انا منيلي لو ما علي وياي
نعمة من الله لمن صار مولاي
وادم فقره مانملك مساكين
بس عدنه علي مكفينه وهواي .

ما أجامل
عيني مو عين أُمك
تشوفك غَزال
و المُسامح مو كَريم
لا غَشيم
والخَلل بيه
انه انطيتك مَجال .

لبستك شرف تستر عيوب البيك
حلوه ال بالشرف كل عيب ما تلكه

بَس ضمني يمك
رايدَ تلمنيِ بأيدك
حلمي ضَلمة
وأكعد بنص الليل أريدك
ابقى يمي
خايف تضيع مني
شلون اجيبك

شسولفلك عَلى حوَالي
مِيت بَس عدل والشَوك چتالي.

بالمحطه ردنه ننزل
تالي ناسينه الحنين
ولا عرفنه
لملمينه متاعنه وردينه غربه

"طوُاريكم بعد هيهات تنجاب ،
كرهناكم بعد شيفيد العتاب ".

مَتغـيُر ونـَاسُيـني!
يـَمكن طَرفِ ثالث،
دخَل يِخصُمًها بينَه وبَيِنيَ.
ويگول أفگدك لو غَبتِ
بَس وكَتيُ ، مَا يَكُفِيني!
چَذابِ مَا يحَچيُ الصُدگ!
واللّٰة العُظيم من أحترگ.
يَسُتنِکف يَطُفِيَني!

ماگلك نسيت بس اسويها
القصيدة البيهه كاتب على عيونك بيت
رحتلها حرگتها وورثت بيها
وهاي الذاكره بيوت العليهم ثار
اول تالي تخليها .

ما خليتها بكَلـبه وشكو شي
رادة مني سويته وامانة الله
داريته من إنسان يكره روحه
ويذمها لحدما كَـام يكرهني
ويحب بس نفسه خليته .

نسيتك وأنتهى الموضوع
ومو أنتَ!
اليعرفك بعد ماذكره

بسوادّ الليل
تتلملم حَمامات الحزن بيّة
ومَصابيح المدينة تموت .

ما تلكه مثلي يهدلك الحيل
نعسان بس اسهرلك الليل

مِن آخر " حَبيبي" و غُربتي تفوح
مِن أول ليلَة بعدَك عُمري خَلصان.

شغرد والغصن مبيوع

والشجرة الاحبها سولفت سري!

يالتسأل تگلي شلون الأحوال
انا عاشور عيني ورمشي زنجيل .

شحچي لِليسأل علينا
بعد ما ملگاك چان وياي شبگة
نرجع نسلم بدينا ؟

مو بَس السِلاح الكِلمه هم تِكتِل
إِذا مَصدر الكِلمه نابِع مِن الخِلّ
ساعَتها الگلب ينخطف لونه بساع
وتِهل الدموع إِللي بصعوبه تِهل

اليسافر للبچي ياخذ عيوني متاع
على جفني ولام جايه مخيطة الدمعة
اليفارگني شبر ابقى التفتله سنين
وأتاني بكل جرح يا لچمة الترجعه ..

على غفله مشيتوَ عَاد ودعونه
ترَا اليكتل كتل هم عطوَه ينطونه .

انتَ ما شايف حمل
هم التفاصيل الصغيرة
شگد يقهرك صرت اخاف
من الشوارع والأماكن
والأغاني البيها اذكرك.