هز جذع المواقف والثكيل يطيح
وحسب وگفاتهم قيم اليماشونك

ولا تترس شليلك بالحجي البالسوك
اكو بيهم صحبته بطرگ الشلونك

وخلها ابالك انت العين هم غربيل
الماقدر دمعتك رخص اعيونك.

لاتعاشر شمس وتكول توفــــــي وياي
مو طبع الشمس للنـــــــــاس وفـــايه
ولا تأمن شخص لو شفته طيب السان
يرميلك سهم ويـــلفـــه بحــجـــايـــه
ولايغرك نهر لو شفتــه ازرك لــــــــون
ماتدري النهر انت شغــــــمك مايــــه
بس ازرع شجر ماتخسر انت بهـــــاي
لأن وكت التـــــــعب ترتاح بفـــيــايــه
وضل دور صديق يفيد وكـــــت الضيج
يوكفلك جسر ويــصـــــير تجايــــــــه.

شكد حاولت ردت افتهم شنهو اليدور ببالك،
ماي انه طايحلك جنت بس انت مدري شمالك..

باحساس كل ناس دخلت،
بس مادخلت احساسك..
وانت ترف من كل كتر..
بس جان يابس راسك..

چـان مـن ألاول و أفـهـم الـمـوضـوع
الـثـوب الـمـارهـم مـو شـرط يـتـخـصـر ..

ناري بيه
وشيلت عيني
اعله دربك من كثر ما فرفحت من مايهه
الما غسل كلبك شيلتها
وأملتها ابشوفتك وبطاري كربك جذبتني
وحملتني اذنوب وذنوب العتب
زود اعله صبرك

من فيض الاغاني وموگد الوحشه
من غصن الحَنين المحترگ عشّه
من بوسة الظلمة ..لراية الغبشه
اجيـتك ميّت ومحـتار
يا جنّـاز يتمشى بثگل نَعـشه
ومن ردّيت منـك مشتعل دمّي
رسمت الحلم عـ اللَـوحة
واللَوحة جَـبين امي

انه من كتلك احبك
هاي مو معناها تشتريلي الاذيه
إنه صح اعشك ضحكتك
لجن مو تضحك عليه

أحنة كلش مؤنسين
لو تجينا ماتحب لأهلك ترد
و يا برد هذا اليجيسك ؟
نشعل البيت لحضرتك هاي اذا جاسَك برد
أحنة ناس حنان كلش
لو يمُرنا الـ مثلَك نضَيفه ورد

عدت مَشهد ضحكتك
بس لگيته رماد
طفى ويا غيري
بس بوجهي طشيته
علي يفتل غرورك مو عشگ دُخان
و العذيبي اليهب عطاب سويته
هواك لشمعتي
سولف بطول الخيط
شعل رُوحي و حنينك
بيه طفيته
أختنك ليلك براسي
وما تنفس طيف
وفَجرك هوى يمرني
وما اشتميته

الما يندّل خيَالي بروحَي ما أخليَ
وما يرهمّ عليه لو نِفس جيته
التعداني بحِلم يلگاني عابُر ليل
الفجر گبل الشمسّ بعيوني وشلته
الما يشتاگلي ينترس حضنه فراگ
على الملگه من أسَولف ما تذكرته .

ما متعود ارجع من حرب خسران
ولا متعود اغفى وواحد ببالي
رجعت من السما تارس جنطتّي نجوم
حتى من السما ما عرف ارد خالي
شجاع بكلهن من الجذر للجمار
واذا ع الكرم سيفي انطيه لكتالي
يمكم بيركم، مالح حلو تشربون
ما مجبور أجاملكم بشلالي..

الك جنت التفت وادري انت ما موجود
اذا ابالك حرف من اسمي عديته
بعد ما التفت لو سما بظهري طيح
حسبالك گبل
لا گلبي جويته
كمت اخذ نفس وبريتي ينزل غيم
وندليت علتي وجرحي كضيته
روح الهوا بظهرك والهويته يروح
مو بس شوفي عنك ، سمعي غضيته

انا منيلي لو ما علي وياي
نعمة من الله لمن صار مولاي
وادم فقره مانملك مساكين
بس عدنه علي مكفينه وهواي .

ما أجامل
عيني مو عين أُمك
تشوفك غَزال
و المُسامح مو كَريم
لا غَشيم
والخَلل بيه
انه انطيتك مَجال .

لبستك شرف تستر عيوب البيك
حلوه ال بالشرف كل عيب ما تلكه

بَس ضمني يمك
رايدَ تلمنيِ بأيدك
حلمي ضَلمة
وأكعد بنص الليل أريدك
ابقى يمي
خايف تضيع مني
شلون اجيبك

شسولفلك عَلى حوَالي
مِيت بَس عدل والشَوك چتالي.

بالمحطه ردنه ننزل
تالي ناسينه الحنين
ولا عرفنه
لملمينه متاعنه وردينه غربه

"طوُاريكم بعد هيهات تنجاب ،
كرهناكم بعد شيفيد العتاب ".

مَتغـيُر ونـَاسُيـني!
يـَمكن طَرفِ ثالث،
دخَل يِخصُمًها بينَه وبَيِنيَ.
ويگول أفگدك لو غَبتِ
بَس وكَتيُ ، مَا يَكُفِيني!
چَذابِ مَا يحَچيُ الصُدگ!
واللّٰة العُظيم من أحترگ.
يَسُتنِکف يَطُفِيَني!