين

نمونــه خاب شبيـك ضلــن دگمتيـن

مَرآت اكو بگلبك حَچي

بَس تِنجُبر ما تِحچي

ومَرات عينَك ما تصب

بَس تِلگه گلبك يبچي